Վրաստանում ներքաղաքական իրավիճակը կրկին լարվում է. խորհրդարանի ծեծկռտուքից հետո ցույցեր են մեկնարկում

Տևական ժամանակ կարծես թե հանդարտված ներքաղաքական իրավիճակը Վրաստանում կրկին փոթորկվել է: Երկրում մեկնարկում է բողոքի ցույցերի, ակցիաների, հանրահավաքների ու դժգոհությունների նոր փուլ:

Ամեն ինչ սկսվեց այն բանից հետո, երբ կիրակի՝ հուլիսի 11-ին հայտնի դարձավ TV Pirveli- ի օպերատոր Լեքսո Լաշկարավայի մահվան: Նա օրեր առաջ դաժան ծեծի էր ենթարկվել Վրաստանում անցկացվող ակցիաներից մեկի ժամանակ՝ ԼԳԲՏ համայնքի հակառակորդների կողմից: Տարբեր աստիճանի վնասվածքներով ու կոտրվածքներով նա մի քանի օր ստացիոնար բուժում է ստացել հիվանդանոցում, այնուհետ՝ դուրս գրվել:

Լաշկարավայի մահվան փաստով քրեական գործ է հարուցվել: Վրացական մամուլում նրա մահվան մասին մի քանի վարկածներ կան՝ իրավապահ տարբեր աղբյուրների հղումներով: Մեկ նշվում է, որ քրեական գործը հարուցվելու է ինքնասպանության հասցնելու հոդվածով, մեկ հիշատակվում, որ օպերատորի մահը վրա է հասել թմրանյութերի գերդոզավորման հետևանքով, որոշ աղբյուրներ էլ երիտասարդի մահը կապում են իշխանության ներկայացուցիչների հետ՝ քաղաքական հետքեր նշմարելով:

Մահվան լուրից անմիջապես հետո երկրի ընդդիմության ներկայացուցիչները անհնազանդության ակցիաներ կազմակերպեցին՝ նախ կարմիր ներկով ներկելով խորհրդարանի մուտքի հատվածը, այնուհետ ՝ վրացական պատրիարքարանի մուտքի մոտի արձանը: Դրան հաջորդեցին բողոքի փոքրաթիվ ցույցերը՝ ընդդիմության առաջնորդությամբ. պահանջում էին Վրաստանի վարչապետի հրաժարականը:

Երեկոյան ցուցարարները՝ հասարակական կազմակերպությունների ներկայացուցիչներ, ակտիվիստներն ու մի շարք ընդդիմադիր ուժեր, ներառյալ Միացյալ ազգային շարժման (ՄԱԿ) ներկայացուցիչները, հավաքվել էին երկրում իշխող «Վրացական երազանք» կուսակցության գրասենյակի մոտ:

Հավաքվածները պահանջում էին կառավարության հրաժարականը, քանի որ գտնում են, որ նա է կատարվածի թիվ մեկ պատասխանատուն: Ըստ ներկաների,  ոստիկանությունը հուլիսի 5-ին չի կատարել իր հիմնական առաքելությունը` չի ապահովել քաղաքացիների` տվյալ դեպքում տեղում աշխատող լրատվամիջոցների անվտանգությունը. հոմոֆոբ խմբավորումների գործողություններից այդ օրը տուժել է ավելի քան հինգ տասնյակ լրագրող: Լրագրողական համայնքի մեծ մասը միացել է ընդդիմության հանրահավաքին:

Ակցիայի մասնակիցների խոսքով, բողոքի ակցիաները չեն դադարի այնքան ժամանակ, քանի դեռ վարչապետը և ներքին գործերի նախարարը քաղաքական պատասխանատվություն չեն ստանձնել TV Pirveli- ի օպերատոր Լեքսո Լաշկարավայի մահվան համար:

 Այսօր առավոտյան, կառավարության նիստում Վրաստանի վարչապետ Իրակլի Ղարիբաշվիլին անդրադարձել էր երեկ Թբիլիսիում անցկացված բողոքի ցույցերին, որոնց ընթացքում ցուցարարները պահանջում էին իր ու կառավարության հրաժարականը: Նա հայտարարել է, որ չի պատրաստվում հրաժարական տալ, իսկ երկրում տեղի ունեցող անկարգությունների մեղավորը Վրաստանի ընդդիմությունն է,  նախկին վարչապետ Միխայիլ Սահակաշվիլին է ու նրա աջակիցները:

Լրագրողներն ու ընդդիմության անդամները, ովքեր նախորդ օրը պահանջում էին կառավարության հրաժարականը, կառավարության նիստից հետո ճեղքեցին խորհրդարանի մոտ ծառայություն իրականցնող պահակախումբը և ներխուժեցին շենք: Նրանց օգնեցին ներսում գտնվող ընդդիմության պատգամավորները, ովքեր պահանջում էին թույլատրել ԶԼՄ ներկայացուցիչներին հանդիպումների սենյակ մտնել: Արդյունքում, խորհրդարանում ծեծկռտուք սկսվեց սկզբում իշխանական ու ընդդիմադիր պատգամավորների, այնուհետ լրատվամիջոցների ներկայացուցիչների հետ: Ծեծկռտուքն ուղիղ հեռարձակվեց վրացական հեռուստաալիքներով:

Ղարիբաշվիլին կիրակնօրյա հանրահավաքն ու մյուս իրադարձություններն անվանել է «հակապետական, հակաեկեղեցական և հակազգային գործողություններ»:

Լրագրողները նշել են, որ առավոտյան իրենք պարզապես  սպասում էին Վրաստանի խորհրդարանի առջև՝ հույս ունենալով, որ վարչապետի հետ հանդիպում կունենան, բայց երբ ծառայություն իրականացնող մեծաթիվ ոստիկանները արգելել են մոտենալ խորհրդարանի մուտքին, սկսվել է քաշքշուկ, և հերթական փորձից հետո լրագրողները հասցրել են ներխուժել նիստերի դահլիճ:

Լիարժեք աջակցություն հայտնելով ԶԼՄ ներկայացուցիչներին, ընդդիմության պատգամավորները զբաղեցրել են խորհրդարանի խոսնակի տեղը և ամբիոնից կախել Վրաստանի և Եվրամիության դրոշները ՝ հերթական անգամ պահանջելով կառավարության հրաժարականը: Որոշ ժամանակ անց կարգադրիչները բռնի ուժով ազատեցին ամբիոնը ընդդիմության պատգամավորներից, իսկ ընդդիմության մեծ մասը հայտարարեց, որ ի նշան բողոքի, բոյկոտելու է խորհրդարանի աշխատանքը:

«Ընդդիմության պատգամավորները չեն մասնակցի խորհրդարանի աշխատանքներին, քանի դեռ Ղարիբաշվիլին հրաժարական չի տվել և չեն նշանակվել արտահերթ խորհրդարանական ընտրություններ», - հայտարարել է ընդդիմադիր «Լելո» կուսակցության առաջնորդներից Բադրի Ջափարիձեն:

Իրադրության փոքր-ինչ խաղաղվելուց հետո ընդդիմությունը կոչ է արել իր կողմնակիցներին միանալ լրագրողների բողոքի ցույցին երեկոյան`կառավարության հրաժարականը պահանջելու համար:

Ընդդիմությունից հայտարարել են՝ բողոքի ցույցերը չեն դադարելու, քանի դեռ պահանջները չեն բավարարվել:

Նշենք, որ այսօր հայտնի է դարձել Լեքսո Լաշկարավայի մահվան գործով քննության շրջանակներում ձերբակալված 5 անձանց մասին: Նրանք կասկածվում են  լրագրողի մասնագիտական գործունեությանը խոչընդոտելու, բռնության գործադրմամբ հետապնդումների, ինչպես նաև խմբային բռնություն կազմակերպելու մեջ:

Հուլիսի 5-ին, բացի Լաշկարավայից, ավելի քան 50 մարդ, հիմնականում լրագրողներ ենթարկվել էին  հարձակման ծայրահեղ պահպանողական խմբերի կողմից, որոնք դեմ էին Թբիլիսիում անցկացվող ԼԳԲՏ  երթին:

Տպել
686 դիտում

ՀԱՊԿ-ին ուժի կիրառման հարցում տարածաշրջան ներքաշելը կարող է լուրջ բախման պատճառ դառնալ. Սեյրան Օհանյան

Դուք Հայաստանում եք մեզ համար շատ դժվար ժամանակաշրջանում․ Արման Եղոյանն ընդունել է հույն պատգամավորներին

Սիգի ձվադրման ժամանակահատվածով պայմանավորված կարգելվի բոլոր տեսակի որսագործիքների և լողամիջոցների մուտքը Սևանա լիճ

Երևանի գերեզմանատները մաքրվում են տասնամյակների շինաղբից․ աղբակույտերի տակ էին մնացել հին գերեզմանատեղերը

Ձերբակալվել են «Հայանտառ» ՊՈԱԿ-ի «Թումանյանի անտառտնտեսություն» մասնաճյուղի տնօրենն ու ևս երկու անձ

Վանաձորում ՀՀ ոստիկանության աշխատակիցների և քաղաքացիների միջև տեղի ունեցած միջադեպի առթիվ նախաձեռնվել են քրվարույթներ

Ադրբեջանի ԶՈՒ-ն խախտել է հրադադարը, կիրառվել է նռնականետ․ ՊԲ-ն ունի 2 վիրավոր

Միջազգային համաժողովի մասնակիցներն այցելել են Հայոց ցեղասպանության հուշահամալիր

ՀՀ գլխավոր դատախազության ավտոմեքենան վթարի է ենթարկվել

Ալիևը հնարավոր էսկալացիայի պատասխանատվությունն այս գլխից վերցնում է իր վրա. Արարատ Միրզոյանի հարցազրույցը «Արմենպրես»-ին

Ադրբեջանը հայկական կողմին է փոխանցել սեպտեմբերյան ագրեսիայի ժամանակ զոհված 13 հայ զինծառայողի մարմին

Դատավոր Դավիթ Բալայանը հրաժարվել է պաշտոնի առաջխաղացումից

Կկայանա զինծառայության զորակոչից տարկետման դիմումների բողոքարկումը․ մասնակցությունը պետք է հաստատել այսօր՝ մինչև 18։00-ն

Մինչև 2028թ․ տիեզերք կարձակվի հայկական ևս 2 արբանյակ․ վարչապետին է ներկայացվել ԲՏԱ նախարարության 2022-ի գործունեությունը

Քննարկվել է ԱՄՆ-ի կողմից ՀՀ-ին շուկայական տնտեսության կարգավիճակ տրամադրելու գործընթաց իրականացնելու հարցը

Հայտնաբերվել է վտանգավոր սննդամթերք

Երևանում կանցկացվի «Ընդդեմ ցեղասպանության հանցագործության» 4-րդ գլոբալ ֆորումը

Խորհրդակցություն ՀՀ պաշտպանության նախարարի գլխավորությամբ. քննարկվել են զինված ուժերում իրականացվող աշխատանքները

Հայաստանը կմասնակցի ՅՈՒՆԵՍԿՕ-ի ոչ նյութական մշակութային ժառանգության պաշտպանության հարցերով միջկառավարական նստաշրջանին

Կրկին փակվելու է Պուշկինի հատման անկյունից մինչև Հանրապետության հրապարակ հատվածի երթևեկությունը

Դիտողությունը ճիշտ էր. Գյումրիում Ամանորի համար տրամադրվելիք գումարը դարձել է 12 մլն 100 հազար դրամ

Հայ-ադրբեջանական սահմանին գրեթե ամեն օր փոխհրաձգություն է, բոլորի նպատակը տարածաշրջանի խաղաղության հասնելն է. Զաս

Նախագահի նստավայրում տեղի է ունեցել Հակակոռուպցիոն դատարանի դատավոր Լիլի Դրմեյանի երդման արարողությունը

Ընդդեմ Թուրքիայի՝ ՄԱԿ-ի գրասենյակի դիմաց քրդական համայնքն այսօր ակցիա է իրականացրել

Պատերազմի ժամանակ հաշմանդամություն ստացած տղաներին նվիրված համերգի ժամանակ ոչ ոք չհիշեց զոհված տղաներին. Աննա Հակոբյան

Շատ մարտահրավերներ մնում են չլուծված. Տոյվո Կլաարն ամփոփել է Բաքվի այցը

Գեղարքունիքի տեղահանված բնակչության մոտ 90 տոկոսը վերադարձել է բնակության վայրեր. մարզպետը՝ ՄԱԿ-ի պատվիրակությանը

Եկամտի ավելացմամբ պայմանավորված՝ քաղաքացին կարող է դուրս մնալ անապահովության համակարգից. պարզաբանում

Վեճ ու դանակահարություն Խուդյակովի փողոցի տներից մեկի մոտ. վնասվածք պատճառած երիտասարդը հայտնաբերվել և ձերբակալվել է

Վաչե Տերտերյանն ընդունել է ՀՀ-ում Ֆինլանդիայի դեսպան Կիրթսի Նարինենի գլխավորած պատվիրակությանը

Գյումրու ավագանին 2 մլն դրամով Սպիվակովի համերգի 200 տոմս ձեռք կբերի երաժշտական դպրոցների սաների ու դասավանդողների համար

Մանկական երկաթուղուն հարակից թունելում անցկացվելու է հրդեհաշիջման թեմայով ուսումնավարժություն

Անցած շաբաթ սահմանային 3 միջադեպ է գրանցվել Մարտունու և Մարտակերտի շրջաններում. Արցախի ոստիկանություն

ԴԱՀԿ միջազգային միությունը 70 տարեկան է․ ՀՀ գլխավոր հարկադիր կատարողը Փարիզում մասնակցել է լիագումար նիստին

Կդադարեցվի Երևանի 4 վարչական շրջանների մի շարք հասցեների ջրամատակարարումը

Համատեղ ջանքերով կկարողանանք որակապես նոր մակարդակի բարձրացնել հայ-ալբանական հարաբերությունները. վարչապետն ուղերձ է հղել

Ռիքերը Բաքվում է. Ալիևի հետ նրանք քննարկում են ունեցել հայ-ադրբեջանական կարգավորման մասին

Պետական դավաճանությանն օժանդակելու համար մեղադրվող Ա. Պ.-ն կալանավորվել է. դատարանը բավարարել է դատախազի բողոքը

ՀՀ նախագահն Անկախության օրվա առթիվ շնորհավորել է Ալբանիայի գործընկերոջը

Մրցակցության պաշտպանության հանձնաժողովի նախագահը մեկնել է Փարիզ