Ռադիկ Մարտիրոսյանը հակադարձում է՝ ԳԱԱ նախագահի ընտրությունը տեղի է ունեցել առանց խախտումների

Գիտությունների ազգային ակադեմիայի նախկին նախագահ, գործող նախագահի խորհրդական Ռադիկ Մարտիրոսյանը, արձագանքելով ԳԱԱ նախագահի թեկնածուներից Լենսեր Աղալովյանի այն պնդմանը, թե հունիսի 28-ին ԳԱԱ նախագահի ընտրությունը տեղի է ունեցել կոպիտ խախտմամբ, նշում է, որ ընտրությունը տեղի է ունեցել գործող իրավական փաստաթղթերի հիման վրա՝ առանց խախտումների:

«ԳԱԱ մասին օրենքը եւ ԳԱԱ կանոնադրությունը (երկուսն էլ ընդունվել են Ռադիկ Մարտիրոսյանի նախագահության օրոք՝ 2011 թվականին-խմբ.) Կառավարության կողմից հաստատված փաստաթղթեր են, եւ ընտրությանը շարժվել ենք գործող իրավական փաստաթղթերով»,- նշեց Ռադիկ Մարտիրոսյանը:

Հիշեցնենք, որ ակադեմիկոս Լենսեր Աղալովյանը մեր զրույցում նշել էր, որ ընտրությունը տեղի էր ունեցել մի շարք խախտումներով: Մասնավորապես նա խախտում է համարում ԳԱԱ նախագահի ընտրության այն կարգը, ըստ որի՝ եթե առաջին փուլում թեկնածուներից ոչ ոք չի հավաքում ընտրությանը մասնակցողների ձայների պարզ մեծամասնությունը, ընտրության երկրորդ փուլ է անցնում այն մեկ թեկնածուն, որը ստացել է ընտրության մասնակիցների առավելագույն ձայները: Այս կարգը, սակայն, Աղալովյանի պնդմամբ, երկրորդ փուլի անցկացման տրամաբանությունը իմաստազրկում է։ Ու բացի դրանից՝ կարգը ժամանակին հաստատվել է միայն նախագահության որոշմամբ եւ չի ներկայացվել ԳԱԱ կառավարման բարձրագույն մարմնի՝ Ընդհանուր ժողովի հաստատմանը, որը եւս Լենսեր Աղալովյանը համարում է խախտում։

Ռադիկ Մարտիրոսյանի խոսքով՝ ԳԱԱ նախագահի ընտրության կարգը հաստատելը միայն նախագահության գործառույթների մեջ է, իսկ Ընդհանուր ժողովն ունի այլ գործառույթներ, այդ թվում՝ նախագահության հաշվետվության հաստատելը կամ չհաստատելը: Նրա խոսքով՝ Ընդհանուր ժողովը գումարվում է տարին առնվազն մեկ անգամ, ու Ընդհանուր ժողովում հաստատելով նախագահության հաշվետվությունը, ավտոմատ կերպով հաստատվել է նաեւ այդ կարգը: Այսինքն՝ Ռադիկ Մարտիրոսյանի խոսքով՝ նախագահության գործառույթների միջոցով այդ կարգն իհարկե հաստատվել է Ընդհանուր ժողովում:

«Կանոնադրությունը հաստատվել է 2011 թվականին, հաստատվելուց հետո այն դրվել է կայքում, գաղտնի չէ: Աբսուրդը նրանում է, որ նա (նկատի ունի Լենսեր Աղալովյանին-խմբ.) ինձ հետ մասնակցել է նաեւ 2011 թվականի ընտրություններին, որը տեղի է ունեցել համաձայն այս կարգի: Այս դեպքում ասել, թե կարգին ծանոթ չեմ եղել, ես դա չեմ հասկանում. ուրեմն ակադեմիկոսը մասնակցում է ընտրություններին եւ չգիտի՞ այդ կարգի մասին»,- ասաց Ռադիկ Մարտիրոսյանը:

Լենսեր Աղալովյանի այն պնդմանը, թե նախագահի վերջին ընտրության նիստը վարող Ռադիկ Մարտիրոսյանը  պարտավոր էր ընթերցել կարգը, որը, սակայն, չի արել, ակադեմիայի նախագահի խորհրդականը արձագանքեց հետեւյալ կերպ.

«Կարգը ընթերցելը նշանակում է, թե ես նիստից առաջ օրենքը ծայրից ծայր պիտի կարդա՞մ. ի՞նչ իմաստ ունի դա, եթե այն 2011 թվականից չի բողոքարկվել, չի քննադատվել: Ակադեմիայի ցանկացած անդամ պետք է այդ երկու իրավական ակտերն ընթերցի, իմանա, թե ինչ իրավունքներ, ինչ պարտականություններ ունի. ի՞նչ է նշանակում կարգը բացատրել, դպրո՞ց է, մանկապարտե՞զ է, ի՞նչ է»,- ասաց Մարտիրոսյանը, ապա պատասխանեց, թե ինչու Լենսեր Աղալովյանի առաջարկով հարցը չի ներառվել օրակարգում.

«Հարցն օրակարգ մտցնելու համար մարդիկ պիտի նախօրոք, ոչ թե այդ ժողովի ընթացքում դիմեին, եւ օրակարգում կարելի է ավելացնել հարց, որի իրավասությունն ունի քննարկելու տվյալ ինստիտուտը»:

Հարցրինք նաեւ, թե ինչն էր պատճառը, որ 2011 թվականին փոփոխվել է երկրորդ փուլի տրամաբանությունը, որի վերաբերյալ Ռադիկ Մարտիրոսյանը ասաց հետեւյալը.

«Դուք հիմա ինձ ասում եք՝ ես հիմնավորեմ, թե 10 տարի առաջ ինչու ենք այդ փոփոխությունը մտցրել: 10 տարի առաջ մեր կանոնադրության մեջ միայն այդ կետը չի փոփոխվել. փոփոխություններ շատ են եղել, որովհետեւ նախորդ տարիների կանոնադրությունների մեջ թերություններ շատ կային: Այդ բոլոր փոփոխություններն արտացոլվեցին նոր կանոնադրության մեջ»։

ԳԱԱ նախագահի խորհրդականը հերքեց Լենսեր Աղալովյանի այն նկատառումը, թե նախագահի ընտրության կարգում վերոնշյալ եւ ԳԱԱ կանոնադրության մեջ այլ փոփոխություններն արվել են՝ հետագայում իր համար հենարաններ ապահովելու նպատակով:

Որպես հիմք նա բերեց դեռ 2006 թվականի ընտրությունը, երբ ինքը նախագահ էր ընտրվել միանգամից, մեկ փուլով։ Խոսելով հաջորդ՝ 2011 թվականի ընտրությունների մասին, նա ընդգծեց, որ այդ ընտրության ժամանակ ինքը ստացել է 102 կողմ ձայն, իսկ թեկնածու Լենսեր Աղալովյանը՝ 34 կողմ ձայն:

«Եթե ես 4 անգամ ավելի ձայն եմ ստացել մի ընտրության ժամանակ, ինձ պե՞տք էր ինչ-որ բաներ փոխել: Արդյունքը գնահատում են ոչ թե բառերով, արդյունքը գնահատում են թվերով»,- ասաց նա:

Ռադիկ Մարտիրոսյանը չհերքեց, որ ինքն ու նորընտիր ԳԱԱ նախագահ Աշոտ Սաղյանը մտերիմ ընկերներ են:

«Ես այդտեղ վատ բան չեմ տեսնում, որ մտերիմ ու միեւնույն ժամանակ լավ մարդիկ ընտրվեն»,-ասաց նա։

ԳԱԱ նախագահի խորհրդականը նշեց նաեւ, որ նիստի ընթացքում ինքը փոքր հաշվետվություն է ներկայացրել, եւ կադրերի երիտասարդացման հարցի ներկայացման ժամանակ ասել է, որ այսօր շատ կարևորում է այդ խնդիրը:

Հարցին, թե սա ուղիղ հրահա՞նգ չէ ընտրությունից անմիջապես առաջ ընտրելու ամենաերիտասարդ թեկնածուին՝ Աշոտ Սաղյանին, Ռադիկ Մարտիրոսյանի փոխարեն արձագանքեց ակադեմիայի թղթակից անդամ Հրանտ Մաթեւոսյանը, որը ներկա էր մեր զրույցին:

Նա բացառեց այդ հանգամանքը՝ նշելով, որ զեկույցից հետո ելույթներ ունեցան շատ ակադեմիկոսներ, որոնք եւս խոսեցին կադրերի երիտասարդացման անհրաժեշտության մասին:

Ռադիկ Մարտիրոսյանը հավելեց, որ ակադեմիայի վերադաս օրգանը ԿԳՄՍ նախարարությունը չէ, այլ Կառավարությունը, ուստի կրթության նախարարությունն իրավասություն չունի ընտրության երկրորդ փուլ կամ նախագահի նոր ընտրություն նշանակելու, ինչի պահանջով նախարարություն է դիմել Լենսեր Աղալովյանը: Անդրադառնալով ակադեմիայի հետագա զարգացմանն ուղղված ծրագրերին՝ Ռադիկ Մարտիրոսյանը նշեց, որ նորընտիր նախագահի հետ միասին աշխատում են ակադեմիայի զարգացման տեսլականի, ռազմավարության մշակման վրա, եւ բոլոր ուժերը կենտրոնացնելու են՝ գիտությունը երիտասարդների համար գրավիչ դարձնելու համար:

Առաջիկա տարիներին աշխատելու են գիտահետազոտական ուղղությունների ներուժի օպտիմալացման վրա, վերանայելու են այն գերակա ուղղությունները, որոնք անհրաժեշտ են մեր պետության համար, մեծ ուշադրություն են դարձնելու կադրերի երիտասարդացման հարցին:

Տպել
1163 դիտում

«Պատերազմից հետո ինձ ֆիլմ հետ բերեց մաեստրո Մանսուրյանը»․ տեղի ունեցավ երկար սպասված «Զուլալիի» պրեմիերան

Բյուրեղավան համայնքում ավարտվել են ներհամայնքային ճանապարհների կապիտալ ասֆալտապատման աշխատանքները

ՅՈՒՆԻՍԵՖ-ն Արմավիրի առողջության առաջնային պահպանման կենտրոնների համար բժշկական սաքավորումներ է տրամադրել

ՔՈՎԻԴ-19-ի դեմ պատվաստված անձինք 12 անգամ ավելի քիչ են հոսպիտալացվում․ ԱՄՆ-ում իրականացված հետազոտություն

Արման Եղոյանը ԵՄ Թվինինգ ծրագրի շրջանակներում հանդիպումներ է ունեցել Իտալիայի խորհրդարանի գործընկերների հետ

Կարմիր Կատար լեռը ներառվեց բնության հուշարձանների ցանկում

Մեղրաշատ գյուղում այրվել է մոտ 40 հա խոտածածկույթ

Ես չեմ տեսնում պետականամետ ընդդիմություն, նրանք ավելի շատ ռևանշիստներ են, մուռ հանողներ, վրեժ լուծողներ․ Մհեր Արմենիա

Եվրամիությունն աջակցում է տարածաշրջանում խաղաղության ամրապնդմանը․ Արշակ Կարապետյանն ընդունել է Տոյվո Կլաարին

Ալեն Սիմոնյանը Աթենքում հանդիպել է ԵԱՀԿ խորհրդարանական վեհաժողովի նախագահ Մարգարետա Սեդերֆելթի հետ

Ֆրանսիայի Սենատի փոխնախագահն Ալեն Սիմոնյանին է փոխանցել Սենատի նախագահի հրավերը՝ այց կատարելու Ֆրանսիա

Ռուստամ Բադասյանը և Իրանի մաքսային ծառայության ղեկավարը կարևորել են Մեղրիի սահմանային անցակետի արդիականացումը

Կորոնավիրուսից մահացել է Տիգրան Կարապետյանը

Տրամադրվել է առաջին լիցենզիան՝ Տիեզերական գործունեություն իրականացնելու համար

Ալեն Սիմոնյանը բարձր է գնահատել Սլովենիայի հավասարակշռված մոտեցումը ԼՂ հիմնահարցում

Բադասյանը և Ռուսլան Դավիդովն արձանագրություն են ստորագրել. կարդիականացվի մաքսային ոլորտի իրավապայմանագրային դաշտը

Միրզոյանը և ԱՄՆ պետքարտուղարի եվրոպական և եվրասիական հարցերով տեղակալը քննարկել են տարածաշրջանային անվտանգության հարցեր

Մեկ բնակարան, մեկ հողամաս և մեկ մեքենա. ինչ ունեցվածք ունի Շիրակի մարզպետը

Արտակարգ դեպք Արմավիրի մարզում. 19-ամյա զինվորը տեղափոխվել է հիվանդանոց. shamshyan.com

Սկսում ենք կրկնակի դիպլոմների շնորհման գործընթացը․ Հայաստանի եվրոպական համալսարանը նշում է հիմնադրման 20-ամյակը

ՀՀ քաղաքացիություն ստանալու դիմումների քննարկման ժամկետը 6 ամսվա փոխարեն կսահմանվի 90 աշխատանքային օր. ԱԺ (լուսանկարներ)

ՔՊ-ն հեղափոխական իր ամենակարևոր խոստումը պահել է՝ մենք ընտրությունները թողնում ենք ժողովրդին. Արմավիրի համայնքապետ

Արշակ Կարապետյանը ՆԱՏՕ-ի ներկայացուցչի հետ հանդիպմանը նշել է 44-օրյա պատերազմում ՆԱՏՕ-ի անդամ երկիր Թուրքիայի դերի մասին

Շվեյցարիան աջակցում է ՀՀ-ի հակակոռուպցիոն ջանքերին․ նախարարն ընդունել է Շվեյցարիայի Գործերի ժամանակավոր հավատարմատարին

Արարատ Միրզոյանը Տոյվո Կլաարի հետ քննարկել է տարածաշրջանային անվտանգության ու կայունության հարցերը (լուսանկարներ)

Տարածաշրջանում կան խնդիրներ, որոնք սպասում են իրենց լուծմանը․ վարչապետն ընդունել է Խավիեր Կոլոմինա Պիրիսին

ԱԺ նախագահը ԵԽ գլխավոր քարտուղարի հետ զրույցում անդրադարձել է Ադրբեջանի կողմից ռազմագերիներին պատանդության մեջ պահելուն

Բարեկամական կապերի խորացման գործում իր ներդրումն ունի Ֆրանսիայի հայկական համայնքը․ կաթողիկոսն ընդունել է Անն Լույոյին

Միրաք գյուղում այրվել է մոտ 660 հակ կուտակած անասնակեր

ԵՄ-ն հանձնառու է խորացնելու գործընկերությունը ՀՀ-ի հետ. վարչապետն ընդունել է ԵՄ հատուկ ներկայացուցչին (լուսանկարներ)

Հայաստանը համարվում է Հյուսիսատլանտյան դաշինքի վստահելի գործընկերը․ Արարատ Միրզոյանն ընդունել է Խավիեր Կոլոմինա Պիրիսին

Մուշեղ Բաբայանը նշանակվել է Հակակոռուպցիոն կոմիտեի նախագահի տեղակալի պաշտոնակատար

Սպանության փորձ մոր նկատմամբ. 56-ամյա գյումրեցին, մորը հատակին գցելով, ձեռքից վերցրել է ձեռնափայտը և հարվածել. ՔԿ

Քրեակատարողական նոր օրենսգրքի նախագծի հանրային քննարկմանը ԱՄՆ դեսպանատան ներկայացուցիչները ևս մասնակցել են

Օրակարգում Հայաստանում ռուսական դպրոցներ բացելու հարց չկա. Դումանյան

Զորամասերից մեկը մարտավարական զորավարժություն է անցկացրել (լուսանկարներ)

5 կողմ, 4 ձեռնպահ. ԱԺ հանձնաժողովը հավանություն տվեց հունվարի 2-5-ը և 7-ը աշխատանքային դարձնելու նախագծին

Հայաստան է ժամանել Լեհաստանի Մրցակցության և սպառողների շահերի պաշտպանության գրասենյակի երկրորդ պատվիրակությունը

996 ուսուցչից 468-ն է անցել կամավոր ատեստավորումը. ամենաբարձրը մաթեմատիկա առարկայի արդյունքներն են

ՆԱՏՕ-ն արժևորում է Հայաստանի հետ համագործակցությունը. Խավիեր Կոլոմինա Պիրիզը ՀՀ նախագահին (լուսանկարներ)