Տոկիո 2020. Հովհաննես Բաչկով. Վերականգնել արդարությունն ու վերցնել այն, ինչ պատկանում է իրեն

«Հայկական ժամանակը» շարունակում է ներկայացնել Տոկիոյի օլիմպիական խաղերին մասնակցության իրավունք ստացած հայ մարզիկներին: Երկրորդն այդ շարքում բռնցքամարտիկ Հովհաննես Բաչկովն է, որի ուղեգիրը հաստատվեց նախորդ շաբաթվա ընթացում:

Մարզիկի մասին

Հայ մարզիկներից շատերն են իրենց կարիերայի ընթացքում բախվում մարզական, մրցավարական անարդարությունների: Մենապայքարային մարզաձևերում, որտեղ հայ մարզիկներն ավանդաբար ուժեղ են լինում, մրցավարական գործոնը նույնիսկ չափազանց է լինում: Բայց Հովհաննես Բաչկովն այդ մարզիկների շարքի առանցքում է կանգնած: Հերթական անարդարություններից մեկից հետո Բաչկովը նույնիսկ չդիմացավ՝ ֆեյսբուքի իր էջում մեջբերելով Սիամանթոյի բանաստեղծության տողերը՝ արդարություն, թող ես թքեմ քո ճակատին:

Հովհաննես Բաչկովը 28 տարեկան է, գյումրեցի, երկար տարիներ մարզվում է բռնցքամարտի Հայաստանի հավաքականի նախկին գլխավոր մարզիչ Ռուդիկ Մկրտչյանի գլխավորությամբ: Վերջին տարիների հայկական բռնցքամարտի առաջատարն է, բայց այդ ճանապարհը Հովհաննեսի համար չափազանց քարքարոտ էր: Պատանի բռնցքամարտիկի տաղանդն ակներև էր, նա արագորեն հայտնվում է Հայաստանի պատանեկան հավաքականում և 16 տարեկանում նվաճում Եվրոպայի պատանեկան առաջնության բրոնզե մեդալը, իսկ 5 տարի անց նա արդեն Հայաստանի մեծահասակների հավաքականում էր: 2011թ.-ի աշխարհի առաջնությունը, որը Լոնդոնի օլիմպիական խաղերի համար վարկանիշային էր, ընթանում էր Բաքվում, և Բաչկովը հավաքականի հետ մեկնեց Արդբեջանի մայրաքաղաք, բայց, հասկանալի է, որ Բաքվում հայ բռնցքամարտիկներին մեդալների համար պայքարելու շանս չէին տա. Բաչկովը պարտվեց հենց առաջին մենամարտում, իսկ հայ մարզիկներից միայն Անդրանիկ Հակոբյանը կարողացավ օլիմպիական ուղեգիր վաստակել:

Տարիքի ու փորձի հետ միասին՝ Բաչկովի կարիերայում սկսեցին գալ նաև հաղթանակները միջազգային ասպարեզում: Սակայն Եվրոպայի ու աշխարհի առաջնություններում միշտ մեկ քայլ չէր բավականացնում մեդալ նվաճելու համար. պարտություններ քառորդ եզրափակիչներում, ընդ որում բավականին հավասար մենամարտերում: Մրցավարները համառորեն «չէին ուզում» տեսնել Բաչկովին մրցանակակիրների թվում: 2015թ.-ի աշխարհի առաջնությունում Բաչկովը պարտվեց կուբացի օլիմպիական մրցանակակիր Յասնիել Տոլեդոյին: Երբ հաջորդ տարվա սկզբում մրցավարները հերթական անգամ Բաչկովին զրկեցին օլիմպիական ուղեգրից, թվաց թե մարզիկի վրա անեծք կա: Հովհաննեսը մեկնեց Վենեսուելա՝ միջազգային վարկանիշային մրցաշարի, բայց ուղեգրի հույսերը մեծ չէին: Բայց հենց Կարակասում ճակատագիրը վերջապես թեքվեց գյումրեցի մարզիկի կողմը. նա կարողացավ հաղթել մրցաշարում ու նվաճել Ռիոյի խաղերի ուղեգիրը:

Իր առաջին օլիմպիական խաղերում Բաչկովը համարվում էր «թաքնված ֆավորիտներից» մեկը, բայց չինացի Հու Ցյանսյունի հետ մենամարտում մրցավարները նորից վիճելի որոշում կայացրին՝ հաղթանակը տալով չինացի մարզիկին:

Օլիմպիական խաղերից հետո երիտասարդ բռնցքամարտիկն ուներ ընտրություն. հետևել իր ավագ ընկերների՝ Արամ Ավագյանի և Նարեկ Աբգարյանի օրինակին և տեղափոխվել պրոֆեսիոնալ բռնցքամարտ, կամ շարունակել պայքարել ոչ միայն մրցակիցների, այլ նաև մրցավարների հետ ու իր ճանապարհը բացել սիրողական բռնցքամարտում: Բաչկովն ընտրեց երկրորդ տարբերակը և չսխալվեց: Աստիճանաբար նա դարձավ իր՝ 63 կգ քաշային կարգի առաջատարներից մեկը: 2017թ.-ին Խարկովում Հովհաննեսը տարավ իր կարեիրայի ամենամեծ հաղթանակը. դարձավ Եվրոպայի չեմպիոն: Ամիսներ անց Համբուրգում կայացած աշխարհի առաջնությունում Բաչկովը կանգնեց կիսաեզրափակչում՝ նվաճելով բրոնզե մեդալը: Երկու տարի անց նա նույնությամբ կրկնեց այդ հաջողությունները՝ ոսկի Եվրոպայում և բրոնզ աշխարհի առաջնությունում: Զուգահեռ՝ Հովհաննեսը նաև իր նորամուտը նշեց պրոֆեսիոնալ բռնցքամարտում: Այս պահի դրությամբ պրոֆեսիոնալ ռինգում նա երկու մենամարտ է անցկացրել, տարել երկու հաղթանակ:

Ճանապարհը դեպի Տոկիո

Ավանդաբար նախաօլիմպիական տարվա բռնցքամարտի աշխարհի առաջնությունը համարվում էր վարկանիշային: Սակայն բռնցքամարտի միջազգային ֆեդերացիայի (AIBA) և Միջազգային օլիմպիական կոմիտեի միջև տարաձայնությունները, որոնք պայմանավորված էին AIBA-ի ղեկավարների ապօրինի գործունեությամբ (հայտնի էին դարձել կաշառակերության մի շարք դեպքեր), ստիպեցին ՄՕԿ-ին զրկել AIBA-ին օլիմպիական վարկանիշներ բաժանելուց: ՄՕԿ-ն ինքը ստանձնեց վարկանիշային մրցաշարերի անցկացնումը՝ 2020թ.-ին, բայց կորոնավիրուսի պատճառով այդ մրցաշարերը կամ չեղարկվեցին կամ ընդհատվեցին ու շարունակվեցին 2021թ.-ին: Այդպես, Հովհաննես Բաչկովը, որը համաշխարհային դասակարգման առաջատարն էր, ուղեգիր նվաճելու իր հնարավորությունն ունեցավ 2021թ.-ի հունիսին, բայց մրցավարները նորից խանգարեցին նրան. Ռուսաստանցի բռնցքամարտիկի հետ մենամարտում Բաչկովի ունքը բացվեց գլուխների բախումից, բայց մրցավարները տեխնիկական նոկաուտ հաշվեցին ու հաղթանակը տվեցին ռուսաստանցուն:

Թեև այդ պահին Բաչկովի հուսահատությունը մեծ էր, բայց արդեն պարզ էր, որ նա, ամենայն հավանականությամբ, կստանա իր ուղեգիրը. ՄՕԿ-ը չեղարկել էր վարկանիշային վերջին՝ համաշխարհային մրցաշարը՝ որոշելով ուղեգրերը բաժանել համաշխարհային դասակարգման առաջատարներին: Այդպիսով, Հովհաննես Բաչկովն իրավունք ստացավ մասնակցել իր երկրորդ օլիմպիական խաղերին:

Մրցակիցներին ու հնարավորությունները

Տոկիոյի օլիմպիական խաղերում Բաչկովը մեդալ նվաճելու գլխավոր ֆավորիտներից է: Հաղթողի գլխավոր ֆավորիտը, անկասկած, կուբացի Էնդի Կրուզն է՝ վերջին երկու տարիների աշխարհի չեմպիոնը: Վերջինիս Բաչկովը պարտվել է 2017թ.-ի աշխարհի առաջնության կիսաեզրափակչում: Աշխարհի գործող փոխչեմպիոն ամերիկացի Քեյշոուն Դեյվիսին Հովհաննեսը պարտվել է 2019թ.-ի աշխարհի առաջնության կիսաեզրափակչում: Քաշային կարգի մյուս ֆավորիտներն են ֆրանսիացի Սոֆիան Ումիան, անգլիացի Լյուկ Մաքկորմակը, ուզբեկ Էլնուր Աբդուրաիմովը, Ռուսաստանը ներկայացնող ադրբեջանցի Գաբիլ Մամեդովը, որի հետ Բաչկովն իր հաշիվներն ունի՝ վարկանիշային մրցաշարում կրած պարտությունից հետո: Շատ բան կախված կլինի վիճակահանությունից: Ամեն դեպքում, սա Բաչկովի, հավանաբար, վերջին հնարավորությունն է օլիմպիական մեդալ նվաճելու. Տոկիոյից հետո նա ամբողջությամբ իր ժամանակը կտրամադրի պրոֆեսիոնալ բռնցքամարտին: Այնպես որ Ճապոնիայի մայրաքաղաքում Հովհաննես Բաչկովը լի է լինելու վճռականությամբ՝ վերջ տալու բոլոր անարդարություններին ու վերցնելու այն, ինչը պատկանում է իրեն:

Տպել
6304 դիտում

42 hաջողակ կին գործարար 1 մլն դրամ կստանա. «Իմ քայլը» հիմնադրամն ամփոփել է հայտերի ուսումնասիրման աշխատանքը (տեսանյութ)

54 տարվա գարաժս հանին, բայց սիրտս չի ցավում. Շենգավիթ վարչական շրջանում հանգստի գոտիներ են շահագործվել (տեսանյութ)

Պետությունը լուծարած որոշ խմբակներ չեն կարող Հայաստանում հանդես գալ որպես խորհրդարան. Առաքելյանը՝ ԼՂ խմբակցություններին

Նոր էջ բացելու համար անհրաժեշտ է, որ Անկարան համարձակ քայլ անի, ընդունի միջազգային իրավունքի դրույթները. Հունաստանի ՊՆ

ՆԳ նախարարն ԱՄՆ պատվիրակության հետ այցելել է Պարեկային ծառայության և Օպերատիվ կառավարման կենտրոնի վարչական նոր համալիր

ԱՄՆ-ն Վրաստանին հրավիրել է մասնակցելու ՆԱՏՕ-ի գագաթնաժողովին

Նելլի Ղուլյանն ազատվել է Ազգային ժողովի նախագահի մամուլի քարտուղարի պաշտոնից

Մոսկվայի մարզի Ֆրյազինոյի ինստիտուտի հրդեհի զոհերի թիվն աճել է. բալոններ են պայթում (լուսանկարներ, տեսանյութ)

Տեղի կունենա Երևանի ավագանու նիստը․ ինչ հարցեր են օրակարգում

Արմավիրը տաք և ծաղկող քաղաք է. Աննա Հակոբյանը տեսանյութ է հրապարակել

Տարոն Մարգարյանը ԱԺ-ի աշխատավարձով է «ապրում». ում է պատկանում Ավանի նրա հայտնի առանձնատունը, ինչ է հայտարարագրվել

Թաղապետարանի խաչմերուկում մեքենաներ են բախվել, մեկը կողաշրջվել, հայտնվել է մայթին. կան վիրավորներ

Այսօրվա մայրամուտը. Գագիկ Սուրենյանը լուսանկար է հրապարակել

3200 հա ոռոգված տարածք՝ Հայաստանի ամենաբերրի հարթավայրում. ՀՀ-ում Ֆրանսիայի դեսպանն այցելել է Վեդիի ամբարտակ

ԿԸՀ նախագահի գլխավորած պատվիրակությունը հրավիրվել է Էստոնիա

Կենտրոնական բանկը UBPAY հայաստանյան և KWIKPAY արտասահմանյան համակարգերի համագործակցության թույլտվություն է տրամադրել

Վանաձոր-Ստեփանավան ճանապարհին մեքենաներ են բախվել. կա 1 զոհ, 5 վիրավոր

Հայաստանի բասկետբոլի հավաքականը՝ Լոս Անջելեսի միջազգային մրցաշարի հաղթող

Պետք է մեկտեղել ուժերն ընդհանուր գաղափարի շուրջ՝ ունենալու մարդու իրավունքների պաշտպանության ամուր համակարգ․ Մանասյան

Անհրաժեշտ է ՀՀ-Մեքսիկա գործարար նոր կապերի ստեղծման քայլեր ձեռնարկել. նախագահը ընդունել է Սան Լուիս Պոտոսիի նահանգապետին

Առկա է չօգտագործված ներուժ. Գևորգ Պապոյանը Մեքսիկայի պատվիրակությանը ներկայացրել է, թե որ ոլորտներն են հեռանկարային

Դաղստանում իրականացված ահաբեկչության զոհերի թիվը հասել է 20-ի

Արարատ Միրզոյանը հեռախոսազրույց է ունեցել Պաղեստինի Պետության ԱԳ նախարարի հետ

ԳՇ պետն այցելել է ՊՆ կենտրոնական հավաքակայան, զրուցել զորակոչիկների հետ, մաղթել անվտանգ ծառայություն

Մոսկվայի մարզի Ֆրյազինո քաղաքի «Պլատան» գիտահետազոտական ինստիտուտում հրդեհ է. կան զոհեր (տեսանյութ)

Մեկնել է 2024-ի Երևան-Բաթումի-Երևան առաջին գնացքը. ինչ չվացուցակ է գործում, ինչպես ձեռք բերել տոմսեր

«Իմ Քայլը» հիմնադրամում ծրագիր է ամփոփվել. վերապատրաստման դասընթաց անցած 3 զինծառայող համակարգիչ է ստացել (տեսանյութ)

Ոստիկանության մեկ ծառայող ազատվել է աշխատանքից, մյուսին խիստ նկատողություն է տրվել (տեսանյութ)

Հորբատեղ գյուղում սողանք է տեղի ունեցել, ճանապարհը փակվել է

Նախ բռունցքով, հետո մահակով ծանր մարմնական վնասվածք է պատճառել 2 եղբայրների. 1 անձի նկատմամբ քրհետապնդում է հարուցվել

Դաղստանում ահաբեկչությունից հետո եթե Ռուսաստանն օգնություն խնդրի՝ ՀԱՊԿ դաշնակիցներն անտարբեր չեն մնա. Տասմագամբետով

Բարձր կպահեն հայրենիքի ու հայ զինվորի պատիվը. զինծառայության են մեկնել Մարտունիի նորակոչիկները

Հոնկոնգի հատուկ վարչական շրջանի կառավարության հետ համաձայնագիր է ստորագրվել. ինչ է այն նախատեսում

Ավտովթարից հետո տեղի է ունեցել վիճաբանություն. դանակահարված 3 անձ է տեղափոխվել հիվանդանոցներ

Քաղաքական կամքի առկայության դեպքում Հայաստանը և Ադրբեջանը կարող են շատ շուտով ստորագրել խաղաղության համաձայնագիրը. Կլաար

Հայերն այստեղ ապրել են տասնյակ հազարավոր տարիներ. ԱՄՆ դիվանագիտության հատուկ ներկայացուցիչն այցելել է Սյունիք

2 կալանավոր է տեղափոխվել բժշկական կենտրոն. ինչ է տեղի ունեցել հացադուլավորների համար նախատեսված խցում

Զինվորական ծառայության են մեկնել Վանաձոր և Փամբակ համայնքների նորակոչիկները (լուսանկարներ)

Տղամարդը, խաբեությամբ ստանալով էլեկտրոնային դրամապանակների գաղտնաբառերը, 3 քաղաքացուց 2 մլն 500 հազար դրամ է հափշտակել

Կարևորվել է Հայաստան-Բրազիլիա համագործակցության զարգացումը. վարչապետն ընդունել է դեսպան Ֆաբիո Վազ Պիտալուգային