Երևան
13 °C
Արտահերթ խորհրդարանական ընտրություններին ամենից շատ ընտրակաշառք բաժանում են «Հայաստան» եւ «Պատիվ ունեմ» դաշինքները: Այս մասին «Հայկական ժամանակ»-ի հետ զրույցում ասաց Դանիել Իոաննիսյանը, որը դիտորդական առաքելություն է իրականացնում քարոզարշավի և ընտրությունների ընթացքում: «Ընտրակաշառքի մասին ահազանգերը ուսումնասիրելով, կարող եմ փաստել, որ դրանք հիմնականում «Հայաստան» և «Պատիվ ունեմ» դաշինքների կողմից են բաժանվում: Բայց ունենք ահազանգեր նաև «Բարգավաճ Հայաստան»-ի ու «Հայաստանի դեմոկրատական» կուսակցության վերաբերյալ, սակայն դրանց քանակն անհամեմատ քիչ է»,- հավելեց Իոաննիսյանը:
Նրա փոխանցմամբ՝ ընտրակաշառք բաժանելու մասին ահազանգեր ամենից շատ ունեն Արմավիրի ու Լոռու մարզերից: «Արմավիրի մարզում այն սխեման և մարդկանց, որոնց հետևում էինք, արդեն բացահայտված են, նրանցից մեկը Ռուբեն Խլղաթյանի հետ կապված գործն էր: Լոռու մարզում նույնպես բավականին շատ փաստեր ունենք հանցագործության մասին, փաստերն ուղարկվել են դատախազություն: Սյունիքում էլ ունենք ընտրակաշառքի դեպքեր: Բոլոր դեպքերի առնչությամբ դիմել ենք իրավապահ մարմիններին»:
Դանիել Իոաննիսյանի խոսքով՝ Կապանում շատ ահազանգեր են ստանում Զանգեզուրի պղնձամոլիբդենային կոմբինատի հետ կապված:
«Զանգեզուրի պղնձամոլիբդենային կոմբինատը փորձում է ազդեցություն ունենալ քաղաքական գործընթացների վրա։ Օրինակ՝ այսօր Նիկոլ Փաշինյանը քարոզարշավի շրջանակներում Սյունիքի մարզում է: Կոմբինատն աշխատում է երկու հերթափոխով: Մենք տեղեկություններ ունենք, որ աշխատողներին այսօր ասել են, որ առաջին հերթափոխի աշխատողները երկու ժամ ուշ վերջացնեն, մյուս հերթափոխին էլ ասել են՝ շուտ կգաք, որպեսզի երկու հերթափոխների աշխատողներից և ոչ մեկը չկարողանա մասնակցել Փաշինյանի հանրահավաքներից և ոչ մեկին: Բայց սա ամենափոքր բանն է, որը կապված է կոմբինատի հետ: Կոմբինատի հետ փոխկապակցված կրիմինալ խմբեր ու բնակավայրերի ղեկավարներ կան, որոնք փորձում են ազդել քաղաքական պրոցեսների վրա: Օրինակ՝ Արծվանիկում ունենք ահազանգ, որ թունավոր պոչամբարով պայմանավորված առողջության վնասի հատուցման ամսական 40 հազար դրամը խոստանում են չտալ այն ընտանիքներին, որոնք հրաժարվում են ընտրեն «Հայաստան» դաշինքին: Մենք ունենք կոմբինատի հետ կապված նաև այսպիսի ահազանգ, որ այնտեղ աշխատակիցներ կան, որոնք ստանում են 700-800 հազար դրամ աշխատավարձ, սակայն չեն գալիս աշխատանքի: Այդ անձինք զբաղված են կոմբինատից դուրս քաղաքական գործունեություն ծավալելով: Բայց ես ուզում եմ հիշեցնել, որ կոմբինատը ընդերքից հանում է բոլորիս պատկանող բարիքները, հերիք չէ այն կոպեկներով սեփականաշնորհվեց, հերիք չէ գերշահույթներ է ստանում, դա էլ օգտագործում է ընտրողների վրա ապօրինի ազդեցության նպատակով: Լկտիությունը պետք է չափ ու սահման ունենա: Այս և բոլոր մեզ հասած ապօրինությունների մասով աշխատում ենք մենք պատկան մարմինների հետ, մասնավորապես՝ ոստիկանության, ԱԱԾ-ի, դատախազության, ՀՔԾ-ի և Քննչական կոմիտեի հետ, առանց բացառության»:
Դանիել Իոաննիսյանի պնդմամբ՝ վարչական ռեսուրսի չարաշահման դեպքերը հիմնականում կապված են «Հայաստան» դաշինքի հետ: «Օրինակ՝ Կապանի քաղաքապետարանի մշակույթի կենտրոնի տնօրեն Վիգեն Հովհաննիսյանը իր աշխատակիցների Viber-խմբում գրել էր, որ Ռոբերտ Քոչարյանի՝ Կապան գալու օրը բոլորը պետք է մասնակցեն: Սա Քրեական օրենսգրքով արգելված արարք է»,-ասաց Իոաննիսյանը:
Դիտարկմանը, որ «Հայաստան» դաշինքի շտաբի աշխատանքները համակարգող Արամ Վարդևանյանը ֆեյսբուքյան իր էջում կիսվել էր մի գրառմամբ, որտեղ ասվում է, թե ՔՊ-ն 20 հազար դրամ ընտրակաշառք է բաժանում և հավի ճտեր, հարցին՝ ինքը տեղեկություններ ունի՞ «Քաղաքացիական պայմանագրի» կողմից ընտրակաշառքի բաժանման դեպքերի մասին, Դանիել Իոաննիսյանն ասաց.
«Եթե ինչ-որ մեկը ընտրակաշառք վերցնող է, կվերցնի «Հայաստան» դաշիքնի բաժանած 100 հազար դրամները, ոչ թե՝ 20 հազար դրամ: Տեղեկություններ ունենք, որ տեղեր կան, որտեղ դաշինքը ավելի շատ է խոստանում, քան 100 հազար դրամը, ընդ որոշում մայրաքաղաքում երկու անգամ ավելի շատ գումարների մասին են խոսում, քան՝ մարզերում: «Պատիվ ունեմ»-ի մասով կոնկրետ թվեր չեմ կարող ասել, տեղյակ չեմ: ՔՊ-ի վերաբերյալ կարող եմ ասել,որ տեղեկություններ էինք ստացել, որ Գեղարքունիքի մարզպետարանը, վարչական լծակների օգտագործմամբ, երեկ ժամը 6-ին Սևան քաղաքի մշակույթի տուն էր հրավիրել քաղաքի ու հարակից տարածքների դպրոցների անձնակազմներին։ Միջոցառմանը մասնակցել էին մարզպետ Գնել Սանոսյանը և պատգամավոր Հայկ Սարգսյանը։ Տեղեկություններ ունենք, որ մի շարք ուսուցիչներ հանդիպման բերվել են ստիպողաբար: Մենք գաղտնի աշխատող խումբ էինք այնտեղ ուղարկել, ովքեր տեղում զրուցել էին ուսուցիչների հետ: Մարզպետարանն ասել է դպրոցի տնօրեններին, նրանք՝ ուսուցիչներին, դե մարզպետի հետ հանդիպում է, պետք է գնաք հանդիպեք, այսպիսի մի բան է եղել: Ուսուցիչներից ոմանք դժգոհ էին, որ եկել են, բայց պարտադրանքի փաստ չենք հայտնաբերել: Ընդհանուր ՔՊ-ի հետ կապված, որոշ տեղերում մենք տեսնում ենք, որ աշխատանքային ժամերին մարզպետարանի աշխատակիցները և ոչ միայն մարզպետարանի, մասնակցում են քարոզարշավի: Դա ևս խնդրահարույց է»:
Նկատառմանը, որ այսր ԱԺ հերթական քառօրյան տեղի չունեցավ, քանի որ քվորում չկար, պատգամավորները քարոզարշավի էին, «Անկախ դիտորդ» դաշինքի ներկայացուցիչը նշեց.
«Պետք է մի բան արձանագրել. քարոզարշավի ժամանակ երբեք հնարավոր չի եղել ԱԺ նիստ գումարել: Մյուս կողմից պետք է հաշվի առնենք, որ քարոզարշավին պետք է մասնակցեն պատգամավորները, քանի որ նրանք են ընտրվում, պատգամավորը պետք է գնա, խոսի ու համոզի իր ընտրողին: Սա ժողովորդավարական պրոցես է: Բայց դա չի վերաբերում օրինակ մարզպետարանի բաժնի պետերին»:
Անդրադառնալով նաև քարոզարշավի ընթացքում ատելության խոսքի տարածմանն ու հայհոյանքներ հնչեցնելուն, Իոաննիսյանն ասաց, որ այդպիսի դեպքեր արձանագրել են «Հայաստան» և «Պատիվ ունեմ» դաշինքների ու «Քաղաքացիական պայամանագիր» կուսակցության մոտ.
«Սերժ Սարգսյանը քարոզարաշվի ժամանակ օգտագործեց այնպիսի արտահայտություն, որը ես հիմա չեմ կարող օգատգործել: Խնդրահարույց է նաև Փաշինյանի՝ «շինելու» և «մանդատելու» հետ կապված արտահայտությունները: Ճիշտ է, հայերենում չկա մանդատել արտահայտություն, բայց, երբ Նիկոլ Փաշինյանը խոսում է պողպատե մադատի մասին, որը ասոցացվում է մուրճի հետ, և ասում է՝ ես ձեզ լիազորում եմ որոշ մարդկանց մադատել, մարդկանց մոտ կարող է տպավորություն ստեղծվել, որ իրենց լիազորում են բռնություն գործադրելու հարցում: Այս երեք ուժերի մոտ եմ տեսնում այսպիսի քաղաքականություն, այլ ուժերի մոտ անհավանական ավելի քիչ է»,-եզրափակեց Դանիել Իոաննիսյանը:
Դատախազությունից էլ այսօր հայտնեցին, որ Ազգային ժողովի արտահերթ ընտրությունների կապակցությամբ հունիսի 14-ի տվյալներով ստացվել և ուսումնասիրվել է ենթադրյալ ընտրական իրավախախտման վերաբերյալ ընդհանուր 140 հաղորդում և ահազանգ:
Հաղորդումներով ներկայացված առերևույթ հանցավոր իրավախախտումներից 86-ը վերաբերում են ընտրակաշառք տալուն, 9-ը՝ ընտրական իրավունքի իրականացմանը խոչընդոտելուն, 24-ը՝ նախընտրական քարոզչությանը խոչընդոտելուն, իսկ 19-ը այլ բնույթի են:
138 հաղորդումներից 42-ը ուղարկվել են հետաքննության կամ նախաքննության մարմիններ: Արդյունքում՝ դրանցից 10-ով որոշում է կայացվել քրեական գործ հարուցելը մերժելու մասին, 26-ով նյութերի նախապատրաստման գործըթնացը շարունակվում է, իսկ 6 դեպքի առթիվ հարուցվել են քրեական գործեր:
Մասնավորապես՝ քրեական գործեր հարուցվել են՝ ընտրողի կամքի ազատ իրականացմանը խոչընդոտելու, ընտրական իրավունքի իրականացմանը, ընտրական հանձնաժողովների աշխատանքներին կամ ընտրությանը մասնակցող անձանց լիազորությունների իրականացմանը խոչընդոտելու և գույքը դիտավորությամբ ոչնչացնելու կամ վնասելու մասով:
Նշված քրեական գործերից երկուսով 10 անձի նկատմամբ առաջադրվել են մեղադրանքներ, որոնցից 2-ը հանդիսացել են ընտրություններին մասնացկող քաղաքական տարբեր ուժերի պատգամավորության ցուցակներում ընդգրկված թեկնածուներ: Նշվածներից 3 անձի նկատմամբ որպես խափանման միջոց է ընտրվել կալանավորումը:
Անյուտա Աթանեսյան
Լուրերը, թե ադրբեջանական կողմից Տավուշի հատվածում կրակոցներ են հնչել, կեղծ են
«Հզոր ամպրոպային ամպ»․ Գագիկ Սուրենյանը լուսանկարներ է հրապարակել
Ամիօ բանկը թողարկում է պարտատոմսեր
ՌԴ-ն նույն խաղն է անում Հայաստանում, ինչ՝ ԼՂ-ում, սահմանազատմանը դեմ ուժերը հովանավորվում են 1 կենտրոնից․ Արամ Սարգսյան
Վիճաբանություն, ծեծկռտուք, կրակոց՝ Ամերիկյան համալսարանի մոտ․ հայտնաբերվել են արնանման հետքեր, կրակված գնդակ, կա վիրավոր
Հայտնի է Երևանում մեկնարկած ֆուտզալի Չեմպիոնների լիգայի եզրափակչի առաջին մասնակիցը
Թուրքիան մտադիր չէ ռուսական S-400-ները փոխանցել Ուկրաինային
Տավուշում ակցիա իրականացնողները չունեն աջակցություն, նրանց գործողությունները կդադարեն. Էդգար Առաքելյան
Գնել Սանոսյանը ծանոթացել է Մեծամոր-ՀԱԷԿ հանրապետական նշանակության ավտոճանապարհի հիմնանորոգման աշխատանքներին
Երևան-Արմավիր ճանապարհին բախվել են «Վազ 2106»-ն ու «ԿԻԱ»-ն․ տուժածները հոսպիտալացվել են
Քելբաջարում վթարի հետևանքով մեկ զինծառայող է մահացել․ կան տուժածներ
Բեռլինում այրվում է պաշտպանական-արդյունաբերական ընկերության գործարանը. ծխի թունավոր ամպ է տարածվում (տեսանյութ)
Սա ժողովրդավարություն չէ, այլանդակություն է, որը պետք է ամենակոշտ ձևով իշխանությունը կասեցնի. Ռուբեն Մեհրաբյան
Ծաղկահովիտ-Ալագյազ ճանապարհին մեքենաներ են բախվել․ կան տուժածներ
Փաշինյանի գլխավորությամբ քննարկվել են ջրային ոլորտի խնդիրներն ու դրանց լուծման քայլերը․ ինչ է հանձնարարել վարչապետը
Կիրանց տանող ճանապարհը բացվել է․ «Ազատություն»
Ինչքան ուժ ունեն, այլանդակում են քաղաքական ընդդիմախոսությունը, սահմաններ կան, որոնք անցնել չի կարելի․ Սաֆարյան
Վաշինգտոնում արձանագրվել է՝ վերջին տարիներին Հայաստանն էական առաջընթաց է գրանցել ժողովրդավարության ամրապնդման ոլորտում
Եթե հարկ լինի՝ հրապարակավ կմեկնաբանենք․ ՌԴ-ն սպասում է ՀՀ ԱԺ պատասխանին՝ Ալեն Սիմոնյանի հայտարարության հետ կապված
Միրզոյանը Մալթայի ԱԳ նախարարին է ներկայացրել հայ-ադրբեջանական հարաբերությունների կարգավորման գործընթացը
Կոնվերս բանկը մեկնարկել է ՓՄՁ վերաֆինանսավորման արշավ
ՌԴ-ն կասկածի տակ չի դնում Հայաստանի ինքնիշխան իրավունքը. Զախարովան՝ ՀԱՊԿ-ից ՀՀ-ի դուրս գալու հավանականության հարցի մասին
Ucom-ի գլխավոր տնօրենը դասախոսություն է կարդացել Ֆրանսիական համալսարանում
«Երեքնուկ» կամրջի մոտ մեքենաներ են բախվել․ կա 1 զոհ և 2 վիրավոր
Հոգեբանական բռնություն էր․ Վարդապետյանը՝ Ծիծեռնակաբերդում Աննա Հակոբյանի և դստեր հետ կապված դեպքի մասին
Հանցանքի մոտիվը լրագրողական գործունեությունն է․ դատախազը՝ Լևոն Քոչարյանի օգնականի գործի մասին
Երևանում մեկնարկում է ՈՒԵՖԱ-ի ֆուտզալի Չեմպիոնների լիգայի եզրափակիչը․ Արայիկ Հարությունյան (լուսանկար)
Ժամը 18:20-ին Տավուշի մարզի Կիրանց բնակավայրից 2500 մ հյուսիս տեղի է ունենալու պայթեցման աշխատանք․ ՊՆ
Արմեն Դանիելյանը ընտրվել է ԲԴԽ դատավոր անդամ
14–ամյա տղան գտել է ԼՂ-ից հանգուցյալ պապի բերած նռնակի պայթուցիչը և ցանկացել է հանել օղակը․ մանրամասներ պայթյունի դեպքից
Հեռախոսով հայհոյել են իրար, հետո վիճաբանել, որի ժամանակ 42-ամյա տղամարդը առարկայով հարվածել, սպանել է համաքաղաքացուն
44-օրյա պատերազմը ամենալուրջ և դաժան դասն էր ինձ համար, որից 3 գլխավոր հետևություն ենք արել․ ՀՀ գլխավոր դատախազ
Կարեն Ջալավյանը որպես վկա հարցաքննվում է Հակակոռուպցիոն դատարանում
Օվերչուկն ու Մուստաֆաևը վերահաստատել են ռուս-ադրբեջանական կառուցողական երկխոսությունը շարունակելու պատրաստակամությունը
Կիևը նոր հարձակում է նախապատրաստում Ղրիմի կամրջի վրա․ ինչ է զգուշացրել Զախարովան Վաշինգտոնին, Լոնդոնին և Բրյուսելին
Ինչ աշխատանք է տարվում Ադրբեջանում պահվող գերիների և ԼՂ ղեկավարության վերադարձի մասով․ Վարդապետյանը մանրամասնել է
Դոլարը կրկին էժանացել է, եվրոն՝ թանկացել․ ինչ փոփոխություններ է արձանագրել տարադրամի շուկան մայիսի 3-ին
Հանրային հեռուստաընկերության մոտ «դրիֆտ» արած երիտասարդը ձերբակալվել է (տեսանյութ)
Կարմիր հրապարակում Հաղթանակի շքերթին կմասնակցի ավելի քան 9 հազար զինվորական. Շոյգու
Մեքենան դուրս է եկել ճանապարհից ու բախվել հողաթմբին. կան տուժածներ
© 2024 Հայկական ժամանակ