Երևան
6 °C
Արմավիրի մարզի Դաշտ համայնքում նախատեսվում է կառուցել սպորտային խաղերի եւ ընտանեկան հանգստի ժամանցային համալիր: Կկառուցվեն ջրային սպորտաձեւ համարվող վեյքբորդինգի նոր լիճ, քոթեջներ եւ այլն:
Ներդրումային ծրագիրն իրականացնում է «Wake Park Armenia» ընկերությունը, որի ներդրողները հիմնականում արտասահմանում բնակվող հայեր են: Ընկերության սեփականատիրոջ անունը, սակայն, դեռ գաղտնի է պահվում:
Ըստ էկոնոմիկայի նախարարի պաշտոնակատար Վահան Քերոբյանի՝ նախատեսված է իրականացնել շուրջ 3 մլն դոլարի ներդրում եւ ստեղծել 160 աշխատատեղ:
Ծրագրի մանրամասների վերաբերյալ զրուցել ենք «Wake Park Armenia» ընկերության ներկայացուցիչ Մուշեղ Հովակիմյանի հետ:
- Պարոն Հովակիմյան, կմանրամասնե՞ք՝ ինչ համալիր է նախատեսվում կառուցել, ինչե՞ր են ներառված լինելու այդ համալիրում:
- Համալիրի առաջին եւ ամենակարեւոր մասը լինելու է վեյքբորդինգի լիճը, որտեղ մարդիկ զբաղվելու են այդ սպորտաձեւով: Վեյքբորդինգն ջրային դահուկների, սնոուբորդի եւ սերֆինգի համադրություն է: Դա շուտով դառնալու է օլիմպիական սպորտաձեւ, այդ լճում լինելու են խոչընդոտներ, որոնք մարդիկ պետք է հաղթահարեն: Լինելու է նաեւ առանձին փոքր լիճ, որտեղ մարդիկ պարապելու են: Մեծ դաշտում հիմնականում պրոֆեսիոնալներն են լողալու, իսկ փոքրում մարդիկ կսովորեն: Դրա մոտ լինելու են երեխաների համար նախատեսված փոքր վեյքբորդինգի լիճ եւ փչովի ակվա պարկ: Երեխաների համար ավելի շատ ժամանցային է լինելու, իսկ ծնողները վեյքբորդինգով կզբաղվեն:
Լինելու է նաեւ երեխաների համար մեծ հատված, որտեղ կարող են սովորել տարբեր լեզուներ, ձեռագործություն, առողջ ապրելակերպ: Ծնողները երեխաներին մի քանի օրով կարող են բերել եւ թողնել: Կարելի է ասել՝ ե՛ւ հանգստյան գոտի է դառնում ե՛ւ ճամբար:
- Ովքե՞ր են ներդրումն իրականացնում:
- Ներդրում իրականացնողները Բելառուսից մեր հայրենակիցներն են: Անունները դեռ չեմ ուզում տալ, երբ արդեն բացման պրոցեսը լինի, կիմանաք: Ես՝ որպես այդ ընկերության ներկայացուցիչ, կարող եմ ասել, որ ազգասեր մարդիկ են: Մենք մինչեւ վերջ գնացինք, որ այս ծրագիրը գար Հայաստան: Տարբերակ կար նաեւ Վրաստանում անել այս ծրագիրը, իսկ մեր օտարերկրյա գործընկերներից մեկն առաջարկում էր նաեւ Ադրբեջանում իրականացնել, սակայն մենք կտրուկ դեմ արտահայտվեցինք:
- Ինչո՞ւ եք հենց Դաշտ համայնքում որոշել կառուցել համալիրը:
- Այդ տարածքը, կարելի է ասել, անապատ է: Պատճառներից մեկն այն է, որ մեր հողատարածքի սահմանով անցնում է «Վեոլիա ջուր» ընկերության մեծ խողովակը, որտեղից մենք ջուր ենք վերցնելու: Այսինքն՝ ոչ թե աղտոտված ոռոգման ջուր ենք վերցնելու, այլ նորմալ խմելու ջուր: Բնականաբար, դա գնելու ենք հաստատված քանակով, հաստատված գնով: Գրեթե 80 հազար խմ ջուր է, տարին 2 անգամ գնելու ենք ու վերափոխենք: Այդ ջրի մեջ քիմիա չենք լցնելու, որ չաղտոտենք բնությունը, քանի որ հետագայում դա անվճար տրամադրելու ենք ոռոգման համար:
- Որքանո՞վ են պետական գերատեսչություններն աջակցում ներդրմանը կամ դրա հնարավոր խոչընդոտների վերացմանը:
- Աջակցություն միանշանակ կա: Արմավիրի մարզպետարանի, անձամբ մարզպետի, Դաշտի համայնքապետի եւ մեր էկոնոմիկայի նախարարության կողմից բավականաչափ մեծ աջակցություն կա: Մի փոքր դժվարություն ունենք Կադաստրի կոմիտեի հետ, նրանք չեն ուզում ընդառաջ գնալ այն փաստին, որ այս ներդրումն անում ենք ոչ թե փող աշխատելու, այլ երկիրը զարգացնելու ու աշխատատեղեր ստեղծելու համար:
- Ի՞նչ խնդիրներ են ստեղծվել:
- Օրինակ՝ ասում են՝ այդ նույն լճի տարածքը հասարակական նշանակության դարձնելու համար ամեն մետրի համար պետք է վճարել գրեթե 1 դոլար: Դա լիճ է. 19 հեկտար է լինելու, եթե 1 դոլարով հաշվես, 190 հազար դոլար է ստացվում զուտ նրա համար, որ լիճ կառուցենք: Վահան Քերոբյանը, Արմավիրի մարզպետը համատեղ փորձում են լուծում գտնել այդ խնդրին, պետական աջակցություն իրականացնել:
- Էկոնոմիկայի նախարարը հայտնել էր 3 մլն դոլարի ներդրման մասին, դա ամբո՞ղջ ծավալն է: Ընդհանուր որքա՞ն տարածքի վրա եք ներդրումն իրականացնելու:
- Միայն վեյքբորդինգի լճի համար առաջին փուլում 3 մլն դոլար ներդրում է իրականացվելու, ընդհանուր 3 փուլով նախատեսված ներդրումները կազմելու են 10-12 մլն դոլար: Իսկ տարածքի չափը հիմա 19 հեկտար է, ապագայում եւս 20 հեկտար կլինի, ընդհանուր՝ 39 հեկտար:
- Ե՞րբ եք նախատեսում սկսել կառուցումը, եւ որքա՞ն ժամանակ է անհրաժեշտ դրա համար:
- Երբ լինեն փաստաթղթային թույլտվությունները, բոլոր խոչընդոտները վերացվեն, եւ շինթույլտվություն լինի, կսկսենք ծրագիրը: Առաջին փուլի համար անհրաժեշտ է 6 ամսից 1 տարի, իսկ ամբողջական 3 փուլերն իրար հետ իրականացնելու համար՝ մոտ 4 տարի:
- Նշվում է նաեւ 160-ից ավելի աշխատատեղի ստեղծման մասին: Սա ե՞րբ է նախատեսված, միջինը ի՞նչ աշխատավարձով:
- Սա նախատեսված է առաջին փուլից հետո: Ընդհանուր 3 փուլերից հետո պլանավորվում է 300-350 աշխատատեղ ստեղծել, դրա մեջ մտնում են ուսուցիչներ, մարզիչներ, փրկարարներ, տեխնիկական աշխատակիցներ, մատուցողներ, խոհարարներ եւ այլք: Իսկ միջին աշխատավարձի չափը դեռ քննարկման փուլում է:
- Ժամանցային համալիրի պոտենցիալ հաճախորդները ՀՀ քաղաքացինե՞րն են հիմնականում դիտարկվում, թե՞ զբոսաշրջային ուղղություն եք ցանկանում դարձնել:
- Մեր բիզնես պլանով նախատեսված է 70-80 տոկոս արտաքին զբոսաշրջիկներ, 20 տոկոս՝ ներքին:
- Ինչո՞ւ եք հիմա ցանկանում ներդրումը կատարել եւ հենց այդ ուղղությամբ:
- Ինչո՞ւ այդ ուղղությամբ, որովհետեւ Հայաստանում դա չկա, բավականաչափ արագ զարգացող սպորտաձեւ է աշխարհում, մի կողմից ֆինանսապես ձեռնտու է, մյուս կողմից Հայաստանի զբոսաշրջության համար նոր հետաքրքրություն կլինի: Ջրային սպորտաձեւերի համար լողի սեզոնը Արմավիրում 6-7 ամիս է, ինչը բավականին երկար է:
- Գնային քաղաքականությունը որոշվե՞լ է, մատչելի՞ են լինելու քաղաքացիների համար:
- Շատ ավելի մատչելի է լինելու, քան, օրինակ, ընտանիքով 2 օր Հայաստանի ցանկացած հանգստյան գոտում հանգստի մեկնելը: Հիմա, օրինակ, եթե մարդը գնում է Դիլիջան՝ հանգստանալու, ծախսում է գումար, որի դիմաց ստանում է նախաճաշ եւ անկողին, իսկ մենք, դրանից բացի, տալիս ենք նաեւ զբաղմունքներ ե՛ւ մեծերի, ե՛ւ փոքրերի համար:
- Հաշվարկել ե՞ք, թե այս ներդրման գումարը որքան ժամանակում է հնարավոր վերադարձնել:
- Եթե սա որպես կոմերցիոն ծրագիր դիտարկենք, վերադարձելիությունը 3-7 տարի է, կախված նրանից՝ ֆորսմաժորներ կլինեն, թե ոչ, ինչպես, օրինակ, կորոնավիրուսը: Բայց քանի որ մենք ծառայությունների մի մասն անվճար ենք թույլատրելու, այս դեպքում վերադարձելիությունը 7-10 տարի է:
- Ընդհանուր որքա՞ն մարդ հնարավոր կլինի ընդունել այդ հանգստյան գոտում:
- Մոտավոր հաշվարկով՝ շաբաթական 200-500 զբոսաշրջիկ կարող ենք ընդունել, տեղավորել, կերակրել եւ ճանապարհել:
ՀՀ-ն որևիցե բան չի պատրաստվում զիջել, ստոր շահարկումներ են․ Ալեն Սիմոնյանը՝ Տավուշի շուրջ պտտվող լուրերի մասին
Սուրեն Պապիկյանը մասնակցել է ռազմական տեխնիկայի ցուցադրությանը և հետևել մարտական հրաձգությանը (լուսանկարներ)
Ինչպես կասեր դասականը՝ «յա՜, իրո՞ք». Արշակ Կարապետյանը «գողացել» է ՀՀԿ-ի ծրագիրը
ՌԴ դեսպանը սիրում էր Ջերմուկում հանգստանալ, լուսանկար էր հրապարակել, բա թող գա ասի, որ դա ՀԱՊԿ-ի տարածք է․ Սիմոնյան
Երբ կկայանա Ալեն Սիմոնյանի և Սահիբա Գաֆարովայի հաջորդ հանդիպումը․ ԱԺ նախագահը մանրամասնել է՝ ինչ է քննարկվել մարտի 22-ին
Վիճաբանություն և ծեծկռտուք «Ռիո Մոլլ»-ի հարևանությամբ. կռվի մասնակիցների մեծ մասը անչափահասներ են, կա վիրավոր
Ռուսաստանը նպատակ է դրել հեղաշրջում իրականացնել Հայաստանում, առաջիկայում քայլերը կսրվեն. Առաքելյան
Դասարաններում կկրճատվի աշակերտների թիվը․ իրականացվել են գնահատման համակարգի փոփոխություններ
Բախվել են «Նիսսան»-ն ու «Ֆորդ տրանզիտ»-ը․ վերջինս նաև երկաթե արգելապատնեշներին է հարվածել, տուժածները հիվանդանոցում են
ԱՄՆ-ը Ռուսաստանի Դաշնությանը մանրամասն տեղեկատվություն է տրամադրել ահաբեկչության սպառնալիքի մասին․ Սպիտակ տուն
Երևանի գլխավոր հատակագիծը կլինի թվայնացված փաստաթուղթ․ Տիգրան Ավինյանը տեսակապով հարցեր է քննարկել Քրիս Չոայի հետ
Շահրամանյանը շարժվում է Բակո Սահակյանի ու Սերժ Սարգսյանի պահվածքով, պետք է ուշադրության կենտրոնում լինի. Իոաննիսյան
96 խնամատար ընտանիքում դաստիարակություն է ստանում 152 երեխա․ այս ինստիտուտի զարգացման աշխատանքները շարունակվում են
Հայ-ռուսական հարաբերություններում առկա վիճակը լավատեսություն չի ներշնչում․ ինչում է մեղադրել Լավրովը ՀՀ ղեկավարությանը
Մինչև ապրիլի 5-ը կատարված իրավախախտման տուգանքի 50 տոկոսը վճարելու դեպքում պարտավորությունը կհամարվի կատարված
Չստացված չեկիստ, հանգիստ վեր ընկիր տեղդ ու ջանդ յուղիր. Մեհրաբյանը՝ Շահրամանյանին
200 հոգու հրկիզման սահմռկեցուցիչ դրվագն ունենալով իր անցյալում՝ խորհուրդ է տալիս Հայաստանի անվտանգության մասին. Սաֆարյան
Հավերժ ճակատներին Եվլախ դաջածներն էլի ակտիվացան. Հարություն Մկրտչյանը՝ Սամվել Շահրամանյանի մասին
Բախվել են շտապօգնության ավտոմեքենան և «Մերսեդես»-ը
Աֆղանստանում 5․7 մագնիտուդ ուժգնությամբ երկրաշարժ է տեղի ունեցել
Խմբի կազմում ապօրինի կերպով զենք-զինամթերք են ձեռք բերել և իրացրել․ խուզարկություններ Երևանում և Գողթանիկում (լուսանկար)
Մեկնարկել է բարձրագույն կրթություն չունեցող մասնագետների արտահերթ կամավոր ատեստավորումը
Եվրոպական խորհրդի քաղաքական և անվտանգության հարցերով կոմիտեի անդամները կայցելեն Հայաստան
Նոր Հաճնի կամրջի վրա փոսային նորոգման աշխատանքներ են իրականացվում․ երբ կավարտվեն
Հայտնի են Արթուր Աբրահամի հոր՝ Գրիգոր Աբրահամյանի հոգեհանգստի և հուղարկավորության վայրն ու օրերը
Վարդենյաց լեռնանցքը դժվարանցանելի է կցորդիչով բեռնատարների համար
Վարչապետի գլխավորությամբ քննարկվել է «Հայփոստ»-ի զարգացման ռազմավարության նախագիծը․ ինչ է հանձնարարվել
29.94 տոննա մարդասիրական օգնություն՝ 1․5 մլն անձի․ ինչ է ուղարկել Հայաստանի կառավարությունը Գազա
Իրականացվել է ոչ պատշաճ հետազոտություն․ պարզվել է 20-ամյա հղի կնոջ մահվան պատճառը, մեղադրանք է ներկայացվել ԲԿ-ի 3 բժշկի
Ճամբարակի սննդի օբյեկտի գործունեության կասեցումը վերացվել է
Երևանի ավագանու ընտրություններից հետո ԿԸՀ վարկանիշն աճել է․ ներկայացվել են ՄՀԻ-ի հետազոտության արդյունքները
Հայաստանի և Վրաստանի խորհրդարանների գիտության ու կրթության հարցերով հանձնաժողովները համատեղ հայտարարություն են ստորագրել
Արարատի կոնյակի գործարանում վերահսկողություն կիրականացվի․ ՍԱՏՄ-ն ստացել է Բելառուսի առողջապահության նախարարության նամակը
Հայ-վրացական հարաբերությունները ռազմավարական մակարդակի են․ Ռուբինյանն ընդունել է Վրաստանի խորհրդարանի պատվիրակությանը
Ինչ փոփոխություններ է արձանագրել տարադրամի շուկան մարտի 28-ին
Սերգեյ Նարիշկինը այց է կատարել Հյուսիսային Կորեա
Անցած մեկ օրում ՀՀ ավտոճանապարհներին վթարների հետևանքով 3 մարդ զոհվել է, 29-ը՝ վիրավորում ստացել
«Միր» քարտերն արգելելը հավասարակշռված որոշում է, չպետք է շրջանցենք սանկցիաները. Թունյան
Հայկ Մարությանը նոր կուսակցություն է հիմնում
ՀԱՊԿ-ը խնդիր ունի մատնանշել Հայաստանի սահմանը, քանի դա չի արվել, ապա ՀՀ-ից որևէ քայլ ակնկալել պետք չէ․ Կարապետյան
© 2024 Հայկական ժամանակ