Երբեմն 24 ժամը ինձ բավական չէ, երազում եմ, որ օրն ունենա գոնե 26 ժամ. Աստղիկ Սաֆարյանը նոր ձայնասկավառակ է թողարկել

17/04/2021 schedule20:30

Երգչուհի Աստղիկ Սաֆարյանը, որը շուրջ 15 տարի է՝ բեմում է՝ ստեղծագործելով փոփ ռոք ժանրում, թողարկել է իր նոր՝ 4-րդ ձայնասկավառակը, որի շնորհանդեսը կլինի ապրիլի 18-ին: «Հայկական ժամանակի» հետ զրույցում նա հայտնեց, որ ձայնասկավառակը կրում է «Դու ուժեղ ես» խորագիրը՝ հավելելով, որ համանուն երգի հիման վրա Փարիզում 2017 թվականին նկարահանել է տեսահոլովակ:

«Թեպետ միայն դա չէր պատճառը, որ նոր ալբոմս անվանեցի այդպես, այլ նաև՝ ներկայիս մեր բոլորի հոգեվիճակը: Սա իր տեսակի մեջ մի կոչ է, հորդոր՝ ուժեղ լինելու, պայքարելու և հաղթահարելու»,- շեշտեց երգչուհին:

Բնութագրությունը հասանալի չէ

Հաշվի առնելով համավարակային իրավիճակը՝ Աստղիկը որոշել է ձայնասկավառակի շնորհանդեսը կազմակերպել փակ, որին ներկա կլինեն սահմանափակ թվով մարդիկ: Նա նաև տեղեկացրեց, որ միջոցառման ամբողջ կազմակերպչական աշխատանքն ինքն է անում. «Միջոցառմանը ներկա կլինեն իմ ընկերները, գործընկերները, սիրված և ճանաչված դեմքեր: Ուզում եմ նշել, որ գնահատելով իմ արվեստն ու աշխատանքը՝ միջոցառման իրականացմանն իր էքսկլյուզիվ աջակցությունը ցուցաբերեց «Կոկա-Կոլա» ընկերության հայաստանյան ներկայացուցչությունը, որի համար անչափ շնորհակալ եմ: Միջոցառումը տեղի կունենա «Կոնգրես» հյուրանոցում, ինչի համար էլ կրկին շնորհակալ եմ հյուրանոցի իմ գործընկերներին՝ հյուրընկալության և համագործակցության համար:

Խոսելով ձայնասկավառակում տեղ գտած երգերի մասին՝ երգչուհին ասաց, որ ներառել է 11 երգ, որից միայն 3-ն ունեն տեսահոլովակ, իսկ 4-ը հնչել են արդեն:

«Մնացածը նոր ստեղծագործություններ են: Մեծ մասը՝ փոփ ռոք ժանրում հեղինակային երգեր: Մի փոքր մասն էլ մեր դասականներից ընտրված գործեր են, որոնք ներկայացրել եմ «remake» տարբերակով, պարային մոտեցմամբ և էթնո հայկական գործիքներով համատեղված: Պատերազմական իրավիճակով էլ պայմանավորված՝ այս ընթացքում հայրենասիրական այնպիսի երգեր գրեցի, որ ինքս ինձնից չէի սպասում: Ու ես կարծում եմ, որ ցանկացած իրավիճակից հետո արագ ոտքի կանգնելու և ուժեղ լինելու միակ լուծումը աշխատանքին լծվելն է և գործելը»,- ընդգծեց Աստղիկը:

Դիտարկմանը, որ մեր օրերում ձայնասկավառակները կորցրել են արդիականությունը, քանի որ մարդը իր նախընտրած արտիստի կատարումները կարող է ցանկացած պահի լսել տարբեր հարթակների միջոցով, երգչուհին նշեց, որ հաշվի է առել այդ ամենը, բացի դա՝ ձայնասկավառակը չի թողարկում՝ շահույթ ստանալու համար, այլ այն իր ստեղծագործական աշխատանքի ներկապնակն է.

«Ձայնասկավառակը ստեղծելիս շահույթի մասին չեմ մտածել՝ քաջ գիտակցելով, որ մեր օրերում այն այնքան էլ ակտուալ չէ: Որպես աշխատանքի արդյունք եմ սա ներկայացնում՝ սիմվոլիկ՝ միաժամանակ այն հասանելի դարձնելով նաև օնլայն հարթակում: Իմ այս քայլով ուզում եմ նաև օրինակ ծառայել շատերին, որ անկախ ամեն ինչից՝ պետք է շարունակել գործել, որպեսզի կարողանանք միասնաբար ոտքի կանգնել, առաջ գնալ: Եթե սրանով կարողանամ ոգեշնչել և այս խորհուրդը փոխանցել թեկուզ մի քանի հոգու, ապա կարող եմ համարել, որ աշխատանքս և ջանքերս արդյունք են տվել»:

May be an image of 1 հոգի

Հարցին, թե ինչպե՞ս է հասցնում միաժամանակ զբաղվել և՛ երգարվեստով, և՛ բիզնեսով, Աստղիկ Սաֆարյանը նշեց, որ շատ դժվար է, բայց փորձում է համատեղել և բոլորն էլ իրականացնել.

«Երբեմն 24 ժամը ինձ բավական չէ, երազում եմ, որ օրն ունենա գոնե 26 ժամ, որ ամեն բան հասցնեմ: 2014 թվականից ունեմ իմ ապրանքանիշը, որն աքսեսուարների բրենդ է, կոչվում է «ԱՑՈ»: Հիմնականում ներկայացնում ենք գլխարկներ և աքսեսուարներ: Ի դեպ, Հայաստանում գլխարկների առաջին ապրանքանիշն է»,- նկատեց երգչուհին:

Հարցին՝ հնարավո՞ր է՝ մի օր էլ մուտք գործի քաղաքականություն, քանի որ մեր օրերում կարծես արդիական է, երբ շոու բիզնեսի աստղերը, մշակույթի գործիչները զբաղվում են նաև քաղաքականությամբ, Աստղիկ Սաֆարյանը նշեց, որ երբեք քաղաքականությամբ չի զբաղվել, քանի որ, ըստ նրա, արվեստը քաղաքականության հետ չի ձուլվում. դրանցից մեկը միշտ տուժում է. «Ես իմ արվեստով եմ զբաղվել միշտ և շարունակելու եմ, որքան որ կարող եմ: Թող ունենանք լավ քաղաքական գործիչներ, քաղաքականության լավ գիտակներ, և նրանք անեն իրենց աշխատանքը: Իսկ արվեստի ոլորտի մարդիկ էլ թող ստեղծագործեն, գործեն իրենց բնագավառում: Ըստ իս՝ յուրաքանչյուրը պետք է զբաղվի այն գործով, որին լավ է տիրապետում»,- վստահ է նա:

Բնութագրությունը հասանալի չէ

Երգչուհու կարծիքով՝ մեր երկրի համար դժվարին այս օրերին յուրաքանչյուրը իր քայլերով և գործունեությամբ պետք է օրինակ ծառայի դիմացինին՝ դրանով օգնելով պետությանն ու ժողովրդին.

«Ես ինքս այս նոր ալբոմում այնպիսի երգեր եմ ներառել, որոնցով փորձելու եմ ոգևորել, ոգեշնչել իմ լսարանին, իմ արվեստը սիրողներին: Սա է այս ձայնասկավառակի բուն ասելիքը լինելու: Այս օրերի համար էլ շատ արդիական է «Հայրենիք» ստեղծագործությունս, որն իսկապես շատ ոգեւորող է և հուսով եմ՝ հավանության կարժանանա»,- շեշտեց նա՝ հավելելով, որ առաջիկայում կունենա նոր համերգային ծրագրեր, տեսահոլովակներ և առաջարկ ունի ընդգրկվել նոր երաժշտական նախագծում, որի մասին կխոսի ավելի ուշ:

Գագիկ Ավետիսյան

Տպել
616 դիտում

Կլիմայական փոփոխությունների վտանգավոր հետևանքները. Պեկինի բնակիչները զգուշացվել են

Լատվիան պաշտոնապես ճանաչեց և դատապարտեց Հայոց ցեղասպանությունը

«Լուսավոր Հայաստանը» մշակել է հանրային համաձայնության հայտարարություն

Համաշխարհային բանկը 3 մլն 718 հազար դոլար կտրամադրի ՀՀ կառավարությանը՝ Արցախում իրականացվող 4 միջոցառումների համար

Դաշտում հայտնաբերվել է որպես անհետ կորած որոնվող կնոջ դին

Այն քաղաքացիները, ովքեր կունենան պատշաճ պատվաստման հավաստագիր, ՊՇՌ թեստի հանձնման կարիք չեն ունենա. նոր որոշում

Նալբանդյան գյուղում վիճաբանությունն ավարտվել է դանակահարությամբ

Հնդկաստանը նոր հակառեկորդ է սահմանել COVID-19-ով հիվանդացության դեպքերի քանակով

Ադրբեջանցիների կողմից հայկական ավտոմեքենայի քարկոծման դեպքով բավարար տեղեկություններ ձեռք չեն բերվել

Դատապարտում եմ վիրավորող այնպիսի արտահայտությունների գործածումը, ինչպիսիք են ժեխ, զոմբիներ. Արման Թաթոյան

Քոլեջների և ուսումնարանների տնօրենների ընտրության կարգի փոփոխության համար հանրային քննարկում է կազմակերպվում

Կարևորագույն հարցը Ադրբեջանի կողմից բոլոր ռազմագերիների և պատանդների ազատ արձակումն է. Արա Այվազյան

Ապրիլ ամսվա ցուցանիշները 1 ամսվա ընթացքում հարկային եկամուտների պատմական ռեկորդ են ՀՀ-ի համար. Փաշինյան

Զինծառայությունից խուսափածների նկատմամբ կհայտարարվի համաներում. օրինագիծն ընդունվեց

Հաստատվել է կորոնավիրուսային հիվանդության 425 նոր դեպք. գրանցվել է 17 մահ

Ով է մեղավոր զորահավաքի խնդիրների, գործողությունների ղեկավարման, հանցավոր թերացումների համար. 1580 քրգործ է հարուցվել

Մեկնարկել է ՀՀ կառավարության հերթական նիստը. օրակարգում ներառված է 36 հարց

Մեկնարկել է Արա Այվազյանի և Սերգեյ Լավրովի առանձնազրույցը

Սերգեյ Լավրովն այցելել է Ծիծեռնակաբերդ (լուսանկարներ)

1 շաբաթում Հայաստանում և Արցախում գրանցվել է թույլ ցնցումներով 5 երկրաշարժ

60 մլն դոլարի ներդրում, 1500 աշխատատեղ. մանրամասներ Ապարանում նախատեսված լեռնային համալիրի կառուցումից (լուսանկարներ)

«Բարի լույս, Երևան». Մարիա Զախարովան երևանյան սրճարանից լուսանկար է հրապարակել

Արևիկ համայնքում էլեկտրաշչակ է փորձարկվելու

Դոլարը կրկին աճել է. Կենտրոնական բանկը սահմանել է նոր փոխարժեքներ

Հրշեջ-փրկարարները մարել են 4 մարզերում ընդհանուր 1,5 հա տարածքում բռնկված հրդեհները

Գիտականի ու գեղարվեստականի զուգորդումը դպրոցում. երեք ուսուցիչների նոր նախաձեռնությունը

Խցանվել է Ստեփանակերտին ջուր մատակարարող խողովակաշարը. անջատումներ կլինեն

Թուրքական մամուլը գրում է Ինջիրլիքի ավիաբազայի հնարավոր փակման մասին

Երևանում ու 6 մարզերում այսօր հոսանքի մինչև 6-ժամյա անջատումներ կլինեն

Իսպանացի 100-ից ավելի գործիչներ կառավարությանը խնդրել են միջամտել բոլոր հայ ռազմագերիների անհապաղ ազատ արձակման հարցում

ԵԱՀԿ ՄԽ համանախագահները դարձյալ կոչ են արել վերադարձնել բոլոր գերիներին

Բարեհաճ վիճակահանություն. հայտնի են Անդրեասյանի և Մխիթարյանի մրցակիցները վարկանիշային մրցաշարում

Սևակ Ամրոյանն ու Իվետա Մուկուչյանը նախագահական նստավայրում ելույթ են ունեցել վիրավոր զինծառայողների համար (տեսանյութ)

Դատախազությունը ուսումնասիրության առարկա կդարձնի ապրիլյան քննիչ հանձնաժողովի գաղտնի զեկույցը

Մեկնարկել են Նորամարգ-Հովտաշեն ճանապարհի հիմնանորոգման աշխատանքները

Թուրքիան սպասում է ռուսական պատվաստանյութին՝ երկրում մտահոգիչ վիճակի բարելավման համար. զրուցել են Էրդողանն ու Պուտինը

Աշխարհի լավագույն պատվաստանյութ է ճանաչվել «Moderna»-ն

Վայոց ձորի մարզպետ Արարատ Գրիգորյանը և 11 աշխատակիցներ պատվաստվել են կորոնավիրուսի դեմ

Զորամիավորումը բերվել է մարտական պատրաստականության բարձր աստիճանի

Զարմանալի էր Լևոն Տեր-Պետրոսյանի կողմից այս հրապարակումն անելը․ Սերժ Սարգսյանի գրասենյակի անդրադարձը