Նախատեսում ենք 141 օրով կանգ առնել. շուրջ 1000 մասնագետ կմասնակցի վերանորոգման աշխատանքներին. ատոմակայանի գլխավոր տնօրեն

2021 թվականը Հայաստանի էներգետիկ ոլորտի համար իրադարձություններով լի տարի է: Հիմնական պատճառներից մեկն այն է, որ աննախադեպ ժամկետով՝ 141 օրով, դադարեցվելու է Մեծամորի ատոմակայանի աշխատանքը, իսկ երկրորդ պատճառը, թերեւս, նոր ատոմակայան կառուցելու համար ՀՀ եւ ՌԴ մակարդակով մեկնարկած քննարկումներն են:

Ատոմակայանի շուրջ ծավալվող գործընթացների մասին զրուցել ենք ԱԱԾ նախկին տնօրեն, այժմ «Հայաստանի ատոմային էլեկտրակայան»-ի գլխավոր տնօրեն Էդուարդ Մարտիրոսյանի հետ:

- Պարոն Մարտիրոսյան, ձեր պաշտոնավարման այս 8 ամիսների ընթացքում ի՞նչ եք հասցրել եւ ի՞նչ եք նախատեսում դեռ անել:

- Վերջին 8 ամսվա ընթացքում մենք որոշակի կառուցվածքային փոփոխություններ ենք արել եւ հետագայում նույնպես նախատեսում ենք անել: Ցանկանում ենք համալրել մեր կոլեկտիվը բանիմաց եւ փորձառու մասնագետներով: Այս տարի բավականին մեծ ծավալների աշխատանք է մեզ սպասվում՝ կապված պլանային նախազգուշական վերանորոգման աշխատանքների հետ: Այս տարի, ի տարբերություն նախորդ տարիների, մենք նախատեսում ենք շուրջ 141 օրով կանգ առնել եւ այդ ժամանակ իրականացնել վերանորոգման աշխատանքներ: Ասեմ, որ այդ ժամանակահատվածում նախատեսվում է շուրջ 1000 մասնագետների միաժամանակ աշխատանք ատոմակայանում, որոնցից 400-ը «Ռուսատոմ Սերվիս» կոնցեռնի ներկայացուցչության մասնագետներն են լինելու:

Բացի այդ՝ բյուջետային վարկի շրջանակներում էլ նախաձեռնել եւ արդեն իրականացնում ենք մի շարք ծրագրեր՝ անվտանգության մյուս հանգույցների փոխարինման, նորացման եւ այդ անվտանգության երաշխիքների բարձրացման ուղղությամբ: Բյուջետային վարկի շրջանակներում շուրջ 63.2 մլրդ դրամից արդեն ստացել ենք 18.7 մլրդ, որը ծախսել ենք անվտանգության սարքավորումների արդիականացման ուղղությամբ: Այս տարի իրականացնելու ենք հովվացման աշտարակների նորացման, ինչպես նաեւ շինարարության եւ մոդերնիզացիայի աշխատանքներ: Իրականացնելու ենք դիզելային գեներատորային կայանի եւ նոր ենթակայանի կառուցում:

Մենք ապահովել ենք ամեն ինչ, որպեսզի մեր գործող ենթակայանը շահագործվի, սակայն մոտ 2-3 տարի հետո բյուջետային վարկի շնորհիվ ունենալու ենք նոր ենթակայան: Ֆինանսավորման հետ կապված որեւէ խնդիր չունենք, ինչպես նշեցի, առաջին մասն արդեն հատկացվել է, առաջիկա ամիսներին 2-րդ եւ 3-րդ մասն էլ կհատկացվի:   

- ԱԱԾ-ից հետո հե՞շտ էր անցում կատարել այլ բնագավառում աշխատանքի, որն էլի անվտանգային եւ ռազմավարական առումով մեծ նշանակություն ունի:

- Ինչպես նշեցիք, ատոմակայանը անվտանգային եւ ռազմավարական նշանակություն ունի: Ես ինքս մասնագիտությամբ ճարտարագետ եմ, որոշ չափով դա էլ է ինձ օգնել ավելի շուտ ինտեգրվել այս աշխատանքներին: Իհարկե, ԱԱԾ-ում եւ ՀԱԷԿ-ում խնդիրները տարբեր են, բայց մի բան ընդհանուր է. դա մեր երկրի անվտանգությունն է: Ատոմակայանը նաեւ մեր տնտեսության անվտանգության երաշխիքն է:  

- Ատոմակայանը այս պահին ի՞նչ դեր ունի Հայաստանի համար:

- Ատոմակայանը մեր տնտեսության եւ անվտանգության երաշխիքն է: Հետագայում նաեւ ունենալով էժան էլեկտրաէներգիա՝ մենք կունենանք նաեւ մրցունակ տնտեսություն: Կարեւորելով ՀԱԷԿ-ի շահագործումը՝ մենք քայլեր ենք ձեռնարկում, որպեսզի մի քանի տարի հետո ունենանք նոր ատոմակայան:

- Տարիներ առաջ ատոմակայանում դժգոհություններ կային աշխատավարձերի հետ կապված, մի շարք աշխատակիցներ անգամ դուրս էին եկել աշատանքից: Հիմա նման խնդիրներ կա՞ն:

- Այն ժամանակ խնդիրներ իրոք առաջացել էին, եւ Կառավարության ու ՀԱԷԿ-ի տնօրինության կողմից գործուն քայլեր ձեռնարկվեցին, ու բոլոր աշխատակիցների աշխատավարձը բարձրացավ: Մեր նեղ մասնագիտական աշխատանք իրականացնող աշխատակիցներն ավելի բարձր են վարձատրվում, քան՝ մյուսները: Իհարկե, աշխատավարձի հետ կապված խնդիրներ կարող են միշտ ծագել, բայց կարծում եմ՝ այս պահին նման խնդիրներ չունենք:

- ՀՀ վարչապետն ու ՌԴ նախագահը օրեր առաջ քննարկել են Հայաստանում նոր ատոմակայան կառուցելու հարցը: Ինչո՞ւ է նոր ատոմակայան կառուցելու անհրաժեշտություն առաջացել: Այս հարցի քննարկումներին դուք մասնակցելո՞ւ եք:

- Նոր ատոմակայան ունենալու հարցը միշտ բարձրացվել է իմ կողմից, քանի որ ներկա ատոմակայանի շահագործման ժամկետը լրանում է, եւ անհրաժեշտություն է առաջացել նոր ատոմակայան կառուցելու:

Ինչպես գիտեք, մեր ատոմակայանն այս տարի երկարացնելու է իր շահագործման արտոնագիրը եւս 10 տարի ժամկետով: Ընդհանուր առմամբ, այս տիպի ռեակտորները նախատեսված են շահագործման 60 տարի ժամկետով, եւ այդ ժամկետը լրանալու է 2036 թվականին, հենց այդ ժամանակահատվածում մենք պետք է ունենանք այլ փոխարինող աղբյուրներ: Հաշվի առնելով, որ ՀԱԷԿ-ը իրականացնում է ՀՀ-ում շուրջ 40 տոկոս հոսանքի մատակարարում՝ մենք կարեւորում ենք նոր ատոմակայանի կառուցման հարցը: ՀՀ վարչապետն ու ՌԴ նախագահը քննարկել են այդ հարցը: Դա նաեւ քննարկվել է տարածքային կառավարման եւ ենթակառուցվածքների նախարարությունում: Պարոն Պապիկյանի կողմից հանձնարարական կա այդ ուղղությամբ աշխատանքային խումբ ստեղծելու:

Բացի այդ՝ մենք ՀՀ-ում զարգացնում ենք կանաչ էներգիայի աղբյուրները, ու կարծում եմ՝ փուլ առ փուլ նաեւ որոշակի տեղ պետք է զբաղեցնի կանաչ էներգիան:

- Հաշվարկներ կա՞ն, թե որքան գումար է անհրաժեշտ նոր ատոմակայան կառուցելու համար:

- Այս պահի դրությամբ մեզ անհրաժեշտ է շուրջ 600 մեգավատ հզորությամբ ռեակտոր, որն ամբողջությամբ կապահովի մեր էներգետիկ համակարգի բացը: Դա կարող է լինել 2 բլոկից կազմված:

Դժվարանում եմ հաշվարկների մասին ասել, քանի որ օրեցօր նոր տեխնոլոգիաներ են զարգանում, բայց կարծում եմ՝ նոր էներգոբլոկը թույլ կտա մեզ տնտեսել որոշակի միջոցներ, քանի որ օժանդակ սարքավորումներ կան, որոնք կծառայեն նաեւ նոր ատոմակայանի համար:

Նոր ատոմակայան կառուցելը առհասարակ բավականին մեծ ներդրումներ է պահանջում, տարբեր պետություններ 1000 մեգավատ հզորությամբ 1 էներգոբլոկի համար ծախսում են մինչեւ 6-7 մլրդ դոլար: Բայց ինչպես նշեցի, մեր ատոմակայանի եղած սարքավորումները կփորձենք օգտագործել լրացուցիչ միջոցներ տնտեսելու համար:

- Պարոն Մարտիրոսյան, 141 օրով ատոմակայանը կանգնեցնելը որքանո՞վ կարող է խնդիր ստեղծել Հայաստանի համար էներգետիկ առումով:

- Մայիսի 15-ից մեր հոսանքի բացը կլրացվի մյուս էներգիա արտադրող կազմակերպությունների կողմից: Խնդիր լինելու դեպքում մենք այդ 141 օրվա կանգառի քայլին չէինք գնա: Մամուլում վերջին շրջանում տարածվում են լուրեր, առանձին ուժերի կողմից էլ քաղաքական գնահատական է տրվում, թե ատոմակայանը չի աշխատում: Ուզում եմ հավաստիացնել, որ ատոմակայանն աշխատում է իր բնականոն ռեժիմով եւ արտադրում է էլեկտրաէներգիա: Մեր կանգը նախատեսված է մայիսի 15-ից մինչեւ հոկտեմբերի 2-ը: Սահմանված ժամկետից հետո ատոմակայանը շարունակելու է իր բնականոն աշխատանքը: Կարծում եմ՝ վերանորոգումից հետո կունենանք որոշ չափով արտադրվող էներգիայի ծավալների աճ՝ մինչեւ 20-30 մեգավատ, ինչը մեզ թույլ կտա հավելյալ էլեկտրաէներգիա առաքել ցանց:

- Փոխարժեքն ի՞նչ ազդեցություն ունի այս պահին ատոմակայանի սակագնի վրա:

- Իհարկե, դրամի որոշ չափով արժեզրկումն իր հետեւանքները թողնում է, եւ որոշակի չափով ավելի գումար ենք վճարում, քանի որ հիմնականում մեր մատակարար կազմակերպությունները արտերկրից են, եւ մենք ստիպված ենք լինում վճարել այդ օրվա տարադրամի փոխարժեքով:

- Ատոմակայանի վարկի սպասարկման գործընթացն ինչպե՞ս է ընթանում:

- Ատոմակայանի վարկի սպասարկումը մենք իրականացնում ենք ժամանակին, առանց որեւէ խոչընդոտների: Ֆինանսական որեւէ խնդիր չունենք եւ չենք էլ ունենալու:

- ՀԱԷԿ-ը գնումներում տնտեսումներ իրականացրե՞լ է:  

- Իհարկե, որոշ աշխատանքներ, որոնք նախատեսված են շահագործման ժամկետի երկարացման ծրագրի շուրջ, իրականացնում ենք մեր մասնագետների շնորհիվ եւ շուրջ 10 մլն դոլարի տնտեսում ենք անում այդտեղ: Գնումներով էլ ենք փորձում տնտեսումներ իրականացնել, քանի որ բաց մրցութային ընթացակարգով գործընթաց է տեղի ունենում, փորձում ենք ամեն ինչ անել, որ իրականացվեն որակյալ եւ գնային առումով մատչելի աշխատանքներ:

Տպել
1694 դիտում

Կորոնավիրուսի դեմ գործող պատվաստանյութերով ում է թույլատրվում պատվաստվել ու որն է աշխարհում ամենաէֆեկտիվը

Իրականացվել են մարտական հերթապահության հերթափոխի նախապատրաստական աշխատանքներ

ԵՄ Գրական մրցանակին ներկայացված Արամ Ավետիսն անլուրջ է վերաբերվում այդ մրցույթին. գրողն անգամ վաղվա հանդիպմանը չի գնալու

Խաղաղապահ ուժերի բրիգադի անձնակազմի հետ թրաֆիքինգի թեմայով սեմինար-քննարկմում է անցկացվել

Բեզոարյան այծի որսի հանգամանքները պարզվել են

Հայոց ցեղասպանության վերաբերյալ ավելի շատ փաստաթղթային ապացույցներ կան, քան Հոլոքոստի. հոդված իսպանական El Pais-ում

Ասֆալտապատվում են Արալեզ համայնքի մի շարք փողոցներ

Արթիկի բաժին բերման ենթարկվածի մեքենայում թմրամիջոցի նմանվող զանգվածներ են հայտնաբերվել (տեսանյութ)

Չեմ կարող «մեռնեմ օրենքին» ասել, դուռը խփել ու գնալ. Գեղամ Գեւորգյանը հրաժարականի դիմումը հետ վերցնելու և իր հայցի մասին

ԸՕ փոփոխությունների փաթեթն 1-ին ընթերցմամբ ընդունվեց. հնչեց առաջարկ՝ վատ պատգամավորներին հետ կանչելու կարգ ներդնել

«Ալաշկերտը» հաղթեց և դարձավ առաջատար, «Նոան» և «Արարատ-Արմենիան» չպարզեցին հաղթողին

ԱԳՆ հայտարարությունը Լատվիայի խորհրդարանի կողմից Հայոց ցեղասպանությունը ճանաչող հռչակագրի ընդունման առնչությամբ

Ավտոմեքենան դուրս է եկել ճանապարհի երթևեկելի հատվածից, ընկել Տերյան փողոցին հարակից շինհրապարակ

Նիկոլ Փաշինյանի նախկին փաստաբանը դատի է տվել Նիկոլ Փաշինյանին

ՎՏԲ-Հայաստան բանկն առաջարկում է վճարային քարտեր ուսանողներին

ԵԱՀԿ նախագահը քննարկել է հակամարտությունների, այդ թվում՝ ԼՂ խնդրի կարգավորման հեռանկարները. «Արմենպրես»

Անահիտ Ավանեսյանն աշխատանքային այցով այսօր եղել է Կոտայքի մարզում

Չկա որեւէ ՀԿ, որի գերին է «Իմ քայլը» դաշինքը. գործընկերության ոգին դուք ինքներդ խախտեցիք. Դանիելյանը՝ Գորգիսյանին

Էդմոն Մարուքյանն իրեն թույլ է տվել մերկապարանոց մեղադրանքներ հնչեցնել ԳՇ պետ Արտակ Դավթյանի հասցեին. Սամվել Ասատրյան

ԶՈՒ ԳՇ հետախուզության գլխավոր վարչության պետը հանդիպել է Վազգեն Սարգսյանի անվան ռազմական համալսարանի կուրսանտների հետ

ԵՊՀ-ն կդիմի Վարչական դատարան՝ վիճարկելու բուհերի վերաբերյալ Կառավարության որոշումը

Երևանն ու Նուրսուլթանը մեծ դերակատարություն ունեն հայ-ղազախական հարաբերությունների խորացման գործում

Թեհրանը համաձայն չէ Արևմուտքի պահանջներին

Սահմանում օպերատիվ մարտավարական կայուն իրավիճակը պահպանվել է

Արթիկում մսուր-մանկապարտեզ կկառուցվի. Կառավարությունը 100 մլն դրամ է հատկացրել

ԱՄՆ Պետդեպարտամենտը Կիևին խորհուրդ է տվել չշտապել ՆԱՏՕ-ին անդամակցելու հարցում

Իսրայելում առկա է հինգերորդ ընտրություններն անցկացնելու հավանականությունը

Բելգիայից՝ Սանդրոն, Թեհրանից՝ Թարան. շրջիկ բուժկենտրոնում COVID19-ի դեմ պատվաստվել ցանկացողների հոսքն այսօր մեծ էր

Հրատապ է ռազմագերիների, պատանդի կարգավիճակում գտնվող քաղաքացիական անձանց վերադարձը. Այվազյանը՝ Լավրովին (տեսանյութ)

Միացյալ Թագավորությունը հետաքրքրված է տարածաշրջանում կայուն խաղաղության պահպանմամբ․ ԱԺ նախագահն ընդունել է դեսպանին

«ՍԴ-ն Հռոմի պապից կաթոլիկ գտնվեց». ՀՀ գլխավոր դատախազը՝ 300․1 հոդվածի հակասահմանադրական ճանաչելու մասին

Մոտ ժամանակներս կկարողանանք լուծել պահվող անձանց վերադարձի խնդիրը. Սերգեյ Լավրով

Տեր-Պետրոսյանի երեկ հրապարակած չստորագրված հայտարարության մասով կարող եմ միայն երեք բան ասել․ Վահագն Ալեքսանյան

Կան ապացույցներ՝ Թուրքիայի միջամտությամբ ահաբեկչական խմբավորումներ ու վարձկաններ են տեղափոխվել Ադրբեջան. Արթուր Դավթյան

ԱԺ խորհուրդը քննարկում է այսօր երեկոյան արտահերթ նիստ հրավիրելու հարցը. օրակարգում մեկ հարց է

Սերգեյ Լավրովն այցելել է Հաղթանակ զբոսայգի

Անհրաժեշտ է վերականգնել խաղաղ գործընթացը՝ ԼՂ հակամարտության վերջնական կարգավորման հասնելու նպատակով. Փաշինյանը՝ Լավրովին

Աշխատանքի և սոցիալական հարցերի նախարարությունը հայտարարում է դրամաշնորհային մրցույթներ

Ադրբեջանի կողմից արգելված զինատեսակների օգտագործման փաստերով հարուցված են քրգործեր. Արթուր Դավթյան

Նիկոլ Փաշինյանը հանդիպել է Սերգեյ Լավրովի հետ