Ասացի՝ Հայկո, մեր ազգի համար ես պայքարում. պատերազմին մասնակցած 18-ամյա Հայկը բուժումը կշարունակի Գերմանիայում

Արցախյան վերջին պատերազմին մասնակցած 18-ամյա ժամկետային զինծառայող Հայկ Զաքարյանը 6 ամիս է՝ գտնվում է Երեւանի «Աստղիկ» բժշկական կենտրոնում: Այստեղ է տեղափոխվել հոկտեմբերի 14-ին, երբ Քարվաճառի Օմարի լեռնանցքը պաշտպանելիս հոկտեմբերի 13-ին գլխի շրջանում ստացել է բեկորային ծանր վիրավորում:

Հայկը դեռ վերակենդանացման բաժանմունքում է, վիճակը ծանր է, բայց՝ կայուն։

«Առաջին օրը, որ մենք իրեն տեսանք, իմացանք, որ վիրահատել են։ Գիտակցությունը բավարար էր, զգում էինք, որ հասկանում է, հիշում է մեզ։ Մի անգամ ասացի՝ հիշո՞ւմ ես՝ հոպարդ եկել է մոտդ, բայց իրականում չէր եկել, ինքը մտածեց, ասաց՝ չէ, չի եկել։ Հեռախոս էի տվել իրեն, իր ուզած ծրագրերը նայում էր, զբաղվում էր, իր հոպարի աղջկա հետ էր խոսում հեռախոսով, ասում էր՝ լավ եմ: Մի օր բժիշկներին ասել էր՝ մամայիս եմ ուզում տեսնել: Հիմա տղայիս այցելում ենք ամեն օր երկու անգամ, ժամը 12-ից էստեղ ենք գալիս»,- մեզ հետ զրույցում ասաց Հայկի հայրը՝ Արթուր Զաքարյանը:

Առաջին բուժօգնությունը Հայկին ցուցաբերել են Վարդենիսի զինվորական հոսպիտալում, որտեղ էլ վիրահատել են, այնուհետև՝ տեղափոխել Երևան: Ծնողները, սակայն, չեն իմացել, որ իրենց տղան վիրավոր է: Հիվանդանոցի աշխատակիցներից մեկը, որը նրանց հարևանուհին է, տեսել է Հայկին, մտածել է՝ գուցե սխալվում է՝ Հայկը չէ, կանչել է իր տղային, որը Հայկի մտերիմ ընկերն է, վերջինս էլ ճանաչել է նրան և տեղեկացրել ծնողներին: «Մեզ իր հրամանատարը պատմեց՝ վիրավորվել է, տեղափոխել են Վարդենիս, ճանապարհին ասել է՝ հրամանատար, ինձ կփրկեք, չէ, այդ օրն էլ առաջին անգամ իր հրամանատարը ներարկիչ է վերցրել ձեռքն ու տղայիս ցավազրկող է ներարկել։ Հայկս գիտակից վիճակում է եղել հոսպիտալում, ասում են՝ ընդդիմացել է, էնքան ուժեղ է եղել, որ բոլոր կողմերից իրեն բռնել են, որ կարողանան ներարկել»,- պատմեց հայրը։

Հայկը ընտանիքի երկրորդ զավակն է։ Սովորել է Երևանի Պեյո Յավորովի անվան 131 դպրոցում, այնուհետև՝ 194 ավագ դպրոցում: Զբաղվել է ձիարշավով, գիմնաստիկայով։ Ուսումն ավարտելուց հետո՝ 2019 թվականի հուլիսի 9-ին, զորակոչվել է բանակ։ Սկզբում ծառայել է Նուբարաշեն վարչական շրջանի զորամասերից մեկում, որտեղ էլ սեփական ցանկությամբ կամավոր գրանցվել և մասնակցել է դիպուկահարի դասընթացներին: Չորս ամիս անց տեղափոխվել է Արցախ, ծառայության անցել Քարվաճառի զորամասերից մեկում: «Ամեն օր 5-6 անգամ «Բանակում» սերիալն էր նայում, երևի մտածում էր՝ ոնց սերիալում է, էդպես էլ իրական կյանքի բանակում է: Հետո զորակոչվեց, ուրախ գնաց բանակ։ Ես մի քիչ անհանգիստ էի, որ ուզում էր դիպուկահար դառնալ, բայց իր կամքով մասնակցում էր դասերին, քննություններ էր հանձնում, միշտ առաջինների մեջ էր: Մի անգամ զանգեց ասաց՝ պապ, 4 ստացա, բայց չեմ հասկանում՝ ինչի տենց եղավ, էլի»,- հիշում է հայրը։

Մեկուկես տարվա ծառայության ընթացքում Հայկը երբեք չի դժգոհել ծառայությունից, ասում են ծնողները։ Ծառայության ընթացքում էլ արժանացել է պատվոգրերի։ Մանկուց ակտիվ, իր ասածին տեր Հայկը բանակում ստիպված համակերպվել էր կանոններին։ Հիմա ծնողները ժպիտով վերհիշում են, թե իրենց հետ զրույցներում ինչի մասին էր խոսում նա․ «Մի անգամ զանգեց, ասաց՝ մամ, մի քանի հոգի պատվոգրեր են ստացել, մեկը ես եմ։ Զրույցներից մեկի ընթացքում էլ ասաց՝ զորացրվեմ, ուսումս շարունակելու եմ, հոգեբանի մասնագիտությունն էր ուզում ընտրել։ Նրբերշիկն էլ իր սիրած ուտելիքն էր, մի օր խոսում էինք, ասացի՝ Հայկո, բա ո՞նց ես դիմանալու առանց դրա, ասաց՝ էստեղ սնվում ենք՝ ոնց տանը, պապ ջան, տարբերություն չկա։ Այսինքն՝ ինձ հետ խոսելիս երբեք չէր դժգոհում»։

Պատերազմը սկսվելու առաջին օրն էլ հովազի նման արագաշարժ Հայկը պահում էր իր գնդին վստահված «Հովազ 2» դիրքը։ Առաջին օրից կապ ունեցել է ծնողների հետ, ինքը Արցախից է նրանց ոգեշնչել, նրանք էլ՝ Երևանից իրեն։ Հայրն ասել է՝ Հայկո ջան, վախենալու ոչինչ չկա, մեր ազգի համար ես պայքարում․ «Ասացի՝ Հայկո ջան, սա բոլորիս պայքարն է, իմացիր՝ դու ինչ էլ որ անես, մեր հայրենիքի համար ես անում։ Ինքն էլ շատ բան չէր ասում, մենք էլ վախենում էինք իր անվտանգության համար, մենակ լսում էի՝ լավ եմ ու վերջ։ Ասում էր՝ ամեն ինչ լավ է լինելու, պապ ջան, ամեն ինչ լավ ա»։  

Հիմա Հայկի վիճակը, ըստ բժիշկների, գնահատվում է կայուն, հանվել է շնչառական ապարատը, բայց գիտակցություն դեռ չունի: Սկզբնական շրջանում նրա առողջական վիճակը մի քանի անգամ վատթարացել է, խնդիրներ են եղել բոլոր օրգանների հետ: Հեռացվել է նաև նրա գանգոսկրի ճակատային հատվածը: Բուժման ընթացքում Հայկը վարակվել է կորոնավիրուսով, ինչպես նաև՝ մենինգիտով: «Իր վիճակը մի պահ վատացավ, դադարեց բերանով հաց ուտել, սնուցման զոնդ դրեցին: Թոքաբորբ ընկավ, հաստ աղիքը բորբոքվեց, բոլոր մկանները խնդիրներ ունեցան: Միգուցե հակաբիոտիկներից էր, որ ընդունում էր, ասում են, չէ, դեղերը մի կողմից օգուտ են տալիս, մյուս կողմից վնասում են. 6 ամիս է պառկած վիճակում է, գուցե նաև դրանից էր: Էդ ժամանակ դադարեց բերանով հաց ուտել, զոնդ դրեցին, հետո ստամոքսը լայնացավ, էլ հնարավոր չեղավ էդ զոնդով կերակրել, ավելի բարակը տեղադրեցին հաստ աղիքի մեջ, հատուկ ուտելիք կա, զոնդի միջոցով սնում էին դեպի հաստ աղիքը, բայց որոշ ժամանակ անց ստամոքսի լայնացումը բուժվեց, էլի բժիշկների շնորհիվ էդ վիճակից դուրս եկավ։

Հիմա զոնդը կա, բայց՝ ստամոքսից: Միայն գլխի վնասվածքն է ծանր, իր մարմինը վնասված չէ, դիմաճակատային ոսկորն էլ ամբողջությամբ հեռացված է, կոկորդին սարք է դրված: Բժիշկները կասկածում են՝ գիտակցություն ունի, թե չէ: Եղել են պահեր, որ ես մտածել եմ՝ լավ էլ գիտակցում է երեխես, բայց որոշ ժամանակ հետո ուզեցել եմ նորից փորձել, չի ստացվել: Օրինակ՝ ասել եմ՝ աչքերդ փակի, փակել է, բայց մտածում ենք՝ դա միամիտ է եղել, թե ինքը պետք է փակեր, բայց բժիշկները դեռ չեն հաստատում, որ ինքը մեր հրահանգները կատարում է: Բժիշկներն ասել են՝ բոլոր պոտենցիալները ունի ապաքինվելու»,- ասաց Հայկի հայրը:

Փետրվար ամսվա ընթացքում Հայկին տրվել է հաշմանդամության առաջին խումբ։ Նրան շաբաթը երկու անգամ այցելում են նաև զինծառայողների վերականգնողական կենտրոնի ֆիզիոթերապևտները և լոգոպեդը, ովքեր համապատասխան մերսումների միջոցով աշխատում են վերականգնել նրա բերանի կլման ակտի աշխատանքը և մկանային համակարգը։  

Իրեն բուժող բժիշկները 18-ամյա զինվորի համար որակյալ բուժօգնություն են ապահովել, շեշտում են ծնողները, բայց խորհուրդ են տվել տղային տեղափոխել Գերմանիա՝ բուժումը շարունակելու համար։ Այդ խնդրանքով Զաքարյանները դիմել են պաշտպանության նախարարությանը, որն էլ շատ չանցած՝ արձագանքել է իրենց դիմումին։ Ապրիլի 7-ին նախարար Վաղարշակ Հարությունյանը այցելել է «Աստղիկ» բժշկական կենտրոն, բժշկական կենտրոնի ղեկավարության, բուժող բժիշկների հետ քննարկվել Հայկ Զաքարյանի բուժումն արտերկրում կազմակերպելու հարցը։

«Մեր տղայի բուժման հարցով դիմեցինք Պն, դիմումը գրելուց հետո մի շաբաթ էլ չէր անցել՝ արագ արձագանքեցին։ Ապրիլի 7-ին հանդիպեցինք նաև նախարար Վաղարշակ Հարությունյանի հետ, Անդրանիկ Քոչարյանի հետ, միաձայն որոշեցին Հայկոյին տեղափոխել Գերմանիա։ Ամբողջ ծախսերը հոգալու է նախարարությունը։ Համապատասխան կլինիկան արդեն գտնվել է, փաստաթղթային հարցերը՝ կարգավորվել, հիմա սպասում ենք՝ երբ ենք տեղափոխվելու»,- ասաց Արթուր Զաքարյանը։

Նրա խոսքերով՝ հիվանդանոցի բուժանձնակազմը ուրախ է, որ Հայկին տեղափոխելու են արտերկիր, բայց ասում են՝ ինչ ենք անելու, որ գնա, Հայկը իրենց ընտանիքի մի մասնիկն է դարձել․ «Հայկս աստղով երեխա է, ուր գնում է, սիրվում է բոլորի կողմից։ Հեռախոսներս դադար չունի, ամեն տեղից՝ սփյուռքից, արտերկրից, զանգում են ծանոթ-անծանոթ մարդիկ, իր մասին հարցնում։ Բուժքույրերն էլ գնում-գալիս, իր այտերն են պոնչո անում։ Իր հրամանատարներն էլ են մեզ հետ կապի մեջ»։

Սեպտեմբերի 28-ից Զաքարյանները կանոնավոր պարբերականությամբ գնում են եկեղեցի, ինչպես պատերազմի օրերին, այնպես էլ հիմա մոմ վառում բոլոր զինվորների և իրենց տղայի առողջության համար: Հույսն ու հավատը չեն կորցնում, ասում են՝ իրենց տղան պատերազմ է տեսել, սա էլ կհաղթահարի:

Մերի Խաչատրյան

Տպել
1186 դիտում

Սև լիճ տեղանքում ադրբեջանական գործողություններն անհանդուրժելի են, դա ոտնձգություն է ՀՀ տարածքի նկատմամբ. Նիկոլ Փաշինյան

Շնորհակալություն, որ անաչառ եք. Շիրակի մարզպետն ամփոփեց աշխատանքային 100 օրը

Արբեջանական զինվորականների ներկայությունը Սև լճի տարածքում կոպտորեն խախտում է ՀՀ սահմանային բնակիչների իրավունքները․ ՄԻՊ

ВАЗ 2107 մակնիշի ավտոմեքենան մխրճվել է ՊՆ-ին պատկանող բեռնատարի մեջ․ կան վիրավորներ․ Shamshyan

Գազայում ավերվել է 16-հարկանի երկնաքերը. պաղեստինա-իսրայելական հրթիռակոծությունները չեն դադարում (տեսանյութ, լուսանկար)

Նիկոլ Փաշինյանի գլխավորությամբ տեղի է ունենում Անվտանգության խորհրդի նիստ

Տավուշում հանգիստ է․ Ստյոպա Սաֆարյանը գտնվել է «թուրքի պոստից» 300-500 մետր հեռավորության վրա

Ոսկեպար-Բաղանիս-Ոսկեվան սահմանային հատվածում կրակահերթեր տեղի չեն ունեցել. Info chechk

Դուք վստա՞հ եք, որ վառելիք չկար. եթե «Երեւանի ավտոբուս» ՓԲԸ-ն պարտքը չտա, «ՍԻՓԻԷՍ ՕԻԼ» ՍՊԸ-ն կդիմի դատարան

Սյունիքի մարզպետարանը հորդորում է մարզպետին չվերագրել խոսքեր, որոնք իրականում նա չի ասել

Հայտնի են Չեմպիոնների լիգայի և Եվրոպայի լիգայի եզրափակիչների մրցավարական կազմերը

Նիկոլ Փաշինյանը դատապարտելի է համարել Ադրբեջանի կողմից եռակողմ հայտարարությունների խախտման փորձերը

Սերգեյ Շոյգուն բանակցություններ է վարել Հայաստանի պաշտպանության նախարարի հետ

Երկրորդ զորամիավորումում մեկնարկել են հրամանատարաշտաբային զորավարժություններ

Աչքերս փակ, թե բաց, միշտ բարի լույս եմ ասելու իմ քաղաքին. Գյումրին հրաժեշտ տվեց Հասմիկ Կիրակոսյանին (լուսանկարներ)

Ադրբեջանցիների կողմից մեր ջուրը թունավորելու մասին լուրերը կեղծ են. Սիսիանի ԲԿ տնօրենը՝ վարակի հարյուրավոր դեպքերի մասին

ՄԻԵԴ Մեծ պալատը կքննի Հայաստանի և Ադրբեջանի փոխադարձ բողոքները

Ծանրամարտի երիտասարդների աշխարհի առաջնությունում Հայաստանի 7 ներկայացուցիչ հանդես կգա

Արարատ Միրզոյանի գլխավորած պատվիրակությունը հանդիպել է Լիտվայի վարչապետ Ինգրիդա Շիմոնիտեին

Կառավարությունը ԱԱԾ-ին Կապանում եւ Գորիսում հողամասեր կհատկացնի պաշտպանության ամրապնդման համար

Քիչ առաջ եմ իջել Սեւ լճից. ադրբեջանցիները մտածված եկել, սահմանը խախտել են, հիմա պիտի գնան իրենց տեղերը. Սյունիքի մարզպետ

«Ձեր ներկայությունը մեզ ուժ է տալիս». քաղաքապետը Աղվան Չատինյանին հանձնել է Երևանի պատվավոր քաղաքացու կոչումը

Հայաստանի և Վրաստանի ԱԳ նախարարներն անդրադարձել են տարածաշրջանային անվտանգության և փոխկապակցվածության հարցերի

«Դոն Պիպոյի» թիկնապահի սպանության գործով խուզարկություն Այգեշատի գյուղապետի տանը, հայտնաբերվել է թմրանյութ.shamshyan.com

Ժողովուրդը պետք է հստակ ասի «ոչ» բոլոր ժամանակներում երկիրը ապականած և ապագան վիժեցրած ուժերին․ Նորայր Նորիկյան

5-րդ զորամիավորումում հայտարարվել է ուսումնական տագնապ․ ՊՆ

Քաղաքական հայտ ներկայացրած բանդան պետության ներսում կազմակերպված մեդիաօպերացիա է իրականացնում ժողովրդի դեմ. Հովհաննիսյան

Առաջարկվում է աշխատողին արձակուրդ տրամադրել նաեւ մինչեւ վեց ամիս լրանալը, արձակուրդ չտրամադրելու դեպքում տուժանք վճարել

Տիգրան Ուրիխանյանը և Արա Աբրահամյանն այսօր հուշագիր կստորագրեն․ Աբրահամյանը «Ալյանս» կուսակցության ցուցակո՞ւմ կլինի

Վրաստանի վարչապետ Իրակլի Ղարիբաշվիլին Տիգրան Ավինյանի հետ այցելել է Ծիծեռնակաբերդ

ԶՈՒ ԳՇ պատվիրակությունը Մոսկվայում մասնակցել է զորավարժության նախապատրաստման բանակցություններին

Կենտրոն վարչական շրջանը ղեկավար չունի. թաղապետին փոխարինողը ձերբակալված է, իսկ թաղապետն արձակուրդից չի վերադառնում

Մեղրաձոր համայնքի նախկին ղեկավարը չարաշահել է պաշտոնեական դիրքը․ քրեական գործն ուղարկվել դատարան

Առկա ամբողջ արտադրանքը կարտահանվի ԱՄՆ. Վահան Քերոբյանն այցելել է չրագործական ընկերություն և պիստակի այգի

Հայաստանի հետ սահմանին ադրբեջանցի է պայթել ականի վրա

Հայ-վրացական գործընկերությունը մեր տարածաշրջանում կայունության ապահովման կարևորագույն երաշխիքներից է. Նիկոլ Փաշինյան

«Իրազեկ քաղաքացիների միավորումը» ներկայացնում է նոր նախագիծ՝ Reforms.am կայքը

Արա Այվազյանն իր ռուս գործընկերոջը տեղեկացրել է Հայաստանի պետական սահմանին տեղի ունեցած վերջին միջադեպի մասին

Պետք է աջակցենք իրար մեր պետությունների զարգացումն ապահովելու գործում. Փաշինյանի և Ղարիբաշվիլիի առանձնազրույցը

«Քաղաքացիական պայմանագիր» կուսակցության Շիրակի մարզային շտաբը կղեկավարի Շիրակի մարզպետը. ի՞նչ պահանջներ են առաջադրված