Ես ուրիշներին եմ սովորեցնում զարգացման ծրագիր գրել, իմ ծրագիրը մերժում են. Վանեսյանը բողոքարկել է մրցույթի արդյունքները

Կոտայքի մարզի «Հրազդան բժշկական կենտրոնի» տնօրենի թափուր պաշտոնը զբաղեցնելու համար հունվարի 26-ին մրցույթ էր անցկացվել: Սակայն մրցույթին մասնակցած 7 թեկնածուներից ոչ մեկին այդպես էլ չէր հաջողվել ընտրվել: Ավելին՝ թեկնածուներից Նարեկ Վանեսյանը, ով ներկայումս «Ավան» կլինիկայի ղեկավարն է, դիմել է դատարան՝ հայց ներկայացնելով ընդդեմ Կոտայքի մարզպետարանի։ Նա համաձայն չէ, որ մրցույթի հանձնաժողովը իրեն հաղթող չի ճանաչել:

Վանեսյանը պնդում է՝ ինքը թեկնածուներից միակն է եղել, որ հաջողությամբ անցել է մրցույթի երեք փուլերն էլ։ Հանձնաժողովի անդամները, որի նախագահն էր Կոտայքի մարզպետը, իրեն քննել են մոտ 2.5 ժամ: «Մրցույթի բոլոր փուլերը անցել եմ, ոչ բոլոր թեկնածուներն են դա հաղթահարել։ Երկրորդ փուլը հարցազրույցն էր, մինչ ինձ մասնակցած 4 մասնակիցները կտրվել էին։ Երրորդ փուլում արդեն ներկայացրել եմ կազմակերպության նախնական զարգացման իմ ծրագիրը, բանավոր կերպով, ընդ որում, այդ ծրագրերը մրցույթը լինելուց երեք օր առաջ ենք ներկայացնում մարզպետարան։ Ինձ, եթե չեմ սխալվում, 2 ու կես ժամ քննել են, այսինքն՝ ես խոսում էի, իրենք՝ լսում, մենախոսություն էր։ Ինձ հարց է տվել երկու հոգի, մեկ հարց էլ եղել է մարզպետի կողմից, որին պատասխանել եմ։ Դրանից հետո տեղի է ունեցել գաղտնի քվեարկություն: Ինձ դեմ են քվեարկել 5-ը, կողմ՝ 2-ը։ Երբ որ ես հանձնաժողովին հարցրի՝ ինչն է պատճառը դեմ քվեարկելու, ոչինչ չպատասխանեցին, ես էլ օգտվեցի իմ իրավունքից, որ կարող էի մրցույթի արդյունքները մեկ ժամվա ընթացքում բողոքարկել՝ բողոքարկեցի»,- մեզ հետ զրույցում մանրամասնեց Նարեկ Վանեսյանը։

Ըստ Վանեսյանի՝ չնայած բողոքարկման հանձնաժողովը կազմել է եզրակացություն, որ իր ներկայացրած զարգացման ծրագիրը համապատասխանում է մրցույթի չափանիշներին, միևնույն է, մարզպետը մրցույթի արդյունքները թողել է անփոփոխ:

Բուժկենտրոնի տնօրենի պաշտոնի հավակնորդը զարմանում է՝ ինչի համար է հանձնաժողովը զարգացման իր ծրագրին դեմ քվեարկել։ Ինքն ուրիշներին է սովորեցնում՝ ինչպես գրել այդ ծրագրերը, իր ուսանողները դառնում են տնօրեններ, ղեկավարներ։ Մտածում է՝ մարզպետն է ուղղորդել հանձնաժողովի անդամներին, որ իր ծրագրին դեմ քվեարկեն․ «Տնտեսագիտական համալսարանում ես դասավանդում եմ։ Ունենք մագիստրոսական ծրագիր, որը կոչվում է «Առողջապահության կառավարում և վարչարարություն», ունենք «Հոսպիտալ մենեջմենթ» կարճատև ծրագիրը։ Ես բոլորին զարգացման ծրագիր գրել եմ սովորեցնում: Այն, ինչ որ ես դասավանդում եմ, նրանք հաջող կերպով յուրացնում են, դառնում են տնօրեններ, ղեկավարներ, Կոտայքի մարզպետը առանց պատճառի որոշել է, որ ենթադրենք՝ 162 հոգու զարգացման ծրագիր գրել սովորեցնող մարդու զարգացման ծրագիրը լավը չէ, բայց հարց է առաջանում՝ արդյոք այդ մարդիկ մասնագիտական առումով իրավունք ունեն դա որոշելու, թե ոչ: Մի բան է, որ կառավարության որոշումը ասի՝ հանձնաժողովը պետք է ձևավորվի մարզպետարանից, այնուամենայնիվ, այդ հանձնաժողովում գոնե պետք է այնպիսի մարդիկ լինեն, որ ոլորտի հետ առնչվում են, հակառակ դեպքում դա դիտարկում եմ ուղղորդված, այսինքն՝ ինձ մրցույթից, քննությունից կտրելու փաստը համակարգել է մարզպետը, մարզպետը չի ուզել, որ ես ընդունվեմ, մնացածը դեմ են քվեարկել»,- ասում է Նարեկ Վանեսյանը։

Փետրվարի 24-ին Նարեկ Վանեսյանը դիմել է դատարան։ Մարտի 9-ին դատարանը բավարարել է հայցի ապահովումը, որի համաձայն՝ Կոտայքի մարզպետին արգելվում է Հրազդան բժշկական կենտրոն ՓԲԸ-ի տնօրենի թափուր պաշտոնը զբաղեցնելու համար մրցույթ հայտարարել, ինչից հետո միայն կսկսվի դատական բուն գործընթացը, որով Վանեսյանը խնդրում է դատարանին՝ անվավեր ճանաչել մրցույթի արդյունքները, տեղի ունեցած մրցույթում իրեն հաղթող ճանաչել և պարտավորեցնել Կոտայքի մարզպետին իրեն նշանակել ԲԿ տնօրենի պաշտոնում։

«Մինչ կլիներ դատարանի որոշումը, Կոտայքի մարզպետարանի  կողմից փետրվարի 13-ին Հրազդան ԲԿ-ում արդեն հայտարարվել էր մրցույթ»,- նշեց Վանեսյանը։ Ըստ նրա, մրցույթին դիմել են նախորդ մրցույթում դուրս մնացած 4 թեկնածուները. «Եվ ասեմ, որ մասնակիցների մի մասը այդ հիվանդանոցի տնօրենի նախկին պաշտոնակատարներն էին կամ նախկին տնօրենը։ Հիմա դատարանը հայցս բավարարել է հայցի ապահովման մասով, մինչև դատաքննությունը կսկսվի, և կորոշեն՝ ես հաղթած եմ համարվում, թե ոչ»։

Վանեսյանն ասում է՝ ինքը ձգտում է Հրազդանի բժշկական կենտրոնի տնօրեն դառնալ՝ հաստատության զարգացումն ապահովելու նպատակով․ «Երբ որ կարանտինի ժամանակ ես Աղավնաձորն էի համակարգում, առիթ ունեցա շփվել Հրազդանի ԲԿ-ի հետ՝ որպես մոտակա տեղակայված կենտրոնի։ Ես բավականին խնդիրներ էի տեսել, որոնք ցանկանում էի լուծել։ Հրազդան գնալը ինձ համար միսիայի պես ինչ-որ բան է, քան աշխատանք ունենալու խնդիր: Ես ինձ համար աշխատանքի խնդիր չեմ լուծում, ես ուղղակի ուզում եմ գնալ՝ իմ հնարավորությունները, գիտելիքները, փորձը, կապերը  օգտագործեմ, որպեսզի Հրազդանի ԲԿ-ն մի քայլ առաջ գնա, տարածքի առումով լավ հիվանդանոց դառնա՝ հաշվի առնելով, որ Ծաղկաձորը մոտ է, զբոսաշրջիկները շատ են լինում, նորմալ բժշկական սպասարկում ունենանք կամ ավելի լավը ունենանք, որ կարողանանք բժշկական տուրիզմը զարգացնենք, Հրազդանի ազգաբնակչությունը մեծ մասամբ չփորձի գալ Երևանում բուժում ստանալու: Ես տեսնում եմ՝ ինչքան դժգոհություն կա այդ մարդկանց կողմից ԲԿ-ի հանդեպ»։   

Թե ինչ որոշում է կայացրել Կոտայքի մարզպետը, որն է լինելու մարզպետարանի այս հարցի վերաբերյալ հետագա քայլը, մարզպետարանի տեղեկատվության և հասարակության հետ կապերի պատասխանատու Քրիստինա Պողոսյանը մեզ հետ զրույցում ասաց՝ այս պահին մարզպետարանը չի որոշել, թե ինչ է անելու․ «Մարզպետարանը ստացել է մրցույթը կասեցնելու վերաբերյալ գրությունը, սակայն մարզպետի համապատասխան որոշումն այս պահին չկա։ Գործընթացն այս պահին կասեցված է, քանի որ դատական գործընթաց է գնում»։

Անդրադառնալով Վանեսյանի պնդմանը, այն է՝ մարզպետը չի ցանկացել, որ ինքը ճանաչվի հաղթող մրցույթում, այդ պատճառով էլ նրան դեմ են քվեարկել, մամուլի պատասխանատուն վստահեցրեց՝ դա անհեթեթություն է. «Կոտայքի մարզպետը որևէ մեկի հետ որևէ խնդիր չունի։ Չհաղթած կողմը կարող է ցանկացած բան պնդել»։

Իսկ ինչու է Վանեսյանի կողմից քվեարկությունը բողոքարկելուց հետո մարզպետի որոշումը մնացել անփոփոխ: «Վանեսյանը հաղթահարել է մրցույթի գրավոր և բանավոր փուլերը։ Երրորդ փուլում ներկայացրել է ԲԿ-ն զարգացնելու իր ծրագիրը, որը մրցույթի հանձնաժողովի մեծամասնության հավանությանը չի արժանացել, ինչի արդյունքում ինքը հաղթող չի ճանաչվել։ Նշեմ, որ քվեարկությունը տեղի է ունեցել փակ, այսինքն՝ հայտնի չէ՝ ով է կողմ քվեարկել, ով՝ դեմ»,- ասաց Քրիստինա Պողոսյանը:

Մերի Խաչատրյան

Տպել
2294 դիտում

Պետք է հետևենք զարգացած երկրների օրինակներին․ Ավանեսյանն ու տարբեր գերատեսչությունների աշխատակիցներ արյուն են հանձնել

Որոշ գյուղատնտեսական արտադրատեսակների արտահանման նկատմամբ վեցամսյա արգելք է սահմանվել

Նախարարության քրգործերի բովանդակության մեջ խորանալու ժամանակ ու ցանկություն չի եղել, թիմը լավ է աշխատում․ Պապոյան

Բերման են ենթարկվել ՀՅԴ Վայոց Ձորի կառույցի ղեկավար մարմնի անդամներ․ Լիլիթ Գալստյան

Հայտնաբերվել է հրազենային վնասվածքով պայմանագրային զինծառայողի դի․ ՊՆ

Կարելի է արձանագրել, որ Հայաստանի Հանրապետության քաղաքացին կայացել է․ Հովիկ Աղազարյան

Օգտատերերը ֆլեշմոբ են սկսել՝ կոչ անելով չօգտվել «Ջիջի» տաքսի ծառայությունից. պատճառը սեփականատիրոջ գրառումն է

Ծնողներից թաքուն վերցրել են հրացանը և պատահաբար կրակել․ երեխաներից մեկը տեղափոխվել է հիվանդանոց

Ֆրենկ Փալոնը ողջունել է ՀՀ-ԱՄՆ ռազմավարական երկխոսության նիստի արդյունքներով ընդունված համատեղ հայտարարությունը

Ucom-ը նոր հետվճարային փաթեթներ է գործարկում

66 մլն դրամ՝ Կիրանցի Սուրբ Երրորդություն եկեղեցու վերականգնման համար․ կբարեկարգվի նաև տարածքը

Գազալցակայանի տարածքում գտնվող արևային էներգիայի արտադրման կայանում հրդեհ է բռնկվել

Գեղամ Մանուկյանը մեքենայի առջևը նստած, առանց ամրակապվելու ուղիղ եթեր է անում (տեսանյութ)

Կտաքանա ևս 2-3 աստիճանով, սպասվում են կարճատև անձրևներ

Շուտափույթ ապաքինում եմ մաղթում Աբրահամ Գասպարյանին և մյուս բոլոր վիրավnրում ստացածներին․ Բաբկեն Թունյան

ՄԱԿ-ի կողմից իրականացվել է Լոռու և Տավուշի մարզում աղետի ազդեցության, վնասի և մարդասիրական կարիքների առաջնային գնահատում

Սահմանադրության փոփոխությունը ՀՀ ներքին գործն է, Ադրբեջանը չի կարող պահանջներ ձևակերպել․ Հովհաննիսյան

Հեղեղումների հետևանքով վնասված երկաթուղու շահագործումը կարող է նախատեսածից շուտ սկսվել

Չե՞ք ուզում ՀԱԵ-ին ասեք՝ կաթողիկոս, դու օրհնել ես Բագրատի ղեկավարած շարժումը, որը հարձակվել է ԱԺ-ի վրա. Հովհաննիսյան

Ինչու էին ձերբակալել «Artur Brothers»-ին. եղբայրներից մեկը հրաժարվել է Արսեն Բաբայանի պաշտպանությունից

2 մլրդ 830 մլն դրամ կհատկացվի 22 կմ միջպետական և տեղական ճանապարհների շինարարության համար

Ոստիկանության վրա հարձակումը եղել է բախման առաջին քայլը, կիրառվել են հատուկ միջոցների մի փոքրիկ մասը․ Քոչարյան

ԼՂ-ի դեմ լայնածավալ հարձակումից առաջ Բելառուսը առաջադեմ զենքեր է մատակարարել Ադրբեջանին. Politico

Հայաստանը մնում է կազմակերպության լիիրավ անդամ. ՀԱՊԿ

Օբյեկտիվ պատճառներով մարդիկ չեն վերադարձել իրենց բնակարաններ․ փոխվարչապետը՝ աղետի գոտում տիրող իրավիճակի մասին

Օրենքի խախտմամբ օտարված «Շողեր» մսուր-մանկապարտեզի գործը դատախազն ուղարկել է Հակակոռուպցիոն դատարան

Գութանը ձիու վրայից հանում ենք, գցում տրակտորին․ Փաշինյանը՝ ՀՀ տվյալները վիրտուալ տիրույթում պահելու մասին

Անահիտ Ավանեսյանը մանրամասներ է հայտնել Երևան-Սևան ճանապարհին պայթյունից տուժածների առողջական վիճակի մասին

Պարզվել են Նորագավիթում հրազենի գործադրմամբ 26-ամյա երիտասարդին սպանելու գործով կասկածյալների ինքնությունը

Բաղրամյան պողոտայում տեղի ունեցածի հետևանքով 8 տուժած դեռ հոսպիտալացված է․ նախարար

Արմեն Գրիգորյանը կմեկնի Շվեյցարիա և Ֆրանսիա

ԼՂ-ից բռնի տեղահանված ընտանիքների բնակարանային ապահովման ծրագիրը մեկնարկում է. երբվանից կարելի է դիմել

Բաղրամյան պողոտան բացվել է, երթևեկությունը՝ վերականգնվել

ՀՀ կառավարությունը հավանություն է տվել ԵԱՏՄ-Իրան ազատ առևտրի մասին համաձայնագրի վավերացմանը

Թույլ չենք տա, որ ԼՂ կղերաֆեոդալական էլիտան Լեռնային Ղարաբաղի ժողովրդին փորձի օգտագործել. վարչապետ

Ստեր, կաշառված լրատվամիջոցներ, միլիարդավոր դոլարներ, գործարար, հանցավոր կապեր, և 6 տարի է՝ նպատակին չեն հասնում. Չախոյան

Հաղթանակ թաղամասում խմբով զինված խուլիգանության վարույթի նախաքննությունը 7 մեղադրյալի մասով ավարտվել է

Եվրամիությունում Հայաստանին և Ուկրաինային ոչ ոք չի սպասում. Մեդվեդև

Ռուբեն Վարդանյանի իրավաբանական թիմը hրատապ դիմում է ներկայացրել ՄԱԿ Խnշտանգումների դեմ կnմիտեին

Փաստը, որ տերտերն ու կողքինները նոր սաունդթրեք են գողացել «Սոված խաղեր» ֆիլմից, շատ բան է բացատրում. Ալեքսանյան