Զբոսաշրջության ոլորտը սկսվում է վերականգնվել, մարդիկ ուզում են ճանապարհորդել. Վարդան Սարգսյան

Կորոնավիրուսի պատճառով 2020 թ. ամենատուժած ոլորտը՝ զբոսաշրջությունը սկսում է վերականգնվել: Արտագնա տուրիզմի համար որոշ երկրներ տեւական ժամանակ է արդեն բացել են  սահմանները ՀՀ քաղաքացիների համար, եւ տուրիստական գործակալություններում իրավիճակը սկսում է կարգավորվել:

«Vardan travel» տուրիստական ընկերության հիմնադիր Վարդան Սարգսյանը ՀԺ-ի հետ զրույցում ասաց, որ կան մի շարք երկրներ, որտեղ ՀՀ քաղաքացիներն իրավունք ունեն մեկնելու՝ Եգիպտոս, ԱՄԷ, Մալդիվյան կղզիներ, Տանզանիա, Բրազիլիա, շուտով կբացվի նաեւ Շրի Լանկան: Մնացած բոլոր ուղղությունները դեռ փակ են:

«Յուրաքանչյուր երկիր ունի իր կանոնները՝ մեկնելուց առաջ պարտադիր պետք է կորոնավիրուսի թեստ հանձնել եւ բացասական թուղթը ձեռքիդ իրավունք ունես թռիչք կատարել տվյալ երկիր: Իսկ հետադարձին «Զվարթնոց» օդանավակայանում է պարտադիր թեստ հանձնելը»,- ասաց նա: Սարգսյանը հայտնեց, որ իր հիմնադրած տուրիստական գործակալությունում շարժ կա, եւ այս պահին շատերը ապահովության համար ցանկանում են խմբային ճանապարհորդություններով մեկնել. «Առաջիկա ամիսներին օրինակ՝ ինձ հետ շատ խմբեր կան այլ երկրներ մեկնող ու կարելի է ասել, որ բոլոր խմբերով այցելություններն ամբողջովին վաճառված են»:

Հարցին՝ միայն արտագնա՞ տուրիզմով են զբաղվում, նա պատասխանեց. «Մենք ունենք տուրեր նաեւ Հայաստանի մեջ՝ ՀՀ քաղաքացիների համար: Նրանք ամսվա մեջ 1-2 անգամ այցելում են տարբեր վայրեր: Սրա նպատակն է, որ այն մարդիկ, ովքեր դուրս գնալու հնարավորություն չունեն կամ ունեն, բայց Հայաստանն են ուզում բացահայտել՝ այցելեն տարբեր մարզեր, շրջաններ: Օրինակ՝ մարտի 6-ին մենք առաջին ճանապարհորդությունն ունենք դեպի 3 քաղաքներ, որոնցից մեկը Դիլիջանն է, եւ բոլոր տեղերը վաճառված են»:

Ընկերության տնօրենն ընդգծեց՝ մարդիկ ուզում են ճանապարհորդել եւ այդ պատճառով ապրիլից սկսած արդեն ամսվա մեջ կլինեն 4-5 եւ ավելի ուղղություններ. «Ես ինքս էլ մինչեւ ճանապարհորդություններն այդքան չէի բացահայտել մեր հայրենիքը եւ այնքան է ինձ դուր եկել ներգնա տուրերը, որ հաճույքով կազմակերպում եմ դրանք: Ցավոք սրտի շատերը մեր երկրում՝ այդ թվում՝ ես տեղյակ չենք եղել, որ մեր երկրում կան այդքան հետաքրքիր վայրեր»:

Նրա կարծիքով՝ օտարերկրյա զբոսաշրջիկների առումով շարժն այս պահին շատ քիչ է:

Հարցին՝ կարելի՞ է արձանագրել, որ զբոսաշրջության ոլորտը սկսվում է վերականգնվել, Սարգսյանը դրական պատասխան տվեց:

Նրա խոսքով՝ ծովափնյա հանգստի առումով առաջին տեղում շարունակում է մնալ Եգիպտոսը, քանի որ մատչելի է եւ փաթեթների մեջ ամեն ինչ ներառված է. «Ես տեղյակ եմ, որ բավական շատ մարդ է մեկնում հանգստի»:

«One way tour» տուրիստական ընկերության հիմնադիր Մաթեւոս Բարսեղյանը մեր զրույցում նշեց, որ որոշ երկրների հետ սահմանները բացելուց հետո փոքր քանակությամբ օտարերկրյա զբոսաշրջիկներ այցելում են Հայաստան. «Մեծ մասն ավելի շատ գործնական նպատակով են գալիս»:

Բարսեղյանն ասաց, որ մի քանի ամսից կկարողանան համեմատել, թե ընդհանուր առմամբ որքանով է զբոսաշրջությունն ակտիվացել:

Ընկերությունը հիմնականում զբաղվում է ներգնա տուրիզմով: Նա հայտնեց, որ նախորդ տարվա պես վախ չկա հանգստի գնալու համար. «Այս ժամանակահատվածում մարդիկ հիմնականում նախընտրում են կարճ ուղղությունները՝ Ծաղկաձոր, Դիլիջան, Ջերմուկ: Բայց, ցավոք, մեր հարավային հատվածը կարող է պասիվանալ՝ անվտանգության տեսանկյունից»:

Հարցին՝ ի՞նչ է անհրաժեշտ, որ գոնե հասնենք 2019-ի զբոսաշրջության ակտիվության մակարդակին Բարսեղյանը պատասխանեց. «Պետք է քաղաքական իրավիճակն առաջնահերթ կարգավորվի: Այս անկայուն վիճակն ազդում է տուրիզմի վրա, իսկ տուրիզմն այն ոլորտներից է, որ ամենաշուտն է զգում խնդիրները: Կայունանալուց հետո անհրաժեշտ է արտերկրում  գովազդներ անել, երկիրը ներկայացնել՝ ինչպես մեր հարեւան Վրաստանն է անում: Պետք է Հայաստանը ներկայացնել որպես ապահով երկիր, նշել, որ բոլոր սանիտարահիգիենիկ միջոցառումները կատարվում են հյուրանոցներում եւ պատրաստ ենք հյուրերին հյուրընկալել»:

Տուրիզմի հայկական ֆեդերացիայի նախագահ Մեխակ Ապրեսյանը ՀԺ-ի հետ զրույցում նշեց, որ զբոսաշրջության ոլորտում փոքր- ինչ ակտիվություն է նկատվում եւ հույս կա, որ ոլորտը կվերականգնվի: Նա ընդգծեց՝ դեռեւս բոլոր երկրները չէ, որ բացել են սահմանները. «Բացի այդ ոչ բոլոր երկրներում են Հայաստանը դիտում որպես անվտանգ երկիր, ցավոք, դեռեւս խորհուրդ չտրվող երկրների ցանկում ենք, թե՛ կորոնավիրուսի հետ կապված, թե՛ պատերազմի»:

Ապրեսյանն ասաց, որ այստեղ թե՛ առողջապահության նախարարությունը, թե՛ ԱԳՆ-ն, թե՛ զբոսաշրջության կոմիտեն շատ անելիքներ ունեն. «Պետք է աշխարհը տեսնի, որ այստեղ ե՛ւ ցուցանիշներով, ե՛ւ կորոնավիրուսի դեմ պայքարի միջոցառումներով այն մակարդակին ենք հասել, որ մեզ կարելի է հանել այդ խորհուրդ չտրվող երկրների ցանկից: Զուգահեռ ԱԳՆ-ն, զբոսաշրջության կոմիտեն իրենց խողովակներով պետք է ասեն՝ մեզ մոտ արդեն այս վիճակն է, հանեք մեզ այդ երկրների ցանկից: Արագ է պետք գործել, այլապես սեզոն կկորցնենք»:

Ապրեսյանի խոսքով՝ նախորդ տարվա զրոյական վիճակի համեմատ արտագնա տուրիզմի վիճակը լավ է, բայց 2019-ի ցուցանիշի համեմատ պասիվություն կա. «Որտեղ սահմանները բաց է, որոշակի աշխուժություն է նկատվում՝ Եգիպտոս, ԱՄԷ, իսկ մնացած ուղղությունները փակ են»:

Խոսելով ներգնա տուրիզմի մասին ֆեդերացիայի նախագահն ասաց, որ հիմա Հայաստանում ակտիվ են այն վայրերը, որտեղ ձմեռային հանգստի հնարավորություն կա՝ հիմնականում Ծաղկաձոր, Ջերմուկ, որն ավելի շատ առողջարանային է. «Անցած տարի մի փոքր ակտիվություն եղավ, հայերը ներգնա տուրիզմով էին հետաքրքրվում, աշխուժությունը նկատելի էր»: 

Նրա կարծիքով՝ ոլորտի վերականգնման համար շատ կարեւոր է բոլոր ուղղություններով չվերթները վերականգնելը. «Պետք է նաեւ վերականգնել վիզային ռեժիմը՝ առնվազն մինչեւ կորոնավիրուսը եղած մակարդակին պետք է բերել, եթե այս պահին անվտանգության հետ կապված հարցեր չի առաջացնի»:

Ապրեսյանն ընդգծեց՝ շատ կարեւոր է, որ համաշխարհային շուկայում ագրեսիվ մարքեթինգ իրականացվի, քանի որ այն երկրներում, որտեղ զբոսաշրջությունը գերակայություն է՝ ձգտում են այս կանգից հետո իրենց դիրքերը շուկայում վերականգնել, նոր շուկաներ ստեղծել, ու Հայաստանն այդ գործընթացից չպետք է հետ մնա:

«Մի կարեւոր բան էլ ասեմ. հանրությունը պետք է պաշտոնապես տեղեկացվի, թե պատերազմից հետո ինչ վիճակում ենք: Օրինակ՝ ներգնա զբոսաշրջության ոլորտի ներկայացուցիչները չգիտեն, թե որ ուղղությունն է վտանգավոր, ինչպիսի փաթեթներ ձեւավորել, որ ուղղությունները ներգրավեն: Ասեկոսեների մակարդակով շատերը մտածում են այս կամ այն ուղղությամբ վտանգավոր կարող է լինել ու շատ կարեւոր է, որ պաշտոնապես իրավասու մարմինը հայտարարի, որ սա է իրավիճակը»,- ասաց Ապրեսյանը:

Տպել
905 դիտում

Կրակոցներ Երևանում. վնասազերծվել է զինված քաղաքացի. shamshyan.com

Վայոց Ձորում վարչապետի հաջորդ կանգառը Խնձորուտն է (լուսանկարներ)

«Զվարթնոց» օդանավակայանի ոստիկանները հետախուզվողի են հայտնաբերել

Նիկոլ Փաշինյանը մասնակցում է Զառիթափ-Նոր Ազնաբերդ հիմնանորոգված ճանապարհի բացմանը (լուսանկարներ)

Գողացել են ՊՆ զորամասերից մեկի պղնձե մալուխները. բերման է ենթարկվել 3 տղամարդ

Դիլիջանի թունելը հոսանքազրկվելու է

Թբիլիսի-Գյումրի-Մոսկվա ուղղությամբ տարանցիկ չվերթներ կիրականացվեն

Ամենայն Հայոց Կաթողիկոսը և Արցախի նախագահը քննարկել են արցախահայության առջև ծառացած մարտահրավերները

ՀՀ վարչապետ Նիկոլ Փաշինյանը Զառիթափ համայնքում է (լուսանկարներ)

Արցախում հաստատվել է կորոնավիրուսի 8 նոր դեպք. ստացիոնար բուժում է ստանում 39 մարդ

Ստեփանծմինդա-Լարս ավտոճանապարհը բաց է

Բաքվում մահ տոնելը ցույց է տալիս հակահայկական ատելությունը և ցեղասպան մտադրությունը. ՄԱԿ-ում ՀՀ մշտական ներկայացուցիչ

ՀՀ տարածքում կան փակ ավտոճանապարհներ

Կանադայի Ալբերտա նահանգը ճանաչել է Հայոց Ցեղասպանությունը

Հաստատվել է կորոնավիրուսային հիվանդության 870 նոր դեպք. առողջացել է 1056, մահացել՝ 24 մարդ

Հայաստանն ի վերջո պետք է դառնա ոչ թե փակուղի, այլ՝ խաչմերուկ. Արմեն Սարգսյանն ամփոփել է պաշտոնական այցը Վրաստան

ՀՀ ՄԻՊ-ը դիմել է իրավապահ մարմիններին

ՀՀ վարչապետը շնորհավորական ուղերձ է հղել Սիրիայի նախագահին

Որոտանում զինծառայողների աճյունների որոնումներն ավարտվել են անարդյունք

Բազմաթիվ մարտահրավերներ հաղթահարելով՝ Վարդան Գրեգորյանը հասել էր մեծ նվաճումների՝ ոգեշնչելով սերունդներին. փոխվարչապետ

Թբիլիսյան խճուղում մեքենաներ են բախվել. կա տուժած

Վարչապետ Նիկոլ Փաշինյանն այցելել է Վայոց ձորի մարզ (լուսանկարներ)

Հրդեհ է բռնկվել Բագրատունյաց պողոտայում գտնվող արագ սննդի կետում

Ռուսաստան մուտքը արգելվում է ԱՄՆ գլխավոր դատախազին, ՀԴԲ ղեկավարին, այլ պաշտոնյաների. ՌԴ-ն պատասխանում է ԱՄՆ-ին

ՊԵԿ-ը չգրանցված աշխատողների ռիսկեր է հայտնաբերել․ ծանուցման արդյունքում 183 անհատ ձեռնարկատեր գրանցել է 200 աշխատողի

Արսեն Թորոսյանը սուտ և հորինվածք է որակել իր և անհետ կորած զինվորների հարազատների մասնակցությամբ միջադեպի մասին լուրը

Քննարկվել է «իԳործ» ծրագրի արդյունավետությունը

Եվրոպական խորհրդարանների պատգամավորների շախմատի առաջնությունում Հայաստանը թիմային մրցաշարում նվաճել չեմպիոնական տիտղոսը

«Տնտեսական գործունեության դեմ ուղղված հանցագործությունների քննության առանձնահատկությունները» թեմայով սեմինար է անցկացվել

Ամերիկյան The National Interest ամսագիրը Իլհամ Ալիևին համեմատել է Սադամ Հուսեյնի հետ. «Արմենպրես»

Քանդել էին ցանկապատը և փորձել գողություն անել

Արմեն Սարգսյանը ցավակցել է Վարդան Գրեգորյանի մահվան կապակցությամբ

Լոռու Աքորի համայնքում հարեւանի տարածքում անասուններին արածեցրած գյուղացին կտուգանվի

ԶՈՒ գլխավոր շտաբի պետ Արտակ Դավթյանն ընդունել է ՌԴ դեսպանին

Այսօր հղին COVID-19-ի պատճառո՞վ է մահացել. նախարարությունը հատկապես հղիներին հորդորում է չզբաղվել ինքնաբուժությամբ

10 մլն դրամ, 20 հազար դոլար, «Lexus» ավտոմեքենա. ԱԱԾ նորանշանակ փոխտնօրենի ունեցվածքը

Հայ-ադրբեջանական շփման գծում միջադեպեր չեն արձանագրվել

ՍԴ նախագահը ու Ֆրանսիայի դեսպան Ժոնաթան Լաքոտը կարևորել են եկկողմ բարեկամական կապերի հետագա զարգացումը և ամրապնդումը

ՀՀ տարածքում կան փակ ավտոճանապարհներ. Լարսը բաց է

ԱԻՆ-ում անցկացվել է շարային ստուգատես (տեսանյութ)