Վիկտոր Մնացականյանը նշանակվել է Հայաստանի ֆիլհարմոնիկ նվագախմբի եւ «Արամ Խաչատրյան» համերգասրահի տնօրենի պաշտոնակատար

Հայաստանի ազգային ֆիլհարմոնիկ նվագախումբը եւ «Արամ Խաչատրյան» համերգասրահը նոր տնօրենի պաշտոնակատար ունի։ Այս պաշտոնը վստահվել է Երեւանի Կենտրոն վարչական շրջանի նախկին ղեկավար Վիկտոր Մնացականյանին։

Մնացականյանը «Հայկական ժամանակի» հետ զրույցում հայտնեց, որ պաշտոնավարման առաջարկն ստացել է դեռ ամռանը՝ Հայաստանի ազգային ֆիլհարմոնիկ նվագախմբի գեղարվեստական ղեկավար եւ գլխավոր դիրիժոր, մաեստրո Էդուարդ Թոփչյանի կողմից։ Նշեց, որ համավարակով, ապա նաեւ պատերազմական իրավիճակով պայմանավորված պաշտոնական ձեւակերպման մասը երկարաձգվել է։

Անդրադառնալով թաղապետի կառավարչական պաշտոնից մշակութային հաստատություն իր անցմանը՝ Մնացականյանն ասաց․ «Մշակույթից այդքան էլ հեռու մարդ չեմ։ Գիտեք՝ ինքս հիմնադրել եմ «Հայկական գորգի ազգային կենտրոնը» եւ «Որդան կարմիր» հայկական գորգի թանգարանը, տարբեր առիթներով միշտ մասնակցել եմ տարբեր մշակութային պրոյեկտների ու ղեկավարել դրանց մի մասը»։

Մնացականյանը նաեւ նկատեց՝ նոր աշխատանքը ստանձնելով լծվել է բազմաթիվ նոր ծրագրերի ու գաղափարների իրագործմանը։ Առաջիկայում Առնո Բաբաջանյանի ծննդյան 100-ամյակին նվիրված միջոցառումն են իրականացնելու, ապա Էդուարդ Միրզոյանի եւ այլն։

«Չնեղացնելով գործընկերներիս, պիտի ասեմ, որ առաջին անգամ ուզում ենք Արամ Խաչատրյանի անվան Ֆիլհարմոնիկ համերգասրահը շաբաթվա բոլոր օրերին զբաղված լինի միջոցառումներով»,- ասաց նա՝ մանրամասն ներկայացնելով, թե ինչ են նախատեսել շաբաթվա 7 օրերին։

Որոշել են յուրաքանչյուր երկուշաբթի աշխարհի տարբեր ծայրերից եկած երաժիշտների հետ միասին էքսպերիմենտալ համերգներ ու մոնոներկայացումներ անել։ Երեքշաբի օրերը լինելու են աշխարհասփյուռ հայ հայտնի երաժիշտների համերգների օրեր։ Նրանց հնարավորություն պիտի տրվի գալ Հայաստան ու սերտ համագործակցել տեղի երաժիշտների հետ։ Չորեքշաբթի օրերի համար վերականգնվելու է նախկինում եղած մի շատ լավ ավանդույթ՝ դպրոցականնների ֆիլհարմոնիա։ Այն կեսօրին է լինելու, որպեսզի կարողանան տարբեր մարզերից եւս երեխաներ ընդգրկվեն։

Հինգշաբթին լինելու է հրավիրյալ մենակատարների եւ տարբեր նվագախմբերի համերգների օր։ Իսկ աշխատանքային շաբաթվա վերջին օրը՝ ուրբաթը, ֆիլհարմոնիկի դասական համերգի օրն է, այդ ավանդույթը սրբության պես պահպանվելու է։

Շաբաթը ջազի օր է լինելու։ Իսկ ինչ վերաբերում է կիրակի օրվա ծրագրերին՝ տնօրենի պաշտոնակատարը հայտնեց՝ ցանկանում էին այդ օրն անել երգեհոնային ծրագրերի օր, բայց քանի որ երգեհոնը փչացած է, մեկ այլ ծրագիր են քննարկում։

«Կոնսերվատորիայի հետ հիմա քննարկում ենք շատ հետաքրքրիր մի ծրագիր՝ Կոնսերվատորիայի եւ Երեւանի քաղաքապետարանի երիտասարդական նվագախումբ կա, որի գլխավոր դիրիժորը եւս մաեստրո Թոփչյանն է, քննարկում ենք կիրակի առավոտներն ունենալ մոտ 1 ժամանոց հետաքրքիր համերգներ։ Ուզում ենք կիրակի առավոտները զբոսաշրջիկների, եւ իհարկե մեր երեւանցիների համար լինեն ազատ ոճի հագուստով թեթեւ ոչ մեծ համերգային օրեր»,-մանրամասնեց Վիկտոր Մնացականյանը։ 

Նա նաեւ նկատեց՝ շատ վատ վիճակում են համերգասրահի զուգարանները, ճաշարանը։ «Մեզ այստեղ մեծ վերանորոգում է սպասվում, սկսած նստարաններից, վերջացրած դահլիճի ակուստիկայի կարգի բերելով։ Բանակցում ենք տարբեր հովանավորների հետ։ Մի քանի միլիոն դոլարի ծախսեր են պահանջվում»,-ասաց տնօրենի պաշտոնակատարը։

Ալեքսանդր Թամանյանի նախագծած Երեւանի ճարտարապետական գոհարներից մեկը համարվող համերգասրահը վերջին անգամ հիմնանորոգվել է 20 տարի առաջ։ Մնացականյանի խոսքով՝ խնդիրները շատ են, սակայն հետաքրքիր ծրագրերը առավել շատ են։ «Համերգասրահ գալով ամեն ամիս հանդիսատեսը զգալու է որակական մեծ տարբերություն։ Ամենակարեւորը ուզում եմ մեր երեւանցիների մեջ արթնացնել հետաքրքրություն դեպի դասական երաժշտությունը»,-եզրափակեց նա։

ՀՀ կրթության, գիտության, մշակույթի եւ սպորտի նախարարությունից էլ հայտնեցին, որ Վիկտոր Մնացականյանը Հայաստանի Ֆիլհարմոնիկ նվագախմբի համերգասրահի տնօրենի ժամանակավոր պաշտոնակատար է նշանակվել նոյեմբերի 18-ին՝ 6 ամիս ժամկետով։ Այդ պաշտոնում նշանակումը մրցութային կարգով է։ Թափուր պաշտոնի մրցույթի անցկացման օրը, սակայն, դեռ որոշված չէ։

Հիշեցնենք, որ Վիկտոր Մնացականյանից առաջ նվագախմբի եւ համերգասրահի տնօրենի պաշտոնում երկար տարիներ՝ 2003 թվականից աշխատել է Ռուզաննա Սիրունյանը։ Հավելենք նաեւ, որ Վիկտոր Մնացականյանը Երեւանի կենտրոն վարչական շրջանի ղեկավարի պաշտոնից ազատվել էր 2019 թվականի հոկտեմբերին։

Տպել
10508 դիտում

Սուրեն Պապիկյանը մասնակցել է Վազգեն Սարգսյանի 65-ամյակին նվիրված ֆուտբոլի մրցաշարի բացման արարողությանը

Դպրոցների պատերին չափից շատ առկա պատկերները խանգարում են կրթություն ստացողին. ինչ է առաջարկվում

Կեղտի մեջ անհասկանալի սեղան է դրված, վրան կռիս էլ չես հերձի. Ջաջուռի անասնագոմը՝ Գյումրու շների ստերջացման լաբորատորիա

Էրդողանը փորձում է միաժամանակ «նստել 2 աթոռի». կհաջողվի՞ նրան պահել ՌԴ-ի և ԱՄՆ-ի հետ շփումների հավասարակշռությունը

Մասնավոր հեռուստաընկերությունների հետ հարաբերություններում առկա խնդիրները լուծելի են ողջամիտ ժամկետներում. ԲՏԱ նախարար

Խոշոր ավտովթար Երևանում. կա 5 տուժած

Հրդեհ Մալիշկա գյուղում. այրվել է մոտ 8000 քմ խոտածածկույթ

Հայաստանի և Հյուսիսային Մակեդոնիայի ԱԳ նախարարները մտքեր են փոխանակել տարածաշրջանային թեմաների շուրջ

Հայաստանում 3 տարում 78 երեխա վիրահատվել և սկսել է լսել. նշվում է լսողության պահպանման օրը

Ակնայում ականի պայթյունից ադրբեջանցի է տուժել. նրա ոտքերն ամպուտացվել են

Պակիստանը նոր վարչապետ ունի

Կանանց զբաղվածության մակարդակով աշխարհում առաջին տեղում Հայաստանն է. հրապարակվել է վարկանիշային ցանկը

Արմավիրի որոշ հասցեներում 24 ժամ ջուր չի լինի

Արարատ Միրզոյանը Անթալիայի դիվանագիտական ֆորումի շրջանակներում շփումներ է ունեցել մի շարք պաշտոնյաների հետ

Առաջիկայում սպասվում է անձրև, լեռնային շրջաններում՝ ձյուն

Լավրովը և Ֆիդանը խոսել են Հայաստանի և Ադրբեջանի միջև խաղաղության գործընթացի մասին

Ադրբեջանը ձևափոխել է Ստեփանակերտում «Արցախբանկ»-ի գլխամասային գրասենյակի շենքը և թալանել ԱԺ-ն (լուսանկարներ)

Ինգուշեթիայում ոչնչացվել է «ԴԱԻՇ»-ի 6 զինյալ. հայտարարվել է հակաահաբեկչական գործողություն

Նիկոլ Փաշինյանը շնորհավորական ուղերձ է հղել Բուլղարիայի վարչապետին

Նորամարգում հրդեհվել է անասնագոմ

Դեսպան Մակունցը և Հովնան արքեպիսկոպոս Տերտերյանը քննարկել են Լոս Անջելեսի հայ համայնքին առնչվող հարցեր

Երևանի դպրոցներից մեկում գործարկվելու է էլեկտրական շչակ

Բաքու-Թբիլիսի-Կարս երկաթգիծը կառավարելու համար կստեղծվի վրաց-ադրբեջանական համատեղ ձեռնարկություն

Վանաձոր-Ալավերդի ճանապարհի մի հատվածը դեռևս փակ է մեծ մեքենաների համար

ԱԳ նախարարը և ԵԱՀԿ գլխավոր քարտուղարը քննարկել են Հայաստան-Ադրբեջան հարաբերությունների կարգավորման գործընթացը

Ղրիմի գլխավերևում ՌԴ ՀՕՊ ուժերը որսացել են 38 անօդաչու թռչող սարք, փակվել է կամուրջը

Մայակովսկի գյուղի սկզբնամասում ճակատ ճակատի բախվել են «Մերսեդես»-ն ու «Ֆորդ Տրանզիտ»-ը․ կան վիրավորներ

Սուրենյանը նոր լուսանկար է հրապարակել

Բայդենի կինը Թրամփին անվանել է «սպառնալիք կանանց համար»

Իրանը բանակցություններ է վարել Սուդանի հետ ռազմածովային բազա ստեղծելու շուրջ

Հայաստանի և Ուգանդայի ԱԳ նախարարները քննարկել են երկկողմ համագործակցության զարգացման հարցեր

Ուռուտ գյուղում այրվել է մեծ մակերեսով խոտածածկույթ

Ինչ եղանակ է սպասվում ամբողջ մարտ ամսվա համար մարզերում ու Երևանում

Մենք եվրոպացի զինվորներ չենք ուղարկի Ուկրաինա․ Շոլց

Տարածաշրջանային ենթակառուցվածքների ապաշրջափակումը պետք է տեղի ունենա հավասարության սկզբունքների հիման վրա․ Միրզոյան

Ռուսաստանը հետևում է Հայաստանի ղեկավարության հայտարարություններին և ի գիտություն կընդունի դրանք իր քայլերում. Լավրով

Վերլուծելով անցյալը՝ մենք նայում ենք ներկային և ապագան կառուցելու հստակ հեռանկարներին. ԱԳ նախարարի ուղերձը

Ալյասկայի ափերի մոտ երկրաշարժ է տեղի ունեցել

Հայաստանը պատրաստ է Թուրքիայի հետ հարաբերությունների լիակատար կարգավորմանը և սահմանի բացմանը. Ռուբեն Ռուբինյան

Նիկոլ Փաշինյանի մասնակցությամբ տեղի է ունեցել Ժողովրդավարության դպրոցի բացումը