Զարմացա, երբ իմացա, որ բաժնում հայերենի 3 խմբագիր կա եւ 1 մամուլի քարտուղար․ Ֆիլհարմոնիայում փոփոխություններ են սկսվել

«Հայաստանի պետական ֆիլհարմոնիա» պետական ոչ առեւտրային կազմակերպությունում (ՊՈԱԿ) տնօրենի պաշտոնակատարը կառուցվածքային փոփոխություններ է իրականացնում, որի արդյունքում բազմաթիվ աշխատակիցներ կորցնում են իրենց աշխատանքը։

Մեր տեղեկություններով՝ հունվար ամսին այլեւս նոր պայմանագիր չի կնքվելու շուրջ 3 տասնյակ անձանց հետ։ Որեւէ անօրինական բան չի կատարվում իրականում, երբ ՊՈԱԿ-ի բաժինների վերակազմավորման արդյունքում աշխատակիցների հետ պայմանագրերը չեն վերակնքվում, սակայն նրանց շրջանում դժգոհությունը մեծ է հատկապես կորոնավիրուսի եւ ամանորյա թանկացումների ֆոնին։

Հայաստանի պետական ֆիլհարմոնիայում աշխատավարձերը ցածր են, շատերը ստանում են 45000-ից 80000 դրամ, բայց ամեն դեպքում աշխատանքից զրկվելը նրանց համար ցավոտ է։

Կրթության, գիտության, մշակույթի եւ սպորտի նախարարությունը սույն թվականի օգոստոսից Հայաստանի պետական ֆիլհարմոնիայի տնօրենի պաշտոնակատար է նշանակել թավջութակահար, «Հայ ֆեստ» թատերական եւ «Ջազ ֆեստ» երաժշտական միջազգային փառատոնների տեխնիկական տնօրեն Արտյոմ Նաղդյանին։ Մինչ այդ Հայաստանի պետական ֆիլհարմոնիայի տնօրենն էր Գագիկ Մանասյանը, որը թոշակի է անցել։

Նաղդյանը «Հայկական ժամանակի» զրույցում անկեղծացավ, որ երբ նոր է մտել ՊՈԱԿ-ի շենք, հանդիպել է բաժինների, որոնք մեղմ ասած զարմացրել են իրենց գոյությամբ։ Խոստովանեց՝ չի պատկերացրել, որ շենքում նաեւ այդքան շատ մարդ է աշխատում։ 

«Իհարկե՝ կան նաեւ հրաշալի բաժիններ, օրինակ դպրոցական ֆիլհարմոնիան։ Բայց վերափոխման մի փոքր կարիք կա, որովհետեւ ժամանակի ընթացքում մի քիչ լճացել է։ Հիմա ուզում ենք այդ բաժնի աշխատանքն ավելի ինտերակտիվ դարձնել»,- մանրամասնեց նա։

Անդրադառնալով իրեն զարմացրած բաժիններից մեկին՝ Նաղդյանը մատնանշեց Ֆիլհարմոնիայի գովազդահրատարակչական բաժինը, որտեղ աշխատում են հայերենի 3 խմբագիր, 1 մամուլի քարտուղար եւ բաժնի 1 պետ։ «Ես չեմ կարող պահել աշխատողներ, օրինակ՝ լրագրող, որը երաժշտական կրթություն չունի։ Ուզում եմ պահել կադրեր, որոնք դասական ոլորտի ներկայացուցիչներ են, ու ցավոք սրտի այնպես է ստացվել, որ արվեստի կառավարում ավարտած մարդ շենքում հիմա չի աշխատում։ Բացի այդ, հարցն այն է, որ այստեղ մարդիկ ստանում են շատ ցածր աշխատավարձ։ Նաեւ այդ պատճառով եմ որոշում կայացրել գովազդահրատարակչական բաժինը մի քիչ սեղմել։ Չէի ուզենա ուռճացված բառն օգտագործել, բայց երեւի թե ժամանակի ընթացքում եկել ու նման մի վիճակի է հասել այս բաժինը»,- ասաց տնօրենի պաշտոնակատարը։

Անդրադառնալով մեկ այլ՝ համերգների կազմակերպման բաժնին, նա փոխանցեց, որ այնտեղ էլ աշխատում են 11 հոգի, որոնց հաստիքներն հենց այդպես էլ կոչվում են՝ համերգի կազմակերպիչ։ «Այսինքն իրենք մարդիկ չեն, որոնք կզբաղվեն տոմսերի իրացմամբ, կամ շուկայի ուսումնասիրությամբ։ Բոլորի հետ զրուցել եմ անհատական, նրանցից ամեն մեկն ինչ-որ համերգ է կազմակերպել։ Բան չունեմ ասելու՝ կան նաեւ որակով համերգներ, բայց արդիականությունը կորցրած համերգներ էլ կան, որը ես տեսել եմ։ Այստեղ խնդիրն այն է, որ այդ հաստիքն իրենց ստիպում է ուղղակի համերգներ կազմակերպել, ոչ թե զբաղվել դաշտը ուսումնասիրելով, կամ ենթադրենք մտածելով, թե ինչ անեն, որ ավելի շատ տոսմ վաճառվի։ Անգամ, եթե կազմակերպված համերգների որակին մի պահ չանդրադառնանք, ստացվում է, որ մենք աշխատում են առանց որեւէ հեռանկարի»,- նկատեց Արտյոմ Նաղդյանը։

Մեր ճշտող հարցին, թե իսկապե՞ս մոտ 3 տասնյակ մարդու է ազատել՝ նա բացասական պատասխան տվեց։ Նշեց, որ ազատվողների թիվը հասնում է մինչեւ 2 տասնյակի։ Վերջինս նաեւ շեշտեց, որ ոչ մի երաժիշտ կամ գեղարվեստական ղեկավար չի կրճատվում․ «Այս շենքում աշխատում են ֆոլկ մոդեռն ժողգործիքների նվագախումբը, Հայաստանի ազգային նվագարանները, Հայաստանի գուսանական ժողովրդական երգի պետական համույթը, Լեւոն Թեւանյանի ֆոլկ մոդեռն նվագախումբը։ Ոչ մի համույթից ոչ ոք չի կրճատվել։ Հիմա նպատակ ունենք այս կոլեկտիվների մենեջմենթն ուժեղացնել թե օնլայն հարթակում, թե առհասարակ»։

Նաղդյանին խնդրեցինք հաստիքացուցակով ներկայացնել, թե կոնկրետ, որ աշխատակիցների հետ է պայմանագրերը դադարեցվում։ Առանձին հաստիքներով դեռեւս դժվարացավ ասել, նշելով, որ գործընթացը դեռ չի ավարտվել։

Նա թվարկեց այն բաժինները, որոնք միավորվելու են՝ համերգների կազմակերպման բաժինը, գովազդահրատարակչականն ու արտաքին կապերի բաժինները դառնալու են մեկ մեծ բաժին։ Հայտնեց, որ այսուհետ օրինակ գովազդահրատարակչական բաժնում կաշխատի մեկ խմբագիր, այն էլ կես դրույքաչափով։

Մեր զրույցում Արտյոմ Նաղդյանը մտահոգություն հատնեց, որ Ֆիլհարմոնիայի շենքում որակյալ դասական համերգ կազմակերպելու խնդիր ունի։ Օրինակ դահլիճի ռոյալը ոչ այնքան բարվոք վիճակում է, ակուստիկայի խնդիր եւս ունեն, ինչը, ի դեպ, նախկինում գերազանց վիճակում է եղել․ «Ես չեմ կարող ինձ թույլ տալ պրոֆեսիոնալ, լավ դաշնակահարների կանչել։ Շատերը չեն համաձայնվում նվագել։ Ժամանակի ընթացքում շենքում կազմակերպած միջոցառումների ուղղությունը մի փոքր թեքվել է՝ շեղվելով հիմնական նպատակից։ Դահլիճում անցկացվում էին կրկեսային ժանրի միջոցառումներ։ Եթե ասեմ, որ շատ որակով ասմունքի երեկոներ են այստեղ եղել՝ դարձյալ կխաբեմ»։

Նաղդյանը նաեւ հայտնեց, որ Հայաստանի պետական ֆիլհարմոնիայի տնօրենի պաշտոնակատար նշանակվելուց հետո հայտնաբերել է, որ շենքում կան ապօրինի վարձով տրված տարածքներ, իսկ ճեմասրահը փակված է մետաղապլաստներով։ «Այն հատվածը, որտեղ պետք է նստեր շենքի աշխատակազմը, տրվել էր վարձով, իսկ այն տեղը, որ պետք է լիներ ճեմասրահը, մետաղապլաստով փակվել էր։ Ինչպիսի ֆինանսական վիճակ էլ լիներ, պատմամշակութային շենքը մետաղապլաստով փակելը կարծում եմ՝ սխալ է եղել։ Հիմա ես տարածքները վարձակալներից ազատում եմ, որպեսզի ճեմասրահը կարողանամ բացել»,- ասաց մեր զրուցակիցը։

Նաեւ նկատեց՝ այնպես է ստացվել, որ շենքը մի խաչմերուկում է, որը քաղաքի կենտրունում է, բայց շրջապատված է փուչիկներով եւ պաղպաղակների ու այլ զանզան խանութներով։ Ֆիլհարմոնիկի շենքը, հիշեցնենք՝ Երեւանի Աբովյան փողոցի վրա է՝ Հանրապետության հրապարակին մոտ։

«Սա մի շենք է, որտեղից մեծն Կոմիտասի աճյունն է հուղարկավորվել. (1936 թվականին) ուզում եմ գոնե մի փոքր վերականգնենք այս շենքի պատմականությունը, որ մարդիկ իմանան, թե ինչ շենքի հետ գործ ունեն։ Մենք պետք է հասկանանք ու գնահատենք այն, ինչ ունենք։ Մի նպատակ ունենք՝ պահպանել այս շենքի թե պատմությունը, թե տեսքը, որովհետեւ այն այնքան սկիրուն է սարքած, որ ոչ մի փոփո[ության մասին խոսք լինել չի կարող։ Դահլիճն էլ շատ շքեղ է, թեթեւ կոսմետիկ վերանորոգումից բացի ոչինչ հարկավոր չէ»,- եզրափակելով իր խոսքը՝ Նաղդյանը շեշտեց՝ տնօրենի ժամանակավոր պաշտոնակատար լինելու հանգամանքն իրեն բոլորովին չի խանգարում աշխատել եւ հեռանկարային ծրագրեր մշակել։

Տպել
2703 դիտում

«Արմավիր» ՔԿՀ-ում խուզարկությունների արդյունքում հայտնաբերվել են արգելված իրեր (լուսանկարներ)

Գերիների անհապաղ ազատ արձակումն առաջանահերթ խնդիրներից է․ Կարեն Անդրեասյանը հանդիպել է ԵԽ ներկայացուցիչներին

4 ոստիկան ազատվել է աշխատանքից. կայացել է ոստիկանության կարգապահական հանձնաժողովի նիստը (տեսանյութ)

Որ դեպքում կարող են աշխատանքից ազատել կորոնավիրուսի դեմ չթեստավորված կամ չպատվաստված աշխատակցին

Ընդդիմությունը Վարդենիսում կոալիցիա է կազմում՝ չնայած նրան, որ համայնքում ձայների մեծամասնությունը ստացել է ՔՊ-ն

Փակ են դեպի Քարի լիճ և Կորեայի ձոր տանող ավտոճանապարհները

Երևանում պարեկները մեքենայի բեռնախցիկից «Ֆաբարմ» տիպի հրացան են հայտնաբերել (տեսանյութ)

«Հայաստան» դաշինքն այս անգամ չէր առաջադրել Արթուր Ղազինյանի թեկնածությունը, պաշտպանության հանձնաժողովի նիստը հետաձգվեց

ՀՀ սահմանային անցակետերում ՀՀ քաղաքացիություն չունեցող անձինք կրկին կարող են անցնել ՊՇՌ լաբորատոր հետազոտություն

Երևանում մշտադիտարկվել է 35 տրանսպորտային միջոց, հայտնաբերվել են հակահամաճարակային կանոնների խախտման դեպքեր

Որոնվում է տեսագրության մեջ պատկերված անձը. ՔԿ (տեսանյութ)

Իրականում ինչ է ասել Ալեն Սիմոնյանը. համացանցում տարածվել է տեսանյութի ամբողջական տարբերակը

Շրջանների զգալի մասում սպասվում են տեղումներ, լեռնային և նախալեռնային շրջաններում՝ ձյան տեսքով

Մոսկվայում ձյան աննախադեպ տեղումներ են, քաղաքի փողոցներում՝ 8 բալանոց խցանումներ (տեսանյութ)

Նյութը մոնտաժված է. Ալեն Սիմոնյանը՝ գերիների վերաբերյալ համացանցում հայտնված տեսանյութի մասին

Արցախի մասին պատմող «Երբ որ քամին հանդարտվի» ֆիլմը ներկայացվել է «Ոսկե գլոբուս»-ի

Գյումրու օդը խնկաբույր է այսօր. փոխվարչապետը հարգանքի տուրք մատուցեց 88-ի աղետի զոհերի հիշատակին (լուսանկարներ)

ՀՀ նախագահն ու Արման Բաբաջանյանը հանդիպել են, անդրադարձել երկրում առկա ներքին խնդիրներին և արտաքին մարտահրավերներին

36 ժամով կանջատվի Երևանի Քանաքեռ-Զեյթուն և Արաբկիր վարչական շրջանների մի մասի ջրամատակարարումը

Երևան քաղաքի Նանսենի նրբանցքում կկատարվի երթևեկության կազմակերպման փոփոխություն

Ընդդիմությունը Թալինում կոալիցիա է կազմում՝ չնայած նրան, որ համայնքում ձայների մեծամասնությունը ստացել է ՔՊ-ն

Վերահաշվարկի կամ ընտրության արդյունքներն անվավեր ճանաչելու մասին 67 դիմում է ստացվել․ ԿԸՀ

Կրակոցներ Ծաղկաձորում. դեպքի վայրում հայտնաբերվել է որսորդական հրացանի փամփուշտների 10 գնդակ

Արայիկ Հարությունյանը հարգանքի տուրք է մատուցել Սպիտակի ավերիչ երկրաշարժի անմեղ զոհերի հիշատակին

Ադրբեջանի նախագահի հայտարարությունները հակասում են Սոչիում ձեռք բերված պայմանավորվածություններին. ԱԳՆ

Երևանում հագուստի խանութ է հրդեհվել (լուսանկարներ)

Ընդգծվել է Հայաստանի զգալի առաջընթացը. ԱՄՆ դեսպանատունը հայտարարություն է տարածել ՏԻՄ ընտրությունների վերաբերյալ

Պուտինի ու Բայդենի հանդիպումն այսօր է, թեման՝ ըստ ԱՄՆ-ի, Ուկրաինայի տարածք Ռուսաստանի հնարավոր ներխուժումը

Արցախում կորոնավիրուսով վարակված 18 քաղաքացու վիճակը ծայրահեղ ծանր է. 4 մահ է գրանցվել

ԱՄՆ-ը կարող է նոր պատժամիջոցներ սահմանել Ռուսաստանի դեմ, որը կազդի ռուբլու փոխարժեքի վրա. Bloomberg

Արցախի երեխաների համար՝ Ամանորի նվերներ. ռուս խաղաղապահները 9 տոննա մարդասիրական բեռ են հասցրել Ստեփանակերտ

Պետք է հավատով կառուցենք ամուր տուն-հայրենիք. նախագահը՝ Սպիտակի երկրաշարժից հետո ապրելու մասին

Կորոնավիրուսի մեկօրյա մահերի թիվը կրկին աճել է. 27 մարդ է մահացել, հաստատվել՝ 240 նոր դեպք

«Քաղաքացիական պայմանագիր»-ը կբողոքարկի Աբովյանի 25 խոշոր ընտրական տեղամասերի արդյունքները

Ստեփանակերտ-Ննգի-Մարտունի ավտոճանապարհին մեքենաներ են բախվել. կա տուժած

Դիարբեքիրի հայկական եկեղեցին վերանորոգումից հետո հանձնել են տեղի համալսարանի տնօրինությանը

Մի շարք ավտոճանապարհների մերկասառույց է, կան փակ ճանապարհներ

Երևանի ու 6 մարզերի որոշ հասցեներում մի քանի ժամ լույս չի լինի

«Ապրելու երկիր» և «Զարթոնք» կուսակցության հետ կոալիցիա կազմելու պայմանավորվածություն չկա. «Հանուն Հանրապետության»

Ձեր վստահությունը խիստ պարտավորեցնող է համայնքի զարգացման ծրագրերն իրագործելու գործում. Արտաշատում ՔՊ-ի թեկնածու