Պատերազմը չի ավարտվել, մենք դեռ հաղթելու ենք, որ կարողանանք պատասխան տալ տասնապատկված Եռաբլուրի առաջ. Ռոմիկ Մխիթարյան

ԵԿՄ Կենտրոնի եւ Շենգավիթի համատեղ վաշտը՝ պահեստի փոխգնդապետ Ռոմիկ Մխիթարյանի հրամանատարությամբ 4 օր առաջ է վերադարձել առաջնագծից: Արցախում պատերազմից ի վեր սա արդեն նրանց երրորդ հերթափոխն է:

Շուրջ 1000 երկրապահներ այսօր էլ իրար փոխարինելով շարունակում են պահել մեր սահմանները՝ հանգստի հնարավորություն ընձեռելով ոչ միայն իրենց ընկերներին, այլեւ պատերազմի միջով անցած երիտասարդներին:

ԵԿՄ Կենտրոնի տարածքային բաժունմունքի նախագահ Ռոմիկ Մխիթարյանն ասում է՝ մի քիչ ժամանակ է պետք՝ մեջքը ուղղելու համար. «Այս ժամանակը պետք է օգտագործենք մեր բանակին օգնելու համար, բանակի մեջքին լինենք, մինչեւ ոտքի կանգնեն, մեր զինվորները մի հատ հանգստանան, ուշքի գան էդ ծանր մարտերից հետո: Դրա համար ավագ սերունդը, մենք՝ երկրապահներս, օր ու գիշեր կմնանք սահմանին, մինչեւ էդ էրեխեքը վերականգնվեն, գան հասնեն իրենց ծառայությանը»,- մեր զրույցում ասաց փոխգնդապետը՝ հիշեցնելով, որ պատերազմի ընթացքում զոհվել ու վիրավորվել են նաեւ բազմաթիվ երկրապահներ:

Վիրավորների թվում է նաեւ ԵԿՄ նախագահ Սասուն Միքայելյանը: Հարցին, թե ինչպե՞ս է Միքայելյանը իրեն զգում՝ Ռոմիկ Մխիթարյանը պատասխանում է՝ լավ է, ամենակարեւորը՝ ինչպես նրա, այնպես էլ բոլոր երկրապահների դուխը տեղն է:

Թե ինչպե՞ս է դա նրանց հաջողվում՝ հուսահատության ու հուսալքության տարածման այսպիսի պայմաններում՝ փոխգնդապետը նկատում է.

«Չի կարելի, ո՞նց կարող է հայ զինվորը, հայ կամավորականը հուսալքվի: Էդ հուսալքության դեմ պիտի պայքարենք, հենց էդ դուխը պիտի վերականգնենք: Ընդամենը դուխն է պետք վերականգնել, վերականգնեցինք՝ միանշանակ հաղթող ենք»:

Ամեն մի քանի օրը մեկ նոր տարածքների հանձնման տեսարանների ֆոնին, համացանցում տարածվող նկարների ու գրառումների պայմաններում դա հնարավո՞ր է՝ կրկին հետաքրքրվում եմ.

«Վայ էդ համացանցը, ինչ անում է, այդ համացանցն է անում: Իրական առաջնագծում կանգնածը երբեք չի մտածում, որ մի թիզ հող ենք թողնելու թշնամուն: Կամաց-կամաց վերականգնվելու է»,- վստահեցնում է ԵԿՄ-ական վաշտի հրամանատարը:

Նա իր վաշտով եղել է ե՛ւ Ջաբրայիլում, ե՛ւ Ֆիզուլիում, ե՛ւ Հադրութում: Ավելին՝ երկու օր շրջափակման մեջ են մնացել, բայց կարողացել են դուրս պրծնել: Խոսելով պատերազմի դադարեցման վերաբերյալ եռակողմ հայտարարության մասին՝ ասում է՝ շատ ծանր են ընդունել այդ որոշումը՝ չնայած նրան, որ լավ էին հասկանում, որ պարտվել ենք:

Իսկ պարտվել ենք միայն ԱԹՍ-ներին՝ վստահ է փոխգնդապետը: «Ամենագլխավոր խնդիրը ԱԹՍ-ներն էին, ամենամեծ խնդիրը դրանք են առաջացրել, թե չէ մենք հակառակորդին լավ էլ ծեծել ենք ամբողջ պատերազմի ընթացքում: Խոսքը իրենց հետեւակի եւ ամբողջ տեխնիկայի մասին է: Ինչքան էլ որ իրենք շատ էին, ինչքան էլ որ թուրքեր էին, պակիստացիներ ու եսիմինչեր, ամեն դեպքում մենք ծեծում էինք իրենց, հաստատ»:

Դասալքության, հողերը ծախված լինելու մասին խոսակցություններ էլ են լսել: Սակայն այդ լուրերը իրենց կողքով են անցել:

«Մեր վաշտի հետ նման բան չէր կարող լինել, որովհետեւ նախ բոլորը հասկանում էին, որ սա երկրապահ վաշտ է եւ մեր մոտ գոնե նման խոսակցությունները չեն անցնում: Ջաբրայիլում, երբ որ շրջափակման մեջ էինք ընկել, էդ ընթացքում ինձ հանդիպել են 20-ից ավելի տղաներ, որոնք «մոբ»-ով էին եկել: Նրանք անորոշ վիճակում էին, չէին իմանում ինչ անել: Էդ տղաները միացել են մեզ եւ մնացած ամբողջ 20-ից ավելի օրը մեր հետ են եղել: Արդեն Ֆիզուլիում նրանք պատրաստի զինվորներ էին, առանձին դիրքեր էին պահում: Այսինքն եթե լինում էր նրանց գլխին նորմալ հրամանատար, նորմալ տղերք, որ կարող էին բացատրել խնդիրը, բոլորն էլ եկել էին կռվելու: Իհարկե, նահանջող էլ ենք տեսել, փախչող էլ ենք տեսել, տեսել ենք ճանապարհներին, ոմանց կարողացել ենք հավաքել, ողջ-առողջ հետ ենք բերել»,- մանրամասնում է հրամանատարը:

Ըստ նրա՝ այդ առումով շատ կարեւոր է մարզավիճակը, ինչը հեշտ է եղել ԵԿՄ-ում պահելը: Եվ միգուցե հենց սրանում է նրանց ու մյուս պահեստազորայինների տարբերությունը:

«ԵԿՄ-ն 1993-ից զբաղված է ե՛ւ ֆիզիկական պատրաստությամբ, ե՛ւ բարոյահոգեբանական դաստիարակությամբ: Մեր դուխը միշտ էլ բարձր է եղել, բոլոր պատերազմներում մենք մասնակցել ենք ու մեր դուխը ցույց ենք տվել: Նաեւ ունենք պատանի երկրապահներ, որոնցից շատերը այս պատերազմում հերոսացան: Հիմա էլ որ այցելեք մեր վարչության բակ, այնտեղ համարյա ամեն օր մարզումները գնում են, երիտասարդները պարապում են անկախ ամեն ինչից, որովհետեւ այս պատերազմը դեռ չի ավարտվել ու այս պատերազմում մենք դեռ հաղթելու ենք»,- վստահեցնում է Մխիթարյանը եւ չսպասելով հարցի՝ ի պատասխան իր վստահ խոսքի նկատմամբ զարմանքի՝ հավելում.

«Իհարկե: Հակառակ դեպքում ես ուղղակի չեմ կարողանա ապրել: Ես 1989 թվականից պատերազմի մեջ եմ, բոլոր հաղթանակները կռել եմ իմ մարտական ընկերների հետ, իմ ավագ եղբոր՝ Ռոլանդի հետ, էսօր իրենք հանգչում են Եռաբլուրում, ես չեմ կարողանա ապրեմ ուղղակի, չեմ կարողանա պատասխան տալ իրենց, եթե գոնե չփորձեմ էդ ամեն ինչը հետ բերել»:

Այդ ճանապարհին խոչընդոտ համարելով ներքին խժդժությունները՝ Մխիթարյանն ընդգծում է, որ հիմա այդ ամենի ժամանակը չէ, պետք է զբաղվել սահմանը պահելով:

«Լիքը պետական այրեր կան, թող զբաղվեն էդ խնդիրներով՝ ինչը ինչպես եղավ: Չնայած բոլորս էլ գիտենք ամեն ինչի մասին: ԵԿՄ-ն չի կարող նման բաների գնալ, էսօր մեր սուրբ պարտքն է՝ մեր հայրենիքը պահելը, մեր պետությունը մեր կարիքն ունի՝ սահմանները պահելու առումով, մենք ամեն ինչը մի կողմ դրած զբաղվում ենք դրանով: 4 օր է՝ եկել ենք, բայց պատրաստվում ենք գնալու: Ինչ-որ բաներ ենք հայթայթում, որ նույնիսկ բանակի համար բեռ չլինենք: Մեր գերխնդիրը դա է: Մեզ միշտ էլ փորձել են տանել ինչ-որ ուղղություններով, դա չի եղել: Մեր խնդիրը մեր հայրենիքը արտաքին թշնամուց պաշտպանելն է: Մենք դա ապացուցել ենք բազմիցս»,- հիշեցնում է ԵԿՄ կենտրոնի կառույցի նախագահը:

Ընդամենը օրեր անց կրկին Հայրենիքի սահմանները պաշտպանելու մեկնող հրամանատարի ուղերձը մեկն է՝ պետք է համախմբվել: «Էնքան խնդիր է դեռ առաջանալու, պետք է կարողանանք համախմբվել եւ հաղթած դուրս գալ: Ոչ մի դեպքում պառակտումը մեր երկրի համար լավ չի ավարտվելու: Հիմա նայեք, մենք Արցախից ինչքան գաղթած մարդիկ ունենք, Արցախը վիրավոր է, պիտի օգնենք որ ոտքի կանգնի, պիտի մեր սփյուռքը մոռանա նեղանալը, բոլորս միասին պիտի առաջին հերթին մտածենք բանակի հզորացման մասին, սահմանները ուժեղացնենք եւ դրա հետ մեկտեղ էլ զարգացնենք տնտեսությունը: Մենք դրա պոտենցյալն էլ ունենք, գիտնականներն էլ ունենք, ընդերքն էլ: Եթե յուրաքանչյուրս հասկանանք, որ չի կարելի ոչ գողանալ, ոչ թարս աչքով նայել, որովհետեւ եթե մենք թույլ եղանք, մեր լուման չարեցինք՝ կորցնելու ենք, ես համոզված եմ, որ մեր նման մտածող մարդիկ շատ-շատ ենք: Ինձ թվում է մենք օրինակ ենք ծառայելու, որ ուշքի գանք, մոռանանք էդ ամեն ինչը, պետությունը ոտքի հանենք: Բոլորիս խնդիրը մեկը պետք է լինի. ունենք Սպարապետ, ունենք Եռաբլուր, որը տասնապատկվել է: Նրանց առաջ պիտի կարողանանք պատասխան տալ»:

Տպել
3901 դիտում

Արագածոտնի նախկին մարզպետ Սարգիս Սահակյանը չի կալանավորվի. դատարանը մերժեց քննիչի միջնորդությունը

Զանգել են Քաշաթաղի նախկին բնակիչներին եւ վաղը կանչել հրապարակ. «Մեզ ուզում են ներքաշել Փաշինյանի դեմ պայքարի մեջ»

Մեխակ Արզումանյանը նշանակվել է ՆԳ նախարարության համակարգում գործող ԱԻ պետական ծառայության տնօրեն

Հավաքվել են հարյուրավոր արկղեր. Վենետիկից մարդասիրական օգնություն կուղարկվի պատերազմից տուժած հայ բնակչությանը

Ասում էր՝ չվախենաս, հետ կգամ, ես քեզ սիրում եմ. մայոր Սարգիս Նավասարդյանն անմահացավ Շուշիում (տեսանյութ)

JTI ընկերությունը ճանաչվել է Լավագույն գործատու Հայաստանում

Պուտինի ու Բայդենի հեռախոսազրույցը՝ առաջատար լրատվամիջոցների ուշադրության կենտրոնում. ինչու է այն կարևոր

Ապարանը զարգացման բարձր տեմպեր է արձանագրում (տեսանյութ)

Հայ-ադրբեջանական շփման գծի ամբողջ երկայնքով օպերատիվ իրավիճակը չի փոփոխվել

Հայկ Մարությանը մասնակցել է Լենինգրադի պաշարման ավարտի 77-ամյա տարեդարձին նվիրված հանդիսավոր արարողությանը

Ֆինանսների փոխնախարարը Զարգացման ֆրանսիական գործակալության պատվիրակության հետ քննարկել է համագործակցության հարցեր

Իրենց իսկ շահերից է բխում ժողով չանցկացնել. ՀՖՖ գլխավոր տնօրենը՝ նոր կանոնադրության և 9 անդամների ժողով հրավիրելու մասին

31-ամյա ջաղացաձորցին գողացած հեռուստացույցը նվիրել էր զոքանչին. հարուցվել է քրեական գործ (տեսանյութ)

«Հավանաբար արդեն բժշկի կարիք կա». քաղաքագետները եւ պատգամավորները՝ Վազգեն Մանուկյանի երեկվա հայտարարությունների մասին

Խեղճ կնոջը հասցրել են ինքնասպանության․ նախկին պատգամավորը՝ հարսի ինքնասպանության հնարավոր պատճառների մասին

Հայտնի է Հայաստանի, Ռուսաստանի և Ադրբեջանի փոխվարչապետների հանդիպման օրը

Արտեմ Հարությունյանը նշանակվել է ԱՀ ՆԳՆ ոստիկանության պետ

Շրջակա միջավայրի նախարարությունը և Ագրարային համալսարանը համագործակցության հուշագիր են կնքել

«Путешествую без COVID-19». ԱԳՆ-ն ներկայացրել է ՌԴ այն քաղաքների ցանկը, ուր հնարավոր է մեկնել

Երիտասարդության ռազմավարությունը պետք է մշակվի  երիտասարդների ձանը լսելով. ԿԳՄՍ նախարարի տեղակալ

Իրականացվել են մարտական հերթապահության հերթափոխի նախապատրաստական աշխատանքներ

Տիգրան Հարությունյանը նշանակվել է ԱԱԾ տնօրենի տեղակալ

Ջավախքում մեկ օրում երկու ինքնասպանություն է տեղի ունեցել․ մանրամասներ

Հայ-ֆրանսիական բարեկամության ամրապնդման ևս մեկ վկայություն. Ֆրանսիական կրթահամալիրում նոր դասասենյակ է բացվել

Արմելլա Շաքարյանը նշանակվել է Մեքսիկայի Միացյալ Նահանգներում Հայաստանի Հանրապետության արտակարգ և լիազոր դեսպան

ՊԵԿ հարկային տեսուչները կաշառք են պահանջել, ստացել ու բռնվել (տեսանյութ)

ԿԳՄՍ նախարարը հաղթող թեկնածուներից ոչ մեկին դպրոցի տնօրեն դեռ չի նշանակել․ բողոքներն առայժմ քննում են

Ստուգումներ են անցկացվել մարտական հենակետերում

9 մարզի 101 հիմնական ու միջնակարգ դպրոցում հեռավար ձևաչափով ուսուցումն իրականացնելու հնարավորություն է ստեղծվել

Սյունիքի և Գեղարքունիքի մարզերի բոլոր ավտոճանապարհներին առկա է մերկասառույց

Սուրեն Պապիկյանն ընդունել է Զարգացման ֆրանսիական գործակալության փոխտնօրեն Բերտրան Վալկենարին

Հայագիտական կենտրոնների թիվը կավելանա եւս երկուսով

Վարչական վարույթներ են հարուցվել Գեղարքունիքի և Կոտայքի մարզերի որոշ դպրոցներում

Լարված ու անելանելի պայմաններում արագ կողմնորոշվելու շնորհիվ առաջադրված մարտական խնդիրները բարձր մակարդակով են կատարել

Արա Այվազյանը Լավրովի հետ հեռախոսազրույցում ընգծել է ռազմագերիների, պատանդների, պահվող այլ անձանց վերադարձի մասին

Դուրս եմ եկել Covid-ի հետ կապված քննիչ հանձնաժողովի կազմից․ Արտակ Մանուկյան

Փետրվարի 1-ից ՌԴ մուտք գործելու համար հնարավոր է թեստ հանձնել առայժմ միայն երկու լաբորատորիայում, գինը՝ 15 հազար դրամ

Զինծառայողներն արյուն են հանձնել

Վահան Քերոբյանը և Անդրեա Վիկտորինը քննարկել են համագործակցության հետագա խորացման հնարավորությունները

Արագածոտնի նախկին մարզպետը մեղադրանքն անհիմն է որակում. նրան կալանավորելու միջնորդությունը կքննվի այսօր