Բուհերի ընդունելության քննությունները կլինեն երկուսը՝ որոշ բացառություններով

Կրթության, գիտության, մշակույթի եւ սպորտի նախարարությունը արդեն գրեթե վերջնական տեսքի է բերել ու ծրագրում է դեկտեմբերի 1-ին հրապարակել բուհերում բակալավրի կրթական ծրագրով առաջիկա ուսումնական տարվա թե՛ մասնագիտությունների եւ թե՛ այդ մասնագիտություններով ընդունելության քննությունների ցանկը։

Ընդլայնվել է այն մասնագիտությունների շարքը, որոնց դեպքում ընդունելությունը հնարավոր կդառնա ոչ թե երեք, այլ երկու միասնական եւ կենտրոնացված քննություն հանձնելով։ Այդ սկզբունքը կգործի բուհերում առաջարկվող մասնագիտությունների ավելի քան 90 տոկոսի դեպքում։ Ընդունելության քննական առարկաներից մեկը կլինի պարտադիր, երկրորդը՝ դիմորդի ընտրությամբ։

Քննությունների քանակի առումով բացառություն կլինեն ներբուհական որոշ մասնագիտություններ, ասենք՝ Կոմիտասի անվան պետական կոնսերվատորիայում, Թատրոնի եւ կինոյի պետական ինստիտուտում։ Այստեղ քննական առարկաները կլինեն երեքը։

«Իրավագիտություն, միջազգային հարաբերություններ, քաղաքագիտություն, հանրային կառավարում, տնտեսագիտություն, ֆինանսներ․ մասնագիտությունների այս բլոկում, որ ավանդաբար անցկացվել է ընդունելության քննություն երեք պարտադիր առարկաներից, 2021/2022 ուսումնական տարվա ընդունելության ժամանակ կլինի երկուսը»,- «Հայկական ժամանակի» հետ զրույցում մանրամասնեց նախարարության բարձրագույն եւ հետբուհական մասնագիտական կրթության վարչության պետ Ռոբերտ Սուքիասյանը։  

Հետագա տարիներին ե՞ւս այս մասնագիտությունների համար անցկացվող քննությունները երկու առարկաներից կլինեն, թե՞ չէ։ Առայժմ պարզ չէ։ Մշտապես այստեղ թեժ մրցակցություն է լինում, ու առաջիկա փորձը հաշվի առնելուց հետո միայն նոր որոշում կկայացվի։

«Կքննարկենք։ Եթե աշխատեց այս տարբերակը, միգուցե այսուհետ այս մոդելը շարունակենք կիրառել»,- ասաց Ռոբերտ Սուքիասյանը։

Առայժմ կրճատված թվով քննություն անցկացնելու որոշումը պայմանավորված է ստեղծված իրավիճակով, երբ ապագա շատ դիմորդներ տարբեր հարթակներում առաջարկում, խնդրում, պահանջում էին, որ կրթական գերատեսչությունը վերանայի ընդունելության քննությունների ցանկը՝ հաշվի առնելով հոգեբնանական այն ծանր վիճակը, որում այսօր գտնվում է հայ հանրությունը, այդ թվում քննությունների պատրաստվող աշակերտները։ Նրանք հիշեցնում էին նաեւ նախորդ տարվա փորձը, երբ կորոնավիրուսի համավարակը պատճառ էր դարձել մեկուսացումների ու ուսումնական գործընթացի խաթարումների, ինչի հետեւանքով էլ ընտրվեց ընդունելության քննությունների քանակը էապես կրճելու եւ մեկը դարձնելու տարբերակը։

«Առաջիկա ուսումնական տարվա ընդունելության քննությունները երկուսը դարձնելու պատճառը ստեղծված իրավիճակն է, այո։ Մեկը շատ քիչ էր լինում, երեքն էլ շատ էր, դրա համար գտել ենք օպտիմալ տարբերակը, բայց չի բացառվում, որ այս մոտեցումը հաջորդ տարիներին նույնպես պահպանվի։ Դա արդեն ամառը կվերլուծենք, հանդես կգանք հայտարարությամբ»,- հավելեց ԿԳՄՍ նախարարության բարձրագույն եւ հետբուհական մասնագիտական կրթության վարչության պետը։  

«Հայաստանի Հանրապետության բարձրագույն ուսումնական հաստատությունների բակալավրի ու անընդհատ և ինտեգրացված կրթական ծրագրերով (առկա, հեռակա) 2021/2022 ուսումնական տարվա մասնագիտությունների և ընդունելության քննությունների ցանկը հաստատելու մասին» կառավարության որոշման նախագիծը հրապարակվել եւ հանրային քննարկման էր ներկայացվել e-draft հարթակում։ Ստացվել է 16 առաջարկ։ Դրանք մասնավորապես հետեւյալ բովանդակությունն ունեն։

«Ելնելով այս դժվարին իրավիճակից, ռազմական դրությունից, կորոնավիրուսային համավարակի բարձր ցուցանիշներից, ֆինանսական սուղ պայմաններից, բոլորիս ընկճված տրամադրությունից, բոլոր ընտանիքներում լինելով զինվորներ, կամավորականներ, ինչպես նաև լինելով զինվորի քույր, խնդրում եմ՝ այս տարի ևս ընդառաջել դիմորդներիս՝ մեկ քննությունով ընդունվելու, իսկ դիզայնի ֆակուլտետում՝ երեք քննությունից մեկ կամ երկու ընտրովի քննությունով ընդունվելու բուհ, քանի որ լինելով «գծագրություն» առարկային անծանոթ՝ դպրոցներում չուսումնասիրելու պատճառով, հնարավոր չէ պարապել հեռավար պայմաններում։ Հուսով եմ խնդրանքիս կտաք դրական լուծում»,- Չարենցավանից գրել է ապագա ուսանողուհի Ալինա Սարգսյանը։

«Որպես 2021/2022 թվականի դիմորդ, վստահեցնում եմ ձեզ, որ նման խառն իրավիճակում շատ բարդ է կենտրոնանալ դասերի և քննություններին պատրաստվելու վրա, հետևաբար (ինձ իրավունք վերապահելով խոսելու նաև ընկերներիս անունից) կցանկանայի առաջարկել, որ այս տարի ևս դիմորդները հանձնեն մեկ քննություն։ Այսպիսով մենք՝ դիմորդներս կկարողանանք մասնակցել նաև թիկունքում անցկացվող տարատեսակ միջոցառունմերի, օգնելով ոչ միայն մեզ, այլև մեր բանակին, որը համառ մարտեր է մղում թշնամու հետ «շպրտման» և մեր գոյության պահպանման համար»,- դեռ պատերազմի օրերին այս նույն մեկնաբանությունն են թողել անանուն, ինչպես նաեւ Մարի անունով օգտարերերը։

Ռուզաննա Պետրոսյան օգտերերն էլ նշել է՝ «Ես՝ որպես ծնող,վստահեցնում եմ,որ ներկայիս իրավիճակում շատ դժվար է երեխայի՝ 3 առարկա պարապելն ապահովելը։Կապված համաճարակային և պատերազմական դրության հետ՝ շատ ծնողներ տուժվել են ֆինանսապես,իսկ աշակերտները՝ հոգեպես.այս ամենը մեծապես ազդել է կրթության որակի վրա։Առաջարկում եմ՝ այս տարի ևս ընդունելությունն անցկացնել 1 քննությամբ»։

«Ես չեմ ցանկանում , որ այս տարի ևս մեկ քննությամբ ընդունելությունը կատարվի։ Քանի , որ  ես պատրաստվում եմ ընդունվել Երևանի պետական կոնսերվատորիա,  և այն բաժինը , որը ես ընտրել եմ ունի սահմանափակ անվճար տեղեր(1-2)։ Ու եթե ես 3  քննության փոխարեն 1-ը հանձնեմ հավանականությունը քիչ կլինի, որ սովորեմ անվճար  համակարգում։ Ուստի խնդրում եմ, որ  եթե հնարավորություն չլինի հանձնել 3 քննություն, ապա գոնե թող լինի 2-ը»,- մյուսներից տարբերվող ցանկություն է հայտնել Ամալյա Տիգրանյանը։

Մեկ այլ ապագա դիմորդ Անետա Ալեքսանյանն էլ հավելել է․ «Ես պարապում եմ 3 առարկա կրկնուսույցի մոտ։Ելնելով ստեղծված իրավիճակից՝ նպատակահարմար եմ գտնում պարապմունքներին հատկացրած գումարն ուղարկել համահայկական հիմնադրամին։ Իսկ պարապմունքների ընթացքում ժամանակ վատնելու փոխարեն՝զբաղվել կամավորական աշխատանքով։Հաշվի առնելով այն փաստը,որ պարապմունքների վրա կենտրոնանալը նման պայմաններում անհնար է։Առաջարկում եմ ընդունելությունը լինի մեկ առարկայով»։

«Ռազմական և արտակարգ դրության պայմաններում ոչ մեկս էլ չենք  կարողանում կենտրոնանալ մեր պարապունքների վրա։Խնդրում եմ լսեք մեզ՝ ապագա դիմորդներիս և թող այս տարի էլ մեկ քննությամբ անցկացվեն միասնական քննությունները։Եթե 2020֊ի դիմորդները մեկ քննություն տվեցին այն դեպքում, երբ վարակը այսքան տարածված չէր,ապա մեզ էլ պետք է զիջեք ,որովհետև մենք այժմ և՛ պատերազմական վիճակի մեջ ենք, և՛ վիրուսն ավելի է գլուխ բարձրացել։  Խնդրում եմ մեկ քմնությամբ թող անցկացվեն 2020֊21 ուսումնական տարվա միասնական քննությունները»,- գրել է Մարիա Իսրայելյանը։

Տպել
2593 դիտում

Արմաշում գործարկվելու է շչակ․ մարզպետարանը խնդրում է խուճապի չմատնվել

«Կհամոզեմ»․ Արամ Mp3-ը նոր երգ ու տեսահոլովակ է ներկայացրել (տեսանյութ)

Հայաստանի, Ռուսաստանի և Ադրբեջանի փոխվարչապետները դիտակել են տրանսպորտային կոմունիկացիաների վերականգնման հեռանկարները

Իրան-Հայաստան առևտրի պալատի նախագահն առանձնացրել է երկու երկրների միջև հեռախոսային կապի անհասանելիությունը

Արգավանդ համայնքում ավարտվել են մարզի հրատապ խնդիրների լուծման ծրագրով նախատեսված աշխատանքները

Ջերմաստիճանի նվազման վերաբերյալ կանխատեսումը վերաբերում է միայն գիշերային ժամերին․ ՇՄ նախարարությունը պարզաբանում է

Հայ-հունական միջպետական հարաբերությունները բարձր մակարդակի վրա են․ Սիմոնյանը հանդիպել է Հունաստանի խորհրդարանի նախագահին

Արդյոք պատվաստված դասախոսը 80 հոգանոց լսարանում դասավանդելիս պաշտպանված է «Քովիդ-19»-ից. պարզաբանում է մասնագետը

Արցախի աշխատանքի, սոցիալական և միգրացիայի հարցերի նախարարի տեղակալն ազատման դիմում է ներկայացրել

Վահե Գևորգյանը Մալթայի նորանշանակ դեսպանի հետ քննարկել է երկկողմ հարաբերություններին առնչվող հարցերի լայն շրջանակ

Արարատ Միրզոյանը և Բրազիլիայի դեսպանն ընդգծել են երկկողմ քաղաքական երկխոսության ակտիվացման կարևորությունը

Առողջապահության փոխնախարը Կոտայքում մասնակցել է առողջապահական կազմակերպությունների ներկայացուցիչների խորհրդակցությանը

«Ազնավուր» հիմնադրամը Վանաձորի բժշկական կենտրոնում վերականգնողական բաժանմունք է ստեղծել

Ո՞վ է համարվում գործազուրկ և ի՞նչ փաստաթղթեր են անհրաժեշտ գործազուրկի կարգավիճակ ստանալու համար

Գրոսմայստեր Հայկ Մարտիրոսյանը դարձել է «Yerevan Open»-ի բլից մրցաշարի երրորդ մրցանակակիր

Ամերիկյան ընկերությունը «Քովիդ-19»-ի բուժման համար Հայաստանին կտրամադրի Veklury դեղամիջոցը

ԱԺ տարածքում լրագրողների տեղաշարժի իրավունքը չի սահմանափակվել, մեծացվել է․ ԱԺ-ից մեկնաբանում են «Ժանգոտ կողպեք» մրցանակը

Լրացավ նահատակված գնդապետ Թաթուլ Ղազարյանի և փոխգնդապետ Արմեն Օհանյանի մահվան տարելիցը (լուսանկարներ)

Հարուցվել է 472 վարչական վարույթ, կայացվել՝ 402 վարչական տուգանքի որոշում. Բնապահպանության և ընդերքի տեսչական մարմին

Ֆրանս-հայկական մասնագիտական ուսումնական կենտրոնը 20 տարեկան է․ այն 2 երկրների միջև համագործակցության հիմնաքարերից մեկն է

Պահպանված չեն եղել ճանապարհաշինարարական նորմերը. Դատախազությունը «Գազելի» վթարի վայր է հրավիրել պատասխանատուներին

Ջրաշեն համայնքում շչակ է գործարկվելու

Խորհրդարանական ձեւաչափի զարգացումը ՀԱՊԿ-ում Հայաստանի առաջնահերթություններից է. Հակոբ Արշակյան

Երեխաների ճակատագիրը եթե ձեզ համար նորություն է, նրա ընտանիքի համար վիշտ է. վարչապետի օգնականը՝ ԶԼՄ-ներին

57-ամյա տղամարդը Ոսկեվազի գերեզմաններից գողություն է արել (տեսանյութ)

Արցախի պետական նախարար Արտակ Բեգլարյանը Մոսկվայում քննարկել է Արցախի վերականգնմանն ու զարգացմանն առնչվող մի շարք հարցեր

2021թ. 9 ամիսների ընթացքում պետական բյուջե վճարվել է 871 մլրդ 241 մլն դրամ հարկ. ովքեր են 10 ամենախոշոր հարկատուները

Թիվ 34 տարածքային ընտրական հանձնաժողովի քվեարկության արդյունքների վերահաշվարկը ԿԸՀ-ն ավարտել է

Հայհոյանքներ են հնչեցրել, տարբեր իրերով հարվածել են դատախազության շենքին․ քրեական գործի նախաքննությունն ավարտվել է

Արարատ Միրզոյանը եւ Միացյալ Թագավորության դեսպանը քննարկել են հայ-բրիտանական երկկողմ օրակարգի հարցեր

Այսօր վթարի ենթարկված և 5 անձի մահվան պատճառ դարձած «Գազելը» պատկանում է ֆիզիկական անձի, բանվորների է տեղափոխել. ՔՏՀԱ

Երևանում, Վանաձորում և Գյումրիում կկայանա ամենամյա գլխավոր իրադարձությունը՝ «Հայաստան - Ինժեներական շաբաթ 2021»-ը

Քիչ առաջ ավտովթարի հետևանքով տուժած Մարալ Նաջարյանը և նրա քույրն արդեն տանն են, իրենց լավ են զգում

Անցկացվել են զորամասերի սպա-իրավաբանների հավաքներ

Երկրներում, որոնք հարուստ չեն բնական ռեսուրսով, կարևոր է մարդկային կապիտալը. հավատարմագրերն է հանձնել Մալթայի դեսպանը

Հայաստանը`համաշխարհային դերակատար միկրոէլեկտրոնիկայի կրթության բնագավառում. Վիվա-ՄՏՍ

Երիտասարդները գնում են այն մասնագիտության հետևից, որը նրանց գումար է բերելու և մոռանում են գիտության մասին. Հովհաննիսյան

22-ամյա երիտասարդը փորձել է դատապարտյալներին 33 փաթեթ թմրանյութ փոխանցել (տեսանյութ)

ԵՊՀ-ում պատվաստված է դասախոսների 50 տոկոսը. ինչ է սպասվում չպատվաստված կամ չթեստավորված դասախոսներին

Պետք է հարգել արդյունագործական որսի թույլատրելի չափաքանակների և ժամկետների վերաբերյալ Կառավարության որոշումը