Մնալ C դիվիզիոնու՞մ, թե՞ հաղթել Մակեդոնիային․ Հայաստանի հավաքականը մեկ ճանապարհ ունի

Նոյեմբերի 18-ին ֆուտբոլի Հայաստանի հավաքականը պետք է անցկացնի Ազգերի լիգայի 2020/21 մրցաշրջանի խմբային փուլի վերջին հանդիպումը: Հյուսիսային Մակեդոնիայի հավաքականի հետ հանդիպումը պետք է որոշի С դիվիզիոնի երկրորդ խմբի հաղթողին։ Այս պահին մակեդոնացիներն ունեն 9 միավոր, Հայաստանի հավաքականը հետ է մնում մեկ միավորով։ Խմբում հաղթելու համար Հայաստանի հավաքականին անհրաժեշտ է միմիայն հաղթանակ, մինչդեռ մակեդոնացիներին բավարար է նաև ոչ-ոքին։ 

Մյուս կողմից հարց է առաջանում՝ արդյոք Հայաստանի հավաքականին անհրաժեշտ է հաղթել խմբում և բարձրանալ Ազգերի լիգայի B դիվիզիոն։ Միակ ու գլխավոր փաստարկը խմբում չհաղթելու համար այն է, որ Ազգերի լիգայի հաջորդ՝ 2022/23 մրցաշրջանի միջոցով ավելի հեշտ կլինի Եվրոպայի առաջնության ուղեգիր նվաճել՝ խաղալով ոչ թե B, որտեղ մրցակիցներն ավելի ուժեղ են, այլ C դիվիզիոնում։ Ի վերջո, Մակեդոնիայի հավաքականն էլ օրեր առաջ Եվրոպայի առաջնության ուղեգիր նվաճեց հենց ցածր դիվիզիոնում հանդես գալու շնորհիվ: Իրենք էլ կարծես դեմ չեն մնալ C դիվիզիոնում: Հաղորդվում է, որ Հայաստանի հավաքականի դեմ խաղը բաց է թողնելու հիմնական կազմի 8 ֆուտբոլիստ, թեև պաշտոնապես հայտնի է միայն երկու առաջատարների՝ իտալական Ա Սերիայում հանդես եկող Գորան Պանդևի և Էլիֆ Էլմասի բացակայության մասին։ Մակեդոնիայի հավաքականն աշնանային իր գլխավոր խնդիրը լուծել է, հիմա կարող է ավելի թուլացած էլ գործել։

Ավելի թույլ մրցակիցների հետ պայքարում եզրափակիչ փուլի ուղեգիր նվաճելը, իհարկե, գայթակղիչ է հնչում, բայց Մակեդոնիային հաղթելու համար Հայաստանի հավաքականն ունի շատ կարևոր պատճառներ։

1․ Ազգերի լիգայի խմբում հաղթելը տեսական հնարավորություն է տալիս՝ պայքարելու աշխարհի առաջնության ուղեգրի համար։ Ազգերի լիգայում պայքարը հետաքրքրացնելու համար ՈՒԵՖԱ-ն այստեղ աչքի ընկած հավաքականներին, որոնք դեռևս եզրափակիչ փուլի ուղեգիր չունեն, հնարավորություն է տալիս պայքարել Եվրոպայի/Աշխարհի առաջնության ուղեգրի համար։ Սա բավականին թույլ հակափաստարկ է, քանի որ հնարավորությունը միայն տեսական է․ աշխարհի առաջնության որակավորման փլեյ-օֆֆ դուրս գալու համար պետք է հաղթել խմբում հնարավորինս շատ միավորներով, հետո հույս ունենալ, որ ավելի բարձր դիվիզիոնների խմբերի հաղթողները եզրափակիչ կամ փլեյ-օֆֆ փուլի ուղեգիր կունենան։

Ներկա պահին С դիվիզիոնի երկրորդ խմբի առաջատար Հյուսիսային Մակեդոնիան ունի 9 միավոր, ինչն ամենացածրն է դիվիզիոնում։ Ազգերի լիգայից որակավորման փլեյ-օֆֆ փուլ են դուրս գալու ընդամենը երկու թիմ։ Եթե Հայաստանի հավաքականը հաղթի, կունենա 11 միավոր։ Այս պահին C դիվիզիոնի մյուս խմբերի առաջատարներից Սլովենիան արդեն 13 միավոր ունի, Չեռնոգորիան ու Բելառուսը՝ 10-ական։ Եթե նրանցից մեկը հաղթի վերջին տուրում, կունենա 13 միավոր, և Հայաստանի հավաքականը չի ընդգրկվի նույնիսկ C դիվիզիոնի լավագույն երկու թիմերի շարքում։ Այդ դեպքում որակավորման փլեյ-օֆֆ փուլ դուրս գալու համար պետք է ակնկալել, որ A ու B դիվիզիոնների խմբերի հաղթողները, ինչպես նաև C դիվիզիոնի խմբի հաղթողներից մեկ-երկուսը աշխարհի առաջնության հիմնական որակավորման փուլով եզրափակիչ կամ որակավորման փլեյ-օֆֆ փուլի ուղեգիր կնվաճեն, ինչը քիչ հավանական է։ Նույնիսկ փլեյ-օֆֆ դուրս գալու դեպքում եզրափակիչ փուլի ուղեգիր նվաճելը բարդ կլինի․ պետք է երկու հաղթանակ տանել բավականին ուժեղ մրցակիցների նկատմամբ։

2․ Դեռևս պարզ չէ, թե Եվրո-2024-ի ընտրական փուլում ինչ դեր է ունենալու Ազգերի լիգան։ Տեսականորեն, բացառված չէ, որ B դիվիզիոնում հանդես գալով ու խմբում զբաղեցնելով վերջին՝ 4-րդ տեղը, ավելի մեծ հնարավորություն ունի դուրս գալ Եվրոպայի առաջնության եզրափակիչ փուլ։ ՈՒԵՖԱ-ն բնավորություն ունի յուրաքանչյուր մրցափուլում զարմացնելու իր որոշումներով, այնպես որ պետք չէ հույսը դնել նրա վրա, որ C դիվիզիոնում թույլ մրցակիցների հետ խաղալու դեպքում ավելի մեծ հնարավորություն կլինի Եվրոպայի առաջնության եզրափակիչ փուլ դուրս գալ։

3․ 2022թ․-ի աշխարհի առաջնության որակավորման փուլի վիճակահանությունը պետք է տեղի ունենա դեկտեմբերի 7-ին, թիմերը վիճակահանությունից առաջ բաժանվելու են 6 զամբյուղների, իսկ զամբյուղներում թիմերի դասավորությունը որոշվելու է համաձայան ՖԻՖԱ-ի դասակարգման աղյուսակի։ Ներկա պահին այդ աղյուսակում Հայաստանի հավաքականը եվրոպական թիմերի շարքում 42-րդն է։ Դա նշանակում է, որ վիճակահանության ժամանակ ազգային ընտրասնին կհայնտվի 5-րդ զամբյուղում։ Ավելի բարձր՝ 4-րդ զամբյուղում ընդգրկվելու համար Հայաստանի հավաքականը պետք է հաղթի Մակեդոնիային, իսկ 40-րդ ու 41-րդ տեղերում գտնվող Լյուքսեմբուրգի և Կիպրոսի ընտրանիները պարտվեն Ազգերի լիգայի խմբային փուլի իրենց վերջին հանդիպումներում։ 4-րդ զամբյուղում տնդգկրվելը հնարավորություն կտա Հայաստանի հավաքականին վիճակահանության ժամանակ կարգով ավելի ցածր մեկ կամ երկու մրցակից ստանալ որակավորման հիմնական փուլում։

4․ Պատճառներից մեկն էլ հենց B դիվիզիոնում ավելի ուժեղ մրցակիցների առկայությունն է։ Թեև դա կարող է նվազեցնել Եվրոպայի 2024թ․-ի ուղեգիր նվաճելու հավանականությունը, բայց լավ հնարավորություն կտա Խոակին Կապառոսի թիմին ուժեղ մրցակիցների հանդիպել, ինչը, սպորտային տեսանկյունից, ավելի հետաքրքիր է, ավելի լավ հնարավորություն է տալիս պատկերացում կազմել թիմի մակարդակի մասին։ Ֆինանսական տեսանկյունից ևս շահավետ է․ ֆուտբոլասերների հետաքրքրությունն ավելի մեծ կլինի, տոմսերի սպառումը ավելի լավ կարող է լինել, ավելի բարձր եկամուտներ կլինեն նաև հեռարձակումներից։

5․ Կասկած չկա, որ նոյեմբերի 18-ին ազգային ընտրանին պայքարելու է միմիայն հաղթանակի համար, քանի որ հաղթանակները նաև հոգեբանական կատալիզատորներ են։ Ֆուտբոլիստներն էլ նման հաշվարկներից դուրս են, նրանք դաշտ են դուրս գալիս միայն հաղթանակի համար։ Սա թերևս ամենակարևորն է, որը մնացած հաշվարկները դարձնում է հասարակ քննարկում։

Ռաֆայել Խալաթյան

Տպել
1323 դիտում

Իշխանության յուրացման փորձ կատարելու համար մեղադրվողների գործն ուղարկվել է դատարան

Գեղարքունիքի մարզպետն ու Ռուսաստանի դեսպանը քննարկել են տարածաշրջանում սոցիալ-տնտեսական զարգացման հարցերը

Արմավիրի մարզում պատվաստվել է 104 889 քաղաքացի

Ստեփանծմինդա-Լարս ավտոճանապարհը բաց է․ ՀՀ տարածքում կան փակ ավտոճանապարհներ

ԵԱՀԿ Մինսկի խմբի համանախագահող երկրների ԱԳ նախարարները Լեռնային Ղարաբաղի վերաբերյալ հայտարարություն են ընդունել

Գրիգոր Լուսավորիչ եկեղեցում կատարվել է 44-օրյա պատերազմում նահատակված 9 զինծառայողի հոգեհանգստի արարողություն

Լենինգրադյան փողոցում ավտովթար է տեղի ունեցել․ թիվ 63 երթուղայինի վարորդն ու 4 ուղեւոր հոսպիտալացվել են «Արմենիա» ՀԲԿ

Առաջին ձյունը նախընտրական շահարկումների պատճա՞ռ, գործ ունենք նախընտրական քաղաքական սաբոտաժի հետ․ Վանիկ Օհանյան

Միգուցե շատերի համար ես բնավ էլ համարձակ կին չեմ, որովհետեւ իրենց մտքի թռիչքն այլ բան է ուզում. Լուիզա Ներսիսյան

Ստեփանավանի մշակույթի պալատն այսօրվանից կկրի Սոս Սարգսյանի անունը․ Արփի Դավոյան

Ուժի կիրառումը երբեք խաղաղության հասնելու ճանապարհ չի եղել․ Միրզոյանը ելույթ է ունեցել ԱՀԿ նախարարական 28-րդ համաժողովին

Հայաստանի և Էստոնիայի ԱԳ նախարարները անդրադարձել են տարածաշրջանային անվտանգության և կայունության հարցերի

Սերգեյ Լավրովն ու Մևլութ Չավուշօղլուն քննարկել են Անդրկովկասում իրավիճակի կայունացման հարցը

Ավտոմեքենան մոտ 8 մ բարձրությունից ընկել է Աղստև գետը․ ուղեւորները հոսպիտալացվել են

Մհեր Գրիգորյանը Մոսկվայում մասնակցել է Երկրորդ եվրասիական համագումարին

ՊՆ վարչական համալիրում ստորագրվել է 2022թ. Հայաստանի և Լիտվայի միջև երկկողմ ռազմական համագործակցության ծրագիրը

Ոստիկանների արարքները պաշտոնեական լիազորություններն անցնելու հանցակազմ չեն պարունակել, վարույթը կարճվել է

Պապիկյանը ԱՄՆ դեսպանին է ներկայացրել է սահմանագոտում առկա իրավիճակը և խնդիրների կարգավորման հայկական կողմի մոտեցումները

Հաագայում տարածվել է ՀՀ հայտարարությունը՝ Արցախում Ադրբեջանի կիրառած քիմիական տարրեր պարունակող զենքի վերաբերյալ. ԱԳՆ

Միրզոյանը Բլինքենին է ներկայացրել ՀՀ ինքնիշխան տարածք ադրբեջանական զինուժի ներթափանցման հետևանքով ստեղծված իրավիճակը

Տեղի են ունեցել «ԵՄ-ն՝ հանուն երիտասարդության» ծրագրի գործողությունների ներկա իրավիճակը և 2022-ի պլանները քննարկում

Կոդավորված դաջվածքի բանալի բառը գտնելով՝ հնարավոր էր կարդալ կնոջ անունը. զոհված հետախույզի կինը գիրք է գրել նրա մասին

Հայաստան կժամանի ՌԴ ԱԻՆ պատվիրակությունը. կանցկացվի Միջազգային գիտաժողով երկրաշարժի 33-րդ տարելիցի կապակցությամբ

Սյունիքի մարզի Սիսիան-Գորիս ավտոճանապարհին մառախուղ է

Փոփոխություն Վանաձորից դեպի Վրաստան և հետադարձ ուղղությամբ երթևեկության սխեմայում

Արարատ Միրզոյանը հանդիպել է ԱՄՆ պետքարտուղար Էնթոնի Բլինքենի հետ

Մհեր Գրիգորյանը Մոսկվայում մասնակցել է ԵԱՏՀ խորհրդի նիստին

ՍԱՏՄ-ն ստուգայցեր է իրականացրել Կենտրոն վարչական շրջանի իրացման ցանցում և հանրային սննդի օբյեկտներում

Դոլարն ու եվրոն շարունակում են թանկանալ․ Կենտրոնական բանկը սահմանել է նոր փոխարժեքներ

Արարատի բնակիչը «Ալեն Սիմոնյանի», «Հայկ Սարգսյանի», «Սասի Արտակի» և այլ անուններով սոցցանցերում գրանցել է կեղծ էջեր․ ՔԿ

Քարաթափում է տեղի ունեցել Եղեգնաձոր-Գետափ ավտոճանապարհին

Ճապոնիայի դեսպանատան աջակցությամբ Արմավիրում կբարելավվի կոշտ թափոնների կառավարման համակարգը

«Քովիդ-19»-ի դեմ պատվաստվելուց 7 օր անց անձը կարող է դառնալ արյան դոնոր

ՀԱՊԿ-ում նախագահող Հայաստանի ԱԳ նախարարի համակարգմամբ տեղի է ունեցել անդամ պետությունների ԱԳ նախարարների հանդիպումը

ՀՀ Էկոնոմիկայի նախարարության աջակցությամբ Արաբական Միացյալ Էմիրություններում կկազմակերպվի SSSholidays միջոցառումը

Սահմանվել են հունվարին անցկացվելիք պետական ավարտական քննությունների ժամկետները

Վարչապետի մոտ քննարկվել են քաղաքաշինության ոլորտի խոշորամասշտաբ ներդրումային ծրագրերի առաջարկներ (լուսանկարներ)

Ավարտվել է Ստեփանավանի թիվ 2 դպրոցի տնօրենի և աշխատակիցների կողմից կատարված չարաշահումների գործի նախաքննությունը. ՔԿ

Հեռուստատեսության զարգացման գործում ներդրած նշանակալի ավանդի համար պարգևատրվել են Հանրայինի աշխատակիցները

Սյունիքում բացվել է առաջին մագնիսա-ռեզոնանսային տոմոգրաֆիայի բաժանմունքը (լուսանկարներ)