Չի եղել մի դեպք, երբ պատերազմական իրավիճակում ԱԺ պատգամավորները կամ աշխատակազմը պարգեւավճար ստանան․ պատգամավոր

2021 թվականի պետական բյուջեով պարգեւատրումների համար նախատեսված 18 միլիարդ 825 միլիոն դրամը հանրության շրջանում մեծ դժգոհություններ եւ բողոք է առաջացրել։ Շատերի կարծիքով, քանի որ բյուջեն նոր է քննարկվում, ապա այս գումարը նախատեսելը եւս այս պատերազմական շրջանում է որոշվել։ Այստեղ կարեւոր է ընդգծել, որ բյուջեն մեկ օրում կամ շաբաթում չի գրվել՝ հետեւաբար նախատեսված պարգեւատրումների չափը առնվազն մի քանի ամիս առաջ է ներառվել։

Այսօր ԱԺ ֆինանսավարկային եւ բյուջետային հացրերի ու տնտեսական հարցերի մշտական հանձնաժողովների համատեղ նիստում՝ տնտեսական հարցերի հանձնաժողովի նախագահ Բաբկեն Թունյանը խոսելով խնդրի մասին նշեց, որ մարդկանց ոչ թե պարգեւավճարների տոկոսային աճն է հետաքրքրում, այլ այս պատերազմական վիճակում այս ավանդույթը շարունակելը։ Վերջինս նաեւ հայտնեց, որ «Իմ քայլը» խմբակցությունը քննարկման առարկա է դարձնելու, թե՛ պարգեւավճարները, թե՛ դրանց չափերը։

Ի սկզբանե ԱԺ ֆինանսավարկային եւ բյուջետային հանձնաժողովի նախագահ, «Լուսավոր Հայաստան» խմբակցության պատգամավոր Արկադի Խաչատրյանը հայտնել էր, որ պարգեւավճարների ֆոնդը աճելու է 21.7 տոկոսով, սակայն ինչպես նույն հանձնաժողովի փոխնախագահ Արտակ Մանուկյանը, այնպես էլ ֆինանսների նախարար Ատոմ Ջանջուղազյանը նշեցին, որ այստեղ խոսք է գնում 1.04 տոկոս աճի մասին։

Իր հերթին Ջանջուղազյանը նշեց, որ պարգեւավճարին պետք է մոտենալ ոչ թե որպես շռայլություն, այլ որպես վարձատրության համակարգի բաղկացուցիչ։

Նրա խոսքով՝ սա միջանկյալ լուծում է, քանի դեռ պետական հատվածի բարեփոխումների ծրագիրը չի հասել իր տրամաբանական փուլին, պետական համակարգում աշխատանքի ծանրաբեռնվածությունը համաչափ բաշխված չէ, եւ աշխատանքի վարձատրությունն էլ համարժեք չէ։

Թեմայի վերաբերյալ «Հայկական ժամանակ»-ը մի քանի հարց ուղղեց «Իմ քայլը» խմբակցության պատգամավոր, տնտեսագետ Արտակ Մանուկյանին։

- Պարո՛ն Մանուկյան, 2021-ի բյուջեով պարգեւավճարների համար նախատեսված շուրջ 1 տոկոսով աճել է, ինչո՞վ է պայմանավորված դա։ Պատերազմական շրջանում շատ է խոսվում, թե ինչո՞ւ պետք է պաշտոնյան պարգեւավճար ստանա եւ այդ հարցադրման պատասխանը կցանկանայինք ձեզնից ստանալ։  

- Աշխատավարձի ֆոնդի մեջ ներառվող պարգեւավճարների համակարգը պլանավորված ծախսային մոտեցումներ են, որոնք ձեւավորվել են մայիս ամսվա ընթացքում։ Տեսեք մենք հիմա ասում ենք 2020 թվականի 18 մլրդ դրամ պարգեւավճարների ֆոնդը դառնում է 18.8 մլրդ դրամ, բայց մի շարք կառույցներ՝ պայմանավորված ինչպես կորոնավիրուսով, այնպես էլ պատերազմական իրավիճակով կա՛մ փոխանցել են համապատասխան հիմնադրամներին կա՛մ հրաժարվել են այդ պարգեւավճարից։

Սեպտեմբերից 27-ից հետո բոլոր պատգամավորները հրաժարվել են պարգեւավճարից։ Այսինքն այն, թե ինչ է պլանավորված եւ այն, թե ինչ է ստացվում՝ փաստացի տարբեր բաներ են։ Ակնհայտ է, որ պրակտիկ կյանքում չի լինի մի մարմին, որ պատերազմական իրավիճակում ռազմական բնագավառի ծախսերը ավելի նվազ համարի, քան պարգեւավճարի մասով մոտեցումները։

Ես մշտապես ասել եմ, որ պետական համակարգում աշխատանքի վարձատրության քաղաքականությունը պետք է փոփոխության ենթարկվի։ Ընդհուպ՝ մինչեւ օրինագծեր եմ դրել, որոնցով հատկապես ստորին օղակների աշխատավարձների բարձրացում է հնարավոր։

Հիմա բոլորս տեսնում ենք, թե ինչ գերլարվածությամբ է աշխատում առողջապահական համակարգը՝ ինչպես կորոնավիրուսով, այնպես էլ ռազմական դրությամբ պայմանավորված։ Ակնհայտ է չէ՞, որ նրանց ծանրաբեռնվածությունը ավելի մեծ է, քան սովորական ժամանակաշրջանում։ Ես կարծում եմ, որ հենց պարգեւավճարի ֆոնդի առկայությունը միտված է նման արտառոց ծանրաբեռնվածության պայմաններում՝ այդ մարդկանց աշխատանքը գնահատելու համար։

Ես վստահեցնում եմ մեր քաղաքացիներին՝ բոլորս էլ հանրային ծառայողներ ենք եւ հանրության մի մասնիկն ենք։ Չի կարող լինել մի դեպք, երբ օրինակ՝ պատերազմական իրավիճակում ԱԺ պատգամավորները կամ աշխատակազմը պարգեւավճար ստանան։ Ես նկատում եմ, որ սովորաբար գրում են, թե այս ընդհանրական թվերը վերաբերում են մի քանի պաշտոնյաների, բայց այս ֆոնդերը ոչ միայն պատգամավորներին կամ նախարարներին է վերաբերում, այլ ողջ պետական ապարատին։ Այդտեղ կան նաեւ սուբյեկտներ, որոնք իրենց սովորական գործունեությունից ավելի մեծ օգտակարություն կարող են ապահովել, եւ այո՛, գտնում եմ, որ նրանց գնահատելը չափազանց կարեւոր է։ Բայց ներկա փուլում՝ պատերազմով պայմանավորված մեր բոլորի գերխնդիրը պատերազմում հաղթելն է, ու հետեւաբար չկա ավելի արդարացված միջոց, քան այդ գումարը պատերազմին փոխանցելն է։

- Ձեր խմբակցության պատգամավոր Բաբկեն Թունյանը հայտարարեց, որ խմբակցությունում քննարկվելու է պարգեւավճարների եւ դրանց չափերի հարցը։ Կարիք չե՞ք տեսնում, որպեսզի պարգեւավճարները վերացվեն եւ աշխատավարձները հասցվեն այն մակարդակի, որ դրանց կարիքը չլինի եւ հանրությունն էլ չդժգոհի դրանից։

- Առնվազն ակնհայտ է, որ պետական պաշտոն զբաղեցնող անձանց ստացած փաստացի աշխատավարձը բավականաչափ մեծ խզում ունի մասնավոր հատվածում համանման աշխատանքի հետ։ Այս խնդիրը այս ժամանակաշրջանում փորձվել է կանոնակարգվել պարգեւավճարների ինստիտուտի միջոցով։

Բայց մի քանի կարեւոր դիտարկում պետք է անեմ։ Մենք նախկինում ունեինք 17 նախարարություն, ներկայումս օպտիմիզացվել եւ դարձել է 12։ Հիմա այդ նախարարությունները ըստ էության վերակազմակերպվեցին եւ որոշ դեպքերում դարձան ավելի մեծ ինստիտուտներ, ավելի մեծ պարտականություններով ու ծանրաբեռնվածությամբ։ Բայց ֆորմալ առումով նախարարը ստանում է նախկինում ավելի քիչ գործառույթներ ունեցող նախարարի աշխատավարձի չափ գումար։

Ինչպես Բաբկեն Թունյանը՝ այնպես էլ ես համակարծիք ենք, որ պետական համակարգում չափազանց կարեւոր է հանրային կառավարման բարեփոխումների ռեֆորմը օր առաջ կյանքի կոչել եւ այդ պարգեւատրումները տրվեն՝ կատարողականների հիման վրա։ Նույն Սուրեն Պապիկյանը նախկինում զբաղված էր շատ ավելի նեղ խնդիրներով, բայց նախարարությունների միավորման պարագայում շատ ավելի մեծ խնդիրների համար է պատասխանատու, սակայն ինչպես նախկինում, այնպես էլ հիմա իր պաշտոնային դրույքաչափը նույնն է։ Մի հավելում էլ անեմ, երբ նվազագույն աշխատավարձը 68 հազար դրամ սահմանելու որոշում կայացվեց, դա այլ հավասար պայմաններում պետք է ազդեր պետական պաշտոն ստացող անձանց բազային աշխատավարձի դրույքաչափի վրա, որը 66 հազար 140 դրամ է։ Այսինքն՝ այն պետք է բարձրացվեր օրենսդրությամբ։ Բայց, որպեսզի այդ բարձրացումը տեղի չունենա՝ իշխանությունը նախաձեռնեց օրենսդրական փոփոխություն, որով զերծ մնաց այդ հնարավորությունից։

- Պարո՛ն Մանուկյան, ինչպե՞ս եք գնահատում 2021-ի բյուջեի նախագիծը։ 4.8 տոկոս տնտեսական աճ է ակնկալվում, որքանո՞վ է այն արդարացնում ձեր՝ որպես տնտեսագետի ակնկալիքները։

- Մի քանի իրողություններ պետք է հաշվի առնենք։ Անորոշությունը 2021 թվականի բյուջեում բավականաչափ շատ է՝ պայմանավորված նաեւ նրանով, որ մեր տնտեսության վրա առնվազն 2 գործոն կարող է ազդել։ Առաջինը՝ կորոնավիրուսն է, որն այս պահի դրությամբ պարզ չէ ու ակնհայտ է, որ դա ծառայությունների ոլորտի վրա դարձյալ կազդի։ Եվ հետո, եթե անգամ կորոնավիրուսի վակցինան հայթայթվի, որոշակի ժամանակաշրջան է անհրաժեշտ լինելու, որպեսզի ծառայությունների ոլորտը վերականգնվի։ Սա խորքային խնդիր է եւ մեր տնտեսության մեջ դուք գիտեք, որ ծառայությունները բավականաչափ մեծ դերակատարում ունեն։

Երկրորդը՝ պատերազմական իրավիճակն է, որի առումով եւս անորոշություն կա։ Առնվազն ակնհայտ է, որ պատերազմական ծախսերը շատ թույլ չափով են նպաստում ՀՆԱ-ի բարձրացման վրա։ Այս անորոշությունների պարագայում դժվար է գնահատել 4.8 տոկոսը իրատեսակա՞ն ցուցանիշ է, թե՞ ոչ։ Սա այն հավանական միջակայքն է, որն ընտրվել է։ Կախված նրանից, թե կորոնավիրուսի կամ պատերազմի էֆեկտները որքան երկար կտեւեն, այս թիվը կամ կլինի շատ օպտիմիստիկ ցուցանիշ, կամ կլինի այն ամենահավանական ցուցանիշը, որն այլ հավասար պայմաններում մենք կարող ենք ակնկալել։

- Բյուջեն դարձյալ դեֆիցիտային է, ակնկալվող եկամուտները զիջում են նախատեսված ծախսերի չափին։

- 2021 թվականին մենք ծախսերը գրեթե նույն մակարդակի վրա ենք պահել, ինչ այս տարի։ Բայց նաեւ իմ նշած գործոններով պայմանավորված եկամտային առումով էական նվազեցում է նախատեսվել։ Այսինքն՝ մենք ավելի քիչ եկամուտների պարագայում կատարելու ենք այն բոլոր ծախսերը, որոնք ստանձնել ենք հանրության առաջ՝ սկսած կենսաթոշակից վերջացրած զինծառայողի աշխատավարձով։ Եկամուտների առումով՝ տնտեսական իրավիճակը վերականգնելու համար որոշակի ժամանակահատված է անհրաժեշտ։ Այնուհանդերձ՝ Կառավարությունը գիտակցում է ծախսերի ՝ այդ թվում նաեւ կապիտալ ծախսերի կարեւորությունը։ Այս առումով ես պետք է նաեւ նշեմ, որ բավականաչափ ուրախալի է հոկտեմբեր ամսվա հարկային հավաքագրումները, բայց այնուհանդերձ տարվա կտրվածքով անկումային իրավիճակ է։ Մի բան էլ ասեմ, բարձր տեխնոլոգիաների արդյունաբերության բյուջեն 17.8 տոկոսով աճ է նախատեսում 2021-ին եւ սա մինչ պատերազմն էր նախատեսվել։ Այսինքն ակնհայտ է, թե որն է բյուջեի գերակայությունը։

Տպել
2792 դիտում

Նիկոլ Փաշինյանի գլխավորությամբ տեղի է ունեցել ՔՊ նախաձեռնող խմբի նիստ․ հայտնի է՝ ինչ է քննարկվել

ՀՀ-ն որևիցե բան չի պատրաստվում զիջել, ստոր շահարկումներ են․ Ալեն Սիմոնյանը՝ Տավուշի շուրջ պտտվող լուրերի մասին

Սուրեն Պապիկյանը մասնակցել է ռազմական տեխնիկայի ցուցադրությանը և հետևել մարտական հրաձգությանը (լուսանկարներ)

Ինչպես կասեր դասականը՝ «յա՜, իրո՞ք». Արշակ Կարապետյանը «գողացել» է ՀՀԿ-ի ծրագիրը

ՌԴ դեսպանը սիրում էր Ջերմուկում հանգստանալ, լուսանկար էր հրապարակել, բա թող գա ասի, որ դա ՀԱՊԿ-ի տարածք է․ Սիմոնյան

Երբ կկայանա Ալեն Սիմոնյանի և Սահիբա Գաֆարովայի հաջորդ հանդիպումը․ ԱԺ նախագահը մանրամասնել է՝ ինչ է քննարկվել մարտի 22-ին

Վիճաբանություն և ծեծկռտուք «Ռիո Մոլլ»-ի հարևանությամբ. կռվի մասնակիցների մեծ մասը անչափահասներ են, կա վիրավոր

Ռուսաստանը նպատակ է դրել հեղաշրջում իրականացնել Հայաստանում, առաջիկայում քայլերը կսրվեն. Առաքելյան

Դասարաններում կկրճատվի աշակերտների թիվը․ իրականացվել են գնահատման համակարգի փոփոխություններ

Բախվել են «Նիսսան»-ն ու «Ֆորդ տրանզիտ»-ը․ վերջինս նաև երկաթե արգելապատնեշներին է հարվածել, տուժածները հիվանդանոցում են

ԱՄՆ-ը Ռուսաստանի Դաշնությանը մանրամասն տեղեկատվություն է տրամադրել ահաբեկչության սպառնալիքի մասին․ Սպիտակ տուն

Երևանի գլխավոր հատակագիծը կլինի թվայնացված փաստաթուղթ․ Տիգրան Ավինյանը տեսակապով հարցեր է քննարկել Քրիս Չոայի հետ

Շահրամանյանը շարժվում է Բակո Սահակյանի ու Սերժ Սարգսյանի պահվածքով, պետք է ուշադրության կենտրոնում լինի. Իոաննիսյան

96 խնամատար ընտանիքում դաստիարակություն է ստանում 152 երեխա․ այս ինստիտուտի զարգացման աշխատանքները շարունակվում են

Հայ-ռուսական հարաբերություններում առկա վիճակը լավատեսություն չի ներշնչում․ ինչում է մեղադրել Լավրովը ՀՀ ղեկավարությանը

Մինչև ապրիլի 5-ը կատարված իրավախախտման տուգանքի 50 տոկոսը վճարելու դեպքում պարտավորությունը կհամարվի կատարված

Չստացված չեկիստ, հանգիստ վեր ընկիր տեղդ ու ջանդ յուղիր. Մեհրաբյանը՝ Շահրամանյանին

200 հոգու հրկիզման սահմռկեցուցիչ դրվագն ունենալով իր անցյալում՝ խորհուրդ է տալիս Հայաստանի անվտանգության մասին. Սաֆարյան

Հավերժ ճակատներին Եվլախ դաջածներն էլի ակտիվացան. Հարություն Մկրտչյանը՝ Սամվել Շահրամանյանի մասին

Բախվել են շտապօգնության ավտոմեքենան և «Մերսեդես»-ը

Աֆղանստանում 5․7 մագնիտուդ ուժգնությամբ երկրաշարժ է տեղի ունեցել

Խմբի կազմում ապօրինի կերպով զենք-զինամթերք են ձեռք բերել և իրացրել․ խուզարկություններ Երևանում և Գողթանիկում (լուսանկար)

Մեկնարկել է բարձրագույն կրթություն չունեցող մասնագետների արտահերթ կամավոր ատեստավորումը

Եվրոպական խորհրդի քաղաքական և անվտանգության հարցերով կոմիտեի անդամները կայցելեն Հայաստան

Նոր Հաճնի կամրջի վրա փոսային նորոգման աշխատանքներ են իրականացվում․ երբ կավարտվեն

Հայտնի են Արթուր Աբրահամի հոր՝ Գրիգոր Աբրահամյանի հոգեհանգստի և հուղարկավորության վայրն ու օրերը

Վարդենյաց լեռնանցքը դժվարանցանելի է կցորդիչով բեռնատարների համար

Վարչապետի գլխավորությամբ քննարկվել է «Հայփոստ»-ի զարգացման ռազմավարության նախագիծը․ ինչ է հանձնարարվել

29.94 տոննա մարդասիրական օգնություն՝ 1․5 մլն անձի․ ինչ է ուղարկել Հայաստանի կառավարությունը Գազա

Իրականացվել է ոչ պատշաճ հետազոտություն․ պարզվել է 20-ամյա հղի կնոջ մահվան պատճառը, մեղադրանք է ներկայացվել ԲԿ-ի 3 բժշկի

Ճամբարակի սննդի օբյեկտի գործունեության կասեցումը վերացվել է

Երևանի ավագանու ընտրություններից հետո ԿԸՀ վարկանիշն աճել է․ ներկայացվել են ՄՀԻ-ի հետազոտության արդյունքները

Հայաստանի և Վրաստանի խորհրդարանների գիտության ու կրթության հարցերով հանձնաժողովները համատեղ հայտարարություն են ստորագրել

Արարատի կոնյակի գործարանում վերահսկողություն կիրականացվի․ ՍԱՏՄ-ն ստացել է Բելառուսի առողջապահության նախարարության նամակը

Հայ-վրացական հարաբերությունները ռազմավարական մակարդակի են․ Ռուբինյանն ընդունել է Վրաստանի խորհրդարանի պատվիրակությանը

Ինչ փոփոխություններ է արձանագրել տարադրամի շուկան մարտի 28-ին

Սերգեյ Նարիշկինը այց է կատարել Հյուսիսային Կորեա

Անցած մեկ օրում ՀՀ ավտոճանապարհներին վթարների հետևանքով 3 մարդ զոհվել է, 29-ը՝ վիրավորում ստացել

«Միր» քարտերն արգելելը հավասարակշռված որոշում է, չպետք է շրջանցենք սանկցիաները. Թունյան

Հայկ Մարությանը նոր կուսակցություն է հիմնում