Եթե Ադրբեջանը կընկնի մեր իշխանությունների ոտքերը՝ թող գան, եթե ոչ, պիտի չհոգնենք կռվից, մինչեւ Քուր գնանք. Ռ.Պետրոսյան

«Թշնամին գտնվում է Շուշիից ընդամենը 5 կմ հեռավորության վրա»,- երեկ երեկոյան նման հայտարարություն  արեց Արցախի նախագահ Արայիկ Հարությունյանը՝ կոչ անելով բոլորին միավորվել, հասնել Արցախ, մասնակցել Շուշիի պաշտպանությանը, քանի որ «ինչպես ասում են` ով տիրում է Շուշիին, տիրում է Արցախին»:

Ազատամարտիկ Ռազմիկ Պետրոսյանը, որ պատերազմի առաջին օրերից Արցախի հյուսիսային սահմաններին է, վստահեցնում է՝ Շուշին անառիկ է, իսկ Արցախի գերագույն գլխավոր հրամանատարի կոչը զուտ մարտակոչ է, սթափության կոչ բոլոր նրանց, ովքեր դեռ չեն միացել հայրենիքի պաշտպանությանը:

«Ես, իհարկե, այդ կողմում չեմ, բայց վստահ եմ, որ Շուշիում մենք ոչ մի խնդիր չունենք: Այնտեղ դիվերսիոն խմբեր են մոտեցել, որոնք բոլորն էլ վնասազերծվել են: Փառք ու պատիվ մեր զինված ուժերին, որ այդ ամենը շատ դիպուկ իրականացնում են: Շուշին բարձունքի վրա է, մեզ համար ռազմավարական նշանակությոն ունի: Եթե Շուշիին վտանգ է սպառնում, նշանակում է՝ Արցախին է վտանգ սպառնում: Սա էր ուզում  ասել Արցախի նախագահը»,- ասում է Պետրոսյանը:

Վերջինս, ի դեպ, երեկ ՀՀ վարչապետի որոշմամբ նշանակվել է Արագածոտնի մարզպետի տեղակալ: «Ամենամեծ պաշտոնն իմ կյանքում զինվոր կոչումն է, դրանից բարձր պաշտոն գոյություն չունի ինձ համար»,- ի պատասխան շնորհավորանքի՝ պատասխանում է ազատամարտիկը:

Ըստ Պետրոսյանի՝ իր, ինչպես եւ այսօր վարչապետի կողմից նշանակված մյուս փոխմարզպետների նշանակումը պայմանավորված է աշխարհազորի ձեւավորմամբ: Աշխարհազոր ձեւավորելու մասին օրենքի համաձայն՝ աշխարհազորային բրիգադը ղեկավարելու է համայնքի ղեկավարի կամ մարզպետի տեղակալը:

Պետրոսյանը ընդգծում է՝ ի սկզբանե դեմ է եղել, որ օրենքում նման պահանջ դրվի, քանի որ մարզպետի տեղակալի պաշտոնը փոքր ինչ քաղաքական պաշտոն է, իսկ զինվորականը չպետք է կապ ունենա քաղաքականության հետ, նա պետք է ենթարկվի միայն շտաբի պետին:

Ամեն դեպքում նա պատրաստ է ղեկավարել Արագածոտնի մարզում ձեւավորվող աշխարհազորայինների բրիգադը:

«Պատերազմը շատ ավելի շուտ սկսվեց, քան մենք աշխարհազորը ձեւավորեցինք, դրա համար ես իմ ստորաբաժանման հետ ուրիշ ուղղության վրա արդեն իմ խնդիրները կատարում եմ: Բայց եթե ղեկավարությունը կհամարի, որ պետք է մարզից նոր ջոկատ ձեւավորվի եւ ես նրանց հետ այլ ուղղության վրա խնդիր կատարեմ, ես կտեղափոխվեմ: Մենք պետք է վաղուց աշխարհազորը ձեւավորած լինեինք, որ պատերազմի սկսվելու պահին մոբիլիզացիայի խնդիր չառաջանար: Բայց հաջորդ գործողությունների համար դրանք հաստատ պետք կգան, որովհետեւ վստահ եմ, որ մենք պիտի միշտ այդ առումով պատրաստ լինենք: Այնպես որ այդ կարգավիճակն առաջիկայում իր դրական ազդեցությունն ունենալու է, որովհետեւ մենք ինչքան կազմակերպված լինենք, մեր աշխատանքը շատ ավելի արդյունավետ կլինի»,- ասաց Ռազմիկ Պետրոսյանը:

Անդրադառնալով թիկունքում երբեմն-երբեմն տարածվող խուճապային տրամադրություններին՝ ազատամարտիկը վստահեցրեց, որ դա տարածում են բոլոր նրանք, ովքեր գլուխ չեն հանում պատերազմի մարտավարությունից:  

«Խուճապ ստեղծում է էն տեսակը, որի համար քաղաքականությունը շատ ավելի մեծ արժեք է, քան երկիրը, էն տեսակը, որոնց նպատակն է մեր երկրում ապակայունացնել վիճակը: Մենք դրանից չենք նեղվում, մենք մեր գործն ենք անում: Մենք 1992 թիվ ենք տեսել, երբ որ շատերին թվում էր ամենաանելանելի վիճակն է, բայց մենք նույնիսկ այդ իրավիճակում գտել ենք ելքեր, իսկ այդ ելքը կազմակերպված մարտ ձեւավորելն է: Մենք ունեցել ենք բանակի կառավարման կենտրոն, որը կարողացել է այդ լարված վիճակում բոլորին համախմբել Վազգեն Սարգսյանի շուրջը եւ խնդիրը լուծել»,- ընդգծում է նորանշանակ փոխմարզպետը:

Խոսելով Պաշտպանության նախարարության կողմից հրապարակվող քարտեզների մասին, որոնցում երեւում է, որ Արցախի որոշ տարածքներ այս պահին վերահսկվում են հակառակորդի կողմից՝ Պետրոսյանն ասում է, որ «այդ թվացյալ բացթողումները, որ մենք ունեինք՝ իբր թե տարածքային կորուստները, դրանք տարածքային կորուստներ չեն, դրանք կոչվում են ծուղակներ հակառակորդի համար»:

«Հիմա մարտերը ստանդարտից դուրս են, հակառակորդը թիկունքում դիվերսիաներով փորձում է խնդիրներ լուծել: Բարձրացնում են դրոշները, տնկում են, նկարվում են ու խուճապ են ստեղծում թիկունքում: Բայց առաջնագծում իրականում զորքերը իրենց տեղում են եւ խուճապի չեն մատնվում: Փառք տիրոջը, որ մենք մեր հրամանատարների գլխավորությամբ կարողացել ենք դրա լուծումը գտնել եւ նրանց չեզոքացնել: Երեկ էլ, երբ Արայիկ Հարությունյանը հայտարարություն արեց՝ շատ-շատերին թվում էր, թե Շուշիի մոտ են հասել ադրբեջանցիները: Նախագահի հայտարարությունը ավելի շատ զինակոչ էր, ոչ թե լարվածություն ձեւավորելու, վախի մթնոլորտ ստեղծելու համար էր, այլ զինակոչ: Փորձում են տեսնել, թե ովքեր են ոգեւորվելու: Մարդիկ, ովքեր մինչեւ հիմա չեն հասկացել, որ պիտի շարքում լինեն, նրանց համար էր այդ կոչը: Կլրացնեն շարքերը՝ փառք ու պատիվ իրենց, չեն լրացնի՝ մենք մեր խնդիրը կլուծենք, կարճ ժամանակ հետո հաղթանակն ամրագրվելու է, ոչ մեկ թող չնեղվի դրանից»,- վստահեցնում է Պետրոսյանը:

Մեր հարցին՝  անընդհատ ղեկավարները մարտակոչ են անում, նոր մարդկանց են խնդրում միանալ բանակին, բայց շատերը ասում են, որ այստեղ հերթագրվածներ կան, որոնց չեն տանում սահման, ինչո՞վ է դա պայմանավորված, ազատամարտիկը պատասխանեց. «Այս պատերազմում մեզ ոչ թե զուտ մարդաքանակ է պետք, այլ պետք են կոնկրետ մասնագետներ: Ամեն մարդ մի ուղղությամբ է օգտագործվում, ամեն մի մասնագետ իր խնդիրն է լուծում»:

Ռազմիկ Պետրոսյանին խնդրեցինք բարձրաձայնել, թե ինչի կարիք ունեն առաջնագծում գտնվողները, ինչ խնդիրների առաջ են կանգնում, որոնք հարթելու կարիք կա:

«Առաջին օրվանից առաջնագծում եմ, մինչեւ հիմա էլ առաջնագծից եմ ձեզ հետ խոսում, ամենակարեւորը հավատն է մեր հաղթանակի հանդեպ,  որ յուրաքանչյուր զինվորի մեջ կա: Փառք տիրոջը՝ մենք պահում ենք մեր սահմանը: Ես հյուսիսային ուղության վրա եմ, էս ուղղության վրա մենք կարողացել ենք մեր զինվորների, սպաների կազմակերպվածության արդյունքում վերաազատագրել բոլոր այն բարձունքները, որոնք իրենց ձեռքում ենք եղել, առաջիկայում եւս՝ բոլոր խնդիրները, որ հրամանատարության կողմից դրվի՝ իրագործելու ենք, ու ես կուզենայի կոչ անել բոլոր մեր հայորդիներին, արագ հավաքվել իրար շուրջ: Մանավանդ ազատամարտիկները, որոնք դեռ չեն մտել մարտական գործողությունների մեջ, կարճ ժամանակում թող համալրեն շարքերը, որ էս կռիվը կարճ ժամանակ հետո վերջնական հաղթանակի հասցնենք: Ովքեր չեն հավատում մեր հաղթանակին՝ կարճ ժամանակ հետո ափսոսալու են, որ իրենք այդ շարքերում չեն եղել»,- ասում է Պետրոսյանը:

Հարցին, թե ինչ ժամկետում է պատկերացնում հաղթանակը՝ ազատամարտիկը պատասխանում է. «Չենք շտապում, մեր համար կարեւորը, որ էնպիսի հաղթանակ արձանագրենք, որ գոնե 2-3 սերունդ էս պատերազմը չտեսնի, իսկ դրա համար մենք պիտի ամենաքիչը մինչեւ Քուր հասնենք, ոչ ոք չպիտի կասեցնի մեզ: Եթե քաղաքական առումով  Ադրբեջանը հետեւություն կանի, կգա մեր իշխանությունների ոտքերն ընկնի, որ այս պայքարն ավարտվի, թող գան, եթե չէ՝ ուրեմն մենք պիտի չհոգնենք էս կռվից, մինչեւ վերջ պիտի գնանք»:

Տպել
10339 դիտում

Խոշոր քարաթափում հայ-իրանական սահմանի Մեղրիի լեռնանցքի հատվածում. ճանապարհահատվածը երկկողմանի փակ է

Հաստատվել է կորոնավիրուսային հիվանդության 282 նոր դեպք. առողջացել է 636, մահացել՝ 13 մարդ

ԱԻ նախարարի պաշտոնակատար Անդրանիկ Փիլոյանը Մոսկվայում հանդիպել է ՌԴ և Բելառուսի ԱԻ ղեկավարների հետ (տեսանյութ)

Հրդեհներ Երևանում, Արմավիրի և Գեղարքունիքի մարզերում. այրվել են շենք-շինություններ, մեքենաներ

Ռուսաստանի Դաշնությունը 3.2 մլն դոլար կհատկացնի Հայաստանին. Interfax

Սյունիքի և Գեղարքունիքի սահմանային որոշ հատվածներում ստեղծված իրադրությունը դեռևս չի հանգուցալուծվել. ՊՆ

ՀՀ տարածքում ավտոճանապարհներն անցանելի են

Արման Թաթոյանն աշխատակազմի հետ մեկնել է Գեղարքունիքի մարզ. կիրականացվի փաստահավաք աշխատանք

Վերին Շորժայի ուղղությամբ ադրբեջանցիների կողմից հայ զինծառայողներին շրջափակման մեջ վերցնելու լուրերը կեղծ են. infocheck

ԱՄՆ պետքարտուղարության պաշտոնյան մեկնել է Իսրայել, շարունակվող հրթիռակոծությանը զուգահեռ, սահմանին բողոքի ցույցեր էին

ՄԻՊ-ն առաջարկում է առաջ տանել Սյունիքի և Գեղարքունիքի շուրջ անվտանգության գոտի ստեղծելու հայեցակարգը

Ըստ անհրաժեշտության, Ֆրանսիան պատրաստ է նաև ռազմական աջակցություն ցուցաբերել. Նիկոլ Փաշինյան

ԱՄՆ պետդեպարտամենտը սադրանք է համարում Հայաստանի սահմանին Ադրբեջանի գործողությունները

Պիկասոյի «Պատուհանի մոտ նստած կինը» կտավը վաճառվել է 103 մլն դոլարով (լուսանկար)

ԱՍՀ նախարարությունում կայացել է միջգերատեսչական հանձնաժողովի նիստ

Արտաքին ագրեսիվ գործողության դեպքում ներքին քաղաքականությունը պետք է մեռնի, առաջարկում եմ ձևավորել կոնսենսուս. Ռուբինյան

Հայ-ադրբեջանական սահմանի իրավիճակի հարցով ՀԱՊԿ-ում առաջիկա օրերին քննարկումներ կլինեն

Ազգային ժողովն Ադրբեջանի գործողությունները դատապարտող հայտարարություն ընդունեց

ԱԻՆ փրկարարները ձեռք են բերել զինվորական հմտություններ. ռազմական համալսարանում նրանց հավաստագրեր են հանձնվել

Քաղաքացիական հասարակության կազմակերպությունների հայտարարությունը Հայաստանի տարածքային ամբողջականության խախտման մասին

Զինծառայողը երեկ ինքնակամ թողել էր զորամասի տարածքը և վերադարձել տուն, հաջորդ օրը ավտոտնակում հայտնաբերել են նրա դին. ՔԿ

Կարեն Գիլոյանը Լոռու մարզպետի ուղեկցությամբ ծանոթանում է մարզական ոլորտի խնդիրներին և զարգացման հնարավորություններին

Փոխանակ թշնամու ուղղությամբ լինեն ձեր կրակոցները,իշխանության ուղղությամբ են կրակոցները լինում. Սիմոնյանը՝ ընդդիմությանը

Ավելի քան վստահ եմ, որ Ամերիաբանկի առաջնային հրապարակային տեղաբաշխումը մեծ հաջողություն կունենա. Սաբինե Գաբեր

Այսօր թուրքը եկել, հասել է Սյունիք, հելել իրար ենք քննադատում. Սասուն Միքայելյան

Մհեր Գրիգորյանը և Քուբադ Թալաբանին քննարկել են տարբեր ոլորտներում փոխգործակցության զարգացման հնարավորությունները

Կախված իրավիճակից հնարավոր է ՀԱՊԿ խորհրդի նիստ կայանա. Արմեն Գրիգորյան

Կան տեղեր, որտեղ ադրբեջանական ԶՈՒ-ն լքել է հայկական տարածքները. Փաշինյանը բացատրեց՝ ինչու երեկ չի դիմել Պուտինին

Բունդեսթագի «Դաշինք 90/Կանաչներ» խմբակցությունը դատապարտել է Հայաստանի սահմանին Ադրբեջանի ապօրինի գործողությունները

Տիկին Զոհրաբյան, Զանգեզուրը իշխանությունները չեն հանձնել, չեն էլ հանձնելու. Անդրանիկ Քոչարյանը՝ Նաիրա Զոհրաբյանին

Նախընտրական քարոզչության հետ ասոցացվող ճանաչված պաստառները ենթակա են վերացման․ ԿԸՀ

Այսօր բանակցություններին միացել է Ռուսաստանի 102-րդ ռազմաբազայի ներկայացուցիչը իրենց աշխատանքային քարտեզներով. Փաշինյան

ՀԱՊԿ խորհրդի գործող նախագահ Էմոմալի Ռահմոնի կողմից արդեն իսկ տրվել են համապատասխան կարգադրություններ

Բուհերի վերաբերյալ Կառավարության նոր որոշումը Մանկավարժական համալսարանի ռեկտորը փիլիսոփայական է համարում

Հայկ Չոբանյանը ընդունել է Իրաքյան Քուրդիստանի փոխվարչապետին

Եթե ռուսները կանգնած չլինեին սահմանին, ինչքա՞ն ադրբեջանցիները կգային առաջ. Արման Աբովյան

Նիկոլ Փաշինյանն Ազգային ժողովում Սյունիքի հարցով արտահերթ ելույթ է ունենում

ՀՀ ոստիկանության պետն ընդունել է Հայաստանում Ճապոնիայի արտակարգ և լիազոր դեսպանին (տեսանյութ)

Զինված ուժերի մի շարք զորամասերում իրականացվել է մարտական հերթապահության հերթափոխ

Ինչո՞ւ կարևոր գերատեսչությունները, որոնց հարցեր ունենք, չեն մասնակցում նիստին. Թագուհի Թովմասյան