Մեր կոչը Վրաստանի իշխանություններին է, որոնք չպիտի աջակցեն թուրքին․ վիրահայերի ցույցը Թբիլիսիում

Թբիլիսիում ապրող հայերն այսօր ադրբեջանական ագրեիսան դատապարտող բողոքի ցույց իրականացրեցին։ Նպատակն էր նաեւ աջակցություն ցուցաբերել Արցախի արդար պայքարին։ Ցույցին մասնակցելու նպատակով բազմաթիվ հայեր էին ժամանել նաեւ Ջավախքից։ Ցույցը կազմակերպել էր վրաստանի հայ երիտասարդությունը, որոնք ելույթներ ունեցան «Կխվարելիի» հրապարակում։

Նկատենք, որ սեպտեմբերի 27-ին վերսկսված պատերազմից հետո սա Թբիլիսիում իրականացովող երկրորդ մեծ հավաքն էր։ Անցած 25 օրերի ընթացքում վիրահայերը կազմակերպել էին եւս մեկ ցույց, որը նաեւ բողոք էր ընդդեմ վրացական որոշ լրատվամիջոցների՝ հայ-ադրբեջանական հակամարտությունը ոչ օբյեկտիվ լուսաբանելու եւ բացահայտ թրքաադրբեջանամետ տեղեկատվություն տարածելու համար։

Երիտասարդ ցուցարարները, ելույթներում անդրադառնալով իրենց ուղղվող տարբեր մեղադրանքներին, թե ի տարբերություն այլ երկրներում ապրողների, իրենք պասիվ են, նկատեցին՝ Վրաստանի տարածաշրջանը տարբերվում է շատ երկրներից՝ այստեղ ադրբեջանցիներն ամեն քայլափոխի են, ուստի վիրահայերին նաեւ հորդորեցին լինել մաքսիմալ զգոն, չտրվել սադրանքներին, քանի որ իրենց կարծիքով՝ դա կարող է վնասել Արցախի ճանաչման արդար պայքարին։

«Հիշեցնում եմ եւս մեկ անգամ, որ սեպտեմբերի 27-ից Ադրբեջանը հարձակվեց Արցախի Հանրապետության վրա, որը մինչեւ օրս շարունակվում է, ու շարունակվելու է այնքան ժամանակ, մինչեւ մեր ազգը չհաղթի։ Մենք հասնելու ենք հաղթանակի, քանի որ Արցախը՝ Ադրբեջանի 102-ամյա գոյության ընթացքում երբեք, երբեք չի եղել նրա մաս․ սա անհերքելի փաստ է։ Ադրբեջանին բաց աջակցություն են ցուցաբերում Թուրքիան, Պակիստանը, Սիրիայից եւ Աֆղանստանից բերված ահաբեկիչները, ինչպես նաեւ տեխնիկապես ապահովում է Իսրայելը։ Ադրբեջանը պատերազմը սահմանից տեղափոխեց բնակելի վայրեր եւ այժմ հրետակոծում է հայկական գյուղերն ու քաղաքները։ Ադրբեջանն իրեն բնորոշ ոչ մարդկային բարբարոսություն է ցուցաբերում՝ կրակի տակ պահում մեր եկեղեցիները, դպրոցները, մանկապարտեզներն ու հիվանդանոցները»,- իր ելույթում ասաց ցուցարարներից մեկը։

Հավաքվածները՝ Արցախի, Հայաստանի, Վրաստանի ու Հունաստանի (որպես բարեկամ երկիր ու այս օրերին Հայաստանին աջակցող) դրոշներով քայլեցին Թբիլիսիի փողոցներով, ապա հասան հայկական թաղամասերից Հավլաբար։

Մանրամասները տեսանյութում՝

 Տեղի Սուրբ Էջմիածին Հայ առաքելական եկեղեցում անցկացվեց մոմավառություն։ Տեր Տաթեւ քահանան, նախքան խաղաղության աղոթք կարդալը, դատապարտող խոսքով հանդես եկավ։

«Մենք միայն աղոթքով չենք բավարարվում, ամեն մեկս մեր ունեցածից կտրելու ենք, ուղարկենք Արցախ։ Եթե պետք լինի, մենք եկեղեցականներս էլ գնալու ենք ու կանգնենք սահմանին։ Բելը՝ թշնամին, նորից ելել է հայի դեմ, ամբողջ աշխարն այսօր հայ ժողովրդի դեմ է, մենք մենակ ենք, բայց ունենք Աստված։ Քրիստոնյա երկրները անունով քրիստոնյա են, բայց մոռացել են Քրիստոսին։ Վրաստանով ինքնաթիռներ են անցնում՝ թշնամին զենք է տանում, որը օգտագործվում է Հայաստանի դեմ։ Մեր կոչը Վրաստանի իշխանություններին է, որոնք չպիտի աջակցեն թուրքին․ Քրիստոսին մի՛ ուրացեք։ Մենք, մեկ է, հաղթելու ենք»,-զայրացած իր խոսքն ավարտեց Տեր Տաթեւը։ Այնուհետեւ խաղաղության աղոթք կարդաց: Ցույցի մասնակիցները հերթով մոմովառություն իրականացրեցին։

Քայլերթին մասնակցում էր նաեւ Վրաստանի հայ համայնքի նախագահ Սամվել Մկրտչյանը։ Անդրադառնալով գրեթե մեկ ամիս շարունակ ընթացող մարտերին՝ Մկրտչյանը վստահեցրեց՝ մենք այս պայքարում միանշանակ հաղթող ենք դուրս գալու․ «Բոլորիս քաջ հայտնի է, դրա մասին նաեւ գերտերությունները հաստատեցին՝ Ադրբեջանի մեջքին Թուրքիան է եւ մի շարք երկրների ահաբեկչական խմբավորումներ։ Սա հայ ազգի պայքարն է ոչ միայն պետությունների, այլեւ միջազգային ահաբեկչության դեմ»։

Մեր դիտարկմանը, թե այս ընթացքում համառ լռություն ու չեզոքություն են պահպանել թե՛ Վրաստանի իշխանությունները, թե՛ տեղի հայ մտավորականությունը, մասնավորապես թբիլիսահայերն ու բարձրաստիճան հայ պաշտոնյաները, Սամվել Մկրտչյանը պատասխանեց․ «Մենք բոլորս օրինապաշտ քաղաքացիներ ենք եւ ամենեւին էլ նպատակ չունենք պրովոկացիաներ ստեղծել, ինչպես փորձում են անել մեր հակառակորդները։ Մենք մեր աջակցությունն ենք ցուցաբերել հումանիտար օգնության ձեւով, եւ Հայաստանը պիտի վստահ լինի, որ մենք մեկ օրգանիզմ ենք, հայության մի մասնիկն ենք, որտեղ էլ գտնվենք»։

Մկրտչյանը շեշտեց՝ Վրաստանի իշխանություններից հայ համայնքն ակնկալում է ռեալ չեզոքություն․ «Հաշվի առնելով աշխարհագրական դիրքն ու ներկա պայմանները՝ հասկանում ենք, որ բավականին բարդ իրավիճակում է Վրաստանը, բայց երբ խոսքը մարդկանց ու ազգերի իրավունքների մասին է, պիտի հասկանա, որ բացի շահերից կան նաեւ այնպիսի հասկացողություններ, ինչպիսիք են բարոյականությունը, արդարությունն ու մարդասիրությունը։ Ոմանք ասում են՝ քաղաքականության մեջ նման բաներ հաշվի չեն առնվում, բայց չի կարելի քաղաքականություն վարել առանց բարոյական հիմքերի»։

Լուսանկարում՝ Սամվել Մկրտչյանը

Տպել
1646 դիտում

Քոչարյանն ու դաշինքը մարդկանց հավաքել են Ազատության հրապարակում, իրենք ելույթ են ունենում «Գրանդ հոթել Երևան»-ից. Civic

Իսպանիայում ՀՀ դեսպանը Մադրիդում ներկա է գտնվել Մեծ հայրենականի տարելիցի միջոցառումներին

Հայրենական պատերազմում հաղթանակի տարեդարձի առթիվ Ա. Սարգսյանին շնորհավորական ուղերձներ են հղել Ղազախստանի նախագահները

Հաղթանակի ու խաղաղության տոնին Սուրբ պատարագ է մատուցվել Գայանե վանքում

Հրդեհ Գյումրի քաղաքում. այրվել է տան տանիք

Նիկոլ Փաշինյանը ԶՈւ ԳՇ պետ Արտակ Դավթյանի ուղեկցությամբ այցելել է Գեղարքունիքի մարզի N զորամաս

Երևանում թիվ 31 երթուղին սպասարկող ГАЗель-ում հրդեհ է բռնկվել. վարորդը էվակուացրել է ուղևորներին

Արմավիրում 28-ամյա վարորդը ոչ սթափ վիճակում Toyota Camry-ով մխրճվել է հոտի մեջ. 31 գառ տեղում սատկել է, 7-ը՝ վիրավորվել

Երևանում կանխվել է ինքնասպանության փորձը Հաղթանակի կամրջից

Արայիկ Հարությունյանն ու Գագիկ Ծառուկյանը քննարկել են Արցախում սոցիալ-տնտեսական և հումանիտար ծրագրերի իրականացումը

Կյանքից հեռացել է Հասմիկ Կիրակոսյանը

Արցախի նախագահը Մայիսյան եռատոնի առթիվ այցելել է Ստեփանակերտի հուշահամալիր

Վլադիմիր Պուտինը Հայրենական մեծ պատերազմում հաղթանակի 76-ամյակի առթիվ ուղերձ է հղել Արմեն Սարգսյանին

Համոզված եմ, որ մենք կվերակենդանանանք և, անկասկած, կկերտենք մեր հաղթական ապագան. Արթուր Թովմասյան

Արցախում Մայիսի 9-ի միջոցառումները մեկնարկել են խաչերթով

Արմեն Սարգսյանի անունից ծաղկեպսակ է դրվել Անհայտ զինվորի հուշակոթողի մոտ

Հաղթանակի և խաղաղության տոնի առթիվ Նիկոլ Փաշինյանն այցելել է «Հաղթանակ» զբոսայգի (լուսանկարներ)

Նիկոլ Փաշինյանը Մայիսի 9-ի առթիվ շնորհավորական ուղերձներ է հղել Վլադիմիր Պուտինին և Միխայիլ Միշուստինին

Նիկոլ Փաշինյանը Եռաբլուրում հարգանքի տուրք է մատուցել հանուն Հայրենիքի կյանքը զոհաբերածների հիշատակին (լուսանկարներ)

Մենք պարտք ունենք մեր նահատակների ու նոր սերնդի առջև. Ամենայն հայոց կաթողիկոս

Շորժա գյուղում բնակելի տունէ հրդեհվել

Հաստատվել է կորոնավիրուսային հիվանդության 178 նոր դեպք. առողջացածների թիվը գրեթե եռակի է

Դավաճանած կլինենք նրանց հիշատակը, եթե չկառուցենք ամուր պետություն, որը կապահովի Արցախի վերածնունդը. Նիկոլ Փաշինյան

Նոր հաղթանակներ գրանցելու համար պետք է հիշել և արժևորել պատմական հաղթանակները. Արցախի ԱԳՆ

Նիկոլ Փաշինյանն այցելել է Եռաբլուր

Մենք պարտավոր ենք հաղթել. ՀՀ նախագահի ուղերձը Հաղթանակի և խաղաղության տոնի առթիվ

Շուշին այսօր էլ պիտի լինի հայկական վերածննդի կարևորագույն խորհրդանիշներից մեկը. Արարատ Միրզոյան

Ֆիորին France 3-ի եթերում չկարողացավ զսպել հուզմունքը Ազնավուրի «Քեզ համար Հայաստան» երգի կատարման ժամանակ (տեսանյութ)

Աննա Հակոբյանն այցելել է անմահացած ժամկետային զինծառայող Վահան Աղախանյանի ընտանիքին

Ցավում եմ, որ այս բարձրագույն կոչումը հանձնում եմ ոչ թե անձամբ Կոմանդոսին, այլ Ձեզ, և հանձնում ենք հետմահու. Փաշինյան

Պետական սահմանում պահպանվել է օպերատիվ մարտավարական կայուն իրավիճակ

Ֆրանսիական Ալպերում ձնահյուսի պատճառով չորս մարդ է մահացել

Օտարերկրացի ապագա բժիշկները 100+33 ծառ տնկեցին «Եռաբլուր» զինվորական պանթեոնում

Իսպանիայում ՀՀ դեսպանության ներկայացուցիչները մասնակցել են նացիզմից Եվրոպայի ազատագրման օրվա միջոցառմանը

Կամո Ցուցուլյանը նշանակվել է ՀՀ ոստիկանության պետի տեղակալ

Թաղավարդ և Մեծ Թաղեր գյուղերի գերեզմանատները ոչնչացնելու դեպքերի վերաբերյալ հրապարկումներն ուղարկվել է ԱՀ ոստիկանություն

Հետախուզվողը հայտնաբերվեց Հանրապետության հրապարակում

Երևանի քաղաքապետարանի ենթակայությամբ գործող մանկապարտեզներում կվերսկսվի երեխաների ընդունելությունը

Գյումրիում կարդիականացվի փողոցային լուսավորության համակարգը

Ներքին Հանդ-Ծավ ճանապարհից 20-ամյա տղամարդ է բերման ենթարկվել