Պահանջում ենք, որ ԱՄՆ-ն սանկցիաներ կիրառի Թուրքիայի նկատմամբ․ արցախցի կանանց ակցիան ԱՄՆ դեսպանատան մոտ

«Կիրառեք սանկցիաներ Թուրքիայի և Ադրբեջանի դեմ», «Ճանաչեք Արցախը»․ այսպիսի պաստառներով այսօր արցախցի կանայք երեխաների հետ բողոքի ակցիա էին անցկացնում Հայաստանում Ամերիկայի Միացյալ Նահանգների դեսպանատան դիմաց։

Ակցիայի մասնակիցներից Իրինա Սաֆարյանը նշեց, որ պահանջում են ԱՄՆ-ից՝ որպես ՆԱՏՕ-ի գլխավոր անդամի, պատժամիջոցներ կիրառել Թուրքիայի նկատմամբ։ Նրանք ԱՄՆ-ից պահանջում են նաև միջամտել կոնֆլիկտին՝ որպես ԵԱՀԿ Մինսկի խմբի համանախագահող կողմ։ «Եկել ենք խնդրելու և պահանջելու, որ ԱՄՆ դեսպանը ներկայանա մեզ և լսի մեր պահանջները, որպեսզի վերջ դրվի այս ահաբեկչությանը, որպեսզի նորից ևս մեկ Սեպտեմբերի 11 չկրկնվի Արցախում և Արցախի սահմաններում»։

Արցախցի կանանցից մեկն էլ նկատեց, որ Թուրքիայի միջամտությունը ղարաբաղյան կոնֆլիկտին տեղի է ունենում Ամերիկայի հանցավոր լռության պայմաններում։ «Ամերիկյան վերլուծական կայքերում են տեղեկություններ հաստատվում, և այսօր մեր պաստառների վրա էլ կարող եք տեսնել ամերիկյան զինատեսակների մասին, որոնք վաճառվել են Թուրքիային և որոնք կիրառվել են Արցախի և Հայաստանի դեմ։ Խնդիրն այն է, որ, Ամերիկայի զենքի մասին օրենսդրության համաձայն, ամերիկյան որևէ զինատեսակ առանց Ամերիկայի համաձայնության իրավունք չունի հայտնվել մեկ այլ երկրի տարածքում»։

Ակցիայի մասնակիցը նշեց՝ ԱՄՆ-ում գիտեն այդ զինատեսակների կիրառման մասին և լուռ համաձայնում են։ «Այդ զինատեսակները, օգտագործելով խաղաղ բնակչության դեմ, ավերելով մեր տները, մեր քույրերին և եղբայրներին սպանելով, ամերիկյան օրենսդրություն են խախտում: Սա իրենք շատ լավ գիտեն և լուռ համաձայնում են այս ամենին»։

Խոսելով Ամերիկա-Ադրբեջան հարաբերությունների մասին՝ արցախցի կինը նշեց, որ Հայ դատի գրասենյակները, ինչպես նաև լոբբիստական կազմակերպությունները պայքարում են, որ ամերիկյան կառավարությունը չշրջանցի 907-րդ բանաձևը և Ադրբջանին չտրամադրի ավելի շատ գումարներ, քան Հայաստանին է տրամադրում։ «Ապրիլյան պատերազմից հետո կան ուսումնասիրություններ, որոնք ցույց են տալիս, որ այդ գումարներով զինվորական կրթություն են ստանում ադրբեջանցի զինծառայողները: Ամերիկայի տրամադրած փողերով կրթություն ստացած զինվորականներն են կռվում Արցախի դեմ. չնայած դա նույնպես այդ բանաձևի կոպիտ խախտում է»։

Բողոքի ակցիայի սկսելուց որոշ ժամանակ անց արցախցի կանանց հրավիրեցին դեսպանատուն՝ հանձնելու  նամակը, որում նշված են նրանց պահանջները։ Հանդիպման ընթացքում նրանք նաև պահանջել են հանդիպում Հայաստանում ԱՄՆ դեսպան Լին Թրեյսիի հետ։

Արցախցի կանայք Ամերիկայի Միացյալ Նահանգների դեսպանատան մոտ իրենց բողոքի ակցիան ավարտեցին՝ երգելով «Իմ սեր Արցախ» երգը։

Հիշեցնենք, որ արցախցի կանայք օրեր առաջ բողոքի ակցիա էին կազմակերպել նաև Հայաստանում ՄԱԿ-ի գրասենյակի առջև՝ հանդիպում պահանջելով ՄԱԿ-ի հայաստանյան ներկայացուցչի հետ։

Տպել
284 դիտում

Ձեզնից յուրաքանչյուրն ամեն օր պետք է զգա, որ Կառավարությունը ձեր կողքին է, ձեր ցավով ապրողն է. վարչապետ (տեսանյութ)

Վերադարձող փախստականները, պահպանվող դիրքերն ու հանձնված բնակավայրերը. միջազգային անդրադարձը՝ Ղարաբաղի ներկային

Կորոնավիրուսի ծանր դեպքերի վարման համար Միացյալ Թագավորության շտապ բուժօգնության թիմի չորս անդամ գործուղվել է Հայաստան

Գերության մեջ հայտնված անձանց համար զանգահարեք 010 297415 հեռախոսահամարով.ԿԽՄԿ

Հռոմի Ս․Նիկողայոս եկեղեցում մատուցվել է պատարագ` նվիրված արցախյան պատերազմում նահատակված հերոսների հիշատակին

Երևան-Արտաշատ ավտոճանապարհին մեքենա է շրջվել. կան տուժածներ

Չեմպիոնը հաղթեց գավաթակրին. «Արարատ-Արմենիան» բարձրացավ 5-րդ հորիզոնական

Ֆրանսիան ներդնում է Լեռնային Ղարաբաղի հակամարտությունից տուժած հայ բնակչության աջակցության կառուցվածքային համակարգ

Երեւանում ծառերի էտումից առաջացած փայտանյութը անվճար կարող է տրամադրվել անապահով ընտանիքներին․ նախագիծ

Մեր հասարակությունը պետք է վերանայի կրթության նկատմամբ իր վերաբերմունքը. ԿԳՄՍՆ փորձագետ

Լավրովը Հորդանանի ԱԳ նախարարին է ներկայացրել ԼՂՀ-ում հրադադարի հաստատմանն ուղղված Ռուսաստանի միջնորդական ջանքերը

ԱԺ «Իմ քայլը» խմբակցության պատգամավորները հանդիպել են Հելեն Ֆեյզիի եւ Ժոնաթան Լաքոտի հետ

Covid-անվտանգության կանոնները վերանայվել են գեղեցկության սրահների և վարսավիրանոցների համար. ԱԱՏՄ

Տավուշի մարզի սահմանապահ գյուղերում կառուցվել է 4 ռմբապաստարան

Արցախում ճշգրտվում են սահմանները. ՊԲ հրամանատարությունը հորդորում է լինել համբերատար

ՀՀ վարչապետ Նիկոլ Փաշինյանը հանդիպում է անհետ կորածների հարազատների հետ

Արցախում ականի պայթյունից վիրավորված փրկարարների ու ՊԲ զինծառայողի կյանքին վտանգ չի սպառնում

Մեկնարկել է ՀՀ նախագահ Արմեն Սարգսյանի աշխատանքային այցը Հորդանանի Հաշիմյան Թագավորություն (տեսանյութ, լուսանկարներ)

Վարչապետն այցելել է ռազմարդյունաբերական ընկերություններ և հանձնարարել շարունակել արտադրական հզորությունների զարգացումը

Վարչապետ Փաշինյանը շնորհավորել է Արարատ Միրզոյանին ծննդյան տարեդարձի կապակցությամբ