ՀՀ-ում Գերմանիայի դեսպանը ընդունեց ցուցարարներից մեկին․ խոստացել է հենց այսօր կապվել իր ղեկավարության հետ

Հայաստանի Հանրապետությունում Գերմանիայի Դաշնային Հանրապետության դեսպան Միխայել Բանցհաֆը իր աշխատասենյակում այսօր ընդունեց դեսպանատան դիմաց Արցախի ճանաչման հարցով բողոքի ակցիա իրականացնող քաղաքացիներից մեկին եւ նրա հետ առանձնազրույց ունեցավ։

Հիշեցնենք՝ մի խումբ քաղաքացիներ այսօր բողոքի ակցիա են նախաձեռնել ՀՀ-ում Գերմանիայի դեսպանության դիմաց՝ պահանջով, որ Գերմանիան ճանաչի Արցախի անկախությունը, միջոցներ ձեռնարկի՝ Ադրբեջանի նկատմամբ ռազմական եւ տնտեսական սանկցիաներ կիրառելու, ինչպես նաեւ Արցախ հումանիտար օգնություն ուղարկելու համար։

Առանձնազրույցից հետո քաղաքացին որոշ մանրամասներ հայտնեց՝ նախ փոխանցելով դեսպանի ներողությունը նրա համար, որ ցուցարարների մոտ իջնել չկարողացավ եւ առավել արդյունավետ համարեց այս ձեւաչափով հանդիպումը․ «Դեսպանն ասաց, որ իրենց մտահոգությունը բարձր մակարդակի վրա է, մարդկային առումով երբ նստում, լսում ես, մտահոգությունը, իսկապես, շատ մեծ է, ես փորձեցի նրան ներկայացնել այն, ինչ կատարվում է Արցախում, բայց նա հաստատեց, որ իրենք տեղյակ են եւ խոր վշտակցություն են հայտնում, նաեւ Գյանջայի հարցին անդրադարձա, զուգահեռներ տարա՝ ասելով, որ միջազգային հանրությունում աղաղակներ են բարձրացել դրա հետ կապված, մինչդեռ Ստեփանակերտի, Շուշիի, անգամ ՀՀ-ի խաղաղ բնակավայրերի թիրախավորումը չի արձանագրվում, եւ նա դարձյալ ասաց՝ հավատացեք՝ գիտեմ»։

Լրագրողներից մեկի հարցին, թե իմանալուց զատ, ի՞նչ քայլեր են ձեռնարկում, քաղաքացին պատասխանեց․ «Ես ասացի, որ Բունդեսթագի պատգամավորները եղել են Արցախում, դատապարտել են, եւ նա հույս հայտնեց, որ կգնան, համապատասխան գորոծողություններ կձեռնարկեն իրենց ղեկավարության հետ, ես հարցրի՝ արդյո՞ք հյուպատոսարանից որեւէ մեկը այցելել է Արցախ, ինչին նա պատասխանեց՝ ասելով, որ դա անհնար է այս պահին, բայց իրենք գիտեն շատ ավելին, քան մենք պատկերացնում ենք»։

Անդրադառնալով Հունաստանի կողմից ներկայացված պատժամիջոցների բանաձեւին, որին Գերմանիան դեմ է քվեարկել՝ դեսպանը մանրամասն պատճառաբանություն չի ներկայացրել, ասել է միայն, որ պատժամիջոցը լայն հասկացություն է, եւ ինքը իրավասու չէ այդ մասին խոսել․ «Ես ասացի, որ հանգուցալուծման համար առաջնայինը Արցախի ճանաչման հարցն է, ինչը կարող է վերջակետ դնել այս ագրեսիվ գործընթացին, եւ նա ասաց, որ դա եւս քննարկում են, եւ Մինսկի խմբի համանախագահների աշխատանքները այդ ուղղությամբ շատ մեծ են, ասաց՝ մենք մեր իրավասության սահմաններում ամեն ինչ կանենք, որ ե՛ւ տարածաշրջանի, ե՛ւ հայ ժողովրդի համար լավ լինի»։

Քաղաքացու խոսքով՝ ՀՀ-ում Գերմանիայի դեսպանը արձանագրություն է կազմել եւ խոստացել այսօր եւեթ տեղյակ պահել իր ղեկավարությանը եւ սկսել գործընթաց, նախեւառաջ՝ հրադադարի հաստատման համար․ «Իսկ ես ասացի, որ հրադադարը կարող է հարաբերական լինել, եւ 2-3 տարի հետո պատերազմը կարող է կրկնվել մեր երկրում, եւ նա դարձյալ ասաց, որ դա հասկանում են»։

Բողոքի ակցիայի մասնակիցներից Արմինե Մելքոնյանը հայտարարեց, որ դեսպանատան այս պատասխանը իրենց ամբողջությամբ չի գոհացնում․ «Եթե կարող է Գերմանիայի պառլամենտի ընդդիմադիր կողմը այցելել Արցախ եւ գնահատականներ տալ, ի՞նչն է խանգարում, որ գործող իշխանությունը եւս այցելի»,- ասաց նա՝ պնդելով, որ բացի մտահոգություններ հայտնելուց, այլ քայլ չեն ձեռնարկում․ «Մենք ենք տուժողները, մենք ենք պայքարում մեր հողում ապրելու իրավունքի համար, իսկ նրանք տերմինալոգիայով փորձում են մեղմացնել իրավիճակը, մենք տեղյակ ենք, որ իրենք տեղյակ են, Ապրիլյանից էլ էին տեղյակ, բայց որեւէ պատժամիջոց չիրականացրին, 1915 թվականի Ցեղասպանությանը ո՞ր մեկը տեղյակ չէր, բոլորդ տեղյակ էիք, բայց Ապրիլի 24-ին ամեն մեկդ ինչ բառ ասես, կօգտագործի, բացի Հայոց ցեղասպանությունից»։

Արմինե Մելքոնյանի խոսքով՝ տեղի ուենցողը միջազգային կառույցների լռության քաղաքականության արդյունքն է․ «Սա Թուրքիային եւ Ադրբեջանին չսանձելու արդյունքն է, Ապրիլյան պատերազմի բազմաթիվ փաստերի առաջ ձեր աչքերը փակելու արդյունքն է»,- ասաց նա՝ հայտարարելով, որ այսօր սահմանում զոհված ամեն զոհի մահ ծանրանալու է միջազգային բոլոր կառույցների, իրենց քաղաքակիրթ անվանած բոլոր երկրների խղճին։

Բողոքի ակցիայի մասնակիցները «ամոթ, ամոթ» վանկարկումներով հեռացան դեսպանատան տարածքից։

Տպել
1047 դիտում

Մարտի 21-ին Հայաստանին է մոտենալու հաջորդ սառը ցիկլոնը. սպասվում է առատ ձյուն, քամու ուժգնացում

Զախարովան արձագանքել է ՀՀ վարչապետի խոսքերին

Պատկերված անձը որոնվում է նախաձեռնված քրեական վարույթի շրջանակներում (տեսանյութ)

Fly Arna-ի լիցենզիան կասեցված է. ՏԿԵ փոխնախարար

Իրանից ժամանած 7 բեռնատարում հայտնաբերվել է ցեմենտի մեջ թաքցված հսկայական քանակությամբ ծխախոտ (տեսանյութ)

ՀՀ վարչապետն ու ՆԱՏՕ-ի գլխավոր քարտուղարը քննարկել են Հայաստան-Ադրբեջան խաղաղության պայմանագիրը

Տրոլեյբուսը հայտնվել է խրամուղում. շինարարը կտուգանվի (տեսանյութ)

Նիկոլ Փաշինյանը շնորհավորել է Վլադիմիր Պուտինին

Վարչապետի որոշմամբ` նշանակվել է ՊԵԿ նախագահի առաջին տեղակալ

Մենք դավաճան, հող ծախող չենք, ձեր թիկունքում ոչ մի բան չենք անելու, թողեք այս ճանապարհով գնանք. Փաշինյանը՝ տավուշցիներին

«Երևան Սիթին» տուգանվել է 10 միլիոն, «Հայփոստ»-ը՝ 2,6 միլիոն դրամով

Առանձնապես խոշոր չափի «Մեթամֆետամինի» ապօրինի շրջանառություն երիտասարդ կնոջ և տղամարդու կողմից. նրանք կալանավորվել են

Նիկոլ Փաշինյանը «TikTok»-ում նոր շարք է սկսել (տեսանյութ)

Ընդդիմությունն ասում է՝ Տավուշի գյուղերն ուզում է տա, Խրեմլուի ղեկավարը ո՞վ է. Փաշինյան

Պակիստանում երկրաշարժ է գրանցվել

Փետրվարին 150 հարկ վճարողի մոտ արձանագրվել է ՀԴՄ կիրառման կանոնների խախտում. հայտնի է տուգանքի չափը

Կոտայքում միմյանց բախվելուց հետո մեքենաներից մեկը գլխիվայր շրջվել է. կա տուժած

Մի քանի ժամ լույս չի լինի Երևանի և 7 մարզի մի շարք հասցեներում

Որ բանկերի քարտապանները կարող են օգտվել հետվճարի ծրագրից

ԵՄ արտգործնախարարները վերահաստատել են իրենց աջակցությունը Հայաստանին

Դիլիջանի ոլորանները փակ են բեռնատարների համար, մի շարք շրջաններում ձյուն է տեղում

ԱԺ-ն նոր պատգամավոր ունի. Դավիթ Կարապետյանը երդմամբ ստանձնել է պատգամավորի մանդատը

Բախվելուց հետո մեքենաներից մեկը բռնկվել է. ներսում հայտնաբերվել է 4 դի, վարորդի վիճակը ծանր է (լուսանկարներ)

«Միր» քարտերը կդադարեն աշխատել Հայաստանի գրեթե բոլոր բանկերի բանկոմատներում

Միքայել Վարդանյանը Մասիսին նվիրել է 117 մլն դրամ արժողությամբ աղբահավաք մեքենաներ և 230 աղբաման

Սահմանը կանցնի իմ տան միջով, զինվորների ներկայության դեպքում ինչպե՞ս ենք ապրելու էդ տանը. վարչապետը պատասխանել է բնակչին

Սա մեր ապագան կառուցելու միակ տարբերակն է, հեշտ հարց չէ. վարչապետը՝ Կիրանցի բնակիչներին (տեսանյութ)

Վարչապետը տիկնոջ հետ ներկա է գտնվել «...և նորից Գարուն» ներկայացմանը (լուսանկարներ)

Ինչ պայմանավորվածություն է ձեռք բերվել Փաշինյանի՝ Տավուշ այցի ժամանակ. մանրամասներ (լուսանկարներ)

Ես չեմ վիրավորում, ասում՝ «գյադեն հերդ ա», քոքից բռնվեք, կհանդիպենք․ Հովհաննես Դավթյանը՝ Արզաքանցյանին

Մենք պետք է թույլ չտանք պատերազմի սկսում․ ինչ է ասել վարչապետը տավուշցիների հետ հանդիպմանը

Պուտինն իրեն լեգիտիմություն տվեց՝ այլանդակությունները շարունակելու համար, ՌԴ-ին բարի ճանապարհ դեպի գերեզման. Սուքիասյան

Երևանն այս տարի կունենա 20 հա տարածք զբաղեցնող տնկարան, կտնկվի 2000 ծառ

ԱՄՆ-ն մտադիր չէ շնորհավորել Ռուսաստանի նախագահին ընտրություններում հաղթելու համար․ Պատել

Ամեն խաղի պետք է պատրաստվենք, ինչպես վերջինի․ Հարոյանը՝ Կոսովոյի հավաքականի հետ խաղի մասին

Հայաստանի և Մալթայի ԱԳՆ պաշտոնյաների խորհրդակցությունների ընթացքում անդրադարձ է եղել ՀՀ-ԵՄ գործընկերության խորացմանը

ՌԴ ԿԸՀ-ն ավարտել է ձայների հաշվարկը․ ընտրողների 87,28% քվեները Վլադիմիր Պուտինինն է

Նռնակ, պայթուցիչ ու փամփուշտներ․ Կապանի բնակիչը փրկարարական ջոկատում հանձնել է ԼՂ-ից բերված զինամթերքը

Վրաստանի ԱԺ կրթության հանձնաժողովի նախագահը գալիս է Հայաստան․ մանրամասներ

Մկրտչյանը ԱՄՆ ՄԶԳ փոխկառավարչի հետ քննարկել է ԼՂ-ից բռնի տեղահանվածներին աջակցության հարցում համագործակցությունը