Ո՞վ կդառնա Վճռաբեկ դատարանի նախագահ. թեկնածուների ցանկը ԲԴԽ-ին կներկայացվի առաջիկա երկու օրերին

2018 թվականից Վճռաբեկ դատարանը նախագահող դատավոր Երվանդ Խունդկարյանն օրերս հրաժարականի դիմում ներկայացրեց ՀՀ Սահմանադրական դատարանի դատավորի պաշտոնը ստանձնելու նպատակով: Բարձրագույն դատական խորհուրդը Խունդկարյանի հրաժարականն ընդունեց նախորդ շաբաթ՝ սեպտեմբերի 18-ին: Նույն օրն էլ նա, երդվելով որպես ՍԴ դատավոր, ստանձնեց այդ պաշտոնը:

Երվանդ Խունդկարյանը, հիշեցնենք, Վճռաբեկ դատարանի նախագահ էր ընտրվել Ազգային ժողովի կողմից 2018 թ. սեպտեմբերի 13-ին՝ 6 տարի ժամկետով: Մինչ այդ նա զբաղեցնում էր նույն դատարանի քաղաքացիական եւ վարչական պալատի նախագահի պաշտոնը:  Խունդկարյանը Վճռաբեկ դատարանում աշխատեց 12 տարի:

Այժմ՝ սեպտեմբերի 18-ից սկսած՝ ՀՀ դատական դեպարտամենտն ունի 7 օր ժամանակ՝ Վճռաբեկ դատարանի նախագահի պահանջներին համապատասխանող թեկնածուների ցանկը կազմելու եւ ԲԴԽ-ի ընտրությանը հանձնելու համար: ՀՀ «Դատական օրենսգիրք» սահմանադրական օրենքի համաձայն՝ Վճռաբեկ դատարանի նախագահն ընտրվում է բացառապես տվյալ դատարանի դատավորների կազմից: Նշենք, որ Վճռաբեկ դատարանն այս պահին ունի 16 դատավոր: Օրենքի համաձայն՝ Վճռաբեկ դատարանի նախագահի թեկնածու կարող են առաջադրվել նրանք, ովքեր տվյալ դատարանում ունեն առնվազն 3 տարվա փորձառություն, չունեն կարգապահական տույժ, նախկինում չեն պաշտոնավարել այդ դատարանի նախագահի պաշտոնում եւ չեն հանդիսանում ԲԴԽ անդամ: ԲԴԽ-ին ներկայացվող ցանկը պետք է բաղկացած լինի  առնվազն 3 թեկնածուից. եթե բավարար փորձառություն ունեցող դատավորների թիվը 3-ից պակաս լինի, ապա Դատական դեպարտամենտն այդ պահանջը կարող է չկիրառել:

Հաջորդ քայլը ԲԴԽ-ինն է, որը  պետք է ուսումնասիրի թեկնածուների անձնական գործերը, անհրաժեշտության դեպքում նրանց հրավիրի զրույցի՝ ԱԺ-ի ընտրությանը ներկայացնելու համար: ԲԴԽ-ն պետք է հաշվի առնի նախագահի պաշտոնում արդյունավետ գործելու համար անհրաժեշտ հմտություններն ու որակները, այդ թվում՝ դատավորի մասնագիտական հեղինակությունը, պարտականությունները կատարելիս իր գործընկերների նկատմամբ դրսեւորած վերաբերմունքը, կազմակերպչական, կառավարչական եւ այլ ունակությունները: Ընտրությունն անցկացվում է փակ, գաղտնի քվեարկությամբ, ընտրված է համարվում նա, ով հավաքել է ձայների կեսից ավելին: Նշենք, որ ԲԴԽ-ն ունի 10 անդամ:

Վերջին փուլում արդեն ընտրված թեկնածուն ԲԴԽ նախագահի կողմից ներկայացվելու է ԱԺ-ին: Վերջինս թեկնածուի ընտրությունը կազմակերպելու է «Ազգային ժողովի կանոնակարգ օրենք» սահմանադրական օրենքի համաձայն: Ըստ այդմ, թեկնածուին ներկայացնելու համար հատկացվելու է մինչեւ 10 րոպե ժամանակ, որից հետո ելույթ է ունենալու թեկնածուն. նրա ելույթի առավելագույն ժամանակը 30 րոպե է: Հիմնական ելույթից հետո թեկնածուին տրվելու է եւս 15 րոպե ժամանակ՝ եզրափակիչ ելույթի համար: ԱԺ նիստի ավարտին Վճռաբեկ դատարանի նախագահն ընտրվելու է գաղտնի քվեարկությամբ, պատգամավորների ընդհանուր թվի ձայների մեծամասնությամբ: Եթե Վճռաբեկ դատարանի նախագահ չընտրվի, ապա քվեարկությունից հետո՝ 10-օրյա ժամկետում, թափուր մնացած պաշտոնի համար ԲԴԽ-ն պետք է ներկայացնի նախագահի նոր թեկնածու:

Նշված կարգավորումներից կարելի է ենթադրել, որ եթե ընտրություններն ընթանան բնականոն հունով՝ առանց քվեարկությունների երկրորդ փուլի, ապա հոկտեմբերի վերջին ընտրված կլինի Վճռաբեկ դատարանի նոր նախագահը:

Թեմայի վերաբերյալ մեր մի քանի հարցերին է պատասխանել Դատական դեպարտամենտի ղեկավար Կարեն Փոլադյանը.

- Պարո՛ն Փոլադյան, կազմե՞լ եք Վճռաբեկ դատարանի նախագահի պաշտոնին համապատասխանող թեկնածուների ցանկը, որը պետք է ներկայացնեք ԲԴԽ-ին:

- Այդ ցանկն  ԲԴԽ-ի քննարկմանը կներկայացվի ամենաուշը չորեքշաբթի կամ հինգշաբթի օրը:

- Վճռաբեկի դատավորներից քանի՞սն են համապատասխանում անհրաժեշտ պահանջներին:

- Բացառությամբ Էդգար Սեդրակյանի, որի 3 տարի պաշտոնավարումը տվյալ դատարանում չի լրացել, եւ Ստեփան Միքայելյանի, որը այս պահին ԲԴԽ անդամ է՝ մնացած բոլորը կարող են հավակնել Վճռաբեկ դատարանի նախագահի պաշտոնին:

- Այսինքն՝ 16 դատավորից 14-ը կարո՞ղ են հավակնել:

- Այո, ընդհանուր 17 դատավոր են, այս պահին պարոն Խունդկարյանի հաստիքը թափուր է, եւ երկու բացառությունները հանած՝ 14 դատավոր է ստացվում:

- Դուք ԲԴԽ-ին պետք է ներկայացնեք հենց 14 հոգանո՞ց ցանկը թե՞ դատավորներն իրավունք ունեն դրանից հրաժարվելու:

-Ոչ, նրանք իրավունք չունեն հրաժարվելու, որովհետեւ դա «Դատական օրենսգիրք» սահմանադրական օրենքի իմպերատիվ պահանջն է՝ նախատեսված Դատական դեպարտամենտի համար: Մեր գործառույթը բացառապես ցանկը ներկայացնելն է:

-Տեսականորեն հնարավո՞ր է, որ Վճռաբեկ դատարանի նախագահ չընտրվի՝ հաշվի առնելով, որ այժմ քննարկվում է Վճռաբեկ եւ Սահմանադրական դատարանների միավորմամբ Գերագույն դատարան ստեղծելու հարցը:

-Ես չեմ ուզում գուշակություններ անել, բայց տեսականորեն ամեն ինչ էլ հնարավոր է: Նկատի ունեմ՝ հնարավոր է այնքանով, որ ԲԴԽ-ն անընդհատ պետք է ընտրություն կազմակերպի, որպեսզի նախագահ ընտրի, այսինքն՝ չի սպասելու, թե առաջիկայում օրենսդրական ինչ փոփոխություններ են լինելու կամ չեն լինելու: ԲԴԽ-ն ընտրությունը կազմակերպելու է, եւ եթե որեւէ մեկը չհավաքեց առավելագույն՝ 6 կողմ ձայնը առաջին փուլում, առավելագույն ձայներ հավաքած դատավորները մրցելու են երկրորդ փուլում, եթե այդ փուլում էլ որեւէ մեկը առավելագույն ձայներ չհավաքեց, ԲԴԽ-ն նոր ընտրություն է կազմակերպելու, եւ այդպես շարունակ, մինչեւ որ կարողանա ընտրել Վճռաբեկ դատարանի նախագահի թեկնածու, որը ներկայացվելու է ԱԺ:

 

Լուսանկարում՝ Կարեն Փոլադյանը

Տպել
2307 դիտում

Ողբերգական դեպք Կոտայքում. ջրանցքում հայտնաբերված կնոջ դին դուրս է բերվել ցանցային կռունկի միջոցով

Նիկոլ Փաշինյանը խորհրդարանում փակ հանդիպում է անցկացնում «Քաղաքացիական պայմանագիր» խմբակցության հետ. «Ազատություն»

Ներքին Կարմիրաղբյուրում անասնագոմ է այրվել

ԱԺ նախագահը, «Քաղաքացիական պայմանագիր» խմբակցության պատգամավորները հարգանքի տուրք են մատուցել Մարտի 1-ի զոհերի հիշատակին

Անթալիայում հանդիպել են Հայաստանի և Թուրքիայի ԱԳ նախարարները. ինչ են վերահաստատել կողմերը (լուսանկարներ)

Թուրքիայի հիվանդանոցում զինված հարձակում է տեղի ունեցել. կան վիրավորներ

Թուրքմենստանում կանցկացվեն Հայաստանի մշակույթի օրեր. հստակեցվել են ժամկետներն ու նախնական նախագիծը

Պահեստազորում գտնվող ՌԴ քաղաքացիները կկանչվեն ռազմական պատրաստության հավաքի. Պուտինը հրամանագիր է ստորագրել

26-ամյա վարորդը «Շեվրոլետ վոլտ»-ով բախվել է եռագույն դրոշի պատվանդանին, վնասվել է ևս 4 մեքենա. կա վիրավոր

Մեկնարկել է Չեխիա - Հայաստան հանդիպման տոմսերի վաճառքը. հայտնի է արժեքը

Մարտի 1-ը իշխանության կողմից բիրտ ուժի կիրառման դրվագ չէր, այլ հետևանք քաղաքացու իրավունքների տևական ոտնահարման. նախագահ

ՀՀ ԱԳՆ-ն լուսանկարներ է հրապարակել Անթալիայի դիվանագիտական ֆորումից

ԼՂ-ից բռնի տեղահանվածներին տրվող 100 հազար դրամ միանվագ աջակցության շահառուների շրջանակն ընդլայնվել է

«Ուկրաինամետ» Ադրբեջանը չեղարկել է Զելենսկու այցը, նա Հայաստան էլ չի գա. Սաֆարյան

Երևանի քաղաքապետը նոր խորհրդական ունի

Հայաստանը Սուրբ Աթոռում նոր դեսպան ունի (լուսանկար)

Փոփոխություն է կատարվել ԼՂ-ից բռնի տեղահանված անձանց համար իրականացվող 50 + 50 հազար սոցիալական աջակցության ծրագրում

Արտակարգ դեպք Արարատում. չոր խոտն այրել են, ինչի հետևանքով նաև «Մերսեդես»-ն է հրդեհվել, վերածվել մոխրակույտի

Արթիկում ավազակությամբ շուրջ 37 մլն դրամի ոսկյա զարդեր հափշտակելու վարույթով 2 անձ կալանավորվել է. մանրամասներ

Թուրքիան կշարունակի Հայաստանի հետ հարաբերությունների կարգավորման գործընթացը՝ այն համաձայնեցնելով Ադրբեջանի հետ. Էրդողան

Բայրամովն ու Լավրովը քննարկել են եռակողմ պայմանավորվածությունների կատարման հարցը, խոսել ՀՀ-ի հետ խաղաղության գործընթացից

Ադրբեջանն ու Հայաստանը շատ մոտ են հարաբերությունների կարգավորմանը. Թուրքիայի արտգործնախարար

Անթալիայում կայացել է Բայրամով - Լավրով հանդիպումը. հայտնի է՝ ինչ հարցեր են քննարկվել

17 կամուրջ‚ 2 թունել, 5 տրանսպորտային հանգույց. Հյուսիս-հարավի հարավային ուղղությամբ մեծածավալ աշխատանք է նախատեսված

Արարատ Միրզոյանն ու Քուվեյթի արտաքին գործերի նախարարը տարածաշրջանային անվտանգության հարցեր են քննարկել

Ֆրանսիայից ուղարկված փոստային առաքանուց հայտնաբերվել են գնդակի մեջ թաքցված թմրամիջոցի պարունակությամբ դեղահաբեր. ՊԵԿ

ՄԻՊ ներկայացուցիչները չհայտարարված այցեր են իրականացրել «Վանաձոր» և «Աբովյան» ՔԿՀ-ներ. ինչ խնդիրներ են արձանագրվել

Անթալիայում, որտեղ 20 երկրի ղեկավարների մասնակցությամբ ընթանում է Դիվանագիտական ​​ֆորումը, երկրաշարժ է տեղի ունեցել

Մհեր Գրիգորյանը մասնակցել է Նիկոլայ Ռիժկովի հոգեհանգստի արարողությանը

Ընթանում է Նավալնիի հոգեհանգիստը, որին կհաջորդի հուղարկավորությունը. ներկա են դեսպաններ, քաղգործիչներ (լուսանկարներ)

Վրաստանը Հայաստանին ու Ադրբեջանին առաջարկում է բանակցությունների իր հարթակը. Դարսալիա

Հայաստանում Զանգեզուր անունով տարածքային միավոր չկա. Ռուբինյանն Անթալիայում խոսել է «միջանցք»-ի մասին

ԱԺ նախագահը և ՔՊ խմբակցության պատգամավորները հարգանքի տուրք են մատուցել Մարտի 1-ի զոհերի հիշատակին

Խաղաղության գործընթացում առաջընթացի պատասխանատվությունը կրում են տարածաշրջանի երկրները և դրանց ղեկավարությունը. Կլաար

Պապիկյանի նախագահությամբ կայացել է Վազգեն Սարգսյանի 65-ամյակի կազմակերպման միջգերատեսչական հանձնաժողովի առաջին նիստը

Ինչպիսին է մարտ ամսվա եղանակային կանխատեսումը

Հայ-թուրքական սահմանը նախ կբացվի 3-րդ երկրի և դիվանագիտական անձնագրեր ունեցողների համար, հետո՝ քաղաքացիների. Քըլըչ

Որդին հարվածներ է հասցրել 73-ամյա մորը, ինչի հետևանքով նա մահացել է

Խաղաղությունը վերաբերում է Բաքվին ու Երևանին, դա կապված չէ Փարիզի, Բրյուսելի կամ այլ վայրերի հետ. Հաջիև

Թուրքիայի և Հայաստանի հատուկ ներկայացուցիչները կարող են հանդիպել Երևանում