Ռուսաստանը հուլիսի 15-ից վերսկսելու է միջազգային ավիահաղորդակցությունը. ով կարող է մեկնել ՌԴ եւ ինչպես

Ռուսաստանի Դաշնության փոխվարչապետ Տատյանա Գոլիկովան հայտարարել է, որ հուլիսի 15-ից երկիրը պատրաստվում է բացել միջազգային ավիահաղորդակցությունը:  Թռիչքները կվերսկսվեն միայն այն երկրներից, որտեղ թռիչքին նախորդած 2 շաբաթվա ընթացքում  քիչ քանակությամբ վարակման դեպքեր կլինեն:

Коммерсант-ի փոխանցմամբ, Գոլիկովան նշել է, որ 14-օրյա կարանտինի փոխարեն երկիր ժամանող օտարերկրացիները COVID-19-ի արագ թեստավորում կանցնեն: Սակայն մեծ մասամբ, Ռուսաստանի Դաշնություն մուտք գործող այլ պետություններից ժամանողների համար պարտադիր կլինի կորոնավիրուսի բացասական արդյունքը հավաստող թեստի մասին տեղեկանք, որը կարող է ձեռք բերված լինել ոչ ավել, քան մեկնելուն նախորդած 3 օրվա ընթացքում: Ընդ որում, 2 շաբաթ տեւողությամբ պարտադիր կարանտինը հնարավոր է շարունակի պարտադիր մնալ ռուսաստանցիների համար, որոնք իրենց երկիր կվերադառնան համաճարակաբանական տեսանկյունից ոչ բարենպաստ համարվող երկրներից, եթե չունենան տվյալ երկրում բուժում անցնելու եւ առողջության վիճակի մասին համապատասխան փաստաթուղթ:

«Միջազգային ավիահաղորդակցությունը վերսկսելը միանգամայն հնարավոր է: Որպեսզի հասկանալի լինի, թե ինչպես է հնարավոր դա կազմակերպել , համաճարակաբանների կողմից մեխանիզմներ են մշակվել»,-ասել է փոխվարչապետը ասուլիսի ընթացքում, որը հեռարձակել է «Россия 24» հեռուստաալիքը: Գոլիկովան մանրամասնել է, որ համաճարակաբանների եւ այլ մասնագետների կողմից մշակվել են երկիր մուտք գործելու 3 նախապայմաններ:

Դրանցից առաջինն այն է, որ երկրում, որտեղից ՌԴ կժամանի ուղեւորը, COVID-19-ով վարակվածության ցուցանիշը պետք է չգերազանցի 40 դեպքը՝ բնակչության թվի ամեն 100 հազար մարդու հաշվարկով:

Երկրորդ նախապայմանն այն է, որ 14 օրվա ընթացքում ամենօրյա  դեպքերի աճը պետք է լինի 1 տոկոսից ոչ ավելի, իսկ երրորդ նախապայմանն այն է, որ վարակի տարածման մակարդակը չպետք է գերազանցի սահմանված  1 միավորը:

«Այն երկրների քաղաքացիները, որտեղ համաճարակային իրավիճակը ոչ բարենպաստ է, բայց Ռուսաստան մեկնելու խիստ անհրաժեշտություն կա, կարող է կիրառվել 14-օրյա պարտադիր մեկուսացման կանոնը: Եթե քաղաքացիները չեն ունենա COVID-19-ի բացասական արդյունքի տեղեկանք, ապա թեստավորում կիրականացվի օդանավակայնում, իսկ մինչ արդյունքների ստացումը, մարդիկ կտեղավորվեն թեստավորման պատասխաններին սպասող քաղաքացիների համար նախատեսված հատուկ մեկուսասենյակ, իսկ համապատասխան փաստաթուղթն ունենալու դեպքում, քաղաքացիները կարող են հասնել իրենց ցանկացած բնակավայր՝ առանց խոչընդոտների»,-պարզաբանել է փոխվարչապետը:

 Նա նաեւ ասել է, որ քննարկումների արդյունքում ավիահաղորդակցությունը վերսկսելու հարմար ժամկետ է սահմանվել հուլիսի 15-ը եւ իրենք ենթադրում են, որ Տրանսպորտի նախարարությունն ու Ռոսավիացիան կտեղեկացնեն ՌԴ կառավարությանը ավիացիոն իշխանությունների հետ բանակցությունների վերջնական արդյունքի մասին:

Ավելի վաղ հայտնի էր դարձել, որ Ռոսպոտրեբնադզորը համաձայնել է թույլատրել չվերթներ սկսել Ռուսաստանի Դաշնությանից 2 փուլերով: Առաջին փուլում թույլատրվում են թռիչքներ դեպի եվրոպական ինը երկրներ (Մեծ Բրիտանիա, Հունգարիա, Գերմանիա, Դանիա, Իտալիա, Նիդերլանդներ, Նորվեգիա, Լեհաստան, Ֆինլանդիա), ինչպես նաեւ Չինաստան, Մոնղոլիա, Վյետնամ եւ Շրի-Լանկա:  Այս երկրները համաճարակաբանական տեսանկյունից հայտարարվել են որպես առավել անտանգ: Ցանկի մեջ առայժմ չի ներառվել ԱՊՀ ոչ մի երկիր: Փոխվարչապետ Դմիտրի Չերնիշենկոն հայտարարել է, որ թեպետ կա թույլտվությունը, սակայն ինքը չունի տեղեկություն կոնկրետ այն երկրների ցանկի մասին, որոնց հետ առաջինը կսկսվի միջազգային ավիահաղորդակցությունը: Բացի այդ, անհրաժեշտ է, որպեսզի վերը թվարկված երկրներն էլ իրենց հերթին ռուսների համար պատրաստակամ լինեն բացել իրենց սահմանները, քանի որ ավիահաղորդակցությունը միակողմանի իրականացնել հնարավոր չէ:

Ռուսաստանը ներկա պահին չի ներառվել այն երկրների ցանկում, որոնց քաղաքացիների մուտքը Եվրամիություն թույլատրվում է, սակայն ԵՄ ցանկը ամեն շաբաթ թարմացվելու է:

Մոսկվայի Շերեմետյեվո օդանավակայանից հայտարարել են, որ իրենք այլ երկրներից չվերթներ կընդունեն հուլիսի 27-ից եւ պատրաստ են ամբողջ թափով վերսկսել աշխատանքը  D տերմինալից:

Հիշեցնենք, ավիահաղորդակցությունը այլ երկրների հետ Ռուսաստանը դադարեցրել էր մարտի 27-ից՝ կորոնավիրուսի համաճարակի պատճառով:  Միջազգային թռիչքների արգելքը երկարացվել էր մինչեւ օգոստոսի 1-ը: Ռուսներին, սակայն, թույլատրել են հատել սահմանը աշխատանքի, կրթության, բուժման կամ հարազատների խնամակալ լինելու պարագայում:

Մինչեւ այսօր Ռուսաստանից ՀՀ քաղաքացիների տեղափոխումը Հայաստան կազմակերպվել է դեսպանություններում հաշվառումների եւ չարտերային թռիչքների միջոցով: Հայաստանի քաղաքացիների մուտքը ՌԴ հուլիսի 15-ից թույլատրելի կլինի, եթե երկրում վարակվածության սահմանված քանակ գրանցվի:

Տպել
3397 դիտում

ՎՏԲ-Հայաստան Բանկը բարելավել է սպառողական վարկերի պայմանները

Նոր դաստիարակները մասնագիտական նրբություններով կկիսվեն երիտասարդ երկաթուղայինների հետ

Գնացքների երթևեկության անվտանգությունը՝ տրանսպորտային անվտանգության բաղադրիչ

IDBank -ում համավարակի ընթացքում աշխատանքն ընթանում է ամբողջ թափով

Վիվա-ՄՏՍ-ն ավելացնում է սպասարկման կենտրոնների թիվը

ԳեոՊրոՄայնինգ Գոլդ ընկերությունը շնորհավորում է երկաթուղային գործընկերներին մասնագիտական տոնի կապակցությամբ

Յունիբանկի դոլարային պարտատոմսերը ցուցակվել են Մոսկվայի բորսայում

Վիվա-ՄՏՍ. անվճար զանգի հնարավորություն՝ ընկերությունների հաճախորդների համար

ՎՏԲ-Հայաստան Բանկը Renault Armenia-ի հետ համատեղ առաջարկում են ավտովարկավորման ամենաշահավետ պայմանները շուկայում

Այգեպարում վերսկսվել է կիսակառույց տան շինարարությունը

Արտագնա աշխատանքի հնարավորությունից զրկված քանի հոգի է դիմել Հայաստանում աշխատելու համար. մարզերում թվերը շատ տարբեր են

Կորոնավարակը, աշխարհն ու մենք

Տավուշի և Լոռու հանգստյան տներից մի քանիսի սննդի օբյեկտներում խախտումներ են գրանցվել, բայց կա դրական առաջընթաց

Տրանսֆերային գնագոյացման կարգավորումները տարածվում են շահութահարկի, ԱԱՀ-ի եւ ռոյալթիի նկատմամբ․ Ավետիսյան

Երևանի Կենտրոն վարչական շրջանում ՔՏՀԱՏՄ-ի կողմից խախտումներ չեն հայտնաբերվել

Մտահոգիչ խախտումներ՝ Ծաղկաձորի խոշոր հյուրանոցներում․ ՍԱՏՄ-ն կրկին կասեցման միջնորդություններ կներկայացնի

Որքան աշխատավարձ կստանան նոր պարեկային ծառայության պարեկները․ ոստիկանությունը քննարկման է դրել սահմանաչափերը

Խախտումներ են արձանագրվել Սպիտակի բենզալցակայաններում ու շինանյութի առևտրի կետերում. ՇՎՏՄ մշտադիտարկումներ

Վ. Սարգսյանի անվան ռազմական համալսարանում հանդիսավորությամբ բացվեց Սբ. Մեսրոպ Մաշտոց եկեղեցին (լուսանկարներ)

«Մեգա Տեխնիկս»-ի պահեստում խոշոր հրդեհ է բռնկվել. հայտարարվել է «1-ԲԻՍ» կանչ, տեղում է եղել նախարարը (լուսանկարներ)