Սա հեքիաթ է. Գյումրին կունենա օդային երթուղի. Սամվել Բալասանյան

«Արմոն» ընկերությունը նախատեսում է Գյումրիում 25 կմ երկարությամբ օդային երթուղի կառուցել: Նախաձեռնությունը ընկերության մշակած՝ Գյումրու զարգացման ներդրումային ծրագրի մասն է կազմում: Ծրագրի ընդհանուր արժեքը 610 մլն ԱՄՆ դոլար է:

Այսօր Գյումրու քաղաքապետարանում կայացավ նախագծի հանրային լսումը: «Սա հեքիաթ է»,- նկատեց քաղաքապետ Սամվել Բալասանյանը: «Հեքիաթները մեկ-մեկ իրականություն են դառնում»,- ասաց «Արմոն» ՍՊԸ տնօրեն Խաչատուր Սարգսյանն ու ներկայացրեց ծրագիրը:

Ինչո՞ւ Գյումրիում իրականացնել նման ծրագիր՝ Սարգսյանն ասաց՝ այս հարցին ունի 5 հիմնավորված և մեկ անձնական պատասխան:

Հիմնավորված պատասխաններից առաջինը մրցակցությունն է: «Դեռ խորհրդային տարիներին Երևանի եւ Լենինականի միջև եղել է մրցակցություն: Պատահական չէ, որ մեկը կոչվում է մայրաքաղաք, մյուսը՝ հայրաքաղաք: Վերջին 30 տարիներին դա չկա, բայց պոտենցիալը կա, իսկ եթե չկա մրցակցություն, չկա նաև զարգացում: Մեր առաջին խնդիրն է Գյումրին հանրապետությունում դարձնել մրցակցային: Երկրորդն ուղիղ կապ ունի կորոնավիրուսի հետ: Փոխվել են արժեքները: Ճոխությունից մարդիկ անցել են հարմարավետության՝ գնահատելով ժամանակը»,- ասաց Սարգսյանը:  

Զբոսաշրջության ռազմավարության փոփոխությունը 3-րդ պատասխանն է: Հաշվի առնելով Գյումրիի պոտենցիալն ու հնարավորությունները, անգամ այն պարագայում, եթե նկատի չունենանք օտարերկրյա զբոսաշրջիկներին՝ զուտ մեր հանրապետության 3 մլն բնակչությունը բավարար է ծրագրի աշխուժացման համար: Պատասխաններից մեկը վերաբերում էր աշխարհում այս պահին առկա ազատ գումարներին: Խաչատուր Սարգսյանն ասաց՝ աշխարհում այսօր մոտավոր հաշվարկով 10 տրիլիոն դոլար ազատ գումար կա, սակայն չկան գաղափարներ: Նման ծրագրերը հնարավորություն ունեն ֆինանսավորվելու և իրականանալու այս պարագայում:

Անձնական պատասխանը սպասելի էր շատերի համար: Խաչատուր Սարգսյանը ծննդով գյումրեցի է, ծնվել, մեծացել, ուսում է ստացել հենց Գյումրիում, սակայն տևական ժամանակ բացակայել է հանրապետությունից: Վերադարձը համարում է պարտք ծննդավայրին: «Գալիս է մի տարիք, երբ զգում ես, որ պարտք ունես այն վայրի նկատմամբ, որը քեզ տվել է հնարավորություն դառնալ այն, ինչը կաս այսօր»,- ասաց ընկերության տնօրենը:

Հայաստանում, առավել ևս՝ Գյումրիում, ծրագիրը խիստ ռիսկային է համարվում ֆինանսական առումով: Որպեսզի 10 տարում ընկերությունը կարողանա փակել իրականացրած ծախսը, ապա եթե մեկ անձի համար սահմանվի 100 դրամ, անհրաժեշտ կլինի, որ օրական այդ օդային երթուղուց օգտվի 400.000 մարդ: Սա, ըստ պատասխանատուի, անիրական է նույնիսկ Երևանի համար:

Ֆինանսական մուտքի հնարավորությունը ծրագրի պատասխանատուն տեսնում է ենթակառուցվածքների գործունեությամբ:

25 կմ օդային երթուղու կառուցման համար պահանջվում է 200 մլն դոլար: Օդային երթուղին կախովի տրամվայ է առանց պարանների: Վերևում լինելու են ռելսեր:

Երթուղին անցնելու է քաղաքի ծայրամասային թաղամասերով: Սա արվում է քաղաքի համաչափ զարգացումն ապահովելու նպատակով:

Կլինի 15 կայարան, որոնք կունենան հանգստի տաղավարներ, առեւտրի կենտորններ, որոնք իրար հետ կկապվեն օդային երթուղով:

Գետնից 6-10 մետր բարձրությամբ, մինչև 500 կմ/ժ արագությամբ թեթև շարժակազմով օդային տրանսպորտը միմյանց կկապի 50 մետրից մինչև 2 կմ հեռավորությամբ կայարաններ:

Մեկնարկը կտրվի օդանավակայանի «Թռիչք» պայմանական անունն ունեցող կայարանից, հաջորդը կլինի Մսի կոմբինատ թաղամասի «Վերածնունդ»-ը, հետո հերթը կհասնի Նորավան թաղամասի «Հավատք» և Կոմիտաս փողոցի «Տաղանդ» կայարաններին:

Սա լինելու է ոչ թե քաղաքային, այլ այլընտրանքային տրանսպորտ: Գյումրու բնակիչների համար այլ գին է սահմանվելու, զբոսաշրջիկների համար՝ այլ: Մշակված է հատուկ ներքին վճարային համակարգ: Գյումրեցին իր քարտային 100 դրամով ստանալու է 50 երթի հնարավորություն, Երևանի բնակիչը նույն 50 երթի համար կվճարի 500 կամ 1000 դրամ:

Նմանատիպ առաջին փոխադրամիջոցը կառուցվել է Լոնդոնում, 1895 թվականին: Գյումրիում այն կկառուցվի նորագույն տեխնոլոգիաների կիրառմամբ:

«Մենք արտոնությունների համար չենք դիմի, բայց եթե լինեն, չենք մերժի: 3 տարում ենք նախատեսել ավարտել համակարգը: Ունենք աշխատատեղերի մեծ սով: Մենք ոչ թե աշխատատեղ ենք բացում, որտեղ բանվորներն են աշխատելու, այլ աշխատելու են ռոբոտներ: Մեզ պետք են աշխատակիցներ, որոնք կկարողանան կառավարել այդ ռոբոտներին: Ամեն ինչ ավտոմատացված է: Նույն վագոնները չունեն վարորդներ, չկան հսկիչներ, իսկ Հայստանում մասնագետներ չկան, նորից միջոցներ ենք ներդնելու՝ նրանց պատրաստելու համար»,- ասաց Խաչատուր Սարգսյանը:

Տպել
5659 դիտում

IDBank -ում համավարակի ընթացքում աշխատանքն ընթանում է ամբողջ թափով

Վիվա-ՄՏՍ-ն ավելացնում է սպասարկման կենտրոնների թիվը

ԳեոՊրոՄայնինգ Գոլդ ընկերությունը շնորհավորում է երկաթուղային գործընկերներին մասնագիտական տոնի կապակցությամբ

Յունիբանկի դոլարային պարտատոմսերը ցուցակվել են Մոսկվայի բորսայում

Վիվա-ՄՏՍ. անվճար զանգի հնարավորություն՝ ընկերությունների հաճախորդների համար

ՎՏԲ-Հայաստան Բանկը Renault Armenia-ի հետ համատեղ առաջարկում են ավտովարկավորման ամենաշահավետ պայմանները շուկայում

Այգեպարում վերսկսվել է կիսակառույց տան շինարարությունը

Արտագնա աշխատանքի հնարավորությունից զրկված քանի հոգի է դիմել Հայաստանում աշխատելու համար. մարզերում թվերը շատ տարբեր են

Կորոնավարակը, աշխարհն ու մենք

Տավուշի և Լոռու հանգստյան տներից մի քանիսի սննդի օբյեկտներում խախտումներ են գրանցվել, բայց կա դրական առաջընթաց

Տրանսֆերային գնագոյացման կարգավորումները տարածվում են շահութահարկի, ԱԱՀ-ի եւ ռոյալթիի նկատմամբ․ Ավետիսյան

Երևանի Կենտրոն վարչական շրջանում ՔՏՀԱՏՄ-ի կողմից խախտումներ չեն հայտնաբերվել

Մտահոգիչ խախտումներ՝ Ծաղկաձորի խոշոր հյուրանոցներում․ ՍԱՏՄ-ն կրկին կասեցման միջնորդություններ կներկայացնի

Որքան աշխատավարձ կստանան նոր պարեկային ծառայության պարեկները․ ոստիկանությունը քննարկման է դրել սահմանաչափերը

Խախտումներ են արձանագրվել Սպիտակի բենզալցակայաններում ու շինանյութի առևտրի կետերում. ՇՎՏՄ մշտադիտարկումներ

Վ. Սարգսյանի անվան ռազմական համալսարանում հանդիսավորությամբ բացվեց Սբ. Մեսրոպ Մաշտոց եկեղեցին (լուսանկարներ)

«Մեգա Տեխնիկս»-ի պահեստում խոշոր հրդեհ է բռնկվել. հայտարարվել է «1-ԲԻՍ» կանչ, տեղում է եղել նախարարը (լուսանկարներ)

Արկը դեռ երկնքում էր, բայց տեղի բնակիչների տրամադրությունները բարձր էր, հումորներ էին անում․ Ղուկասյան

Հետազոտության մտնել լողացած եւ մաքուր շորերով. կրել դիմակներ՝ ինչպես օրինակում (լուսանկարներ)

Արդեն երկրորդ օրն անընդմեջ դիտարկվում են ՀՀ Կոտայքի մարզի զբոսաշրջային վայրերն ու բացօթյա հանգստի գոտիները