Ես ՀՀ-ի եւ Ղարաբաղի նախագահն եմ, եւ ամենից մեծ զսպող հանգամանքը հենց սա է. Ռոբերտ Քոչարյան

Երեւանի ընդհանուր իրավասության դատարանի Շենգավիթի նստավայրում Ռոբերտ Քոչարյանի խափանման միջոցը փոխելու քննարկման ավարտին Քոչարյանը եզրափակիչ ելույթ ունեցավ՝ ասելով, որ ստիպված է արձագանքել որոշ հայտարարությունների.

«Ինձ փորձեցին մեղադրել, որ նույնիսկ կալանավորված վիճակում ես սենյակից դուրս եմ հանում ՔԿՀ աշխատակցի, սա այն նույն դեպքն է, երբ չհասկանալով մեղադրանքներ են հնչեցնում: Ես երբեք սրա մասին չէի խոսի, բայց ստիպված եմ. այո, այդպիսի դեպք եղել է, բայց ես պարզաբանեմ, թե ոնց է եղել. ես բժիշկների հետ նստած քննարկում էի, թե վիրահատությունը ինչպես պետք է արվի, եւ ՔԿՀ-ի մի բարձրաստիճան սպա նստել, ասում է՝ ես էլ եմ մասնակցում: Հարցնում եմ՝ Դուք բժի՞շկ եք, ասում է՝ ոչ, հարցնում եմ՝ որպես ո՞վ եք մասնակցում, ասում է՝ չէ, ես պիտի մասնակցեմ, ես հրաման ունեմ այստեղ լինելու, ասում եմ՝ զանգեք ՄԻՊ-ին, ասում է՝ չեմ զանգում, վերջը այլ ելք չկար, ես կանգնեցի, ասացի, որ հրաժարվում եմ այս բուժումից, ինձ տարեք ՔԿՀ, որովհետեւ Դուք իրավունք չունեք ներկա լինել այս խոսակցությանը»: Ըստ Քոչարյանի՝ իր այդ հայտարարությունից հետո ՔԿՀ աշխատակիցը դուրս եկավ, զանգեց իր պետին, պետը՝ պետին, մյուսը՝ մյուսին, եւ ի վերջո ասացին, որ հասկացան, որ այդ քննարկմանը չեն մասնակցի. «Եւ դրանից հետո ես պնդում էի, որ որեւէ հանդիպում բժշկի հետ ուրիշ մեկի ներկայությամբ չլիներ, իմ իրավունքներն էին ոտնահարվում շատ կոպիտ, գռեհիկ ձեւով, եւ ես ուղղակի հասել եմ նրան, որ դրանք պաշտպանել եմ, թեպետ դա պետք է աներ Դատախազությունը, ոչ թե ես»:

Ռոբերտ Քոչարյանի խոսքով՝ փորձ արվեց վարկաբեկել իր երաշխավորներին՝ տալով ինչ-որ մեկի անունը, որին ինքը անգամ չի ճանաչում. «Պատկերացրեք՝ 10-15 րոպե խոսում են ինչ-որ մեկի մասին, որ ես անգամ չգիտեմ, թե ով է, ինչ-որ մի դեղին մամուլից տպած հոդված բերում, ներկայացնում են հիմք եւ փորձում վարկաբեկել մի մարդու, որը տասը տարի եղել է Ղարաբաղի վարչապետ, այս աստիճանի ցինիզմի հասնել ուղղակի չի կարելի, միայն նրա համար, որ ինձ վնաս հասցնեն, փորձում են վարկաբեկել մարդկանց, ովքեր մեծ ավանդ ունեն ՀՀ կառուցման գործում, նման վարքագիծ իմ պատկերացման մեջ չի տեղավորվում»:

Անդրադառնալով երաշխավորների վերաբերյալ հակառակորդ կողմի արած արտահայտություններին՝ Քոչարյանն ասաց. «Ասում են, թե երաշխավորները կարող են ազդել-չեն կարող ազդել, պարոն Ալումյանը նշեց, որ երաշխավորության ինստիտուտը դրա համար չէ, որ ինչ-որ մեկը փայտը ձեռքին թույլ տա կամ չէ, բացի այն հեղինակությունից, որ ունեն այդ մարդիկ, ես կավելացնեի այն, որ ես ՀՀ եւ Ղարաբաղի նախագահն եմ, եւ ամենից մեծ զսպող հանգամանքը հենց սա է, որ ինձ՝ Արցախի հերոսիս եւ երկու հանրապետությունների նախագահիս երաշխավորում են մարդիկ, եւ հանկարծ ես մի քայլ եմ անում, որը իմ հեղինակությունը զրոյի է իջեցնում»:

Քոչարյանն ասաց, որ ցավալի է, որ մեր դատախազները չեն հասկանում, որ ամենազսպող հանգամանքը հենց դա է. «Քեզ համար երաշխավորություն են ներկայացնում, եւ դու խաչ ես քաշում քո կենսագրության վրա, այն հանգամանքի վրա, որ ճանապարհ ես անցել, առաջին դեմք ես եղել, եւ այդ պատճառով դու պիտի կորցնես քո բոլոր ընկերներին, միայն երաշխավորների հարցը չէ, առաջին հերթին քո հարցն է. կոպիտ ասած՝ դու նրանց «подставка» անո՞ղ մարդ ես, թե՞ դու այն մարդն ես, որ խոսք ես տալիս եւ խոսքիդ տեր կանգնում, նույնիսկ իմ պարագայում իմ կենսագրությունը հաշվի առնելով, տիկին Դանիբեկյան, ես սպասում եմ, որ Դուք ինձ պիտի հարցնեք՝ Դուք խո՞սք եք տալիս, որ նման երեւույթներ չեն լինի, եւ եթե ես ասեմ՝ այո, Դուք հանգիստ կարող եք որոշում կայացնել առանց որեւէ երաշխավորագրի, առանց գրավի՝ վստահ լինելով, որ ես հրապարակային տված խոսքս երբեք չեմ խախտի»,- եզրափակեց Քոչարյանը:

Նրա ելույթից հետո դատարանը հեռացավ խորհրդակցական սենյակ՝ որոշում կայացնելու: Այն կհրապարակվի մայիսի 13-ին՝ ժամը 17:50-ին:

Տպել
2629 դիտում

Թուրքական օդուժը Իրաքի հյուսիսում թիրախավորել է բնակավայրեր. կա 2 զոհ

Հրետանավորներն անցկացրել են մասնագիտական պարապմունքներ. ՊՆ

Թրամփն ու ընտանիքը տեղափոխվել է ստորգետնյա բունկեր. ԱՄՆ-ում ցույցերի հետեւանքով 20 զոհ, 4 000 բերման ենթարկված կա

Հաշմանդամություն ունեցող երեխային պետք է սովորեցնել ինքնուրույն կյանք վարելու հմտություններ. ՄԻՊ (լուսանկարներ)

13-ամյա Նազելիի խնամակալությունը կստանձնի Գյումրիում ապրող հորաքույրը. կապրեն այլ հասցեում

Սահմանամերձ Բարեկամավանի միակ շրջանավարտի ավարտական երեկոն․ մի կողմից հակառակորդի հետ սահման, մյուսից՝ անտեսանելի թշնամի

Ամենահաճախակի խախտումները՝ գեղեցկության սրահներում, դեղատներում եւ ստոմատոլոգիական կենտրոններում․ ԱԱՏՄ

Սահմանադրական փոփոխությունների մասին քվեարկությունը ՌԴ-ում կանցկացվի հուլիսի 1-ին

Ակնկալվում է մի քանի անգամ մեծացնել Հայաստան ներմուծվող գազի և Իրան ներմուծվող էլեկտրաէներգիայի ծավալները

Լացող փոքրիկներ, մարզերից եկած հուսախաբ երեխաներ. հունիսի մեկն առանց ատրակցիոնների առաջվանը չէր

ՄԻԵԴ-ի պատասխանից առնվազն պետք է մտահոգվեն այն մարդիկ, որոնք ուղղել են հարցերը․ Վլադիմիր Վարդանյան

Եվրոպայում ֆուտբոլասերներին աստիճանաբար վերադարձնում են խաղադաշտ

ՍԱՏՄ-ն Կենտրոն վարչական շրջանում կասեցրել է կրկնակի խախտում կատարած երկու հանրային սննդի օբյեկտների աշխատանքը 48 ժամով

Օդային հաղորդակցության վերաբացումը կթույլատրվի հուլիսի կեսից. քննարկումն ու ժամկետը նախնական է

22-ամյա երիտասարդը աղջկա մերկ լուսանկարները չտարածելու դիմաց 3 միլիոն դրամ էր պահանջել. երիտասարդը ձերբակալվել է

Վարչապետին ծննդյան օրվա առթիվ շնորհավորական ուղերձ է հղել Ղազախստանի նախագահը

Վաղը հայկական արտադրության թեստերի առաջին խմբաքանակը՝ 350 հատ, կհանձնվի ՀՎԿԱԿ-ին. Տիգրան Ավինյան

Սահմանին գազի ներկա գնի պահպանման պարագայում, կարծում եմ, ՀԾԿՀ-ի հաշվարկները ողջամիտ են․ փոխվարչապետ

Ռեանիմացիոն եւ ինտենսիվ թերապիայի մահճակալային ֆոնդը կհամալրվի մոտ 120 մահճակալով

Տեղից չի շարժվել «Հարսնաքար»-ի սպանության գործը, ինչը դրա հեղինակներին դրդել է նորանոր հանցագործությունների․Բաբաջանյան