Մեքենաներով եկել են, կանգնել այդ հատվածում, եւ սկսվել է փոխհրաձգությունը. մարզպետը՝ Գավառի դեպքերի մասին

Երեկ Գավառի բժշկական կենտրոնում տեղի ունեցած հարձակման հետեւանքով տուժած բուժաշխատողներ չկան, միջադեպի հետեւանքով ոստիկաններն են որոշակի քերծվածքներ ստացել, լուրջ վնասվածքներ չեն:

Այս մասին «Հայկական ժամանակ»-ի հետ զրույցում ասաց Գեղարքունիքի մարզպետ Գնել Սանոսյանը՝ նշելով, որ հիվանդանոցն է կրել գույքային վնասներ. «Հիվանդանոցում ջարդված են բավականին շատ պատուհաններ, դռներ, պատերի այնպիսի հատվածներ, որտեղ գիպսակարդոն է, հիվանդասենյակներում գույք է կոտրված, բժշկական սարքավորումների վնաս չի եղել»:

Գնել Սանոսյանի խոսքով՝ կատարվածը կապ չունի Նորատուսի եւ Գավառի միջեւ տեւական ժամանակ շարունակվող թշնամանքի հետ, սա մոտ 20 օր առաջ երկու երիտասարդների միջեւ տեղի ունեցած վեճի շարունակությունն է. «Հիմնական վարկածը այն է, որ օրեր առաջ երիտասարդներ են իրար հետ վիճել, ծեծկռտուք է տեղի ունեցել, որը, ավելի խորանալով, հանգեցրել է հրաձգության, կենցաղային վեճ է եղել, ինչքան հասկացա, առանձնապես լուրջ բան չի եղել, ուղղակի երիտասարդներ են՝ 18-20 տարեկան, իրենց վեճն է այսպես վերաճել»:

Ըստ մարզպետի՝ դեպքի օրը երկու կողմերի մեքենաները, որոնք մոտ 5-6-ն էին, իրար հետեւից նույն ուղղությամբ եկել են Ազատության փողոց, այդ հատվածում կանգնել, դուրս եկել մեքենաներից, եւ սկսվել է փոխհրաձգությունը. դրա հետեւանքով էլ զոհվել է 2 հոգի, վիրավորվել՝ 5-ը, վնասվել են նաեւ մեքենաները: Զոհվածներից մեկը, ինչպես հայտնել ենք, Գավառի բնակիչ, ռազմական քննիչ Զոհրաբ Պարոնիկյանն է, մյուսը՝ Նորատուսի բնակիչ Վահե Ավետիսյանը, որը, ըստ շրջանառվող տեղեկությունների, Պարոնիկյանի հետ ազգակցական կապ ունի: Ինչ վերաբերում է վիրավորներին, նրանք ընդհանուր առմամբ 5-ն են, եւ, ըստ մարզպետի, բոլորն էլ տեղափոխվել են Երեւան. Գավառի հիվանդանոցում տվյալ դեպքին առնչվող որեւէ վիրավոր էլ չկա. «Վնասվածքները հիմնականում հրազենային են, երկուսի պարագայում նաեւ դանակահարության հետեւանքով առաջացած վնասվածքներ կան, ընդհանուր առմամբ բավականին ծանր վիճակում գտնվող վիրավորներ ունենք, տարիքները հստակ չգիտեմ, բայց տարբեր են. երիտասարդ էլ կա՝ սկսած 18-ից, 30, 30-ից ավելի»:

Երկուսը, որի մասին նշեց, մարզպետը, ի սկզբանե Ազատության փողոցում վիրավորում ստացած եւ հիվանդանոց տեղափոխվածներն են, որոնց հետեւից էլ ավելի ուշ եկել են մյուս կողմի հարազատները՝ հաշվեհարդար տեսնելու. «Պատճառը, թե ինչպես է այդքան արագ այդքան շատ մարդ հավաքվել հիվանդանոցի մոտ, այն է, որ թե՛ մահացածների, թե՛ վիրավորների մեջ ե՛ւ Գավառից, ե՛ւ Նորատուսից բնակիչներ են. երկու կողմից էլ արագ հավաքվել են, եւ այդ պահին ոստիկանական ուժերը փոքրաթիվ են եղել, այդ պատճառով են կարողացել ներխուժել հիվանդանոց, իհարկե, պրոցեսի մեջ ոստիկաններն անընդհատ ավելացան, եւ հիմա ամբողջ վերահսկողությունը շատ լավ կատարվում է»:

Գնել Սանոսյանի խոսքով՝ հիվանդանոց ներխուժելով՝ դանակի հարվածներ են հասցրել երկու հոգու, որոնց առաջին բուժօգնություն ցուցաբերելուց հետո տեղափոխել են Երեւան: Հարցին՝ նրանք ինքնակա՞մ են հեռացել դեպքի վայրից, թե՞ ոստիկանների գործողությունների արդյունքում, Սանոսյանը պատասխանեց. «Ե՛ւ նա, ե՛ւ նա. մի կողմից գտնելով վիրավորներին եւ նրանց այնտեղ նորից վնասելով՝ հավանաբար հոգեբանորեն հանգստացել են, մյուս կողմից ոստիկանների, բուժաշխատողների, մարզպետարանի աշխատակիցների աշխատանքի արդյունքում է, որ դուրս են եկել հիվանդանոցից»: Նշենք, որ հիվանդանոցի տարածքը տեսանկարահանվում է, եւ, ըստ մարզպետի, դեպքերի հիմնական մասը ֆիքսված է. «Դրանք տրամադրվել են իրավապահներին, նրանք աշխատում են այդ տեսաձայնագրությունների հիման վրա»:

Սանոսյանը տեղեկացրեց, որ մարզում իրավիճակը հիմա բավականին կայուն է, Ոստիկանության մեծաթիվ ուժեր են կենտրոնացած ե՛ւ Գավառում, ե՛ւ Նորատուսում. «Ոստիկանության աչալուրջ աշխատանքի արդյունքում այժմ իրավիճակը վերահսկելի է, ըստ իրավական ցուցումների՝ աշխատանքներ են տարվում, ինչպես գիտեք, կան բաժին տեղափոխվածներ, ձերբակալվածներ, գործընթացը անընդհատ պրոցեսի մեջ է»: Թե կոնկրետ ովքեր են ձերբակալվածները, որ կողմից, Սանոսյանը չգիտեր, ասաց՝ անձնական տվյալների չի տիրապետում: Ինչ վերաբերում է մամուլի այն հրապարակումներին, թե գիշերը հարձակում է եղել Նորատուսի բնակիչների տների վրա, մարզպետն ասաց, որ, իր ունեցած տեղեկություններով, վեճի հետ կապված շարունակություն գիշերը չի եղել. «Հավանաբար նկատի են ունեցել այն, որ Ոստիկանությունը գիշերը Նորատուսի բնակիչների է բերման ենթարկել: Իրավապահ համակարգը ձեռնարկում է բոլոր հնարավոր միջոցները, որպեսզի կատարվածը ոչ միայն շարունակություն չունենա, այլ նաեւ դեպքով անցնող անձանց հայտնաբերի եւ ըստ իրենց արարքների՝ պատժի»,- եզրափակեց Սանոսյանը:

Հիշեցնենք՝ երեկ Գավառի Ազատության պողոտայում հնչել էին կրակոցներ, ինչի հետեւանքով սպանվել էր 2, վիրավորվել՝ 4 հոգի: Վիրավորներից 2-ը տեղափոխվել էին Գավառի, 2-ը՝ Երեւանի հիվանդանոցներ: Դրանից հետո, սակայն, իրավիճակը չէր հանդարտվել, եւ մարզի բնակիչները, մարզպետի խոսքով՝ մոտ 500 հոգի, հավաքվել էին հիվանդանոցի տարածքում, վնասել հիվանդանոցը, ներխուժել տարբեր մուտքերից:

Ոստիկանության պաշտոնական հաղորդագրության համաձայն՝ կատարվածի առթիվ հարուցվել է քրեական գործ, եւ ինչպես կրակոցներով, այնպես էլ դրան հաջորդած դեպքերով կան բերման ենթարկվածներ: Լրացուցիչ տեղեկատվություն է տրամադրել նաեւ Քննչական կոմիտեն՝ նշելով, որ արյունոտ իրադարձությունների արդյունքում հարուցվել են 3 տարբեր քրեական գործեր, որոնք միացվել են եւ քննվելու են մեկ վարույթում՝ ՔԿ-ի հատկապես կարեւոր գործերով քննության գլխավոր և Գեղարքունիքի մարզային քննչական վարչության քննիչներից կազմված քննչական խմբի կողմից: Մասնավորապես, քրեական գործեր են հարուցվել սպանության, սպանության փորձի, ապօրինի զենք-զինամթերքի, գույքը դիտավորությամբ վնասելու կամ ոչնչացնելու եւ զանգվածային անկարգությունների փաստերի առթիվ: Զանգվածային անկարգություններին մասնակցելու կասկածանքով այս պահին հայտնի է 5 ձերբակալվածի մասին: 

Քննչական կոմիտեի ամբողջական հաղորդագրությունը՝ այստեղ:

Տպել
2488 դիտում

Շնորհակալություն, որ անաչառ եք. Շիրակի մարզպետն ամփոփեց աշխատանքային 100 օրը

Արբեջանական զինվորականների ներկայությունը Սև լճի տարածքում կոպտորեն խախտում է ՀՀ սահմանային բնակիչների իրավունքները․ ՄԻՊ

ВАЗ 2107 մակնիշի ավտոմեքենան մխրճվել է ՊՆ-ին պատկանող բեռնատարի մեջ․ կան վիրավորներ․ Shamshyan

Գազայում ավերվել է 16-հարկանի երկնաքերը. պաղեստինա-իսրայելական հրթիռակոծությունները չեն դադարում (տեսանյութ, լուսանկար)

Նիկոլ Փաշինյանի գլխավորությամբ տեղի է ունենում Անվտանգության խորհրդի նիստ

Տավուշում հանգիստ է․ Ստյոպա Սաֆարյանը գտնվել է «թուրքի պոստից» 300-500 մետր հեռավորության վրա

Ոսկեպար-Բաղանիս-Ոսկեվան սահմանային հատվածում կրակահերթեր տեղի չեն ունեցել. Info chechk

Դուք վստա՞հ եք, որ վառելիք չկար. եթե «Երեւանի ավտոբուս» ՓԲԸ-ն պարտքը չտա, «ՍԻՓԻԷՍ ՕԻԼ» ՍՊԸ-ն կդիմի դատարան

Սյունիքի մարզպետարանը հորդորում է մարզպետին չվերագրել խոսքեր, որոնք իրականում նա չի ասել

Հայտնի են Չեմպիոնների լիգայի և Եվրոպայի լիգայի եզրափակիչների մրցավարական կազմերը

Նիկոլ Փաշինյանը դատապարտելի է համարել Ադրբեջանի կողմից եռակողմ հայտարարությունների խախտման փորձերը

Սերգեյ Շոյգուն բանակցություններ է վարել Հայաստանի պաշտպանության նախարարի հետ

Երկրորդ զորամիավորումում մեկնարկել են հրամանատարաշտաբային զորավարժություններ

Աչքերս փակ, թե բաց, միշտ բարի լույս եմ ասելու իմ քաղաքին. Գյումրին հրաժեշտ տվեց Հասմիկ Կիրակոսյանին (լուսանկարներ)

Ադրբեջանցիների կողմից մեր ջուրը թունավորելու մասին լուրերը կեղծ են. Սիսիանի ԲԿ տնօրենը՝ վարակի հարյուրավոր դեպքերի մասին

ՄԻԵԴ Մեծ պալատը կքննի Հայաստանի և Ադրբեջանի փոխադարձ բողոքները

Ծանրամարտի երիտասարդների աշխարհի առաջնությունում Հայաստանի 7 ներկայացուցիչ հանդես կգա

Արարատ Միրզոյանի գլխավորած պատվիրակությունը հանդիպել է Լիտվայի վարչապետ Ինգրիդա Շիմոնիտեին

Կառավարությունը ԱԱԾ-ին Կապանում եւ Գորիսում հողամասեր կհատկացնի պաշտպանության ամրապնդման համար

Քիչ առաջ եմ իջել Սեւ լճից. ադրբեջանցիները մտածված եկել, սահմանը խախտել են, հիմա պիտի գնան իրենց տեղերը. Սյունիքի մարզպետ

«Ձեր ներկայությունը մեզ ուժ է տալիս». քաղաքապետը Աղվան Չատինյանին հանձնել է Երևանի պատվավոր քաղաքացու կոչումը

Հայաստանի և Վրաստանի ԱԳ նախարարներն անդրադարձել են տարածաշրջանային անվտանգության և փոխկապակցվածության հարցերի

«Դոն Պիպոյի» թիկնապահի սպանության գործով խուզարկություն Այգեշատի գյուղապետի տանը, հայտնաբերվել է թմրանյութ.shamshyan.com

Ժողովուրդը պետք է հստակ ասի «ոչ» բոլոր ժամանակներում երկիրը ապականած և ապագան վիժեցրած ուժերին․ Նորայր Նորիկյան

5-րդ զորամիավորումում հայտարարվել է ուսումնական տագնապ․ ՊՆ

Քաղաքական հայտ ներկայացրած բանդան պետության ներսում կազմակերպված մեդիաօպերացիա է իրականացնում ժողովրդի դեմ. Հովհաննիսյան

Առաջարկվում է աշխատողին արձակուրդ տրամադրել նաեւ մինչեւ վեց ամիս լրանալը, արձակուրդ չտրամադրելու դեպքում տուժանք վճարել

Տիգրան Ուրիխանյանը և Արա Աբրահամյանն այսօր հուշագիր կստորագրեն․ Աբրահամյանը «Ալյանս» կուսակցության ցուցակո՞ւմ կլինի

Վրաստանի վարչապետ Իրակլի Ղարիբաշվիլին Տիգրան Ավինյանի հետ այցելել է Ծիծեռնակաբերդ

ԶՈՒ ԳՇ պատվիրակությունը Մոսկվայում մասնակցել է զորավարժության նախապատրաստման բանակցություններին

Կենտրոն վարչական շրջանը ղեկավար չունի. թաղապետին փոխարինողը ձերբակալված է, իսկ թաղապետն արձակուրդից չի վերադառնում

Մեղրաձոր համայնքի նախկին ղեկավարը չարաշահել է պաշտոնեական դիրքը․ քրեական գործն ուղարկվել դատարան

Առկա ամբողջ արտադրանքը կարտահանվի ԱՄՆ. Վահան Քերոբյանն այցելել է չրագործական ընկերություն և պիստակի այգի

Հայաստանի հետ սահմանին ադրբեջանցի է պայթել ականի վրա

Հայ-վրացական գործընկերությունը մեր տարածաշրջանում կայունության ապահովման կարևորագույն երաշխիքներից է. Նիկոլ Փաշինյան

«Իրազեկ քաղաքացիների միավորումը» ներկայացնում է նոր նախագիծ՝ Reforms.am կայքը

Արա Այվազյանն իր ռուս գործընկերոջը տեղեկացրել է Հայաստանի պետական սահմանին տեղի ունեցած վերջին միջադեպի մասին

Պետք է աջակցենք իրար մեր պետությունների զարգացումն ապահովելու գործում. Փաշինյանի և Ղարիբաշվիլիի առանձնազրույցը

«Քաղաքացիական պայմանագիր» կուսակցության Շիրակի մարզային շտաբը կղեկավարի Շիրակի մարզպետը. ի՞նչ պահանջներ են առաջադրված

Առաջիկա ընտրությունների հետ կապված գլխավոր դատախազությունում ձևավորվել է աշխատանքային խումբ․ կղեկավարի գլխավոր դատախազը