Մենք չենք ուզում նորից հասնել այն կետին, որ դանակահարություններ ու սպանություններ լինեն փողի համար․ ԿԲ նախագահի թեկնածու

Իրականում մարդիկ, որոնք վերցնում են ոչ հարմար պայամաններով վարկեր, ի սկզբանե գիտեն, որ դա լինելու է շատ բարձր տոկոսով վատ վարկ։ Այս մասին այսօր ԱԺ-ում ասաց Կենտրոնական բանկի նախագահի թեկնածու Մարտին Գալստյանը։ Նա հավելեց, որ, այնուամենայնիվ, մարդիկ, այդ ամենը գիտակցելով, գնում են այդ քայլին։ «Ցանկացած վարկային կազմակերպության կայքէջը բացելիս առաջին հաղորդագրությունը, որ գալիս է, այն է, որ դուք վերցնում եք շատ վատ պայմաններով, շատ ծանր վարկ, խնդրում ենք գիտակցեք, որ դուք պիտի վճարեք, ու մարդիկ շարունակում են գնալ այդ ճանապարհով»,- ասաց թեկնածուն։ Ըստ նրա՝ այդտեղ կա երկակի լուծում․ մեկը՝ օրենսդրությամբ որոշակի սահմանափակումներ դնել այդ դաշտում, երկրորդին գալ հասնելն էլ, թեկնածուի խոսքով, իր երազանքն է։ Դա այն կետն է, որտեղ մարդը գիտակցված է գնում այդ քայլին՝ ունենալով բավարար ֆինանսական միջոցներ իր պարտավորությունները նորմալ կերպով սպասարկելու համար։

«Իմ քայլը» խմբակցության պատգամավոր Սիսակ Գաբրիելյանն էլ նկատեց, որ ծխախոտի վրա էլ է գրված՝ ծխելը վնասակար է առողջությանը, բայց մարդիկ շարունակում են դա գնել եւ օգտագործել։ Նրա խոսքով՝ հենց դրա համար էլ որոշակի գործիքակազմով պետք է կարողանալ կանխել ծխախոտի օգտագործումը։

Գաբրիելյանը շեշտեց, որ այդ մարդիկ մեծ մասամբ կարիք ունեն այդ գումարի եւ ուզած-չուզած վերցնում են այդ վարկը։ «Մեր անելիքն այստեղ ո՞րն է, որ, օրինակ, զսպենք որոշակի վարկային կազմակերպությունների ախորժակը»,- առաջարկեց պատգամավորը։

Գալստյանը պատասխանեց, որ նրանք էլ են նման օրենսդրական նախաձեռնության ջատագովը։ «Պետք է ֆինանսական կազմակերպություններն ի սկզբանե վարկը տրամադրելիս գնահատեն՝ մարդն ի վիճակի է վճարն իրականացնել, թե ոչ։ Այդ կերպ սահմանափակելուն, բնականաբար, կողմ ենք»,- ասաց նա։ Տոկոսները վերեւից սահմանափակելու վերաբերյալ կան մի քիչ մտավախություններ, եւ, թեկնածուի խոսքով, դա կապված է գործիքի ոչ շուկայական լինելու փաստի հետ։

«10 հազար դրամ վերցնում են, հետո ամսական 2000 դրամ պիտի տոկոս վճարեն, եւ դա հսկայական թիվ է ստացվում, բայց այդ պահին, օրինակ, այդ մարդն ունի 10 հազար դրամի կարիքը եւ պատրաստ է վճարել 2000 դրամ տոկոս դրա համար»,- ասաց Գալստյանը՝ ընդգծելով, որ ֆինանսական կազմակերպությունները որոշակիորեն հասանելիություն են ապահովում։

«Եթե մենք այդ հնարավորությունից մարդկանց զրկենք, մարդիկ հայտնվելու են ինչ-որ խմբերի կամ մարդկնանց ճիրաններում, որը շատ ավելի վատ է, եւ մենք այդ կետից ենք սկսել, որ հասել ենք այս կետին։ Մենք չենք ուզում նորից հետ գնալ այդ կետին, որ դանակահարություններ ու սպանություններ լինեն փողի համար»,- եզրափակեց Գալստյանը։

Տպել
808 դիտում

Նորք-Մարաշ եւ Նուբարաշեն վարչական շրջաններում դիտարկված 36 տնտեսվարողից 21-ի մոտ ԱԱՏՄ-ն խախտումներ է արձանագրել

Երկրորդ զորամիավորումում հայտարարվել է ուսումնական տագնապ

Արտաքին տուրիզմի մասին խոսելը վաղ է, բայց ներքին տուրիզմի հնարավորությունների հետ պետք է հաշվի նստենք. Տիգրան Պետրոսյան

ՄԻԵԴ-ի վճիռը կարևոր նշանակություն կունենա էթնիկական ատելության հիմքով հանցագործությունների կանխման համար․ Արման Թաթոյան

Ճանապարհաշինություն, մշակույթի տան հիմնանորոգում ու ոչ միայն. Լոռիում եւս 10 սուբվենցիոն ծրագիր է հաստատվել

«Կացնով մարդասպանը», հունգարական անմեղությունն ու արդարությունը՝ 16 տարի անց. միջազգային անդրադարձը՝ ՄԻԵԴ վճռին

Ոստիկանները գրպանահատության հերթական դեպքն են բացահայտել. բերման է ենթարկվել 42-ամյա տղամարդ

Աշխարհը դարձավ անհոտ ու անհամ, աննկարագրելի թույլ էի․ պատմում է COVID-19-ը հաղթահարած լրագրողը

Հրազդանի ոստիկաններն ապօրինի թմրաշրջանառության դեպք են բացահայտել. բերման է ենթարկվել 58-ամյա տղամարդ (տեսանյութ)

Մեկնարկել է «Պատերազմի պայթյունավտանգ մնացորդների և Ականների ռիսկի կրթական ծրագիրը»

Գո՞հ չեք, մենք գոհ ենք․ վարչապետը՝ տրանսպորտի ոլորտում իրանացվելիք նոր ծրագրի մասին

Վախեցնում ես մեզ, որ ի՞նչ անես. մենք վաղուց ավարտել ենք. Սերգեյ Բագրատյանը՝ Նազելի Բաղդասարյանին

Գյումրու պոլիկլինիկաները ստացել են համապատասխան պարագաներ և ցուցումներ. կորոնավիրուսի դրական դեպքերը հսկվում են տանը

2 անչափահաս երեխա, ամուսինն էլ՝ սահմանին. բուժքույրը հերթափոխով աշխատել չի կարող, տնօրենն էլ ասում է՝ պայմանը միայն դա է

Սիրուշոն տեսակապով խոսել է «Թղթե տունը» սերիալի երգչուհու հետ. վերջինս խոստովանել է, որ նոր եթերաշրջան է լինելու

Խախտման մասին արձանագրությունը կներկայացվի պարետատուն. ՍԱՏՄ

«Սրանից հետո դուք եք հերքելու ամեն ինչ. դե, գնացեք հերքեք, տեսնեմ՝ ոնց եք հերքում». Նիկոլ Փաշինյանը՝ ԼՀԿ պատգամավորին

Ունենք կորոնավիրուսի 2 օջախ․ մեկը տուն-ինտերնատն է, մյուսը՝ մանկատունը․ Արսեն Թորոսյան

ԱՆ-ն ձեռք է բերել 500 մատնային պուլսօքսիմետր. դրանք արդեն իսկ բաշխվել են մարզերի եւ Երեւանի հիվանդանոցներին

Իսպանիայում ֆուտբոլասերները գուցե կարողանան մարզադաշտ գնալ հաջորդ մրցաշրջանում