«Հնչել է մեկ կրակոց, կասկածներ չունեմ». Հովհաննես Ազոյանը՝ գիշերը իր բնակարանի վրա կրակոցի մասին

Այս գիշեր՝ ժամը 01:25-ի սահմաններում, կրակոց է հնչել դերասան Հովհաննես Ազոյանի բնակարանի պատուհանի ուղղությամբ:

«Հայկական ժամանակ»-ի հետ զրույցում Ազոյանը պատմեց, որ կրակոցի ձայնը չեն լսել, լսել են պատուհանի կոտրվելու ձայնը, երբ հայտնաբերել են, որ պատուհանը ծակ է, ահազանգել են ոստիկանություն: Ազոյանի խոսքով՝ հնչել է մեկ կրակոց, վնասվել է միայն պատուհանը, տուժածներ, բարեբախտաբար, չկան:

Դեպքի պահին դերասանը տանն է եղել իր ծնողների հետ, հարեւանները որեւէ բան լսել են, թե ոչ, դժվարացավ ասել, նշեց՝ քննությունը կպարզի. «Ահազանգել եմ ոստիկանություն, արդեն բացատրություն եմ տվել, տեղում զննել են, գործողությունները կատարվել են, պարզապես պետք է ասեմ, որ ոստիկանները եկել են առանց որեւէ դիմակի, առանց սոցիալական հեռավորություն պահելու, այսինքն՝ կորոնավիրուս Հայաստանում չկա, թող պարետն էլ իմանա, որ ոստիկանությունն աշխատում է առանց ձեռնոցի, առանց դիմակի, մինչդեռ տանը կան մեծահասակ ծնողներ»: Դերասանի խոսքով՝ ոստիկանները եղել են մոտ 10-15 հոգի, եւ երբ ինքը հարցրել է, թե ինչու են առանց պաշտպանիչ միջոցների, պատասխանել են, որ չեն հասցրել վերցնել կամ չկար. «Եթե ոստիկանությունը մեզ փողոցում կանգնեցնում է եւ պահանջում, որ մենք ունենանք անցագիր եւ պահպանենք պարետի կանոնները, ապա հենց իրենք չեն կատարում»:

Մեր հարցին՝ կրակոցը որեւէ բանի հետ կապո՞ւմ է, որեւէ մեկին կասկածո՞ւմ է, Ազոյանը պատասխանեց. «Ո՛չ, կասկածներ չունեմ»: Հարցին՝ հնարավոր չի՞ համարում, որ կարող է կապված լինել ամիսներ առաջ իր վրա տեղի ունեցած հարձակման հետ, Ազոյանը պատասխանեց. «Դժվարանում եմ ասել, չեմ կապում»:

ՀՀ ոստիկանության հասարակայնության հետ կապի եւ լրատվության վարչության պետի տեղակալ Էդգար Ջանոյանը մեր հարցին ի պատասխան՝ տեղեկացրեց, որ գիշերը՝ ժամը 01:42-ի սահմաններում, ահազանգ է ստացվել այն մասին, որ Օրբելի փողոցում գտնվող բնակարաններից մեկի ուղղությամբ կրակոց է հնչել. «Գնդակը վնասել է պատշգամբի պատուհանի ապակին, այն հայտնաբերվել եւ վերցվել է, նշանակվել են մի շարք համալիր փորձաքննություններ, ձեռնարկվում են միջոցառումներ՝ կատարվածի մանրամասները բացահայտելու համար»: Անդրադառնալով Ազոյանի այն դիտարկմանը, որ ոստիկանները եղել են առանց պաշտպանիչ միջոցների, Էդգար Ջանոյանն ասաց, որ նշված տեղեկությունը կուսումնասիրվի:

Դեպքի առթիվ ոստիկանությունում նախապատրաստվում են նյութեր:

Տպել
8967 դիտում

Գոգյանի նման մարդկանց պետք է համարենք մեր հարստությունը, արժեքավոր ռեսուրս․ Արծրունի Սահակյան

Նոր կորոնավիրուսը հաղթահարել է շաքարային դիաբետով, հեմոդիալիզ ստացող կինը

Դիմակով նստած ենք եղել, կարծում եմ խնդիր պետք է առաջացած չլինի. Մակունցը՝ Փաշինյանի հետ շփման եւ թեստ հանձնելու մասին

ԱԺ-ն առաջին ընթերցմամբ ընդունեց Ոստիկանության բարեփոխումների նախագիծը

Կառավարության անդամների և վարչապետի աշխատակազմի համատարած թեստավորում անցկացնել չի նախատեսվում. Մանե Գեւորգյան

Միխայիլ Միշուստինը շնորհավորել է Նիկոլ Փաշինյանին ծննդյան օրվա առթիվ

Քաջարանի բնակչին առևանգելու եւ ծեծի ենթարկելու գործով 3 անձ կալանավորվել է

«Դավիթ Սանասարյանի՝ 2013 թ.-ին արած առուծախի տեղեկություններ են կցել գործին». պաշտպանն ու դատախազը բանավիճեցին

Գյումրու ինֆեկցիոն հիվանդանոցում կորոնավիրուսով 81 հիվանդ կա. 9 մահ է գրանցվել մինչ այսօր

Նիկոլ Փաշինյանին ծննդյան օրվա առթիվ շնորհավորական ուղերձ է հղել Վլադիմիր Պուտինը

Հրազդան-Ծաղկաձոր ավտոճանապարհի 1-ին կմ-ին հրդեհվել է փայտյա տնակ

«Վարչապետն ինձ թուղթ է տվել, Մարուքյանի հետ՝ սուրճ խմել․ հիմա ի՞նչ է լինելու». Տիգրան Ուրիխանյան

Վարչապետը անասթեզիոլոգ-ռեանիմատոլոգներին հորդորում է որակավորումը հավաստող տվյալները ուղարկել նշված հասցեով

Սահմանադրական փոփոխությունների հանրաքվեն չեղարկելու մասին նախագիծն ընդունվեց առաջին ընթերցմամբ

Արցախում կորոնավիրուս է հաստատվել եւս 3 անձի մոտ. ժամանել էին արտերկրից

Կորոնավիրուսի 210 նոր դեպք է հաստատվել. գրանցվել է 13 մահ, 5-ը՝ այլ հիվանդության հետեւանքով

Կորոնավիրուսով վարակված շուրջ 100 տարեց կա. ահրաժեշտ են բժիշկներ, բուժքույրեր, մայրապետներ և սանիտարներ՝ խնամքի համար

Ավստրալական «Ձայնը» նախագծում Մաշա Մնջոյանի ելույթի ժամանակ պտտվել են ժյուրիի բոլոր անդամները (տեսանյութ)

Սերժ Սարգսյանի օրոք 15 միլիարդ է տրամադրվել բանակին՝ զենք գնելու համար, այդ զենքը մինչ օրս չկա. Հ. Հակոբյան (տեսանյութ)

Մենք հաջողությամբ կկարողանանք իրականացնել համազգային ծրագրեր. Արցախի նախագահը շնորհավորել է ՀՀ վարչապետի ծննդյան օրը