Այս օրերին ճիշտ կլինի թուրմերը եւ համեմունքները համադրել․ Դավիթ Պիպոյանի խորհուրդները

«Ի՞նչ սնունդ օգտագործել» թեմայով խորհուրդներ այս օրերին շատերն են տալիս՝ մասնագետներից մինչեւ բլոգերներ: Մեկն ասում է սխտորի կտրատած հատիկներ կուլ տվեք, մյուսը՝ սոդայաջուր խմեք։

Հայաստանի գիտությունների ազգային ակադեմիայի Էկոկենտրոնի սննդի ռիսկերի գնահատման կենտրոնի ղեկավար Դավիթ Պիպոյանը մեզ հետ զրույցում առաջարկում է վիրուսի դեմ դիմադրողականությամբ պայքարելու իր տարբերակը։

Մթերքը 100 %-ով ապահովագրել չի կարող

«Այս օրերին մեր սննդակարգն առաջին հերթին պետք է ուղղված լինի օրգանիզմի դիմադրողականության բարձրացմանը, որովհետեւ սուր շնչառական վարակների դեպքում ամենակարեւոր գործոնը հենց դա է, որպեսի օրգանիզմը սեփական ուժերով կարողանա պայքարել վարակի դեմ։ Միայն մթերքը, սակայն, չի կարող 100%-ով ապահովագրել, որպեսզի դուք չվարակվեք։

Տարբեր մթերքներ՝ սոխ, սխտոր, կոճապղպեղ, հայտնի են որպես օրգանիզմի դիմադրողականությունը բարձրացնող միջոցներ, սակայն մարդիկ պետք է հետեւեն սոցիալական հեռավորության, հիգիենայի պահպանման, ձեռքերի ախտահանման կանոներին եւ հույսը չդնեն միայն սննդակարգի վրա»,- ընդգծում է մեր զրուցակիցը։

Հաճույք պատճառող թխվածքների փոխարեն բանջարեղենային աղցաններ

«Առաջին հերթին պետք է կարգավորել աղեստամոքսային տրակտի բնականոն աշխատանքը։ Մարդիկ այս օրերին սոցիալական ցանցերում կիսվում են իրենց կողմից պատրաստած քաղցրավենիքների  լուսանկարներով։ Դրանք մեծ քանակությամբ շաքար, ալյուր, յուղ պարունակող մթերքներ են։ Ցանկալի է, որ ժամանակը ծախսենք ոչ միայն հաճույք պատճառող թխվածքների, այլեւ բանջարեղենային տարբեր աղցաններ, ապուրներ պատրաստելու վրա։ Աղեստամոսքային տրակտի նորմալ աշխատանքի համար մեզ անհրաժեշտ են այնպիսի մթերքներ, որոնք նպաստավոր պայմաններ են ստեղծում միկրոֆլորայի համար։ Կցանկանայի առաջին հերթին անդրադառնալ բանջարեղենի, մրգերի՝ մասնավորապես ցիտրուսային, վիտամին C պարունակող ջրեղենների եւ կաթնամթերքի՝ մածունի, «Նարինե»-ի, յոգուրտների սննդակարգում մեծաքանակ կիրառման մասին»,- նշեց Դավիթ Պիպոյանը՝ հավելելով, որ մրգերը պետք է լինեն թարմ, իսկ բանջարեղենը ինչպես թարմ, այնպես էլ  եփված։

Ըստ նրա՝ ցանկալի է, որ մեծ քանակությամբ հացը փոխարինենք ամբողջահատիկ մթերքներով, որոնք շատ ավելի օգտակար են։

Շատ հեղուկ, բայց ոչ գազավորված եւ արհեստական ըմպելիքներ

«Տաք հեղուկների մեծաքանակ կիրառումը խրախուսվում է վարակիչ հիվանդությունների դեպքում, նույնիսկ այն ժամանակ, երբ օրգանիզմն արդեն վարակվել է։ Ուրցը, դաղձը, թեյերը, օրգանիզմի վրա ունեն դրական ազդեցություններ՝ աղեստամոքսային տրակտի աշխատանքը կարգավորող, հանգստացնող, հակաբորբոքային։ Այս օրերին ճիշտ կլինի, որ թուրմերը եւ համեմունքները համադրենք․ մի օր դաղձով եւ կոճապղպեղով թուրմ, մի օր՝ կարկադեով եւ դարչինով՝ չհօգնելու համար որեւէ ըմպելիքի երկարատեւ օգտագործումից։ Թուրմը, երբ հովանա, կարելի է մեղր ավելացնել, սակայն եթե ավելորդ քաշի խնդիր կա, ավելի լավ է ոչինչ չավելացնել։ Կոճապղպեղ, քրքում, դարչին, մեխակ։ Բոլոր այդ խմբին պատկանող համեմունքները նպաստավոր պայմաններ են ստեղծում օրգանիզմի դիմադրողականության բարձրացման համար։ Այդ ըմպելիքները օգտագործվում են նաեւ բուժիչ նպատակներով՝ ճնշում կարգավորելու, շաքար իջեցնելու կամ ավելորդ քաշից ազատվելու համար»,- մանրամասնում է մասնագետը։

Նրա փոխանցմամբ, եթե խոսքը գազավորված, շաքար պարունակող ըմպելիքների մասին է, ապա սննդագիտության մեջ հայտնի է, որ դրանք օրգանիզմի վրա չունեն գեթ մեկ դրական ազդեցություն։

Սննդագետը նաեւ հիշեցրեց, որ խորհուրդները չեն սահմանափակվում միայն COVID-19-ով։ Ինչ վերաբերում է նստակյաց կյանքին, ապա անհրաժեշտ է ֆիզիկական ակտիվություն ցուցաբերել։ Զբաղվել սպորտով, քանի որ նախկինում դրա համար անհրաժեշտ ժամանակ չէր լինում։

Տպել
806 դիտում

Ամբերդ համայնքում 80 տնտեսություն կապահովվի կապույտ վառելիքով

ՊՎԾ ուսումնասիրությունը ՊԵԿ նախագահի հրաժարականի հետ կապելը իրատեսական չէ․ ՊՎԾ ղեկավարի պարտականությունները կատարող

Անցկացվել են մեքենավարման և հրաձգության գործնական պարապմունքներ

Կառավարական թիվ 1 և 3 տներում գործող հանրային սննդի կետերը կասեցվել են. Արթուր Ասոյան

Հետախուզում է հայտարարվել Գագիկ Խաչատրյանի մյուս որդու՝ Արտյոմ Խաչատրյանի նկատմամբ. նա մեղադրյալ է ներգրավվել 4 հոդվածով

Նախակորոնավիրուսյան «Մարդկության դիմանկար»-ը

Նիկոլ Փաշինյանը բացատրել է, թե կորոնավիրուսից բուժվածների թիվն ինչու՞ է փոքր

Ոստիկանության ծառայողներից մեկին սպանելու, մյուսին մարմնական վնասվածք հասցնելու վերաբերյալ քրգործն ուղարկվել է դատարան

Ցանկացած հրապարակում ահազանգ է, իսկ անհատական տվյալների պաշտպանության խնդիր միշտ կա. Նիկոլ Փաշինյան

Զոհրաբ Մնացականյանը հեռախոսազրույց է ունեցել Վրաստանի ԱԳ նախարար Դավիդ Զալկալիանիի հետ

Էդվարդ Հովհաննիսյանը նշանակվեց ՊԵԿ նախագահ

Գողանում էին մեքենաների համարանիշերն ու տերերից փող շորթում․ ոստիկանության բացահայտումը (տեսանյութ)

Եթե պահպանենք կանոները, 3 շաբաթում կհաղթենք կորոնավիրուսին, եթե ոչ՝ կզրոյացնենք կառավարության ջանքերը. Դավիթ Պատրիկյան

Վարչապետի որոշմամբ՝ Էդվարդ Հովհաննիսյանն ազատվել է ՊԵԿ նախագահի տեղակալի պաշտոնից

Տիգրան Ավինյանը և Արսեն Թորոսյանն այցելել են բժշկական հաստատություններ

24 ժամով դադարեցվել է Կառավարության N1 և N3 շենքերում գործող հանրային սննդի կազմակերպությունների աշխատանքը

Աբովյան քաղաքի մթերային խանութներից մեկում հրդեհ է բռնկվել. ԱԻՆ

Ես պարտավոր եմ հավատալ ՀՀ քաղաքացու վարքագծով սարեր շուռ տալու հնարավորությանը. Նիկոլ Փաշինյան

Սուրենավանի դպրոցի տնօրենին խիստ նկատողություն է հայտարարվել, իսկ հավաքին մասնակից ուսուցչուհին ազատվել է աշխատանքից

Տոտալ արգելափակումների փուլ, պարետային ժամ, տնտեսական սահմանափակումներ. քննարկվել են բոլոր սցենարները. վարչապետ (ուղիղ)