Առաջիկայում կմեկնարկի «Տնից թանգարան եւ գրադարան» վիրտուալ ծրագիրը, իսկ նախարարը երեխաների համար կկարդա

Ստեղծված իրավիճակից ելնելով՝ ՀՀ կրթության, գիտության, մշակույթի եւ սպորտի նախարարության կողմից ստեղծվել է «Տնից թանգարան եւ գրադարան» առցանց նախագիծը, որն առաջիկայում կիրականացնի իր ծրագիրը գործող թանգարանների եւ գրադարանների հետ։ Այս մասին այսօր լրագրողների հետ զրույցում նշել է ՀՀ կրթության, գիտության, մշակույթի եւ սպորտի նախարար Արայիկ Հարությունյանը՝ հավելելով, որ այս օրերին ոգեւորվածություն կա ոչ միայն դպրոցների հեռավար կրթություն իրականացնելու, այլեւ թանգարանների, մշակութային հաստատությունների պարագայում, որոնք սկսել են ինքնակազմակերպվել։

Նախարարի խոսքով՝ արդեն շատ հաստատություններ սկսել են իրենց ծրագրերն առցանց ցուցադրել, մի մասն էլ ԿԳՄՍՆ-ին հետաքրքիր առաջարկներ է արել, որոնք շուտով կիրականացվեն։

Նրա խոսքով՝ առցանց հարթակներում եղած դիտումների թվերը փաստում են, որ մեր հանրության մեջ կրթության, մշակույթի, արվեստի նկատմամբ մեծ պահանջ կա, լավ որակի բովանդակության պահանջ։

ԿԳՄՍ փոխնախարար Նարինե Խաչատուրյանն իր հերթին նշել է, որ «Տնից թանգարան եւ գրադարան» միասնական հարթակը թույլ կտա բոլորին ներկայանալ մեկ տեղում։ Համացանցով այն առավել հեշտ փնտրելու համար՝ կան մի շարք հեշթեգներ՝ «Տանը մնա», «Թանգարանը կգա տուն», «Տնից թանգարան» եւ այլն։

Նրա խոսքով՝ այժմ մշակվում են ծրագրեր տարիքային եւ սոցիալական տարբեր խմբերի համար։ Դրանց մեջ կլինեն նաեւ արեւմտահայերենով ծրագրեր սփյուռքահայերի համար։

Առանձին առցանց ծրագիր կլինի նաեւ այս օրերին Դիլիջանում մեկուսացված քաղաքացիների համար, որի մասին Խաչատուրյանը չցանկացավ դեռ մանրամասն խոսել։

Արայիկ Հարությունյանի կարծիքով՝ ստեղծված իրավիճակը լավ հնարավորություն է՝ փորձ կուտակելու, որակյալ վիրտուալ բովանդակություն ստեղծելու, ինչպես նաեւ մշակութային հաստատությունների նկատմամբ հետաքրքրությունը մեծացնելու համար, որպեսզի երբ արտակարգ դրությունն ավարտվի, մեծ թվով մեծահասակներ եւ երեխաներ «գրոհեն» մշակութային հաստատություններ։

Նա կոչ է արել արվեստագետներին միանալ այս շարժմանը՝ նշելով, որ ինքն էլ առաջիկայում պատրաստվում է երեկոյան ժամերին ընթերցանությամբ զբաղվել՝ երեխաների համար իր սիրած ստեղծագործությունները կարդալ։

Տպել
890 դիտում

Սա քաղաքական պատվեր է, Աստծո առաջ եմ ասում, պատասխան են տալու. Գագիկ Ծառուկյան

Ուկրաինայում ռազմական ինքնաթիռ է կործանվել. զոհվել է 18 մարդ, կան ողջ մնացածներ (տեսանյութ)

Գագիկ Ծառուկյանը կկալանավորվի. դատարանը հրապարակեց որոշումը

30 տարվա դադարից հետո կրկին եթերում է սիրված ու սպասված «Հեռուստաթատրոնը». ինչ փոփոխություններ են արվել ձեւաչափում

Փարիզում հարձակում է եղել լրատվամիջոցի աշխատակիցների վրա. 4 դանակահարված, 7 ձերբակալված կա

Տավուշի մարզպետ Հայկ Չոբանյանը և Կարմիր խաչի ներկայացուցիչները քննարկել են իրականացվող ծրագրերը

Տիգրան Ուլիխանյանը հաստատել է ՊՎԾ պետի պաշտոնակատար նշանակվելու մասին տեղեկությունը

Վերին Պտղնիում լայն թափով ընթանում են մանկապարտեզի շենքի կառուցման աշխատանքները

Հունաստանը կարող է Թուրքիայի ապօրինի գործողությունների հարցով դիմել Հաագայի միջազգային դատարան

Նորավանում ավարտվել են ունիվերսալ խաղահրապարակի կառուցման աշխատանքները

Հաստատություններից ընտանիք վերադարձած երեխաների իրավունքների պաշտպանության վիճակի մշտադիտարկումն անհրաժեշտություն է. ՄԻՊ

Վերանորոգվել է Արաքսավանի դպրոցի նախակրթարանը

Չհայտարարված այց ԱՀ ոստիկանության քրեակատարողական վարչությունում

Թուրքիան փորձում է պատգամավորական անձեռնմխելիությունից զրկել Գարո Փայլանին, և ևս 6 անձի

Փաստաբանների պալատի նախագահը դատի է տվել Առողջապահության նախարարին

Գյուղական կյանքի և ավանդույթների 7-րդ փառատոնին կմասնակցեն շուրջ 100 օրգանական և բնական գյուղմթերք արտադրողներ

Արծվանիստում անասնակեր է այրվել

Ծովագյուղի աղմկահարույց ծեծկռտուքի գործով ձերբակալված կա

Թուրքիան վիժեցնում է տարածաշրջանում խաղաղություն և կայունություն հաստատելու ջանքերը. վարչապետ

Գյումրիից Երևան է տեղափոխվել կորոնավիրուսով վարակված 7 հիվանդ. մայրաքաղաքում է նաև ՀՊՏՀ ԳՄ տնօրենի ժպ Կարեն Պետրոսյանը