Երևան
15 °C
searchclose
today
menuclose
Երևան
15 °C
Հայաստանում կորոնավիրուսի առաջին դեպքն ի հայտ գալուց մի քանի օր անց մարդիկ այնքան ակտիվորեն խանութներից առեւտուր չէին անում, որքան այդ մասին վկայում էին համացանցում տարածվող լուսանկարները: Եվ հենց սկսեց վարակվածների թիվն ավելանալ, ավելացավ նաեւ խուճապը: Արտակարգ դրություն հայտարարվելու այս փուլում եւ նախքան սա, ժամանակ առ ժամանակ, համացանցը ողողվում է մթերային խանութների դատարկ ցուցափեղկերի նկարերով: Ներկայացվում է այնպես կարծես մարաքաղաքում այլեւս սննդի պաշար չի մնացել կա՛մ, ուր որ է՝ չի մնալու: Բայց եթե անգամ ինչ-որ խանութներում կամ ինչ-որ ժամանակահատվածում նման իրավիճակ ստեղծվել է, մեր շրջայցերի ընթացքում խանութներում իրարանցում ու խելակորույս գնումներ անողներ չկային:
Դրա անհրաժեշտությունը չլինելուն, բավարար պաշարներ ունենալուն վերջին օրերին պարբերաբար անդրադառնում են նաեւ երկրի առաջին դեմքերը: Ազգային ժողովի նախագահ Արարատ Միրզոյանը նույնիսկ բարոյական ու փիլիսոփայական տեսանկյունից էր մոտեցել այդ հարցին:
Մարտի 16-ին երկրում արտակարգ դրություն սահմանելու վերաբերյալ Ազգային ժողովում կայացած հատուկ նիստի ժամանակ Միրզոյանն իր ելույթում շեշտել էր, որ նման ճգնաժամային իրավիճակներում մարդկանց, հանրույթի, խմբերի իրական բնավորության գծերն ու վարքագիծն ավելի լավ են դրսեւորվում:
«Կան մարդիկ, խմբեր, որոնք սահմանային իրավիճակներում սարսափելի վարքագիծ են դրսեւորում: Կան մարդիկ, խմբեր, ովքեր սահմանային իրավիճակներում ցույց են տալիս, թե ինչպիսի սիրալիր, հոգատար, մարդասիրական կարող են լինել: Մեր հայրենիքի համար սա, ինչ խոսք, առաջին փորձությունը չի, որ պիտի կրենք ու անպայմանորեն հաղթահարելու ենք սա եւս: Բայց կարեւոր է ոչ միայն սերը, փոխօգնությունը, կարեկցանքը, հանդուրժողականությունը, կարգապահությունը որովհետեւ այդ ամեն ինչից կախված են մարդկային շատ կոնկրետ կյանքեր: Կարեւորն այն է, որ արտակարգ իրավիճակից հետո բացվելու է լուսաբացը: Այս իրավիճակը հաղթահարվելու է, կարեւորն այն է, թե հաղթահարումից հետո մեզնից յուրաքանչյուրն ինչպես կնայի կողքինի դեմքին: Այդ օրը, երբ հաղթահարված լինի, չպիտի լինի մեկը, ով խանութում վերցրել է 6 հատ հաց ու չի թողել, որ հարեւանը, որի տանը էլի կա երեխա, վերցնի այն մի հացը»,- ասել էր Աժ պատգամավորը եւ բոլորին մաղթել մարդասիրություն ու սեր:
Երեկ կառավարության տեղեկատվական կենտրոնում լրագրողների հետ հանդիպման ժամանակ տնտեսական մրցակցության պաշտպանության պետական հանձնաժողովի նախագահ Գեղամ Գեւորգյանը եւս մեկ անգամ վստահեցրել է՝ Հայաստանում որեւէ ապրանքի դեֆիցիտ չկա, գնումներ կատարելու սահմանափակում՝ եւս: Վերջինս սպառողներին հորդորել է գնումները խելամիտ ծավալներով կատարել: Գեղամ Գեւորգյանի խոսքով՝ արտակարգ դրությունը չի նշանակում, որ խանութներն ու դեղատները պետք է փակվեն կամ որ Հայաստան այլեւս ապրանք չի ներմուծվելու:
Ալյուր, ձեթ, կարագ, ցորեն, շաքարավազ, պանիր, թթվասեր. առաջին անհրաժեշտության եւ ոչ մի ապրանքի խնդիր Հայաստանում չկա։ «Հասկանում ենք, որ մարդիկ խուսափում են ամեն օր խանութներ գնալ, բայց այդ հերթերն ավելի մեծ խնդիր են։ Գնումներ կատարելիս խնդրում եմ հիշել, որ պարենային ապրանքները ժամկետ ունեն։ Եթե գնում են 4 արկող ձու դա ժամկետ ունի, գոնե ձվի մասով ավելցուկ ունենք»,- նշել է նա։
Իսկ որոշ մեծ խանութների դարակների ժամանակավոր դատարկ լինելը կամ նմանատիպ լուսանկարների առկայությունը Գեւորգյանը հետեւյալ կերպ է բացատրել. «Այս պահին անհանգստացնող երեւույթներ չկան։ Միակ խնդիրը օրական ֆիզիկական ծավալի ապահովումն է։ Երբեմն ֆիզիկական անձանց կողմից աբսուրդային գնումներ են կատարվում, բնական է, որ այդ ապահին պետք է պահեստներից կարողանան տեղափոխել։ Սուպերմարկետների աշխատակիցները պետք է կարողանան այդ ամենը պահեստներից տեղ հասցնել»:
ՏՄՊՊ հանձնաժողովն առաջիկայում 44 անուն ապրանքի պաշարների մոնիտորինգ է իրականացնելու։ Առայժմ պարզել են, որ ամենաշատը վաճառվել է նպարեղենը։
ՀՀ վարչապետը եւս արդեն որերրորդ դեպքն է անդրադառնում է խուճապ առաջացնող լուսանկարներին եւ առհասարակ մարդկանց առեւտրի ծավալին: Վարչապետը շրջայցեր է կատարում մի շարք խանութներով, որոք լեփ- լեցուն են: Երեկ էլ, երբ շրջում էր երեւանյան սուպերմարկետներում, գնորդները վստահեցնում էին, որ մեծածավալ գնումներ չեն անում, իսկ վաճառողները հավաստիացնում, որ ապրանքները չեն թանկացել:
Այնուամենայնիվ, կան մարդիկ, որոնք ուշադրություն են հրավիրում այս կամ այն ապրանքատեսակի գնի բարձրացման վրա: Օրինակ մարտի 17-ի երեկոյան, արդեն ահազնագում էին, որ կաթի գինը մեկ օրում 390 դրամից հասել է 430-ի:
ՀՀ վարչապետ Նիկոլ Փաշինյանի կարծիքով գնաճի դեմ ամենաարդյունավետ պայքարը կարող են հենց սպառողներս վարել, երբ որ ի վերջո պայմանավորվեն, որ այսպես խուճապային գնումներ չենք իրականացնում: Այս մասին Ազգային ժողովում՝ արտակարգ դրություն հայտարարելու քննարկման ժամանակ ասել էր վարչապետը՝ պատասխանելով «Իմ քայլը» խմբակցության պատգամավոր Արուսյակ Ջուլհակյանի այն հարցին, թե արդյո՞ք պետությունը որեւէ կերպ վերահսկում է կամ պատրաստվում է միջամտել տնտեսվարողների կողմից վարվող գնային քաղաքականությանը, քանի որ երեկվանից տարբեր խանութներում գնաճ է նկատվում՝ սպիրտի եւ առաջնային սպառման ապրանքների:
Վարչապետը նաեւ նկատեց՝ որ անհրաժեշտություն չկա Խորհրդային Միության ժամանակների պես գնումներ կատարել-ամբարել: Բայց մյուս կողմից էլ նկատեց՝ Մարտի 8-ի համեմատ՝ առեւտրային ցանցերում առեւտուրը 20 տոկոսով աճել է: Այնուամենայնիվ, ըստ նրա, խանութների ցուցափեղկերում դատարկություն չկա:
ՏՄՊՊՀ նախագահը երեկ նկատել է, որ ներկրվող ապրանքների որոշակի թանկացում տեղի է ունեցել արտարժույթի տատանումով պայմանավորված: Նա սակայն չէր հայտնել, թե որ ապրանքատեսակների մասին է խոսքը, միայն շեշտել, որ հսկողության տակ են պահում: «Չենք բացառում, որ կգտնվեն տնտեսվարողներ, որոնք գները մի փոքր կբարձրացնեն, սակայն հիմնականում վերահսկում ենք խոշոր խաղացողներին, որոնք ապահովում են հանրապետության սպառման գերակշիռ մասը»,- նշել է Գեւորգյանը:
Օրվա վերջում ՏՄՊՊՀ-ն նաեւ հաղորդգրություն էր տարածել եւ տնտեսվարողներին հորդորել զերծ մնալ տնտեսական մրցակցության պաշտպանության օրենսդրության խախտումներից:
«Հաշվի առնելով մամուլում եւ սոցիալական ցանցերում սննդամթերքի եւ առաջին անհրաժեշտության ապրանքների գների բարձրացման, ապրանքային շուկայում ապրանքների պակասուրդի եւ մի շարք այլ խնդիրների վերաբերյալ հաճախ բարձրացվող մտահոգությունները՝ ՀՀ տնտեսական մրցակցության պաշտպանության պետական հանձնաժողովն այսօր տեղի ունեցած նիստում որոշում է կայացրել զգուշացում տալ սննդամթերքի եւ առաջին անհրաժեշտության ապրանքների իրացմամբ զբաղվող տնտեսվարող սուբյեկտներին»,-ասված էր հաղորդագրության մեջ: Հանձնաժողովը հարկ է համարել տեղեկացնել, որ արտակարգ դրության պայմաններում տնտեսվարող սուբյեկտների կողմից իրավախախտում կատարելու փաստը կգնահատվի որպես պատասխանատվությունը ծանրացնող հանգամանք:
Նարեկ Մանասյանը հաղթել է Ադրբեջանը ներկայացնող բռնցքամարտիկին
Տեղի է ունեցել «Քաղաքացիական պայմանագիր» կուսակցության նախաձեռնող խմբի նիստ․ Նիկոլ Փաշինյանը հանդես է եկել զեկույցով
Հրդեհ է բռնկվել ռեստորաններից մեկի ծխատարում
ԼՂ-ից բռնի տեղահանված ուսուցիչների օժանդակության ծրագրի գործողության ժամկետը երկարաձգվել է
ԱԳՆ-ում քննարկվել են Բրյուսելի եռակողմ հանդիպման ընթացքում ձեռք բերված պայմանավորվածություններին վերաբերող հարցերը
«Ակադեմիական քաղաք» ծրագիրը քննարկվել է մարզերում գործող ՀՀ պետական բուհերի ռեկտորների հետ
Բռնցքամարտի ԵԱ․ Բարեղամ Հարությունյանը եզրափակչում է
Կստեղծվի և կներդրվի թանգարանների Էլեկտրոնային տոմսերի միասնական ավտոմատացված համակարգ
Այն ինչ տեղի ունեցավ 1915-ին, չկանխվեց և պատճառ դարձավ նմանատիպ իրադարձությունների կրկնությանը շատ երկրներում․ նախագահ
Մենք «ՈՒԱԶ»-ով չենք մտել ժողովրդի մեջ, չորս տարեկան թևը կոտրած երեխա էր սպասում. հարցազրույց Տավուշի ԵԿՄ նախագահի հետ
Եգիպտոսն Իսրայելին է փոխանցել մեկ տարով հրադադարի մասին ՀԱՄԱՍ-ի առաջարկը
Երևան-Գյումրի ճանապարհին բեռնատարներ են բախվել․ «ԶԻԼ»-ը կողաշրջվել է
2․5 գյուղի ավերակների վերադարձը միակողմանի չէ, քանի որ դրա դիմաց մենք Ադրբեջանից լուրջ խաղաքարտ ենք ստանում․ Իոաննիսյան
Ազգային ժողովը Ռուսաստանի Դաշնությունից նամակ չի ստացել
Դանիական պատվիրակությունը Գորիսում ԵՄ դիտորդական առաքելության հետ պարեկություն է իրականացրել
Ժողովուրդը շատ լավ է հասկանում, թե իր շուրջն ինչ է տեղի ունենում, փողոցում գտնվողները արդյունքի չեն հասնելու. Մկրտչյան
«Օրենքով գող»-ը ակումբներից մեկում վիճաբանել, հայհոյել է, հարվածներ հասցրել մեկ անձի․ նրան մեղադրանք է ներկայացվել
Աբովյանի կամրջի հարևանությամբ մեքենաներ են բախվել
Ռուբեն Վարդանյանը դժկամությամբ, բայց համաձայնել է ընդհատել հացադուլը․ նրան թույլ են տվել խոսել կնոջ հետ
Սանոսյանն ու Կոպիրկինը ԱԷԿ-ի 2-րդ էներգաբլոկի շահագործման երկարաձգման աշխատանքների վերաբերյալ հարցեր են քննարկել
Ալեն Սիմոնյանն ու Դըվինազը մտքեր են փոխանակել անվտանգային և տնտեսական դիվերսիֆիկացման հնարավորությունների շուրջ
Ալագյազում Մալխաս և Ռոման Ամոյանների անվան նոր մարզադպրոց կկառուցվի
Փոխվարչապետն ու Իրանի դեսպանն անդրադարձել են սահմանազատման գործընթացի վերջին զարգացումներին
Նոյեմբերյան-Բագրատաշեն ճանապարհը փակած ակցիայի մասնակիցը ձերբակալվել է․ վերջինս հետախուզման մեջ է եղել
Զինծառայողը ականապայթյունային վնասվածք է ստացել
Միրզոյանը Սերբիայի ԱԳ նախարարի հետ հեռախոսազրույցում ընդգծել է Հարավային Կովկասում հարատև խաղաղության կարևորությունը
Կորոնավիրուսի ժամանակ 829 կեղծ պատմագրի հիման վրա Առողջապահության նախարարությունից հափշտակվել է 263 մլն 480 հազար դրամ
Ռեստորանի մոտ մեքենաներ են բախվել․ դրանցից մեկը դուրս է եկել երթևեկելի գոտուց, բախվել օբյեկտներից մեկի պատին
Հիմա հեշտ է պառկել ասֆալտին ու ցույց տալ, թե փրկում եք հայրենիքը․ Սաֆարյանը՝ ԱԺ նախկին գործընկերներին
Հայաստանի և Ադրբեջանի սահմանին կոորդինատների ճշգրտման աշխատանքների շրջանակներում 20 սահմանային սյուն է տեղադրվել
ԱԺԲ-ի հանրահավաքի ժամանակ բռունցքով ոստիկանության ծառայողի գլխին հարվածած կինը ձերբակալվել է
Հակոբ Արշակյանը Սիրիայի Ժողովրդական ժողովի փոխնախագահին է ներկայացրել «Խաղաղության խաչմերուկ» նախագիծը
Պապոյանն ու ՌԴ դեսպանը քննարկել են Վերին Լարսով Վրաստանից Ռուսաստան տանող ճանապարհով բեռնափոխադրումների խնդիրները
Տաքսու մեջ ծխելու հետ կապված վեճի ժամանակ ուղևորը քիմիական նյութ է փչել վարորդի դեմքին․ վերջինս այրվածքներ է ստացել
Հնդկաստանի ԱԳՆ-ն արձագանքել է Հայաստանին զենք մատակարարելու վերաբերյալ Ադրբեջանի քննադատությանը
ՄԻՊ արագ արձագանքման խմբեր են մեկնել Ոստիկանության բաժիններ՝ այսօր բերման ենթարկված անձանց տեսակցելու համար
Դոլարն էժանացել է․ ինչ փոփոխություններ է արձանագրել տարադրամի շուկան ապրիլի 25-ին
«Խաղաղության խաչմերուկը» Հայաստանի տեսլականն է դեպի խաղաղություն. Սիմոնյանը՝ Սիրիայի խորհրդարանի փոխխոսնակին
Ռուսաստանի, Հայաստանի և Ադրբեջանի միջև եռակողմ պայմանավորվածությունները շարունակում են մնալ արդիական. Զախարովա
Կարծում եմ՝ պետք է քննարկենք այդ հարցը․ Ալեն Սիմոնյանը՝ Ադրբեջանից Հայաստան գազ ներկրելու՝ Իլհամ Ալիևի առաջարկի մասին
