Կարող ենք տանել, գյուղերում թեստ բաժանել, բայց դա որտե՞ղ է ախտորոշվելու. վարչապետը՝ պարետ չլինելու, թեստ հանձնելու մասին

ՀՀ Ազգային ժողովում մեկնարկել է հատուկ նիստը, որի ընթացքում քննարկվելու է Հայաստանի Հանրապետությունում արտակարգ դրություն հայտարարելու մասին Կառավարության որոշման նախագիծը:

 

ՀՀ ԱԺ պատգամավոր Էդմոն Մարուքյանը վարչապետ Նիկոլ Փաշինյանից հետաքրքրվեց, թե ինչու նա չէ պարետը, այլ Տիգրան Ավինյանն է:

Փաշինյանը կրկնեց, որ քանի որ նախօրոք ստեղծված հանձնաժողովն է վերաձեւակերպվել պարետատան, ոսւտի կազմը մնացել է նույնը, ինչ հանձնաժողովում էր:

Մարուքյանի մյուս հարցը վերաբերում էր նրան, թե արդյոք մարզերում եւս կան թեստեր, որոնցով կարելի է ստուգել կորոնավիրուսով վարակված լինելու հանգամանքը:

Վարչապետը նկատեց, թե կարեւոր է ոչ միայն թեստը ունենալը, այլ պրոֆեսիոնալ ձեւով թեստը վերցնելը, հերմետիկությունը ապահովելը, տեղափոխելը:

«Թեստը առանց լաբորատորիայի, որը կարող է պրոֆեսիոնալ ձեւով ախտորոշել՝ ոչ մի բան է: Կարող ենք տանել, գյուղերում համատարած թեստ բաժանել, ասել, որ պետք է քթից, բերանից քսուք վերցնել, բայց հետո դա որտե՞ղ է ախտորոշվելու: Հայաստանում 3 լաբորատորիա ունենք, որ կարող ենք ասել՝ վստահաբար կարող է ախտորոշվի: Հետեւաբար, մարզի թե Երեւանի բնակչի գործողությունը նույնն է. պետք է դիմի ոստիկանություն կամ շտապօգնություն. այնտեղի բժշկական անձնակազմը ցուցումներով հասկանում է՝ էս մարդը պե՞տք է թեստի հասնի, թե՞ ոչ: Դա էլ փաստ չէ, որ բոլորը պետք է թեստ հանձնեն»:

Փաշինյանը նկատեց, որ երբ օրինակ, իրեն ուղարկել են կադրեր, թե ինքը ոնց է շփվել այն անձի հետ, որի մոտ հետո կորոնավիրուս է հայտնաբերվել՝ ջերմությունը բարձրացել է: Բայց երբ թեսստ է հանձնել՝ պարզվել է, որ ինքը վարակված չէ: Այսինքն, ըստ վարչապետի, բոլոր տաքություն ունեցողները չէ, որ պետք է թեստ հանձնեն, դա պետք է որոշեն մասնագետները:

Պատգամավորի մյուս հարցը վերաբերում էր նրան, թե ո՞ր տարածքներին է վերաբերում 20 հոգուց ավել հավաքների արգելումը, ինչպես են մարդիկ գումար վաստակելու:

Փաշինյանն ասաց, որ այն տարածքներին, որոնց մասով չկա արգելքի որոշում, այդ տարածքներում հավաքը չի արգելվում: Խոսքն, օրինակ ռեստորանների մասին է: Ըստ նրա, այդ տարածքների վերաբերյալ որոշում կկայացվի միայն ըստ համաճարակաբանական իրավիճակի:

Խոսելով այն մասին, թե ինչպես են մարդիկ ապրելու, եթե չաշխատեն՝ Փաշինյանն ասաց, որ այդտեղ իրենք երկու շահի մասին էլ մտածել են՝ եկամուտ ստանալու եւ չհիվանդանալու:

«Եթե մենք այս շահերից որեւէ մեկը բացարձականացնեինք՝ հաղթահարելը դժվար էր լինելու»,- նկատեց վարչապետը:

Վարչապետին հարցեր ուղղելու համար բազմաթիվ պատգամավորներ են հերթագրվել: Հարցուպատասխանը շարունակվում է:

Մինչ այդ Փաշինյանը ելույթ ունեցավ՝ ներկայացնելով կորոնավիրուսով պայմանավորված ընդհանուր իրավիճակը եւ արտակարգ դրություն հայտարարելու անհրաժեշտությունը:

«Մենք ունենք 30 հաստատված դեպք կորոնավիրուսով հիվանդացության, որից 19-ը կապված են էջմիածին քաղաքում տեղի ունեցած նշանադրության հետ, եւս 3 հոգի առնչվում են առաջին ախտորոշված դեպքի հետ, եւ ամենամտահոգող դեպքն այս պահի դրությամբ երեկ ախտորոշված դեպքերն են: Այդ դեպքերը արձանագրվել են Երեւանի արտադրական ձեռնարկություններից մեկում եւ այդ արտադրական ձեռնարկության ախտորոշված ներկայացուցիչների հետ շփման շրջանակը պարզման փուլում է եւ այդ մարդիկ կմեկուսացվեն»,- ասաց վարչապետը:

Այնուհետեւ նա նշեց, որ Արտակարգ դրություն մտցնելու անհրաժեշտությունը կապված էր հետեւյալ հանգամանքի հետ. «Մենք արդեն մի քանի օր ուսումնասիրում էինք արտակարգ իրավիճակներում բնակչությանը աջակցություն ցուցաբերելու մասին ՀՀ օրենքը եւ մեզ համար ակնհայտ էր, որ Արտակարգ իրավիճակների մասին այդ օրենքը բացարձակապես չի նախատեսել համաճարակային իրավիճակները: Ըստ էության այնտեղ նախատեսված է արտաքին պարագան, երբ որ տեղի է ունեցել տեխնածին աղետ, բնական աղետ եւ մարդկանց կյանքը պետք է կազմակերպել այդ իրավիճակում»:

Փաշինյանը նշեց, որ ցավոք սրտի վերջին 20 օրվա ընթացքում ականատես ենք լինում դեպքերի, որ մեր սիրելի հայրենակիցները միշտ չէ, որ հետեւում են առողջապահության նախարարության եւ կառավարության առաջարկած վարքագծային կանոններին՝ ապահովելու ինչպես իրենց, այնպես էլ հարազատների, ուրիշների անվտանգությունը եւ շատ դեպքերում իրադարձությունները կարող են զարգանալ այնպես, որ անհրաժեշտ լինի հարկադրանքի միջոցներ ձեռնարկել, որոնք ենթադրում են քաղաքացիների իրավունքների որոշակի սահմանափակումով:  Ահա այս սահմանափակումները, ըստ վարչապետի,  ՀՀ սահմանադրությամբ հնարավոր է կիրառել միայն հանրային առողջությունը պահպանելու պարագայում, սա էլ հնարավոր է միայն արտակարգ դրության պայմաններում: Իսկ արտակարգ դրություն, ինչպես շեշտեց Փաշինյանը, հնարավոր է, երբ Սահմանադրական կարգի նկատմամբ կա անմիջական սպառնալիք, տվյալ դեպքում սպառնալիք է գնահատվել սոցիալական պետության հայեցակարգը, երբ քաղաքացիները ունեն առողջության պահպանման իրավունք:

Փաշինյանը նաեւ հայտարարեց, որ հունվարի 30-ին իր որոշմամբ ստեղծված կորոնավիրուսի տարածումը կանխարգելող հանձնաժողովին նոր զարգացումների լույսի ներքո տալիս են նոր կարգավիճակ եւ այդ կարգավիճակը պարետատունն է:

ՀՀ վարչապետն իր ելույթը եզրափակեց հուսով եւ վստահությամբ, որ այս ճգնաժամից Հայաստանը պետք է դուրս գա ավելի ուժեղացած՝ ե՛ւ տնտեսական, ե՛ւ առողջապահական իմաստներով:

Տպել
835 դիտում

Նորք-Մարաշ եւ Նուբարաշեն վարչական շրջաններում դիտարկված 36 տնտեսվարողից 21-ի մոտ ԱԱՏՄ-ն խախտումներ է արձանագրել

Երկրորդ զորամիավորումում հայտարարվել է ուսումնական տագնապ

Արտաքին տուրիզմի մասին խոսելը վաղ է, բայց ներքին տուրիզմի հնարավորությունների հետ պետք է հաշվի նստենք. Տիգրան Պետրոսյան

ՄԻԵԴ-ի վճիռը կարևոր նշանակություն կունենա էթնիկական ատելության հիմքով հանցագործությունների կանխման համար․ Արման Թաթոյան

Ճանապարհաշինություն, մշակույթի տան հիմնանորոգում ու ոչ միայն. Լոռիում եւս 10 սուբվենցիոն ծրագիր է հաստատվել

«Կացնով մարդասպանը», հունգարական անմեղությունն ու արդարությունը՝ 16 տարի անց. միջազգային անդրադարձը՝ ՄԻԵԴ վճռին

Ոստիկանները գրպանահատության հերթական դեպքն են բացահայտել. բերման է ենթարկվել 42-ամյա տղամարդ

Աշխարհը դարձավ անհոտ ու անհամ, աննկարագրելի թույլ էի․ պատմում է COVID-19-ը հաղթահարած լրագրողը

Հրազդանի ոստիկաններն ապօրինի թմրաշրջանառության դեպք են բացահայտել. բերման է ենթարկվել 58-ամյա տղամարդ (տեսանյութ)

Մեկնարկել է «Պատերազմի պայթյունավտանգ մնացորդների և Ականների ռիսկի կրթական ծրագիրը»

Գո՞հ չեք, մենք գոհ ենք․ վարչապետը՝ տրանսպորտի ոլորտում իրանացվելիք նոր ծրագրի մասին

Վախեցնում ես մեզ, որ ի՞նչ անես. մենք վաղուց ավարտել ենք. Սերգեյ Բագրատյանը՝ Նազելի Բաղդասարյանին

Գյումրու պոլիկլինիկաները ստացել են համապատասխան պարագաներ և ցուցումներ. կորոնավիրուսի դրական դեպքերը հսկվում են տանը

2 անչափահաս երեխա, ամուսինն էլ՝ սահմանին. բուժքույրը հերթափոխով աշխատել չի կարող, տնօրենն էլ ասում է՝ պայմանը միայն դա է

Սիրուշոն տեսակապով խոսել է «Թղթե տունը» սերիալի երգչուհու հետ. վերջինս խոստովանել է, որ նոր եթերաշրջան է լինելու

Խախտման մասին արձանագրությունը կներկայացվի պարետատուն. ՍԱՏՄ

«Սրանից հետո դուք եք հերքելու ամեն ինչ. դե, գնացեք հերքեք, տեսնեմ՝ ոնց եք հերքում». Նիկոլ Փաշինյանը՝ ԼՀԿ պատգամավորին

Ունենք կորոնավիրուսի 2 օջախ․ մեկը տուն-ինտերնատն է, մյուսը՝ մանկատունը․ Արսեն Թորոսյան

ԱՆ-ն ձեռք է բերել 500 մատնային պուլսօքսիմետր. դրանք արդեն իսկ բաշխվել են մարզերի եւ Երեւանի հիվանդանոցներին

Իսպանիայում ֆուտբոլասերները գուցե կարողանան մարզադաշտ գնալ հաջորդ մրցաշրջանում