Ազգային կինոկենտրոնում կառուցվածքային փոփոխություններ են իրականացվում. որոշ աշխատողներ ազատման ծանուցագրեր են ստացել

Հայաստանի ազգային կինոկենտրոնի 6 աշխատակիցներ սույն թվականի փետրվարի 21-ն աշխատանքից ազատվելու ծանուցագրեր են ստացել: Կինոկենտրոնում կատարվել են կառուցվածքային փոփոխություններ, եւ նոր հաստիքացուցակն ուժի մեջ է մտնելու մայիսի 1-ից, որտեղ այս աշխատակիցները տեղ չունեն. նոր հաստիքներ իրենց չի առաջարկվել:

Աշխատանքից ազատվածները «Հայկական ժամանակի» խմբագրություն են դիմել՝ հայտնելով, որ Կինոկենտրոնի տնօրենի ժամանակավոր պաշտոնակատար Շուշանիկ Միրզախանյանն ակնհայտ դավադիր մտադրությամբ է իրականացրել կառուցվածքային փոփոխությունները: Նրանք դիտավորություն են համարում այն, որ, ի տարբերություն իրենց, որոշ աշխատողների ծանուցագրով առաջարկվել են նոր հաստիքներ՝ առանց մրցույթի հայտարարման եւ առանց ատեստավորման: Կինոկենտրոնը նաեւ պայման է դրել, որ ծանուցվողները երեք օրվա ընթացքում համաձայնություն տան, այլապես ապրիլի 30-ով նրանք էլ կհամալրեն վերը նշված 6 անձանց շարքերն ու կմնան առանց աշխատանքի:

Հայաստանի ազգային կինոկենտրոնում աշխատանքից, ըստ էության, ազատվել են ֆինանսական գծով տեղակալ Մարինե Անտոնյանը, կինոճարտարագետ Սաթիկ Ստեփանյանը, խմբագիրներ Ռազմիկ Աբրահամյանն ու Մարտին Հուրիխանյանը, տնտեսական բաժնի աշխատող Ռուբեն Ստեփանյանը եւ ֆիլմաֆոնդի պահեստապետ Վարդանուշ Շողիկյանը:

Կինոկենտրոնի՝ շուտով նախկին խմբագիր Մարտին Հուրիխանյանը ՀԺ-ին հայտնեց, որ ծանուցագրերն իրենց են տրվել առանց հիմնարկի կառուցվածքային փոփոխությունների մասին վկայող փաստաթղթի: Աշխատակիցները զրկված են եղել դրան հանգամանալից ծանոթանալու, փոփոխությունների անցկացման տրամաբանությունը հասկանալուց: Նշեց, որ այն հաստիքացուցակը, որն ուժի մեջ է մտնելու մայիսի 1-ից, չի պարունակում հաստատման ամսաթիվը, ինչը վիճարկելի է դարձնում ժամկետից շուտ 2020 թվականի փետրվարի 21-ին աշխատողներին տրված ծանուցագրերի օրինականությունը:

Նախկին աշխատակիցները նաեւ հայտնեցին, որ նոր հաստիքացուցակը կազմվել է գլխավոր հաշվապահի կողմից, որը չունի դրա իրավունքը: Նրանք նաեւ մեծ բացթողում են համարում եւ մատնանաշում այն փաստը, որ Շուշանիկ Միրզախանյանն արդեն 3 տարի է՝ Կինոկենտրոնի տնօրենի պաշտոնակատար է, եւ տնօրենի ընտրության մրցույթ այդպես էլ չի կայանում:

Շուշանիկ Միրզախանյանը «Հայկական ժամանակի» հետ զրույցում, անդրադառնալով առաջ քաշված հարցերին ու բողոքներին, նշեց, որ կառուցվածքային փոփոխություններում որեւէ դիտավորություն չկա: Նկատեց, որ երբ 2017 թվականի ամռանն անցել է աշխատանքի, Կինոկենտրոնն աշխատել է կինոստուդիայի ձեւաչափով, այսինքն՝ կինոարտադրությունն իրականացվել է հենց Կինոկենտրոնում, որն անընդունելի է միջազգային կանոններով: «Շատ կարեւոր է, որ այն օղակը, որը կարգավորում է պետական գումարների բաշխումը, իրավունք չունենա իրականացնել արտադրություն, այլապես ինքը կարտադրի, ինքն էլ գումարը կտա»,- ասաց նա:

Ըստ Միրզախանյանի՝ «Հայաստանի ազգային կինոկենտրոն» ՊՈԱԿ-ը իր ստեղծման օրվանից (2006 թվական) սկսած՝ ՀՀ պետական բյուջեից սուբսիդիայի պայմանագրերի հիման վրա ֆիլմարտադրության համար ստացել է ֆինանսավորում, եւ կինոարտադրության ողջ պրոցեսը (սցենար, նախապատրաստական աշխատանք, նկարահանում, մոնտաժ, ձայնագրում, գունաշտկում եւ ցանկացած ֆորմատի փոփոխություններ) իրականացվել է Կինոկենտրոնում: Այդ գործընթացներն իրականացնելու համար Կինոկենտրոնն ունեցել է համապատասխան կառուցվածք՝ իր բաժիններով եւ հաստիքներով: Այսօր այդ գործընթացներն այլեւս չեն իրականացվում, ուստի չկա համապատասխան հաստիքների կարիքը:

«Եթե 2006 թվականից կենտրոնը խախտումներով է աշխատել, ինչ անենք, չշտկե՞նք: Իմ նշանակումից հետո ուսումնասիրելով Եվրոպական կինոյի աջակցման՝ Եվրիմաժ հիմնադրամի (ի դեպ, որին մենք անդամակցում ենք) ֆինանսավորման պայմանները, ինչպես նաեւ Եվրոպական տարբեր ֆոնդերի եւ համարտադրողների պայմաններն ու պահանջները՝ պարզ դարձավ, որ պետական կառույցը չի կարող հանդիսանալ համատեղ արտադրության կողմ, եւ չի կարող ֆինանսավորվել այդ ֆոնդերից։ Ըստ միջազգային կանոնների՝ ֆինանսավորող կառույցը չի կարող միաժամանակ ե՛ւ ստանալ ֆինանսավորում, ե՛ւ իրականացնել արտադրություն իր կառույցի ներսում, քանի որ դա պարունակում է կոռուպցիոն ռիսկեր»,- ասաց նա:

Տնօրենի ԺՊ-ն նկատեց՝ Կինոկենտրոնն արդեն 2 տարի է՝ արտադրությամբ չի զբաղվում: Խոսելով համատեղ կինոարտադրության մասին՝ նշեց, որ սա եւս նպատակ ունի ավելի հեշտ ճանաչելի դարձնել ու բացառել կոռուպցիոն ռիսկերը: Այսինքն՝ այսօր կինոարտադրության գլխավոր նպատակը համաարտադրությունն է:

Ինչ վերաբերում է պաշտոնից ազատվող աշխատողների բարձրաձայնած հարցին, թե առանց մրցույթ հայտարարելու եւ առանց ատեստավորման մի շարք աշխատողների առաջարկվել է նոր հաստիքներ, նա նշեց, որ դա օրենքով կարգավորվում է, եւ բոլորովին պարտադիր չէ իր ներքին աշխատողին նշանակել ատեստավորման կամ մրցույթի միջոցով. «Ամեն ինչ արվել է օրենքի կետով»:

Միրզախանյանից հետաքրքրվեցինք, թե ինչու նոր ստեղծված հաստիքները  չեն առաջարկվել աշխատանքից ազատված աշխատակիցներից որեւէ մեկին: Տնօրենի ժՊ կարծում է, որ նրանք չեն համապատասխանում դրանց: «Սրանք բացարձակ նոր հաստիքներ են, ստեղծել ենք ժառանգության բաժին, որը շատ կարեւոր է Կինոկենտրոնի համար: Բավականին մեծ աշխատանք ենք տանում միջազգային տարբեր կազմակերպությունների հետ, եւ մեզ պետք է միջազգային մակարդակի, հատուկ իմացություններ ունեցող մասնագետ, որը կղեկավարի այդ բաժինը: Նրանց մեջ չկար»,- ասաց նա:

Իսկ այն դիտարկմանը, թե ինչո՞ւ է հաշվապահը կազմել կառուցվածքային փոփոխությունները, նա արձագանքեց, որ հաշվապահը պարզապես ստորագրել է, բայց փաստաթուղթը չի կազմել. «Հիմա Արայիկ Հարությունյանն էլ համաձայնություն է դրել, կարո՞ղ է ասենք՝ նա է կազմել կառուցվածքը»:

Միրզախանյանը չժխտեց, որ աշխատանքից ազատելուց առաջ ժողով կամ քննարկում չի եղել նախկին աշխատակիցների հետ, սակայն ասաց, որ փոփոխությունները պատշաճ ծանուցվել են գրեթե 3 անգամ, դեռեւս 2018 թվականից: Անդրադառնալով 6 աշխատակցի այն հայտարարություններին, թե իրենք նախկին տնօրենի ժամանակից եկած կադրերն են եւ դրա համար են ազատվում՝ ասաց, որ դա բացարձակ սուտ է: Ավելին՝ նշեց, որ իր նշանակման օրից մինչեւ այսօր բոլոր աշխատողները նախկին տնօրենի ժամանակներից են Կինոկենտրոնում: Իսկ ինքը փորձել է աշխատել ու լեզու գտնել բոլորի հետ: «Իմ տնօրինման ժամանակահատվածում աշխատել եմ նույն թիմի հետ, աշխատում եմ մինչեւ օրս: Եվ երբեք ինձ համար չի եղել չափանիշ «նախկինի կադր», իմ կադր» ասվածը, ո՛չ խոսնակ եմ փոխել, ո՛չ էլ՝ ոչինչ»,- ասաց նա:

Կառուցվածքային փոփոխությունների արդյունքում Կինոկենտրոնի հաստիքների թիվը դարձել է 62 նախկին 72-ի փոխարեն: «Փոքր, չնչին գումարներով կարողացել ենք մարդկանց աշխատավարձերն ավելացնել, որովհետեւ շատ ցածր էին»,- ասաց Միրզախանյանը: Նկատենք՝ Կինոկենտրոնի հաստիքացուցակի մեջ մտնում է նաեւ Մալյան թատրոնի հաստիքները, որոնք ամբողջովին պահպանվել են: 62-ից 21 հաստիքը թատրոնինն է:

ՀԳ. Աշխատանքից ազատված աշխատակիցները մատնանաշում են նաեւ Շուշանիկ Միրզախանյանի՝ 2017 թվականից մինչ օրս պաշտոնակատար լինելու փաստը: Սրա հետ կապված ՀՀ կրթության, գիտության, մշակույթի եւ սպորտի փոխնախարար Արա Խզմալյանը «Հայկական ժամանակին» հայտնել է, որ նախատեսում են Կինոկենտրոնը «Հայք» կինոստուդիայի հետ վերակազմավորել, դա, իհարկե, Կառավարության որոշմամբ, իսկ մինչ այդ նպատակահարմար են գտնում, որ այնտեղ շարունակի պաշտոնավարել ԺՊ-ն:

«Պաշտոնակատար լինելով՝ ես բացարձակ չեմ աշխատել՝ որպես ժամանակավոր ղեկավար: Ընդհակառակը, բոլոր պլաններս, ծրագրերեը միշտ գծել եմ հեռահար ժամկետներով: Աշխատել եմ այն մտածողությամբ, որ պետք է ամեն ինչ արվի»,- ասաց Շուշանիկ Միրզախանյանը:

Հավելեց, որ եթե թափուր պաշտոնի մրցույթ հայտարարվի, անպայման մասնակցելու է, որովհետեւ այս ընթացքում մեծ աշխատանք է արել եւ ունի բազմաթիվ պայմանավորվածություններ, որոնց շնորհիվ բազմաթիվ լավ ծրագրեր են սպասվում:

Տպել
1494 դիտում

Հայ-ռուսական միջտարածաշրջանային 8-րդ համաժողովի շրջանակում այսօր անցկացվել է լիագումար նիստ

Թմրանյութ է հայտնաբերվել անչափահասի գրպանում (տեսանյութ)

Մալիշկայի համայնքապետարանը հրավիրում է համայնքային սեփականություն հանդիսացող հողամասի աճուրդ վաճառքի

Գառնիում ասֆալտապատվել են ներհամայնքային ճանապարհներ և արդիականացվել է լուսավորության համակարգը

Քովիդի դեմ պատվաստումային ցուցանիշով Հայաստանը զիջում է իր հարևաններին. վիճակագրություն

Բաքվից վերադարձած բոլոր տղաները Շիրակի մարզից են․ Նազելի Բաղդասարյանը «Մուրացան» բժշկական կենտրոնում է

«Հայաստան» համահայկական հիմնադրամը Լիբանանի հայ համայնքի կարիքների համար 1 մլն դոլար է փոխանցել

Հրդեհ է բռնկվել հեռուստաաշտարակի մոտակայքում․ հայտարարվել է հրդեհի բարդության «1 Բիս» կանչ

Հայաստան են վերադարձել 5 ռազմագերիներ, որոնք դատապարտվել էին 6 տարվա ազատազրկման. նրանց տեղափոխել են բուժզննության

Դուք ինձ համար կուռք եք եղել․ Կարեն Գիլոյանն ընդունել է Օլիմպիական չեմպիոններ Ալեքսանդր Կարելինին և Մնացական Իսկանդարյան

Արմեն Սարգսյանին հավատարմագրերն է հանձնել Հայաստանում Իռլանդիայի նորանշանակ դեսպան Մարտինա Ֆինեյը

Լոնդոնում տեղի է ունեցել Ալեքսանդր Սպենդիարյանի 150 և Առնո Բաբաջանյանի 100-ամյակներին նվիրված համերգ

Հավատարիմ ենք ժողովրդավարական բարեփոխումների քաղաքական ուղեգծին. վարչապետն ընդունել է ԵԽ պատվիրակությանը (լուսանկարներ)

Հայաստան են վերադառնում 5 հայ ռազմագերիներ. Նարեկ Ղահրամանյան

Վահան Քերոբյանը ծանոթացել է Տաշիր քաղաքում գործող «Ամպեր» մալուխների գործարանի աշխատանքներին

300 հազար դոլար, 112 հազար եվրո և 4 անշարժ գույք. ինչ ունեցվածք ունի Առուշ Առուշանյանը

Կինոյի տան և Մալյան թատրոնի մոտ ապօրինի գարեջրատուն են սարքում, որ ֆուտբոլ նայեն․ Կինեմատոգրաֆիստների միության նախագահ

Արտակ Ղուլյանը նշանակվել է Իրավական կրթության և վերականգնողական ծրագրերի իրականացման կենտրոնի տնօրեն

«10 մլն ծառ»-ի շրջանակում տարբեր կազմակերպություններ ծառատունկ կիրականացնեն․ ՇՄ նախարարը քննարկում է անցկացրել

Արման Բաբաջանյանի մեքենայի վրա կրակելու գործով նոր զարգացումներ են սպասվում

Վահրամ Դումանյանն ընդունել է ՌԴ պատվիրակությանը․ հայկական կողմը կարևորում է Հայաստանում ռուսերենի զարգացման հարցը

Արմեն Սարգսյանին հավատարմագրերն է հանձնել Հայաստանում Նորվեգիայի Թագավորության նորանշանակ դեսպանը (տեսանյութ)

2020թ. ԱԺ արտահերթ ընտրություններում ընտրակաշառքի վերաբերյալ առաջին գործով մեղադրական դատավճիռ է կայացվել

Կարեն Անդրեասյանը նոր դատավորների ընտրության և վերապատրաստման հարցեր է քննարկել Արդարադատության ակադեմիա այցի ընթացքում

«Մանչեսթեր Յունայթեդը» բանակցում է Զիդանի հետ. նախաձեռնողը Ռոնալդուն է

Ուզում ենք՝ ուսանողը Երևանում սովորի, բայց իր մարզը զարգացնի. մի խումբ ուսանողներ «Ուսանողի տուն» են հիմնել ու բնակվում

Հոկտեմբերի 20-ին Երևանի կենդանաբանական այգին փակ կլինի. անցկացվելու է «Երազանքի երեկո» միջոցառումը

Դալարում սպանված բնակչի հորեղբայրն ու հորեղբոր որդին հրկիզել են սպանության մեջ մեղադրվողի տունը. 2-ն էլ ձերբակալված են

Ուղևորներն ու վարորդները դիմակ չեն կրել. տեսչական մարմինը 81 խախտում է հայտնաբերել

Ռազմական համալսարանի զոհված շրջանավարտների հիշատակին նվիրված խաչքար-հուշակոթողի մոտ մատուցվել է հոգեհանգստյան կարգ

Քրեակատարողական համակարգում սկսում ենք բարեփոխումների նոր շրջան. Կարեն Անդրեասյան

Եռակողմ հայտարարությամբ դադարեցվեցին ռազմական գործողությունները, իսկ իրավիճակը շարունակում է մնալ անկայուն. Ռուբինյան

ՄԻՊ գրառման մեջ առկա են անճշտություններ, ադրբեջանական ԶՈՒ-ն ինժեներական ակտիվ աշխատանք չի իրականացնում. ՊՆ պարզաբանումը

Վրաերթ Շերամի փողոցում. 11-ամյա երեխան հոսպիտալացվել է

Սուրեն Պապիկյանը Իգոր Մասլովի հետ հայ-ռուսական հարաբերությունների զարգացման լայն օրակարգ է քննարկել (լուսանկարներ)

Իռլանդիայի նորանշանակ դեսպանն իր հավատարմագրերի պատճենն է հանձնել ԱԳ նախարարի տեղակալ Վահե Գևորգյանին

Հայկական կարմիր խաչի ընկերության Գյումրու խնամքի կենտրոնի շահառուներն ալկոհոլ են օգտագործել, ծեծել իրար. Դատախազություն

Այստեղ ենք՝ հասկանալու, թե ինչպես է ընթանում ԵԽ-Հայաստան ծրագիրը. նախագահը ընդունել է Մարթեն Էհնբերգին (տեսանյութ)

«Ոսկե բանալի, ժանգոտ կողպեք» մրցանակաբաշխության ժամանակ Երեւանի քաղաքապետարանն արժանացել է «Ժանգոտ կողպեքի»

Կան բազմաթիվ խնդիրներ, որոնք բարդացնում են գործընթացը. Մհեր Գրիգորյանը՝ սահմանազատման և սահմանագծման մասին