ՄԱԿ-ի ծրագրի աջակցությամբ Պեմզաշեն համայնքում էկո, ագրո եւ գաստրոտուրիզմի սիրահարների համար հատուկ հյուրատուն է հիմնվել

Ամեն ինչ տնական, ամեն ինչ բնական: Հայկական գյուղական հողե պատերով հացատնից անցում եվրոպական լուծումներով քարե հյուրատան: Պեմզաշենցի Հովհաննեսը գյուղում առաջին համարձակն է, ով վստահել է Հայաստանի վաղվա օրվա տեսլականին, թողել մայրաքաղաքն ու վերադարձել հայրենի տուն՝ Պեմզաշեն:

«Ծնողներս հյուրասեր մարդիկ էին, շատ էին սիրում, որ տունը լիքն էր լինում, շատերն էին գալիս-գնում, սեղանն անընդհատ դնում-վերցնում էին: Ես հյուրատունն իրենց հիշատակին եմ կառուցել, որ էլի այս տունը շեն մնա, հյուրասեր լինի»,- հյուրատան բացման ժամանակ լրագրողների հետ զրույցում ասաց Հովհաննես Մարգարյանը:

Հյուրատան բացումից հետո հերթը հասավ առաջարկվող ծառայություններին: Արագածի արեւմտյան փեշերին գտնվող այս վայրում զբոսաշրջիկները կարող են սեփական ձեռքերով ծիրանի եւ խնձորի օղի ստանալ, թոնրի մեջ խորոված անել, եփել-թափել, չեչիլ պանիր պատրաստել եւ տուֆ քարից թռչնատառեր ստեղծել: Նրանց համար հատուկ վարպետության դասեր կանցկացվեն:

Վարպետության դասերի համար հատուկ մասնագետներ չեն հրավիրվել: Հովհաննեսն աշխատանքն առաջարկել է հենց համագյուղացիներին: Օրինակ չեչիլը Նանիկն է պատրաստում: Ասաց՝ 20 տարեկանից այս գործն անում է, տանեցիները հավանում են իր պատրաստածը: Եռացող ջրում պանիրը պտտում է այնքան, որ թելեր դառնան, ասում է՝ իր չեչիլը մազից բարակ պետք է լինի: Նաեւ փափուկ ու սպիտակ: Պատրաստում է այնպես, ինչպես իր տան համար է տարիներ շարունակ այդ գործն արել: Ուղղակի մի փոքր անսովոր է. մարդիկ շատ են, անծանոթներ են գալիս: Եվ պատարստում է, եւ բացատրում:

Հյուրատան բակում տուֆ քարից քանդակված թռչնատառերով հայոց այբուբենն է ամրացված: Նաեւ արտասահմանյան հայտնի մուլտֆիլմերի հերոսներն են, Կենաց ծառն ու պատվո պատը, որի վրա հայոց արքայատոհմերի զինանշաներն են ամրացված: Հովհաննես Մարգարյանն ասում է՝ բոլոր զբոսաշրջիկները պետք է գնան մեր պատմությունը իմացած:

Գյուղական զբոսաշրջության զարգացմանն ուղված այս նախաձեռնությունը Պեմզաշենում իրականացվել է ՄԱԿ-ի զարգացման «Ինտեգրված գյուղական զբոսաշրջության զարգացում» ծրագրի աջակցությամբ: Շիրակի մարզում այս ծրագրով ավելի վաղ երեք նախագիծ էր կյանքի կոչվել՝ Գյումրիում բացվել էր «Գըվուգ» գաստրոտունը, Արփի լճում «էկոտուն»-ը, և Սարիարում «Սարգսյանների հյուրատուն»-ը։  

Նման փոքր-փոքր քայլերով գյուղական տուրիզմի զարգացման մեծ ճանապարհի սկիզբն է հարթվում: Շիրակի մարզպետ Տիգրան Պետրոսյանն ասաց՝ նկատելի է արդեն, որ շուտով Գյումրին դառնալու է Հայաստանի զբոսաշրջության կենտրոնը, իսկ այս պարագայում շատ կարեւոր է, որ զբոսաշրջիկը նաեւ այլընտրանք ունենա Գյումրիից դուրս, մարզի գյուղական համայնքներում: «Արագածի փեշերին գտնվող գյուղում մենք ստացել ենք բարձր մակարդակի միջավայր հյուրատան տեսքով: Սա նաեւ գյուղի զարգացման հնարավորության լավ մոդել է, որը կարելի է տեղայնացնել ցանկացած համայնքում: Եթե տուրսիտներրը գալիս են հյուրատուն, համայնքն է շահում, նրանք եւս պետք է մտածեն տարբեր ապրանքատեսակների առաջարկներով հանդես գալու, դրանք ստեղծելու եւ մատուցելու ուղղությամբ»,- վստահ է մարզպետը:

Պեմզաշենում, բացի հյուրատանն առաջարկվող հայկական ուտեստներից եւ վարպետության դասերից, նաեւ պատմական շատ արժեքներ տեսնելու հնարավորություն կա: Պահպանված են 5-րդ դարի բազիլիկ եկեղեցու, 6-րդ դարի խաչաձև գմբեթավոր եկեղեցու հիմնապատերը: Դեպի Լեռնակերտ տանող ճանապարհին գտնվում են Մակարավանքի ս.Սիոն եկեղեցին, Առաքելոց վանքի եկեղեցին, Աբլղարիբ Պահլավունու մահարձանը: Գյուղից հարավ-արևելք պահպանվել են միջնադարյան բերդի պարիսպների հետքեր: 

Ներկա պահին Շիրակի մարզպետարանն աշխատում է զբոսաշրջային ոլորտում համակարգված գործողությունների պլանի մշակման վրա: «Եւ դաշտն է մեծացել, եւ օպերատորներն են շատացել, եւ Շիրակի նկատմամբ հետաքրքրվածությունը: Հիմա պետք են ֆորմալ գործիքներ: Նաեւ ավելանում են տրանսպորտային հոսքերը դեպի մարզ եւ մարտի վերջին սպասում ենք եվրոպական առաջին չվերթին դեպի Գյումրի: Նաեւ վստահ ենք, որ ամռանը զբոսաշրջային ակտիվ սեզոնի մեկնարկն ենք տալու: Հենց դրա համար էլ պետք է կարողանանք հստակ առաջարկներով ներկայանալ: Տուրիստը պետք է իմանա, թե Գյումրիից դուրս որտեղ կարող է մեր մարզում մեկ օր անցկացնել, ինչ զբաղմունքներ կան, ինչ է առաջարկվում»,- ասաց Տիգրան Պետրոսյանը:

ՄԱԿ-ը տրամադրված է Շիրակում շարունակել սկսած գործը: ՄԱԶԾ մշտական ներկայացուցչի տեղակալ Միհայելա Ստոյկոսկան ասաց՝ հիացած է Պեմզաշենի «Տուֆ-Արտ»-ով: «Քարը կյանք է առել, իսկ դա հրաշք է: Մեր ծրագրի  նպատակն է գյուղերում գտնել չեմպիոնների, որոնք արդեն որոշակի քայլերի պատրաստ են, բայց ունեն մեր օգնության կարիքը իրենց նախաձեռնությունը զարգացնելու, ավելի ընդլայնելու համար»,- ասաց ՄԱԿ-ի ներկայացուցիչը:

Միհայելա Ստոյկոսկան մասնավոր հատվածին կոչ արեց ներդրումներ կատարել գյուղական համայնքներում: Ասաց՝ գյուղական բնակավայրերը զբոսաշրջության զարգացման առումով մեծ ներուժ ունեն, ընդամենը պետք այն նպատակային եւ ճիշտ օգտագործեն մարդիկ: Գյուղական հյուրատների հիմնումը նաեւ Հայաստանը որպես զբոսաշրջային երկիր ներկայացնելու յուրահատուկ ձեւաչափ է:

Տպել
3486 դիտում

«Եվ Սասունը նորի՜ց պարեց, ոտքը զարկեց, ձեռքով արեց»․Դաշտադեմի ամրոցում տեղի է ունեցել ազգային երգ ու պարի փառատոն

Գոռ Կարապետյանը՝ պատանիների ձյուդոյի Եվրոպայի առաջնության արծաթե մեդալակիր

Շոյգուն ժամանել է Ուկրաինայի՝ ռուսական զորքի վերահսկողության տակ գտնվող տարածք

Գեղարքունիքի մարզում բախվել են «ՈՒԱԶ»-ն ու «ՎԱԶ 21099»-ը. վիրավորներից մեկը ժամեր անց շտապօգնության մեքենայում մահացել է

Չորրորդ իշխանությունը պետք է պատասխանատվության իր բաժինը գիտակցի. Արման Բաբաջանյանը դիմել է վարչապետի աշխատակազմին

Արարատ Միրզոյանը վաղը կմեկնի Աթենք

Բայդենն ու Շոլցը հավատարիմ են Ուկրաինային ռազմական աջակցություն ցուցաբերելուն. Սպիտակ տուն

Ստեփանակերտում խստացված ռեժիմով ծառայություն է անցկացվել․ ԱՀ ՆԳՆ

Հրդեհ Արևաբույր գյուղի տներից մեկին հարակից անասնագոմում

G7-ի երկրները արգելք կսահմանեն ՌԴ-ից ոսկու ներմուծման վրա. Բայդեն

Կարկտահարություն Մարտակերտի վերին ենթաշրջանում. կարկուտի շերտը հասել է 5սմ-ի

Բասկետբոլի SADA CUP. Հայաստանի հավաքականը հաղթեց ԱՄՆ-ին

Արևմուտքը մնում է համախմբված և միասնական. Գերմանիայում մեկնարկում է G7-ի գագաթնաժողովը

Հրդեհ է բռնկվել Կապան քաղաքի շենքերից մեկի նկուղային հարկում

Սպասվում է կարճատև անձրև. առաջիկա օրերի եղանակային կանխատեսումը

Բայդենը զենքի շրջանառության վերահսկողությունը խստացնելու մասին օրենք է ստորագրել

28-ամյա վարորդը Ջրվեժում 20 մետր բարձրությունից ընկել է և հայտնվել ձորակում

«Եվրատեսիլ-2023»-ը չի անցկացվելու Ուկրաինայում

Լուսագյուղ-Երասխահուն հատվածում երթևեկությունը դեռևս իրականացվում է մեկ գոտիով

23-ամյա երիտասարդը Ցեղասպանության թանգարանի բարձրությունից ցած է նետվել. նրա հեռախոսում հայտնաբերվել է հաղորդագրություն

Ստեփանակերտում վարորդը «ՎԱԶ-2121»-ով վրաերթի է ենթարկել 60-ամյա բնակչուհուն

Շրջակա միջավայրի նախարարի տեղակալը մասնակցել է քննարկման՝ ուղղված Սևանա լճի հարակից տարածքների զբոսաշրջային պոտենցիալին

Մարդու իրավունքների պաշտպանի ուղերձը խոշտանգման զոհերի աջակցության միջազգային օրվա առթիվ

Սկսվում է ընդունելության լրացուցիչ փուլի հայտագրումը․ ովքեր կարող են մասնակցել

Մոսկվայում հարյուրավոր մարդիկ վերջին հրաժեշտն են տալիս Յուրի Շատունովին (տեսանյութ)

«Կոռուպցիա 2․ Հատուցում» ֆիլմում Հիսուսի կերպարը ծաղրելու համար ԱՄՆ-ում ծեծել են դերասան Սոս Կարապետյանին (տեսանյութ)

3 օրում փրկարարները բռնել են 7 սահնօձ, 1 գյուրզա և շահմար

Ստացի՛ր քո եռագույն շապիկն ու միացի՛ր. ՀՀ պետական խորհրդանշանների օրվան նվիրված տոնական քայլերթը՝ հուլիսի 5-ին

Արաբկիրում կազմակերպվել է մեծ շաբաթօրյակ (լուսանկարներ)

27-ամյա վարորդը ավտոմեքենայով բախվել է գովազդային վահանակին, ապա կայանված «Մազդա»-ին, վերջինս էլ՝ «Հոնդա»-ին

ՌԱԿ-ն իր պատմությամբ ու անցած ճանապարհով ապացուցել է կենսունակությունը. ՀՀ վարչապետ (տեսանյութ)

Կայծակի հարվածը Արագածի լանջերին. Գագիկ Սուրենյանը տեսանյութ է հրապարակել

Վարչապետը առցանց ասուլիս կտա. հայտնի են օրն ու ժամը

Մուշավան գյուղի մոտակայքում տեղի է ունեցել ՃՏՊ՝ ավտոմեքենան շրջվել է

Հնարավո՞ր է՝ մեր հեռախոսահամարները հրապարակվեն, գուցե գեղեցիկ աղջիկները տեսնեն ու զանգեն. «Ջերմուկյան էսքիզներ»

Ինչպես ենք կարողանում վնասել այն, ինչը ստեղծելու խնդիր ունենք․ Անդրեասյանը՝ դպրոցներից մեկում կատարված գողության մասին

ՀՀ ԱԳՆ-ն մեկնաբանել է Փաշինյան-Պուտին հանդիպման 2022թ․ ապրիլի 19-ի համատեղ հայտարարության 24-րդ կետը

Հայաստանն ու Լիտվան պատրաստվում են միջկառավարական հանձնաժողովի նիստին

Էջմիածնի բնակիչը երթուղայինում բջջային հեռախոս է գողացել

ԵՏՄ անդամ Հայաստանը պատրաստ է աջակցել հայկական շուկա մտնելու ցանկություն ունեցող ավստրիական ընկերություններին․ Սիմոնյան