Երևան
24 °C
Փետրվարի 18-ին Վրաստանի կառավարության որոշմամբ ազգային նշանակության ավանդույթի կարգավիճակ տրվեց վրացական խմբերգերին (բազմաձայն երգեցողությանը) եւ սուփրային: Որոշումից մեկ շաբաթ անց արեւմտյան երկրների դիվանագետները որոշեցին օգտագործել արդեն պաշտոնապես հաստատված ավանդույթներից մեկը՝ սուփրան Վրաստանի կառավարության եւ ընդդիմության միջեւ երկխոսությանը նոր թափ տալու համար:
Նախ իշխանության եւ ընդդիմության ներկայացուցիչներին ճաշի հրավիրեց ԱՄՆ դեսպանը: Փետրվարի 27-ին քաղաքական գործիչներն արդեն նախաճաշում էին ԵՄ դեսպանի մոտ: Իսկ հաջորդ օրվա երեկոյան ոչ պաշտոնական հանդիպում տեղի ունեցավ արդեն Գերմանիայի դեսպանի նախաձեռնությամբ:
Վրաստանի իշխանություններն ու ընդդիմությունը չեն կարողանում ընդհանուր հայտարարի գալ խորհրդարանի մեծամասնական եւ համամասնական տեղերի քանակի շուրջ: Գործող օրենսդրությամբ Վրաստանի խորհրդարանի 150 տեղերից 73-ը ստանում են միամանդատ ընտրատարածքներում ընտրությունների հաղթողները: Մնացած 77 տեղերը բաշխվում են 3 տոկոսանոց շեմը հաղթահարած կուսակցությունների միջեւ:
Ընդդիմություն ներկայացուցիչները հանդես են գալիս ամբողջովին համամասնական ընտրակարգի օգտին: Նրանք մտավախություն ունեն, որ «Վրացական երազանքը» կօգտագործի իշխանական լծակները միամանդատ ընտրատարածքներում հաղթելու համար: Իշխանական ուժի պատգամավորներից շատերը դեմ են միայն համամասնական ընտրակարգին անցում կատարելուն՝ նշելով, որ դա կվտանգի երկրի կայունությունը:
Այդուհանդերձ, մինչեւ փետրվարի սկիզբը կողմերը հասել էին որոշակի համաձայնության: Մասնավորապես համաձայնեցվել էր Սահմանադրական նորմի ամրագրումը, որի շնորհիվ ընտրություններում 40 տոկոսից պակաս ձայն ստացած կուսակցությունը կամ դաշինքը չի կարողանա կառավարություն ձեւավորել: Իշխանությունը նաեւ առաջարկել էր ընդդիմությանը կրճատել միամանդատ ընտրատարածքներում ընտրվող պատգամավորների թիվը՝ 73-ից հասցնելով 50-ի: Սակայն փետրվարի 11-ին ընդդիմադիր «Եվրոպական Վրաստան» կուսակցության առաջնորդներից Գիգի Ուգուլավայի նկատմամբ դատավճիռը վտանգի տակ դրեց բանակցությունների ապագան։
Դիվանագետների նախաձեռնած հանդիպումները շոշափելի արդյունք չեն տվել: Հանդիպման մասնակիցները նշում են, որ դրանք անցել են ոչ ֆորմալ միջավայրում, տեղի է ունեցել մտքերի փոխանակում: Ընդ որում՝ իշխանության ներկայացուցիչները շարունակում են պնդել, որ ընդդիմությունը պետք է ընդունի իրենց առաջարկը, քանի որ իշխող թիմի կողմից մշակվել է «մտածված, համամասնականին մոտ եւ արդար համակարգ»: Խորհրդարանական մեծամասնության ղեկավար Մամուկա Մդինարաձեն էլ նշել է, որ եթե ընդդիմությունը «գոնե մի քիչ պատասխանատվություն ցուցաբերի», ապա կողմերը կարող են մինչեւ մարտի 9-ը հասնել համաձայնության:
Ընդդիմությունը շարունակում է անընդունելի համարել մեծամասնական մանդատների մասնակի նվազեցման առաջարկը եւ պնդում է ամբողջովին համամասնական համակարգին անցնելու պահանջը: Բացի այդ, ընդդիմադիրները պահանջում են ազատ արձակել իրենց բոլոր կողմնակիցներին ու ակտիվիստներին, որոնց նրանք համարում են քաղբանտարկյալներ։ «Վրացական երազանքը», բնականաբար, հայտարարում է, որ երկրում քաղբանտարկյալներ չկան եւ հրաժարվում է անգամ քննարկել այդ թեման:
Ընդդիմությունն, ըստ ամենայնի, գնում է առճակատման: Խոշոր հաշվով այն վերջնագիր է ներկայացրել կառավարությանը եւ վերջինիս կողմից այդ պայմանները մերժելու դեպքում պատրաստվում է բողոքի եւ անհնազանդության լայնածավալ ակցիաներ անցկացնել: Միավորված ընդդիմության վստահության աղբյուրը հանրության բացասական տրամադրվածությունն է իշխող կուսակցության նկատմամբ: Համաձայն հանրային կարծիքի վերջին հարցումների՝ «Վրացական երազանքը» զգալիորեն զիջել է իր դիրքերը: Ամենաթարմ հարցման արդյունքներով՝ ընտրողների 55 տոկոսը քվեարկելու է միավորված ընդդիմության օգտին եւ միայն 39 տոկոսը՝ իշխող կուսակցության: Հատկանշական է, որ, ըստ հարցման, ընդդիմադիր ուժերի առանձին մասնակցության պարագայում «Վրացական երազանքը» կստանա 34 տոկոսը (հաշվի առնելով 3 տոկոսի շեմը չհաղթահարած կուսակցությունների ձայների փոշիացումը՝ ավելին) եւ կզբաղեցնի առաջին տեղը:
Ողջ հարցը նրանում է՝ արդյո՞ք ընդդիմությանը կհաջողվի միացյալ մնալ մինչեւ նոյեմբեր: Իշխանությունը, թերեւս, հույս ունի, որ միջկուսակցական պայքարը եւ անձնական ամբիցիաներն ի վերջո կհաղթեն միասնական ճակատով հանդես գալու ձգտմանը:
Ընդդիմության միացյալ ճակատը ձեւավորվել էր նախորդ տարվա նոյեմբերին, երբ իշխող խմբակցության մեծամասնական պատգամավորները տապալեցին ընտրական բարեփոխումները: Այն բաղկացած է քաղաքական եւ գաղափարական տարբեր ուղղվածության 38 կուսակցություններից: Ապրիլի 4-ին միացյալ ընդդիմությունը նախատեսում է մեծ հանրահավաքի ընթացքում ներկայացնել միամանդատ ընտրատարածքների թեկնածուներին: Սակայն մամուլում արդեն իսկ հայտնվում է տեղեկատվություն, որը սպառնում է ընդդիմության միասնությանը:
Վրացական ԶԼՄ-ներով սկսել են շրջանառվել թեկնածուների ոչ պաշտոնական ցուցակներ, որոնցում մեծ մասը հատկացված է Միխայիլ Սահակաշվիլիի «Միացյալ ազգային շարժում» կուսակցության ներկայացուցիչներին: Թեեւ կուսակցությունների կողմից հերքվեց առհասարակ որեւէ ցուցակի առկայության փաստը՝ այդ տեղեկություններն իրենց բացասական ազդեցությունն ունեցան:
Այդպիսով, անգամ մի կողմ թողնելով այն, որ իշխանությունների հետ համաձայնության չգալու պարագայում ընդդիմությունը ստիպված է լինելու համաձայնեցնել 73 թեկնածուի հարցը, ինչը, բնականաբար, ավելի բարդ է քան 50 կամ 40 թեկնածուի դեպքում եւ հավելյալ սպառնալիք է ընդդիմության միասնությանը՝ ընդդիմությունն ապահովագրված չէ նմանատիպ ապատեղեկատվության տարածումից, որը, թիրախային եւ պարբերական լինելու դեպքում զգալիորեն կնվազեցնի «ընդդիմադիր խմբերգի» հնարավորությունները:
Ռուբեն Վարդանյանը դժկամությամբ, բայց համաձայնել է ընդհատել հացադուլը․ նրան թույլ են տվել խոսել կնոջ հետ
Սանոսյանն ու Կոպիրկինը ԱԷԿ-ի 2-րդ էներգաբլոկի շահագործման երկարաձգման աշխատանքների վերաբերյալ հարցեր են քննարկել
Ալեն Սիմոնյանն ու Դըվինազը մտքեր են փոխանակել անվտանգային և տնտեսական դիվերսիֆիկացման հնարավորությունների շուրջ
Ալագյազում Մալխաս և Ռոման Ամոյանների անվան նոր մարզադպրոց կկառուցվի
Փոխվարչապետն ու Իրանի դեսպանն անդրադարձել են սահմանազատման գործընթացի վերջին զարգացումներին
Նոյեմբերյան-Բագրատաշեն ճանապարհը փակած ակցիայի մասնակիցը ձերբակալվել է․ վերջինս հետախուզման մեջ է եղել
Զինծառայողը ականապայթյունային վնասվածք է ստացել
Միրզոյանը Սերբիայի ԱԳ նախարարի հետ հեռախոսազրույցում ընդգծել է Հարավային Կովկասում հարատև խաղաղության կարևորությունը
Կորոնավիրուսի ժամանակ 829 կեղծ պատմագրի հիման վրա Առողջապահության նախարարությունից հափշտակվել է 263 մլն 480 հազար դրամ
Ռեստորանի մոտ մեքենաներ են բախվել․ դրանցից մեկը դուրս է եկել երթևեկելի գոտուց, բախվել օբյեկտներից մեկի պատին
Հիմա հեշտ է պառկել ասֆալտին ու ցույց տալ, թե փրկում եք հայրենիքը․ Սաֆարյանը՝ ԱԺ նախկին գործընկերներին
Հայաստանի և Ադրբեջանի սահմանին կոորդինատների ճշգրտման աշխատանքների շրջանակներում 20 սահմանային սյուն է տեղադրվել
ԱԺԲ-ի հանրահավաքի ժամանակ բռունցքով ոստիկանության ծառայողի գլխին հարվածած կինը ձերբակալվել է
Հակոբ Արշակյանը Սիրիայի Ժողովրդական ժողովի փոխնախագահին է ներկայացրել «Խաղաղության խաչմերուկ» նախագիծը
Պապոյանն ու ՌԴ դեսպանը քննարկել են Վերին Լարսով Վրաստանից Ռուսաստան տանող ճանապարհով բեռնափոխադրումների խնդիրները
Տաքսու մեջ ծխելու հետ կապված վեճի ժամանակ ուղևորը քիմիական նյութ է փչել վարորդի դեմքին․ վերջինս այրվածքներ է ստացել
Հնդկաստանի ԱԳՆ-ն արձագանքել է Հայաստանին զենք մատակարարելու վերաբերյալ Ադրբեջանի քննադատությանը
ՄԻՊ արագ արձագանքման խմբեր են մեկնել Ոստիկանության բաժիններ՝ այսօր բերման ենթարկված անձանց տեսակցելու համար
Դոլարն էժանացել է․ ինչ փոփոխություններ է արձանագրել տարադրամի շուկան ապրիլի 25-ին
«Խաղաղության խաչմերուկը» Հայաստանի տեսլականն է դեպի խաղաղություն. Սիմոնյանը՝ Սիրիայի խորհրդարանի փոխխոսնակին
Ռուսաստանի, Հայաստանի և Ադրբեջանի միջև եռակողմ պայմանավորվածությունները շարունակում են մնալ արդիական. Զախարովա
Կարծում եմ՝ պետք է քննարկենք այդ հարցը․ Ալեն Սիմոնյանը՝ Ադրբեջանից Հայաստան գազ ներկրելու՝ Իլհամ Ալիևի առաջարկի մասին
ՀՀ-ն ԱՄՆ-ին է հանձնել հետախուզման մեջ գտնվող ամերիկացուն
ԵԽ գրասենյակի ղեկավարն ու Պապիկյանը քննարկել են համատեղ իրականացվող ծրագրի մանրամասները
Ուժերը մեզ վրա է պատո՞ւմ, թե չեն ընկալում ՀՀ-ն որպես անկախ պետություն. Սիմոնյան
Բերման է ենթարկվել բողոքի ակցիաների 29 մասնակից
Գառնիկ Դանիելյանին տեղափոխել են հիվանդանոց
Ռուսաստանում մեկնաբանել են Հայաստանի և Ադրբեջանի միջև առաջին սահմանային սյան տեղադրումը
Բերման են ենթարկվել Էդգար Ղազարյանը, Նաիրա Զոհրաբյանն ու Երևանում կազմակերպված ակցիայի այլ անդամներ
Տավուշում ԵԿՄ մեքենան վնասելու, խուլիգանության գործով ձերբակալված «Մարտական եղբայրության» հիմնադիրը կալանավորվել է
Ապրիլի 17-22-ին գրանցված առավելագույն ջերմաստիճանները գերազանցել են բոլոր պատմական արժեքները. անոմալ տաքը կպահպանվի
Քանի դեռ ժողովրդին ոչ մի բան չունեն առաջարկելու, 20, 30, 40 հոգով հավաքվելու են գոռգռան և գնան տներով. Սիմոնյան
Վազգենը որ գար, կասեր՝ «արա, ամբողջ կյանքում «наша раша»-ի տակ տնքալով պարողը իրավունք չունի սահմանից խոսել. Խաչատրյան
ԱԺ Հայաստան-Ֆրանսիա բարեկամական խումբը ֆրանսիացի գործընկերների հետ քննարկել է երկուստեք հետաքրքրության հարցեր
Դրսից թելադրված բան է․ Սիմոնյանը մանրամասնեց, թե ովքեր են ՀՀ-ում ընդդիմախոսները
Հայաստանը դիմացել է, նա գրում է իր և իր ժողովրդի ապագան. Ֆրանսիայի վարչապետ
12 կմ արդեն սահմանազատված է, թե Ալիևը ՌԴ-ի ու Թուրքիայի հետ սակարկելու համար ինչ կասի, չի հետաքրքրում․ Սիմոնյան
Ադրբեջանցին զարթնելու է, տենա՝ եռագույնը ծածանվում է Կզըլ Հաջիլիի բարձունքի վրա, դրա մասին ինչո՞ւ չեք խոսում. Սիմոնյան
Տեղեկատվական հոսքերով փորձ է արվում հրամցնել, թե բազմաթիվ, այդ թվում՝ միջպետական ճանապարհներ են փակ. Չախոյան
ՌԴ ԱԳՆ-ն ափսոսանք է հայտնել, որ Հայաստանում շարունակում են «ՀԱՊԿ-ի հասցեին հրապարակային քննադատություն թույլ տալ»
© 2024 Հայկական ժամանակ