ՀՀ եւ Վրաստանի պաշտպանության նախարարության միջեւ ստորագրվեց 2020 թվականի ռազմական համագործակցության ծրագիրը. Տոնոյան

27/02/2020 schedule17:45

Հայաստանի եւ Վրաստանի պաշտպանության նախարարությունների միջեւ ստորագրվել է 2020 թվականի ռազմական համագործակցության ծրագիր: Այս մասին այսօր Վրաստանի պաշտպանության նախարար Իրակլի Ղարիբաշվիլիի հետ հանդիպումից հետո համատեղ հայտարարության ժամանակ ասաց ՀՀ պաշտպանության նախարար նախարար Դավիթ Տոնոյանը:

«Հարկ եմ համարում նշել, որ հպարտանալով մեր ժողովուրդների միջեւ հազարամյա բարեկամական հարաբերություններով՝ Հայաստանն-Վրաստանն անվտանգության, տնտեսական, քաղաքական մշակութային եւ բազում այլ բնագավառներում կարեւորագույն նշանակություն ունեն միմյանց համար: Պետք է շարունակաբար ընդլայնել համագործակցությունը վերոնշյալ բնագավառներում:

Ցանկանում եմ խորին շնորհակալությունս հայտնել գործընկերոջս՝ Հարավկովկասյան տարածաշրջանում առաջին պաշտոնական այցը ՀՀ կատարելու համար:

Հանդիպման արդյունքում ստորագրեցինք ՀՀ եւ Վրաստանի պաշտպանության նախարարության միջեւ 2020 թվականի ռազմական համագործակցության ծրագիրը, որում ներառված են պաշտպանական բնագավառում միջոցառումներ: Վերջիններս ընդգրկում են ռազմական կրթություն, զինծառայողների խաղաղապահ պատրաստության եւ լեռնային պատրաստության ոլորտները: Ցանկանում եմ հավաստիացնել, որ ՀՀ-ն եւ Վրաստանը փոխադարձաբար ընկալում ու հարգում են միմյանց ժողովրդավարության ու արժեքային համակարգերը»,- ասաց Տոնոյանը:

Իր հերթին Վրաստանի պաշտպանության նախարար Իրակլի Ղարիբաշվիլին ասաց. «Նախ եւ առաջ թույլ տվեք շնորհակալություն հայտնել իմ շատ լավ գործընկերոջը՝ պարոն Տոնոյանին, հյուրընկալության եւ հետաքրքիր հանդիպումների համար: Ինձ համար մեծ պատիվ է այցելել Հայաստան՝ որպես Վրաստանի պաշտպանության նախարար: Հայաստանը մի երկիր է, որի հետ մենք շատ լավ, բարիդրացիական հարաբերություններ ենք կիսում եւ փոխադարձ հարգանք ենք տածում հարյուրամյակներ շարունակ: Մենք շատ հետաքրքիր եւ խոր քննարկում ունեցող հանդիպում ենք ունեցել: Փոխանակել ենք կարծիքներ տարածաշրջանային մարտահրավերների վերաբերյալ: Մենք նաեւ համաձայնել ենք առ այն, որ չկա այլընտրանք մեր զարգացող բարիդրացիական հարաբերություններին, չկա այլընտրանք կոնֆլիկտների խաղաղ լուծմանը, ինչպես նաեւ տարածաշրջանում խաղաղության եւ կայունության ապահովմանը: Ուրախ եմ նշել, որ հայ զինծառայողները կմասնակցեն ՆԱՏՕ-ի անդամ երկրների եւ գործընկներների «Noble Partner 2020» միջազգային զորավարժություններին, որոնք ծրագրվում է անցկացնել Վրաստանում:

Ապացույցն այս փաստի մեր դրական աճող դինամիկան է, որը մենք տեսնում ենք երկկողմ համագործակցության շրջանակում: Իմ կողմից նույնպես ուզում եմ ընդգծել այն կայուն համագործակցությունը, որը կա մեր 2 նախարարությունների միջեւ»,- նշեց Ղարիբաշվիլին:

Տպել
570 դիտում

Առաջիկա օրերին սպասվում է ձյան եւ անձրեւի տեսքով տեղումներ. կցրտի մինչեւ 10-12 աստիճանով

AC19 հավելվածն այլևս չի գործելու․ տվյալների բազաները տեղափոխվել են Covid-19 Armenia հավելված․ ՀՀ պարետ

Ուկրաինայի հայերը ֆինանսավորել են վիրուսաբանության լաբորատորիայի վերակառուցումը

Ռուսաստանի օդային սահմանը փակ է, սակայն կիրականացվի հատուկ չվերթ դեպի Երևան. ՌԴ-ում ՀՀ դեսպան

Հեռավար ուսուցումն իրականացնելու նպատակով ԿԳՄՍՆ-ն Կոտայքի մարզին տրամադրել է համակարգիչներ և պլանշետներ

Արցախի բուժհաստատություններում հիվանդասենյակներ են առանձնացրել կորոնավիրուսով կասկածվողներին մեկուսացնելու համար

Հայաստանի մի շարք շրջաններում ձյուն է տեղում

Կոտայքի մարզում քաղաքացին հոսանքահարվել է էլեկտրասյան վրա և մահացել

Հայաստանում կորոնավիրուսով հաստատված հիվանդների թիվը հասավ 822-ի. 52 նոր դեպք է ավելացել

Երեւանի Բագրատունյաց պողոտայի շենքերից մեկի քարերը պոկվել, ընկել են

Այսօր Ծաղկազարդ է՝ մանուկների օրհնության օրն ու Ավագ շաբաթի մեկնարկը

Ջրաշեն գյուղի թռչնաբուծարանի մոտ ավտոմեքենան թեքվել է դեպի ձորը

Բակո Սահակյանի գլխավորությամբ Արցախում կորոնավիրուսի կանխարգելման աշխատանքների հանձնաժողովի նիստ է գումարվել

Մեր նպատակը կապիտալ ծախսերի խթանման միջոցով նոր աշխատատեղերի ստեղծումն է. վարչապետ (տեսանյութ)

ՀՀ քաղաքացիական ավիացիայի կոմիտեն լիցենզիայից չի զրկվել. կոմիտեն հայտարարություն է տարածել

Վերակենդանացման բաժանմունքներում 25 հիվանդ կա. նրանցից 1-ի վիճակը ծայրահեղ ծանր է

Կորոնավիրուսը, Արմեն Մուրադյանը եւ նախարարի պորտֆելը

ՀՀ մարզերում ձյուն է տեղում, Լարսը բաց է միայն բեռնատարների համար

Արցախում առայսօր կորոնավիրուսային վարակի դեպք չի գրանցվել, մեկուսացվածներ ևս չկան

Աբովյանի բնակարաններից մեկում 62-ամյա տղամարդու դի է հայտնաբերվել