Մհեր Գրիգորյանը շնորհավորել է Կանադայի նորանշանակ դեսպանին պաշտոնն ստանձնելու կապակցությամբ

26/02/2020 schedule21:20

Փոխվարչապետ Մհեր Գրիգորյանը մասնակցել է Հայաստանում Կանադայի նորանշանակ արտակարգ և լիազոր դեսպան տիկին Էլիսոն ԼըՔլերի պաշտոնի ստանձնման, ինչպես նաև հայ-կանադական դիվանագիտական հարաբերությունների հաստատման 28-ամյակի կապակցությամբ կազմակերպված միջոցառմանը: Այս մասին տեղեկացնում է ՀՀ կառավարության լրատվական ծառայությունը:

Փոխվարչապետը հանդես է եկել շնորհավորական խոսքով, որում մասնավորապես ասել է.

«Հայաստանի Հանրապետության կառավարության և անձամբ իմ անունից ջերմորեն շնորհավորում և հաջողություն եմ մաղթում Ձեզ, տիկին ԼըՔլեր, Հայաստանի Հանրապետությունում Կանադայի արտակարգ և լիազոր դեսպանի պաշտոնն ստանձնելու կապակցությամբ: Հավատացած եմ, որ Ձեր նշանակումը նոր շունչ կհաղորդի հայ-կանադական երկխոսությանը և մեծապես կնպաստի երկու երկրների միջև բարեկամական հարաբերությունների զարգացմանը և խորացմանը:

Դիվանագիտական հարաբերությունների հաստատումից ի վեր 28 տարիների ընթացքում Հայաստանի Հանրապետությունը և Կանադան կառուցել են համագործակցության հաստատուն հիմքեր: Վստահորեն պետք է նշեմ, որ Հայաստանի կառավարությունը մեծապես կարևորում է Կանադայի հետ բարեկամությունը և ուրախ է արձանագրել, որ համատեղ ջանքերով գործընկերությունը բարձրացվել է նոր մակարդակի:

Ցանկանում եմ ընդգծել, որ Կանադայի վարչապետ Ջասթին Տրուդոյի պաշտոնական այցը Հայաստան նշանակալից իրադարձություն էր մեր երկկողմ հարաբերություններում: Մենք իսկապես հավատացած ենք, որ ստեղծված են բոլոր նախադրյալները երկու երկրների միջև համագործակցության առավել ամրապնդման և խորացման համար։

Հայ ժողովուրդը և Հայաստանի Հանրապետությունը մեծապես բարձր է գնահատում ժողովրդավարական ինստիտուտների և քաղաքացիական հասարակության ամրապնդման ոլորտներում Կանադայի կողմից տրամադրված աջակցությունը:

Չեմ կարող չնշել, որ երկու երկրների հարաբերությունների զարգացման գործում իր յուրահատուկ ավանդն ունի կանադահայ համայնքը, որը տարբեր թելերով կապում է երկու երկրները:

Այս համատեքստում ցանկանում եմ մեր երախտագիտությունը հայտնել Կանադային՝ Հայոց ցեղասպանության պաշտոնական ճանաչման և ապրիլը` որպես ցեղասպանությունների հիշատակման, դատապարտման և կանխարգելման ամիս հռչակելու համար:

Ամփոփելով խոսքս՝ շնորհավորում եմ բոլորիս մեր երկրների միջև ստեղծված արդյունավետ համագործակցության կապակցությամբ՝ մաղթելով բարեկեցություն և հարատև բարեկամություն մեր երկրների ժողովուրդներին»:

Տպել
383 դիտում

AC19 հավելվածն այլևս չի գործելու․ տվյալների բազաները տեղափոխվել են Covid-19 Armenia հավելված․ ՀՀ պարետ

Ուկրաինայի հայերը ֆինանսավորել են վիրուսաբանության լաբորատորիայի վերակառուցումը

Ռուսաստանի օդային սահմանը փակ է, սակայն, կիրականացվի հատուկ չվերթ դեպի Երևան. ՌԴ-ում ՀՀ դեսպան

Հեռավար ուսուցումն իրականացնելու նպատակով ԿԳՄՍՆ-ն Կոտայքի մարզին տրամադրել է համակարգիչներ և պլանշետներ

Արցախի բուժհաստատություններում հիվանդասենյակներ են առանձնացրել կորոնավիրուսով կասկածվողներին մեկուսացնելու համար

Հայաստանի մի շարք շրջաններում ձյուն է տեղում

Կոտայքի մարզում քաղաքացին հոսանքահարվել է էլեկտրասյան վրա և մահացել

Հայաստանում կորոնավիրուսով հաստատված հիվանդների թիվը հասավ 822-ի. 52 նոր դեպք է ավելացել

Երեւանի Բագրատունյաց պողոտայի շենքերից մեկի քարերը պոկվել, ընկել են

Այսօր Ծաղկազարդ է՝ մանուկների օրհնության օրն ու Ավագ շաբաթի մեկնարկը

Ջրաշեն գյուղի թռչնաբուծարանի մոտ ավտոմեքենան թեքվել է դեպի ձորը

Բակո Սահակյանի գլխավորությամբ Արցախում կորոնավիրուսի կանխարգելման աշխատանքների հանձնաժողովի նիստ է գումարվել

Մեր նպատակը կապիտալ ծախսերի խթանման միջոցով նոր աշխատատեղերի ստեղծումն է. վարչապետ (տեսանյութ)

ՀՀ քաղաքացիական ավիացիայի կոմիտեն լիցենզիայից չի զրկվել. կոմիտեն հայտարարություն է տարածել

Վերակենդանացման բաժանմունքներում 25 հիվանդ կա. նրանցից 1-ի վիճակը ծայրահեղ ծանր է

Կորոնավիրուսը, Արմեն Մուրադյանը եւ նախարարի պորտֆելը

ՀՀ մարզերում ձյուն է տեղում, Լարսը բաց է միայն բեռնատարների համար

Արցախում առայսօր կորոնավիրուսային վարակի դեպք չի գրանցվել, մեկուսացվածներ ևս չկան

Աբովյանի բնակարաններից մեկում 62-ամյա տղամարդու դի է հայտնաբերվել

Ապրիլի 6-ին Մոսկվայից կազմակերպվող չարտերային թռիչքի ուղևորներն ընտրվել են ըստ առաջնահերթության