Նովրուզին զբոսաշրջիկների թիվը գուցե մեծ չլինի, բայց դա միայն կորոնավիրուսով չէ պայմանավորված․ իրանագետ

 

Հայաստան-Իրան սահմանը երկու շաբաթով փակելու որոշումը տնտեսական առումով խնդիր չի առաջացնի։ «Հայկական ժամանակ»-ի հետ զրույցում այս տեսակետը հայտնեց իրանագետ Արմեն Իսրայելյանը՝ հավելելով, որ այս որոշումն ամենեւին ուշացած չէ ու կայացվել է՝ հաշվի առնելով ինչպես առողջապահության հետ կապված խնդիրները, այնպես էլ տնտեսության ոլորտի․

«Երեկ վարչապետը հայտարարեց, որ բեռնափոխադրումներն անխափան իրականացվելու են՝ ինչպես ցամաքային, այնպես էլ օդային։ Այս առումով՝ չեմ կարծում, որ բեռնափոխադրումների հետ կապված որեւէ խոչընդոտ լինի»։

Ինչ վերաբերում է տնտեսական հարաբերությունների վրա ազդեցությանը, ապա դա, ըստ իրանագետի, եթե լինի, կապված է լինելու ոչ թե Հայաստանի գործողություններով, այլ ընդհանուր իրավիճակով․ «Դա, անշուշտ, ազդելու է առաջին հերթին Իրանի տնտեսության վրա, ապա նաեւ կարող է որոշակի բացասական ազդեցություն ունենալ ոչ միայն Հայաստանի, այլեւ սահմանակից մյուս պետությունների տնտեսության վրա»։

Անդրադառնալով քննարկումներին, թե սահմանը փակելու որոշումն ուշացած էր, մեր զրուցակիցը նկատեց՝ պետք է նշել, որ այն ժամանակ, երբ Հայաստանը հայտարարեց սահմանը ժամանակավորապես փակելու մասին, այդ ժամանակ Իրանի ոչ մի սահմանակից երկիր դեռեւս չէր դիմել այդ քայլին․

«Ե՛ւ ՀՀ-ն, ե՛ւ Թուրքիան, ե՛ւ Վրաստանը, ե՛ւ Աֆղանստանը գրեթե միաժամանակ հայտարարեցին, երեւի մի ժամվա տարբերությամբ, բացառությամբ Իրաքի, որը երեք օր առաջ էր հայտարարել, որ փակում է սահմանը։ Բայց Իրաքն էլ հետագայում պարզաբանեց, որ միայն մեկ անցակետն է փակվել։ Որոշումը ճիշտ էր, եւ այն կայացնողները շատ ռիսկեր են հաշվի առել, որոնք գուցե հանրությունն ինչ-ինչ պատճառներով չգիտի, շատ գործոններ են հաշվի առնվել»։

Այս տարվա մարտի 20-ին նշվելու է իրանական Ամանորը՝ Նովրուզը։ Իրանագետից հետաքրքրվեցինք՝ կորոնվիրուսի հետ կապված իրավիճակով պայմանավորված՝ հնարավո՞ր է Հայաստան եկող զբոսաշրջիկների թիվը նվազի, եւ դա ի՞նչ ազդեցություն կարող է ունենալ տնտեսության վրա։ Իսրայելյանը կարծիք հայտնեց, որ, այսպես, թե այնպես, եթե նույնիսկ վիրուսի այս իրավիճակը չլիներ, սահմանը փակելու հարց չառաջանար, երկու գործոն կար, որոնցով պայմանավորված՝ զբոսաշրջիկների թիվը քիչ էր լինելու․

«Նախ, Իրանում տնտեսական ճգնաժամ է, քաղաքացիները լուրջ խնդիրներ ունեն, եւ պետք է նշել, որ նախորդ տարի եւս առանձնապես տուրիստների հոսքն այդքան էլ մեծ չէր ոչ միայն Հայաստան, այլ նաեւ մյուս երկրներ։ Հայաստանն, իհարկե, առաջին շարքերում է եղել իրանցի զբոսաշրջիկների համար, բայց պետք է նշել նաեւ, որ Իրանի կառավարությունը վերջերս որոշում կայացրեց, ըստ որի քաղաքացիներն ամեն անգամ երկրից դուրս գալիս մաքսային տուրք պետք է վճարեն։ Այսինքն՝ առաջին անգամ չորս հոգանոց ընտանիքը շուրջ 150-200 դոլար պետք է վճարի, եւ այն դեպքում, երբ այս լարված իրավիճակում պատժամիջոցների պատճառով արտարժույթի խնդիր կա։ Իրանի փոխարժեքն արժեզրկվեց դոլարի նկատմամբ, Իրանի քաղաքացիները դոլար գնելու եւ երկրից դուրս գալու մեծ դժվարություն ունեն։ Այս երկու գործոնով պայմանավորված՝ առանց այն էլ քիչ էր լինելու զբոսաշրջիկների թիվը։ Դա են հուշում նաեւ տնտեսական ցուցանիշները։ Կորոնավիրուսի հետ կապված իրավիճակից էլ ենթադրելի է, որ քիչ այցելություններ կլինեն»,- ասաց մեր զրուցակիցը՝ հավելելով, որ Իրանի առողջապահության նախարարությունն էլ հորդորում է ձեռնպահ մնալ երկրից դուրս գալուց։

Թեեւ իրանագետը թվերով կանխատեսում չարեց, թե զբոսաշրջիկների թվի պակասն ինչ ազդեցություն կարող է ունենալ մեր պետբյուջեի վրա, այդուհանդերձ նկատեց, որ քանի որ բեռնափոխադրումները չեն ընդհատվելու, այստեղ որեւէ խնդիր չի լինի տնտեսական առումով․

«Մենք նույնիսկ 2019 թվականին ռեկորդային ցուցանիշ արձանագրեցինք Իրան-Հայաստան առեւտրաշրջանառության մեջ՝ 360 մլն դոլար։ 2019 թվականին ՀՀ տարածում տեղի ունեցած լայնածավալ ճանապարհաշինությունը լուրջ դրական ազդեցություն է ունեցել՝ իրանցի առեւտրականներն ու բեռնփոխադրում իրականացնող ընկերությունները նշում են, որ ճանապարհը երեք ժամով կրճատվել է։ Սա դրական ազդեցություն է ունեցել Իրանի գործարար շրջանակների վրա։ Բացի այդ, ԵԱՏՄ շրջանակներում արդեն իսկ դրական արդյունք է արձանագրվել, եւ օրերս Իրանի նախագահը էներգետիկայի նախարարին կարգադրեց միջկառավարական համատեղ հանձնաժողովի իրանական հատվածի ղեկավարին հատկապես մեծ ուշադրություն դարնձնել ՌԴ-ի եւ ՀՀ-ի հետ տնտեսական հարաբերություններին, քանի որ ՌԴ-ն համարվում է խոշոր խաղացող ԵԱՏՄ-ում, իսկ ՀՀ-ն միակ ԵԱՏՄ երկիրն է, որը ցամաքային սահման ունի Իրանի հետ»։

Այս տեսանկյունից, ըստ Իսրայելյանի, 2019-ին ՀՀ տնտեսական ներուժը փորձ է արվել լավագույնս ներկայացնել իրանցի գործարար շրջանակներին, եւ նա հույս ունի, որ 2020 թվականին կորոնավիրուսի առաջացրած բացասական հետեւանքները շուտ կվերանան ու կկարողանանք ԵԱՏՄ հարթակն առավելագույնս օգտագործել մեր առեւտրաշրջանառությունը մեծացնելու եւ ՀՀ տնտեսական դիրքերը բարելավելու համար։

Բացի այս, ինչպես նկատեց մեր զրուցակիցը, ՀՀ կառավարությունն արդեն իսկ հայտարարել է, որ 2020-ին վերջնականպես կավարտենք Իրան-Հայաստան երրորդ էլեկտրահաղորդման գծի շինարարությունը, ինչը ենթադրում է երեք անգամ ավելացնել Իրանից ՀՀ գազի ծավալների ներկրումը, եւ, ըստ այդմ, երեք անգամ էլ մենք ավելի շատ էլեկտրաէներգիա կվաճառենք Իրանին։

Տպել
3330 դիտում

Երկաթուղային գծանցի վրա բեռնատարը բախվել է գնացքին

Տեխնիկական անսարքությո՞ւն, թե՞ ծրագրած գործողություն. ինչպես կանդրադառնա Ռաիսիի մահը հայ-իրանական հարաբերությունների վրա

Իրանի ԶՈՒ գլխավոր շտաբի պետը հանձնարարել է մանրամասն հետաքննել Ռաիսիի ուղղաթիռի կործանման պատճառները

Պուտինն իր խորհրդականին ազատել է պաշտոնից

Փրկարարները ջրատարից կնոջ դի են դուրս բերել․ համայնքի ղեկավարը գտել է հողաթափերն ու ձեռնափայտը

Պաշտպանության նախարարն այցելել է գումարտակներից մեկի նոր շահագործված մշտական տեղակայման վայր (լուսանկարներ)

Իրանում արտահերթ նախագահական ընտրություններ կանցկացվեն․ օրը հայտնի է

Ամեն ոք պատասխան է տալու Աստծո մոտ. երկար տարիներ եկեղեցում ծառայած Արթուր Մանուկյանին ապշեցնում է Գալստանյանի վարքագիծը

Իրանի նախագահի կործանված ուղղաթիռում գտնված իմամը աղետից հետո մեկ ժամ ողջ է եղել, կարողացել է հեռախոսային կապ հաստատել

Կիրանցից բերման ենթարկված բոլոր անձինք ազատ են արձակվել

ՄԱԿ-ի Անվտանգության խորհուրդը մեկ րոպե լռությամբ հարգել է Իրանի նախագահի, արտգործնախարարի և մյուս զոհերի հիշատակը

Ուժ եմ մաղթում այս դժվարին պահին․ Անահիտ Ավանեսյանը ցավակցել է Իրանի գործընկերոջը

Տրվում է վերջին նախազգուշացումը․ Շիրազի պատանեկության երկու թաքնված էջ է բացահայտվել, գտնվել՝ երկու կարևոր փաստաթուղթ

Կուտակային կենսաթոշակի մասնակիցը ֆոնդի գումարն օգտագործելուց հետո կրկին կկարողանա միանալ համակարգին․ ինչ պայմանով

ԱԺ-ում տեղի է ունեցել «Քաղաքացիական պայմանագիր» խմբակցության նիստ․ ինչ հարցեր են քննարկվել

Հայաստանը ցանկանում է վերահաստատել «Յոթ անփոխարինելի հենասյուների» կարևորությունը․ ԱԳ նախարարի ելույթը Վիեննայում

Կրակել են հենց եկեղեցու բակում՝ հոգեհանգստի արարողության ժամանակ․ մանրամասներ Հրազդանի «վենդետայից»

Կապույտ մզկիթում տեղի կունենա հոգեհանգստյան արարողություն՝ ի հիշատակ Իրանի նախագահի և նրան ուղեկցած պատվիրակության

Սուրեն Պապիկյանն այցելել է հարավարևելյան սահմանագոտի, հետևել դիրքեր տանող ճանապարհների կառուցմանը

Կոտայքում հեղուկ գազալցակայանի գործունեություն է դադարեցվել

Հարավային Կովկասում երկարատև խաղաղության հաստատումը կարևոր է․ Ռուբեն Ռուբինյանն ընդունել է Էլիսո Բոլքվաձեին

Հայաստանում Իրանի դեսպանությունում սգո մատյան կբացվի

Ինչի հետևանքով է կործանվել Ռաիսիի ուղղաթիռը․ Բելառուսում Իրանի դեսպանը մանրամասներ է հայտնել

Հայաստանի հետ հարաբերությունները զարգանալու և ամրապնդվելու են․ ԱԺ է այցելել ԱՄՆ պետքարտուղարի փոխտեղակալ Բրենդոն Յոդերը

Խաղաղության օրակարգը խթանելու համար կան լավ և բարենպաստ հնարավորություններ․ Ալիևը՝ Լատվիայի Սեյմի նախագահին

Կիրանցում բողոքի ակցիայի վայրից 14 հոգի է բերման ենթարկվել

Գալստանյանի հետ հանդիպելու օրակարգը բացառված է. Ռուստամ Բաքոյան

Անդառնալի կորստի այս ծանր պահին մաղթում եմ տոկունություն․ Գնել Սանոսյանը ցավակցական հեռագրեր է հղել Իրանի գործընկերներին

Միջազգային քրեական դատարանի դատախազը Նեթանյահուին և Գալանտին ձերբակալելու օրդեր է պահանջել

Կարևոր է, թե Հայաստանի Հանրապետության ինչ հայեցակարգ է դրվում ժողովրդագրության ռազմավարության հիմքում․ Նիկոլ Փաշինյան

Հաստատվել են ԱԺ առաջիկա նիստի նախագծերը․ օրակարգում 19 հարց է ընդգրկված

Սուտ է, նման բան չկա, Կիրանցում սննդի խնդիր գոյություն չունի. Ղալումյան

Կիրանցում հավաքված Գալստանյանի աջակիցներից մի քանիսը բերման ենթարկվեցին

Վազգեն Գալստանյանի աջակիցները Կիրանցում թիրախավորել են Հանրայինի անձնակազմին

Ռուբինյանը Բունդեսթագի գործընկերներին է ներկայացրել «Խաղաղության խաչմերուկ»-ն ու տարածաշրջանի անվտանգային իրավիճակը

Դոլարն էժանացել է․ ինչ փոփոխություններ է արձանագրել տարադրամի շուկան մայիսի 20-ին

Իրանում չեղարկվել են բոլոր մշակութային միջոցառումները, փակվել կինոթատրոնները, սահմանափակվել հաղորդումները

Իրանի նախագահի պաշտոնակատարը 6 հատուկ կոմիտե է ստեղծել երկիրը ժամանակավորապես կառավարելու համար

Հայաստան է ժամանել Դատախազների միջազգային ասոցիացիայի գլխավոր քարտուղարը

Հավերժ կպահեմ Իրանի նախագահ Ռաիսիի հետ կապված ամենավառ հիշողությունները․ Պուտին