Արայիկ Հարությունյանը հավատում է, որ մինչեւ 2050թ. Հայաստանը 25 օլիմպիական ոսկի կունենա

Հայաստանի կրթության, գիտության, մշակույթի եւ սպորտի նախարար Արայիկ Հարությունյանը կարծում է՝ իրատեսական է, որ Հայաստանը մինչեւ 2050թ. 25 օլիմպիական ոսկի ունենա: Հայկական սպորտի համար նման նշաձող է սահմանել ՀՀ վարչապետ Նիկոլ Փաշինյանը, եւ Հարությունյանն ընդգծում է, որ համապատասխան աշխատանք տանելու դեպքում կստացվի: Այս եւ այլ թեմաների վերաբերյալ հարցերին նա պատասխանեց այսօր՝ փետրվարի 21-ին, ՀՀ 2019թ. 10 լավագույն մարզիկների պարգեւատրման արարողությունից հետո:

-Իրատեսական համարո՞ւմ եք մինչեւ 2050թ. 25 ոսկե մեդալ նվաճելը:

-Եթե հաշվի առնենք, որ 1 օլիմպիական ոսկու հետ կապված արդեն գործընթացներ կան, արդեն՝ 24, բայց իրականում, այո՛: Եվ պետք է մեծ աշխատանքներ տանենք այդ ուղղությամբ: Իմ ելույթում նշեցի, որ առաջինը պետք է գնահատենք ջանքերը, որ մեր մարզիկները, մարզիչները ներդնում են՝ սպորտը զարգացնելու եւ պարգեւներ բերելու համար, եւ 2-րդ, պետք է զարգացնել ենթակառուցվածքները:

-Արսեն Ջուլֆալակյանը հայտնում է՝ ամեն ինչ անում են, որ ինքը չկարողանա մասնակցել Տոկիոյի օլիմպիական խաղերին: Տեղյա՞կ եք՝ ինչ է կատարվում:

-Ես տեղյակ եմ եւ կարծում եմ՝ ֆեդերացիայի եւ թիմի ներսում այդ հարցը պետք է լուծում գտնի: Մարզչական որոշումներ պետք է կայացվեն, եւ այդ որոշումները պետք է լինեն արդար:

-Ձեր կարծիքով՝ արդա՞ր է որոշումը, թե՞ ոչ (խմբ. մարզիչներն ասել են, որ օլիմպիական խաղերին մասնակցելու է Կարապետ Չալյանը, ոչ թե Ջուլֆալակյանը):

-Մարզիչները սովորաբար որոշումներ են կայացնում, հետո դրա համար պատասխանատվություն են կրում ըստ արդյունքների, որոնք ունենում են:

-Տարվա 10 լավագույն մարզիկների մրցույթի մոդելի փոփոխությունից եք խոսել: Իչպիսի՞ն է ձեր պատկերացումը դրա վերաբերյալ:

-Կդնենք դա հանրային քննարկման, եւ մոդելը միասին կքննարկենք: Բնականաբար, բոլոր այն դիտողությունները, որոնք նախորդ տարիներին եղել են, հաշվի պետք է առնենք, մասնավորապես՝ SMS քվեարկության հետ կապված կարգը: Միասին քննարկելու ենք եւ մինչեւ տարվա վերջ կորոշենք, այդ թվում՝ լրագրողների ներգրավմամբ:

-Սպորտի գծով փոխնախարար ե՞րբ կլինի:

-Հիմա իրականում Գրիշա Թամրազյանը համակարգում է 2 ոլորտները: Նշանակումների արդյունքում կունենաք նաեւ սպորտը համակարգողի անունը: Գուցե նաեւ ձեզ ծանոթ անուն լինի հենց նախարարության ներսից:

-Նշեցիք, որ մարզադպրոցների ու ենթակառուցվածքների խնդիր կա: Դրանցից բացի, էլ ի՞նչ խնդիրներ եք տեսնում, որոնք լուծման կարիք ունեն, որպեսզի օլիմպիական ավելի շատ մեդալներ ունենանք:

-Որակավորումների խնդիր ենք տեսնում, որակյալ մարզիչների խնդիր ենք տեսնում, բնականաբար՝ ենթակառուցվածքների, լավ մարզագույքի, լավ մարզադպրոցների կարիք ենք տեսնում: Գոնե այս վերջին նշածս ուղղություններով աշխատանք տարվում է: Նոր մարզադպրոց է կառուցվում, մարզադպրոցներ են նախագծանախահաշվարկներ արվում, եւ պետք է վերանորոգվեն, մարզագույք ենք տրամադրում: Այն, ինչ թվարկեցի, եթե այդ ուղղությամբ ունենանք բարելավում, ապա 25 մեդալի նիշը պետք է ավելի մեծացնենք, որովհետեւ իրականում մեր մարզիկներն ունակ են մեծ բարձունքների հասնել:

-Ի՞նչ սկզբունքով է բաշխվել նախարարության ֆինանսավորումը, քանի որ կոխի ֆեդերացիան բավականին մեծ գումար է ստացել: Կցանկանայի իմանալ՝ ինչո՞ւ:

-Ես անցած տարի եղել եմ կոխի առաջնությանը՝ հանրապետական, եւ ասել եմ, որ ազգային ձեւերը պետք է զարգացնենք: Եվ նման փոփոխությունը կապված է նաեւ այդ նպատակի հետ:

Տպել
788 դիտում

Վերջին 1 ժամում Նորքի հիվանդանոցում կորոնավիրուսից 2 մահվան դեպք է արձանագրվել. նախարար

Ժամը 21:00-ի դրությամբ Հայաստանում հաստատված է կորոնավիրուսի 407 դեպք

Երևանում հարբած վարորդը մարմնական վնասվածք է պատճառել ոստիկանին. տղամարդը ձերբակալվել է

ՌԴ նոր սահմանափակումների որոշումը Հայաստանի վրա չի ազդի. Նիկոլ Փաշինյան

Ժամը 19:30-ի դրությամբ թոքաբորբով 13 պացիենտ է գտնվում ինֆեկցիոն հիվանդանոցի ինտենսիվ թերապիայի բաժանմունքում

Գյուրջյան փողոցում ծառը վնասվել է. առկա է եղել ընկնելու վտանգ

«Սոցիալական շտապօգնություն». Գյումրիում պարենի ծանրոցներ կստանան ստեղծված իրավիճակում օրվա հացից զրկված ընտանիքները

Մայր Աթոռ Սուրբ Էջմիածնում Հանրապետական մաղթանք է կատարվում. դուրս է բերվել Սուրբ Գրիգոր Լուսավորչի Աջը (ուղիղ)

Պարետի որոշմամբ՝ վեց ժամով արգելվել է սուպերմարկետների մի շարք խոշոր ցանցերի որոշ մասնաճյուղերի գործունեությունը

Մոտ կես միլիոն դրամի հագուստի գողության դեպքը բացահայտվել է. (տեսանյութ)

Նուբար Աֆեյանը գարնանը կորոնավիրուսի պատվաստանյութի փորձարկումից արդյունք ստանալու հույս հայտնեց

Ոստիկանները վարդերի փնջերը ձեռքերին գողերի են բռնել

Մարտի 28-ի ժամը 15-ի դրությամբ ոստիկանությունը 361 արձանագրություն է կազմել

Ալաշկերտում «ԳԱԶ-3110» մակնիշի ավտոմեքենա է այրվել

Վաղն Արցախում ըտրարշավի վերջին օրն է. Արմեն Սարգսյանը հեռախոսազրույց է ունեցել Բակո Սահակյանի հետ

ԱԻՆ-ը վարակազերծման միջոցառումներ է իրականացրել հանրապետության 666 հանրային վայրերում (տեսանյութ)

Հայ խաղաղապահները ներկայացնում են զորախմբերի ներկա վիճակն ու կորոնավիրուսի հետ կապված առկա տվյալները (ուղիղ)

Ոստիկանությունը փողոցում ոչ թե դիմակ ու ձեռնոց է պահանջում, այլ՝ անձնագիր ու տեղաշարժման թերթիկ

ՃՏՊ Մարգարա-Վանաձոր ավտոճանապարհին. կա տուժած

«COVID-19. առերեսվելով համաշխարհային վախին». առցանց քննարկմանը նաեւ Արսեն Թորոսյանն է մասնակցում (ուղիղ)