Հանրայինի «Դեպի Եվրատեսիլ» նախագծի երգիչներից մեկը ելույթ է ունեցել Ռեյ Չարլզի հետ. ովքեր են մրցույթի մասնակիցները

Հանրային հեռուստաընկերության «Դեպի Եվրատեսիլ 2020» նախագծի մասնակիցներից շատերը փորձառություն ունեն միջազգային ասպարեզում: Նրանք մասնակցել են տարբեր նախագծերի, տարբեր հաջողություններ ու համագործակցություններ են ունեցել: Փետրվարի 15-ին՝ «Դեպի Եվրատեսիլի» եզրափակչի ժամանակ կփորձեն հերթական քայլն անել իրենց կարիերայում: Մինչեւ այդ ներկայացնում ենք՝ ինչ ուղի է անցել նրանցից յուրաքանչյուրը:

1.Աթենա Մանուկյանը

Աթենա Մանուկյանը երգիչ-երգահան է, որը 2007-ին մասնակցել է «"This Is What Missing» հեռուստաշոուին՝ գրավելով առաջին տեղը: 2008-ին մասնակցել է մանկական Եվրատեսիլի ազգային ընտրության փուլին: 2011-ին թողարկել է իր առաջին սինգլը, որը երկու անգամ նոմինացվել է «Video Music Awardsw-ում: Ստացել է «Ոսկե սկավառակ» եւ «Պլատինե սկավառակ» մրցանակներ: 2018-ին հյուրընկալվել է բրիտանական «Իքս-ֆակտորին». տեսանյութը լայն տարածում է գտել համացանցում եւ հայտնվել «Սանի» առաջին էջին:

2.Agop

Իր գրավիչ ձայնով եւ հիշվող երգերով Agop-ը փոփ երաժշտություն է բերում լրացուցիչ ուրախություն եւ էներգիա: Հայկական գործիքների օգտագործումը հուշում է նրա ծագման մասին: 2010-ին իր սոլո նախագծի մեկնարկից հետո Agop-ը բազմաթիվ համերգներ է ունեցել Ֆրանսիայում՝ մասնավորապես Փարիզում: Նաեւ մի քանի անգամ ելույթ է ունեցել ֆրանսիական հեռուստատեսությամբ: Agop-ի առաջին ալբոմը լույս է տեսել 2018-ի փետրվարին: 2020-ի մայիսին կթողարկի եւս չորս նոր երգ՝ ֆրանսերեն եւ անգլերեն, թեեւ պահպանելով հայկական հետքերը: Նրա նոր սինգլը կթողարկվի փետրվարի 21-ին:

3.Սերգեյ եւ Նիկոլայ Հարությունովներ

Սերգեյ Հարությունովը Ռուսաստանի Առաջին ալիքով հեռարձակվող «Voice.Reboot» հաղորդման ամենաբարձր գնահատված մասնակիցն է: Հասել է «One In One» նախագծի եզրափակիչ: Նրա «Մենք Փարիզում չենք» երգը կատարվել եւ ձայնագրվել է ռուս բազմաթիվ հայտնի երաժիշտների կողմից: «Modern Talking» խմբի անդամ Թոմաս Անդերսի հետ Հարույթունովը ձայնագրել եւ տեսահոլովակ է նկարահանել հանրահայտ «Cheri Cheri Lady» երգի համար: Նիկոլայ Հարությունովը հայկական ծագումով երգիչ է, կոմպոզիտոր, բլյուզ եւ ռոք երաժիշտ:

1979-ին նա հիմնել է իր ամենահայտնի նախագիծը՝ «Բլյուզի լիգա» խումբը: Խմբի երգերը երկլեզու էին՝ անգլերեն եւ ռուսերեն: 2018-ին Հարությունովը ռուսական «Voice. 60+» հեռուստաշոուի եզրափակիչ է հասել՝ համարներից մեկը կատարելով որդու՝ Սերգեյի հետ: Նիկոլայ Հարությունովը ելույթ է ունեցել բլյուզի այնպիսի աստղերի հետ, ինչպիսիք են Ջոնի Քոփլանդը, Բի Բի Քինգը, Ռեյ Չարլզը, Զեյմս Բրաունը, Քրիս Սլեյդը (AC/DC) եւ այլն: Մասնակցել է «Հիսուս Քրիստոս գերաստղ» ռոք-օպերայի ռուսական տարբերակի, ինչպես նաեւ բազմաթիվ այլ ռոք-օպերաների ձայնագրմանը:

4.էվա

էվան ծնվել եւ մեծացել է Երեւանում: Հաճախել է վոկալ քոլեջ, ապա սովորել Թատրոնի եւ կինոյի ինստիտուտում: Գլխավոր դեր է խաղացել «Ես եմ» ֆիլմում: Մասնակցել է «Սուպերսթար» հետռուստաշոուի չորրորդ եթերաշրջանին: Ապա տեղափոխվել է Ռուսաստան, որտեղ մասնակցել է «Երգեր THT-ով» նախագծի երկրորդ եթերաշրջանին: Երգեր է գրում EVA Rida անվան տակ: Դրանցից մի քանիսն արդեն թողարկվել են, իսկ վերջինը՝ «Ոտենին», հայերեն է:

5.Արթուր Ալեքը

Արթուր Ալեքը ծնվել է Լիբանանում՝ Բեյրութ քաղաքում: Տեղափոխվել Հայաստան, երբ 5 տարեկան էր: Սկսել է երգել 6 տարեկանից, իսկ երաժշտություն գրել՝ 12 տարեկանից: Սովորել է Չայկովսկու անվան երաժշտական դպրոցում՝ ջութակի բաժնում, դպրոցից հետո ընդունվել է Երեւանի Կոմիտասի անվան պետական կոնսերվատորիա: 2011թ. դարձել է «X Factor Armenia»-ի ֆինալիստ: Համերգներ է ունեցել եւ շարունակում է երաժշտություն գրել իր եւ ուրիշ երգիչների համար: 2016 թվականից երգում է «Հովեր» պետական կամերային երգչախմբում:

6.էռնա

Սիրողական նվագում է 2 երաժշտական գործիք՝ կիթառ, դաշնամուր: 2015թ. «Արեւներն» ավարտելուց հետո վերսկսել է կարիերան համալսարանում երգի եւ մշակույթի ոլորտում ակտիվ գործունեություն ծավալելու շնորհիվ: Այդ ընթացքում մասնակցել է մի շարք միջբուհական մրցույթների եւ փառատոնների: Ունեցել է շատ հաղթանակներ: Միջոցառումներից մեկի ժամանակ հանդիպել է Զարուհի Պետրոսյանին՝ իր ներկայիս պրոդյուսերին, որը նաեւ իր վոկալիստն է: Պլանավորում է մասնակցել մի շարք միջազգային մրցույթների: Հիշեցնելով իր համալսարանական մշակութային ակտիվության մասին՝ նշել է, որ կշարունակի զբաղվել մշակութային միջոցառումների կազմակերպմամբ եւ կաշխատի զարգանալ եւ ընդլայնվել նաեւ այդ ոլորտում:

7.Գաբրիել Ջիգ

Գաբրիել Ջիգը Կապան քաղաքից է: 2003-2008թթ. ավարտել է Կապանի 2-րդ երաժշտական դպրոցի երգեցողություն բաժինը: 2010-2012 թթ. ծառայել է ՀՀ Զինված Ուժերում: 2012թ. մասնակցել է «Հայաստանի ձայնը» նախագծին: 2014թ. դարձել է կրկնակի ռեկորդակիր ՀՀ «Դյուցազնագրքում»: 2014-16թթ. սովորել է Երեւանի ջազ էստրադային պետական քոլեջում: 2016թ. Բուլղարիայում համագործակցել է TVart հեռուստաընկերության հիմնադիր-տնօրեն, ռեժիսոր Ստիլիյան Իվանովի հետ: Կարգախոսն է. «Լինել հայտնի, դեռ չի նշանակում լինել երջանիկ»:

8.Հայկ Music

Ես ծնվել եմ Հայաստանում` Տաշիր քաղաքում: 1996-200322 սովորել եմ Կիրով քաղաքում գտնվող Վյատկա հումանիտար վարժարանում, 2003-2007թթ. սովորել է Մոսկվայի էստրադային եւ ջազային արվեստի պետական երաժշտական քոլեջում: 2008-12թթ. եղել է Black Star Inc.-ի անդամ: 2012 թվականից սկսվել է մենակատարի կարիերան: 2013-ին թողարկել է անգլիական երգ ՝ «Ի՞նչ, եթե», որը պատրաստել է Անգլիայի առաջատար երաժիշտներից մեկը (Օկիեմ): 2017թ. համագործակցություն է ունեցել Rolls-Royce Avilon- ի հետ: 2018-ին կայացել է «Քարփի Ծերին» տեսահոլովակի պրեմիերան: Նույն տարում որպես խոսնակ մասնակցել է Ռուսաստանի՝ «երաժշտության եւ ձայնի ստեղծողների համար» ամենամեծ կրթական միջոցառմանը՝  WaveForum-ին:

8.Կարինա Հակոբյան/EVN

Ծնվել է Ռուսաստանում՝ Մոսկվայում: 8 տարեկանում ընդունվել է թիվ 4 երաժշտական դպրոց՝ դաշնամուրի բաժին: Երեք տարի անց նույն դպրոցում Կարինան սկսել է ուսումնասիրել ակադեմիական վոկալ: 2013թ. ընդունվել է Գնեսինկայի էստրադային եւ ջազային քոլեջ: Նույն թվականին նա մասնակցել է առաջին «Նոր Դարի Աստղեր» վոկալ մրցույթին, եւ զբաղեցրել առաջին տեղը: Նույն տարում մասնակցել է նաեւ «Օստանկինոյի Ոսկե Ձայնը» մրցույթին եւ արժանացել «Հանդիսատեսի համակրանք» մրցանակին: 2014թ. ստացել է «Օստանկինոյի Ոսկե Ձայն»-ի Դրան Պրի մրցանակ: 2014 թվականի մայիսին մասնակցել է Հայաստանի X-factor նախագծին, սակայն հրաժարվել է մասնակցել հաջորդ փուլին մազերը թափվելու պատճառով: Բժիշկները նրա մոտ հայտնաբերել են տոտալ ալոպեցիա, իսկ հունիսին նա արդեն ստիպված է եղել կեղծամ կրել:

2014թ. նա մասնակցել է «Հայաստանի Ձայնը» նախագծին՝ անցնելով երգչուհի Սոնայի թիմ: Նախագծում նա հասել է մինչեւ երրորդ փուլ: Արդեն 2015թ. մայիսին Կարինան թողարկել է իր առաջին հեղինակային երգը եւ տեսահոլովակը՝ «He мory больше»: 2016թ. Կարինան թողարկեց «Зажигай», «Moa Армения», «C днем рождения», «Свадебные вальс», «Հայաստանը մերն է», «РОССИЯ», «Broken Dream» երգերը: 2017թ. ներկայացվել է առաջին դուետ երգը «Bad Boys Blu» խմբի նախկին մենակատար Kevin McCoy-ի հետ, եւ երգի պրեմիերան կայացել է Կրեմլի Պետական Պալատում: Նույն թվականին թողարկվել են «Лето» եւ «Все зашибись» երգերը, որոնք հայտնել են iTunes-ի լավագույն աղյուսակում: 2017թ. դեկտեմբերի 5-ին «Известия Холл» համերգային սրահում կայացել է Կարինայի մենահամերգը:

Նույն թվականին Կարինան ավարտել է քոլեջը: 2018թ. թողարկվել է «Я вам желаю», «Сердце оригами» երգերը: Մարտի 15-ին ռուսական երաժշտական Muz.Play մրցանակաբաշխությանը արժանացել է «Տարվա տաղանդ» մրցանակին: Մայիսի 26-ին մասնակցել է Хип-хоп «Խառնաշփոթություն» փառատոնին եւ այնտեղ զբաղեցրել է 2-րդ տեղը: Նույն տարվա օգոստոսին մասնակցել է «Голос» նախագծին, սակայն չի անցել կույր լսումները եւ մնացել է հաջորդ տարվա պահեստային խմբում: Նույն տարվա հոկտեմբերին լույս է տեսել Մոլդովայի հայտնի «MYMY» ամրոցում նկարահանված «Dale Dale» երգն ու տեսահոլովակը:

2019թ. մասնակցել է «Песни на ТНТ» հեռուստանախագծի երկրորդ սեզոնին, որի պրոդյուսերներն էին Բաստան (Василий Вакуленко) եւ Տիմատին (Тимур Ильдарович): Նախագծում անցել է քասթինգի եւ երկու որակավորման փուլերը: Նախագծում կատարել է իր «ИДИ СО МНОЙ» եւ «Невозможное» հեղինակային երգերը: Հետագայում այդ երգերի հիման վրա թողարկվել են տեսահոլովակներ: Հունիսին թողարկվել է «Ритм» երգը, եւ արդեն մեկ ամսից նրա հիման վրա նկարահանվել է տեսահոլովակ:

10.Միրիամ Բաղդասարյան

Ծննդով Մոնրեալից, մանկության մեծ մասն անցկացրել է Հայաստանում: Երաժշտության նկատմամբ սերը մայրիկից է փոխանցվել, որը դաշնակահար է եւ Միրիամին ծանոթացրել է դասական հայ կոմպոզիտորներին: Առաջին անգամ բեմում հանդես է եկել 16 տարեկանում՝ Հայոց ցեղասպանության հարյուրամյակի առթիվ: 2016-ին մասնակցել է հայկական The X-Factor հանրաճանաչ շոուին: 2017-ին մասնակցել է The Voice Canada-ում: Մրցաշրջանի չորս փուլերին մասնակցելուց հետո ստացել է նվեր Արա Ֆաբիանից՝ իրեն նկարագրող երգ՝ «Je Veux Donner»:

11.Tokionine

Ծնվել է Երեւանում, սակայն մանկությունը անցել է Կապանում: Մասնակցել է քսանից ավելի մրցույթների, որտեղ հիմնականում զբաղեցրել է 1-3 տեղերը: Հաճախել է «Արեւիկ», «Երգի պետական թատրոն», «Դո-ռե-մի»: Տասնութ տարեկանից աշխատում է Երեւանի ստուդիաներից մեկում՝ որպես վոկալ պրոդյուսեր եւ գործիքավորող: Դավիթ Բադալյան անվան տակ սկսել է թողարկել երգեր: Հիմնել է իր ձայնագրման ստուդիան, այնուհետեւ «Fancy Town» պրոդյուսերական կենտրոնը, որը զբաղվում է պատանի երգիչների պրոդյուսինգով: «Fancy Town»-ի արտիստներից է «Դեպի Մանկական Եվրատեսիլ» նախագծից Վարդան Մարգարյանը: Անցած տարի եղել է Սրբուկի «Walking Out» երգի համահեղինակ ու իր հետ մեկնել Թել Ավիվ, որտեղ հանդես է եկել նաեւ որպես բեք վոկալ: Այժմ փորձում է սկսել իր երաժշտական լեյբլը Հայաստանում, որի առաջին արտիստը կլինի հենց նա:

12.Վլադիմիր Արզումանյան

Վլադիմիր Արզումանյանը ծնվել է Ստեփանակերտում երաժիշտների ընտանիքում: Երաժշտությամբ սկսել է զբաղվել 6 տարեկանից: Կատարում է հայերեն, ռուսերեն եւ անգլերեն լեզուներով երգեր: Սովորել է Խաչատուր Աբովյանի անվան N2 1 դպրոցում: Բացի երաժշտությունից՝ զբաղվում է նաեւ կարատեով, ունի սեւ գոտի, խաղում է ֆուտբոլ: «Մամա» երգով ներկայացրել է Հայաստանը «Մանկական Եվրատեսիլ 2010» երգի մրցույթում եւ 120 միավորով զբաղեցրել առաջին հորիզոնականը: Երգի պրոդյուսերն է կանադահայ երաժշտական պրոդյուսեր Հարություն Տեր-Հովակիմյանը (Դեր Հովա):

Տպել
578 դիտում

Բագրատաշենի սահմանային անցակետում հետախուզվող է հայտնաբերվել

Ռուսաստանում կարանտինային արձակուրդը կտեւի ամբողջ ապրիլ. Պուտինը նոր ուղերձով է հանդես եկել

Հայաստանում արձանագրվել է կորոնավիրուսի հետեւանքով մահվան 6-րդ դեպքը

Ներդրումային առաջարկներին մեր արձագանքի արագությունը եւ որակը պետք է էական փոփոխությունների ենթարկվի. վարչապետ

Անցկացվել են հրետանավորների գործնական պարապմունքներ․ ՊՆ

Մահակով եւ հակագազով ցուցմունք կորզելու գործով տուժողն առերեսվել է երկու մեղադրյալների հետ

Արցախում մարտին թանկացել են բժշկական դիմակը, ալյուրը, հավի ձուն, սոխը, կիտրոնն ու այլ ապրանքներ

ՊԵԿ-ը շարունակում է խրախուսել հարկերը պարտաճանաչ վճարող տնտեսվարողներին․ 4 տնտեսվարողի հավաստագիր է ուղարկվել փոստով

Ապրիլյան ագրեսիան ամրապնդել է Արցախի ժողովրդի և իշխանությունների՝ պետականության զարգացումը շարունակելու վճռականությունը

Գյումրիի խանութնրից մեկում հայտնաբերվել եւ ոչնչացվել են ժամկետանց վաֆլիներ․ ՍԱՏՄ

Օտարերկրացիների՝ Վրաստան մուտքն արգելող որոշումը շարունակում է ուժի մեջ մնալ

Ոստիկանության Դիլիջանի ու Վարդենիսի բաժիններում քաղաքացիներն ապօրինի հրազեններ են հանձնել

Խոնարհվեցի հայրենիքի պաշտպանության ժամանակ ընկած հերոսների շիրիմների առջեւ․ Արարատ Միրզոյան

Սերժ Թանկյանի, Սեբուի ու Միշոյի նոր երգը՝ Introvert (Call Me Crazy). պրեմիերա

Արևուտի դպրոցում կոռուպցիոն բնույթի հանցագործություն է բացահայտվել․ հարուցվել է քրեական գործ (տեսանյութ)

«Բարև, Ավո ջան, ո՞նց ես»

ՀՖՖ-ն հայկական ակումբներին կտա հովանավորչական գումարները

Շարունակվում են նորակոչիկ զինծառայողների պատրաստության ծրագրով նախատեսված պարապմունքները

Երևանի քաղաքապետարանը 500 նոր վերելակ ձեռք կբերի. հայտարարվելու է մրցույթ

Չգիտենք՝ այս իրավիճակն ինչքան կշարունակվի, որքան ժամանակ մարդիկ աջակցության կարիք կունենան. մեր ռեսուրսներն անսպառ չեն