Մանկապարտեզի դաստիարակներն ու դայակներն 8-ի փոխարեն աշխատում են 9 ժամ՝ առանց ընդմիջման. նոր օրինագիծը նաեւ դա կկարգավորի

Օրական քանի՞ ժամ պետք է աշխատեն մանկապարտեզների դաստիարակները, դայակները, ինչպե՞ս կազմակերպել նրանց հանգստի ժամը, ե՞րբ հաստատությունից դուրս գալ չի կարելի:

Հայաստանում նախադպրոցական ուսումնական հաստատությունների աշխատակիցների աշխատաժամանակի եւ հանգստի հարցը դեռեւս կարգավորված չէ: Այդ իրավիճակում մի դեպքում խախտվում են աշխատանքային իրավունքներ, մյուս դեպքում, անվտանգությունից ելնելով, երեխաներին միայնակ թողնել չի կարելի:

Երեւանի մանկապարտեզներից մեկի դաստիարակը, որը չցանկացավ հրապարակել իր անունը, մեզ հետ զրույցում դժգոհեց, որ նախադպրոցական ուսումնական հաստատությունների ոլորտն անտեսված է: Ինչպես պատմեց աշխատակիցը, ամեն օր աշխատում են 9 ժամ՝ 8:30-17:30, վարձատրվում՝ մեկ դրույքաչափի համար, փաստացի չունեն հանգստի ժամ եւ շարունակ պետք է ուշադիր լինեն երեխաների նկատմամբ:

Ընդմիջումն այսպես են անցկացնում. քանի որ չեն կարող օգտվել մանկապարտեզում երեխաների համար պատրաստվածից, տնից ուտելիք են բերում, այնպիսի բան, որը չի փչանում, կամ լավագույն դեպքում թույլտվություն են վերցնում տնօրինությունից, վազում մոտակա խանութ: Գնածն ուտում են երեխաների քնի ժամին, միեւնույն ժամանակ հետեւում փոքրիկներին: Ավելի հաճախ, ըստ նրա, ուղղակի սուրճ են հասցնում խմել:

«Երեխաներին մենակ թողելու փաստը բացառված է, նույնիսկ քնի ժամին, բայց դրա դիմաց չվարձատրվելը չեմ կարծում, թե խելամիտ է»,- նշեց աշխատակիցը՝ հավելելով, որ ստացվում է, որ չեն օգտագործում իրենց ազատ ժամանակն այնպես, ինչպես հարմար է, 9 ժամ գտնվում են աշխատավայրում եւ հավելյալ չեն վճարվում: Դաստիարակը նշեց, որ ստանում է 94.000 դրամ աշխատավարձ:

Նրա խոսքով՝ ստացվում է, որ ծնողը, երեխաներն ունեն իրավունքներ, իսկ աշխատակիցները՝ միայն պարտականություններ:

Իրենց խմբում 33-34 երեխայի խնամում է 1 դայակ եւ 1 դաստիարակ:

Մանկապարտեզի աշխատակիցը դժգոհեց, որ այս պայմաններում աշխատելը շատ բարդ է, պատասխանատու են յուրաքանչյուր երեխայի կյանքի եւ առողջության համար: Տուն հասնելուց հետո են միայն հասկանում, թե ինչքան գերհոգնած են. «Ես ինքս չգիտեմ, թե մենք ինչպես ենք ամենը կազմակերպում»: Նա նաեւ նշում է՝ այսքան աշխատանքի հետ մեկտեղ երբեք պարգեւավճարներ չեն ստանում:

Մեր զրուցակցի կարծիքով՝ իրենց պահանջը նորմալ է, մինչդեռ իրենց լսելու ցանկություն չկա:

Նա հավաստիացրեց, որ ՀՀ կրթության, գիտության, մշակույթի եւ սպորտի նախարար Արայիկ Հարությունյանը վաղուց տեղյակ է այս խնդրին: Երբ Երեւանի ավագանու անդամ էր, մի քանի անգամ նախադպրոցական կրթական հաստատությունների աշխատակիցների հետ հարցի վերաբերյալ խոսել է, նշել, որ խնդիրը պետք է լուծվի:

Մեզ հետ զրույցում ԿԳՄՍՆ նախադպրոցական եւ միջնակարգ կրթության քաղաքականության մշակման եւ վերլուծության բաժնի պետ Սյուզաննա Մակյանը նշեց, որ դրույքաչափից ավելի աշխատելը կարող է հարթվել գործատուի եւ աշխատողի միջեւ կնքված պայմանագրով: Որոշ դեպքերում գործատուից պետք է պահանջել, որ այն վերանայվի, եւ հստակ լինեն թե՛ աշխատանքի, թե՛ հանգստի ժամերը: Ըստ այդմ՝ կարող են կարգավորել ներքին հարաբերությունները, միմյանց հետ համաձայնեցնել՝ ինչպես կազմակերպել ընդմիջումն ու աշխատանքը, քանի որ 1 դրույքը 8 ժամ է, իսկ 9-ը եւ ավելի աշխատաժամանակն արդեն համարվում է 1.5 դրույք:

Մակյանի խոսքով՝ եթե մարդը 1 դրույքից ավելի չի ցանկանում աշխատել, այդ վայրում 2 դաստիարակ եւ 2 դայակ կարող են աշխատել: Եթե ցանկանում է, իր աշխատավարձն ավելի բարձր պետք է լինի:

Ոլորտում, այնուամենայնիվ, նախատեսվում են փոփոխություններ «Նախադպրոցական կրթության մասին» ՀՀ օրենքում փոփոխություն կատարելու օրենքի նախագծով: Այն Ազգային ժողովում ընդունվել է առաջին ընթերցմամբ, եւ արդեն մարտին նախատեսում է դրա 2-րդ ընթերցումը:

Ինչպես ներկայացրեց Մակյանը, այժմյան օրենսդրական դաշտով ոլորտի շատ հարցերում նախարարությունը լիազորություններ չունի: Ստացվում է այնպես, որ Երեւանում եւ համայնքներում հարցերը տարբեր կերպ են լուծվում: Օրինակ՝ 1 դրույքի համար տրվող աշխատավարձը տարբեր է: Մի տեղում այն կարող է 60.000 դրամ կազմել, մյուսում՝ 80.000:

Նախարարության մասնագետը հույս հայտնեց, որ օրենքը կընդունվի, եւ միասնական քաղաքականության շնորհիվ ոլորտը կհամակարգվի:

«Այն բավականին լուրջ կարգավորումներ է ունենալու, այդ թվում՝ միասնական մոտեցումներով դրույքների հաշվարկման, մանկապարտեզների ֆինանսավորման, դայակ, դաստիարակների ընդունելության եւ իրենց աշխատանքի բաշխման համար»,- նշեց Մակյանը՝ հավելելով, որ աշխատանքի բաշխման դեպքում հնարավոր է՝ լուծվեն վերոնշյալ խնդիրները:

Մասնագետը պարզաբանեց, որ այս օրենքով ամբողջ ՀՀ-ում կգործի նախադպրոցական կրթական հաստատությունների 1 դրույքի համար նույն աշխատավարձը, ինչպես արվեց ուսուցիչների դեպքում:

Ինչպես ավելի վաղ տեղեկացրել էինք, նշված օրենքի նախագծով նաեւ նախատեսվում է նախադպրոցական կրթական հաստատություններում ներդնել այլընտրանքային եւ ծախսարդյունավետ մոդելներ, կրթության առանձնահատուկ պայմանների կարիք ունեցող երեխաների ներառման համար ստեղծել համապատասխան պայմաններ:

Նախատեսվում են նաեւ կադրերի շարունակական վերապատրաստման մեխանիզմների, նախադպրոցական կրթություն իրականացնող հաստատություններում կրթության չափորոշիչների ներդրում եւ որակի բարելավում: Առաջարկվում է փոխել մանկապարտեզ հաճախող երեխաների տարիքային շեմը՝ այն դարձնելով 0 տարեկանից սկսած:

Տպել
97076 դիտում

Երևանում հրազենային վնասվածքով 27-ամյա երիտասարդ է հոսպիտալացվել

Գևորգ Ղազարյանը մկանային վնասվածք է ստացել․ ՀՖՖ

Վայբերով վիրուս է տարածվում, ջնջեք. Սամվել Մարտիրոսյանը զգուշացնում է

Սյունիքի Նոր Առաջաձորից Դավիթ-Բեկ տանող ջրատարն ադրբեջանցիները չեն քանդում. մարզպետարան

Վարդենյաց լեռնանցքը դժվարանցանելի է կցորդիչով տրանսպորտային միջոցների համար

Սյունիքի մարզում ադրբեջանախոս անձանց նկարահանումը կատարվել է մեկ ամիս առաջ. ԱԱԾ-ն պարզաբանում է ադրբեջանական տեսանյութը

Հայ-ադրբեջանական սահմանի տավուշյան հատվածում սահմանների որոշման ոչ մի գործընթաց չկա. մարզպետարան

Արարատի մարզում դպրոցներից մեկի զինղեկը մեկ այլ դպրոցի աշակերտուհու է վրաերթի ենթարկել

Ձյուն է տեղում Կոտայքի, Լոռու, Արագածոտնի մարզերում

Հանցագործ, կեղծ և անբարոյական մարդիկ նորից շահարկում են մեր սահմանների անվտանգությունը. մարզպետը՝ տարածվող լուրերի մասին

Ռուս խաղաղապահների և ադրբեջանցիների կողմից Տավուշի գյուղերում չափագրումներ անելու մասին տեղեկությունները մտացածին են. ՊՆ

Անցած տարի սուբվենցիոն ծրագրերով մոտ 150 կմ ներհամայնքային ճանապարհ է ասֆալտապատվել (տեսանյութ)

Ադրբեջանը և Թուրքիան պիտի պատասխանատվության ենթարկվեն․ Բադասյանը Ճապոնիայում ներկայացրել է ռազմական հանցագործությունները

Արմեն Սարգսյանը հանդիպել է Վահրամ Բաղդասարյանի հետ

«Հայ բարերարների ճեմուղի» հուշահամալիրից առևանգվել են բոլոր հուշարձանների մետաղյա պատկերները (լուսանկարներ)

Ստեփանծմինդա-Լարս ավտոճանապարհը բաց է, բայց ռուսական կողմում դեռ 520 բեռնատար կա կուտակված

Առողջապահության նախարարի գլխավորած պատվիրակությունն այցելել է Կապանի և Գորիսի բժշկական կենտրոններ

ՀՀ տարածքում վաղը սպասվում են ձյան առատ տեղումներ, բուք, ցածր տեսանելություն, հաջորդող օրերին՝ մերկասառույց

«Բումերանգի օրենքն» արդարացում չէ. Թաթոյանը դատապարտում է պատգամավորների տների մոտ դագաղներ ու ծաղկեպսակներ դնելը

ՀՀ տարածքում ավտոճանապարհները հիմանկանում բաց են. ձյուն է տեղում Կոտայքի ու Արագածոտնի մարզերում

Սյունիքի բնակիչների իրավունքների երաշխավորման համար ճանապարհներին և գյուղերի մոտ ադրբեջանական դրոշներ չպետք է լինեն. ՄԻՊ

ԱՀ նախագահը հանդիպել է Կաչաղակաբերդ բարձրանալու համար Արցախ մեկնած երիտասարդների խմբին

«Ադրբեջան» գրությամբ վարորդական իրավունքը սխալմունքի արդյունք է եղել. խնդիրն արդեն լուծված է (լուսանկար)

Փրկարարները տարբեր մարզերում ձյան մեջ արգելափակված 9-ը մեքենա են դուրս բերել

ՌԴ-ում դեպի Վրաստան տոմսի պահանջարկն աճել է 37 անգամ

1 օրում կատարված 3361 թեստավորումից հաստատվել է կորոնավիրուսի 422 նոր դեպք. գրանցվել է 2 մահ

Հրդեհ Բերքանուշ գյուղում. այրվել է վագոն-տնակն ու ներսում կուտակված վառելափայտը

Մայրաքաղաքում և մարզերում էլեկտրաէներգիայի պլանային անջատումներ են լինելու

Վթար Հալաբյան փողոցում. կա 2 զոհ

«Կենացդ խմեմ». Իվետա Մուկուչյանը ներկայացրել է նոր տեսահոլովակ (տեսանյութ)

Գեղարքունիքում անցկացվել է պատանիների շախմատի 2021 թվականի մարզային առաջնությունը

Էջմիածնում հայտնաբերվել է հետախուզման մեջ գտնվող 25-ամյա տղամարդ

Մալաթիա-Սեբաստիա վարչական շրջանում ավտոմեքենա է այրվել

Խստիվ արգելվում է ծառայողական ավտոմեքենաներն աշխատանքային ժամերից դուրս կամ ոչ աշխատանքային օրերին վարելը. ԱՀ դատախազ

«Լոռին ժամանակների հանդիպման վայր». վերաբացվել է Լոռի-Փամբակի երկրագիտական թանգարանը

Ֆիզուլիի և Ջեբրայիլի շրջաններում այսօր իրականացված որոնողական աշխատանքների ընթացքում ևս 2 աճյուն է հայտնաբերվել

ՀՀ զինված ուժերի և ԱԱԾ սահմանապահ զորքերի ստորաբաժանումները վերահսկում են սահ­մա­նային իրավիճակը

Անցած մեկ օրում Հայաստանում արձանագրվել է ճանապարհատրանսպորտային 9 պատահար

Սկսվել է Գյումրի-Երևան ճանապարհի Լանջիկի հատվածի փոսալցումը. այն դարձվում է բավարար երթևեկելի

Օրական 2-ից 4 տոննա կաթ հետ է վերադարձվում ցածր որակի պատճառով, նոր ներդրումներ կաթի վերամշակման ոլորտում