Ուղտի անկելուց հետո Երեւանի կենդանաբանական այգին անորոշ ժամանակով փակ կլինի այցելուների համար

Երեւանի կենդանաբանական այգին անորոշ ժամանակով փակ կլինի այցելուների համար: Այս մասին «Հայկական ժամանակը» տեղեկացավ այգու տնօրենի պաշտոնակատարի օգնական Վալյա Մարգարյանից:

Ավելի վաղ տեղեկացրել էինք, որ այգում պահվող երկու ուղտերից մեկն անկել էր, իսկ կենդանուց վերցված նմուշի լաբորատոր փորձաքննության արդյունքում հայտնաբերվել էին տուբերկուլոզի մանրէներ: «Սրա հետեւանքով էլ անհարժեշտություն է առաջացել կանխարգելիչ աշխատանքներ իրականացնել: Այգին դեռեւս փակ կլինի, իսկ թե ինչքան ժամանակ, կախված է համապատասխան մարմինների հետ աշխատանքներ իրականացնելուց: Հնարավոր է՝ այդ աշխատանքները տեւեն մի քանի օր, մեկ շաբաթ կամ մի քանի ամիս»,- ասաց Վալյա Մարգարյանը:

Նա վստահեցրեց, որ այգու մյուս կենդանիներին այս պահին վտանգ չի սպառնում: Մեր հարցին, թե անկած ուղտի հետ միեւնույն վանդակում գտնվող երկրորդ ուղտը քնեցման կամ իզոլացման կարիք ունի՞, պատասխանեց, որ դեռեւս՝ ոչ: «Բոլոր կենդանիներն ստուգվում են, իսկ որոնք էլ շուտ էին ստուգվել, դեռ արդյունքները հայտնի չեն»,- ասաց նա:

Նկատենք, որ կենդանաբանական այգին ուղտի անկման մասին հայտարարություն տարածեց միայն լրատվամիջոցներում տեղեկությունը հայտնվելուց հետո: Կենդանին անկել է օրեր առաջ: Նրա մոտ ախտորոշված հիվանդության մասին լուրը եւս գաղտնի էր պահվում մինչեւ այն պահը, երբ հայտնեցինք, որ տեղյակ ենք լաբորատոր փորձաքննության արդյունքների մասին: Կենդանաբանական այգու տնօրենի ԺՊ Վլադիմիր Սիմոնյանը «Հայկական ժամանակի» հետ զրույցում նույն օրն ասել էր, որ դրանք դեռ չկան:

Այգում պահվող կենդանիների անկման դեպքերը մինչ այս կապում էին նախկին տնօրեն Ռուբեն Խաչատրյանի հետ: Նոյեմբերից Խաչատրյանն այլեւս չի պաշտոնավարում, բայց կենդանիների կորուստը շարունակվում է: Երեկ լրատվամիջոցները տեղեկություններ էին հրապարակել, որ վերջին 2 ամսում այգում էլի անկումներ են եղել: ՀԺ-ի հետ զրույցում տնօրենի պաշտոնակատարի օգնականը հաստատեց դա՝ մանրամասնելով, որ վերջին շրջանում անկել են խոճկորներ, մողես, նաեւ՝ մեկ եմենական քամելիոն: Նրա փոխանցմամբ՝ քամելիոնը ծեր է եղել, իսկ մնացածի անկման պատճառները դեռ ճշտվում են:

Կադրային ջարդ կենդանաբանական այգում

«Հայկական ժամանակի» տեղեկություններով՝ կենդանաբանական այգու տնօրենի ԺՊ Վլադիմիր Սիմոնյանը, որը նախկինում այգու փոխտնօրենն էր, եւ որին նշանակել էր նախկին տնօրեն Ռուբեն Խաչատրյանը, հերթով աշխատանքից ազատում է այգու աշխատողներին: Մեր աղբյուրի փոխանցմամբ՝ Սիմոնյանն աշխատանքից առանց հիմնավորման ազատել է մարդկային ռեսուրսների կառավարչին, արտահանման եւ ներմուծման մասնագետին, կենդանիների խնամքի բաժնի համակարգողին, միջազգային կապերի պատասխանատուին, իրավաբանին: Ազատման դիմում են ներկայացրել պահեստապետը, շահագործման բաժնի պատասխանատուն, հաշվապահը, ազատման առաջարկ է արվել այգու հավաքարարին, որը 20 տարուց ավելի այդտեղ է աշխատել:

Կենդանաբանական այգում այլեւս չի աշխատելու նաեւ իրանցի մասնագետը, որը, հիշեցնենք, հրավիրվել էր փոխտնօրենի պաշտոնը զբաղեցնելու համար: Երեւանի փոխքաղաքապետ Տիգրան Վիրաբյանն ավելի վաղ հայտնել էր, որ, չնայած հրավիրյալ փոխտնօրենն արդեն Հայաստանում է, բայց նրա պաշտոնական նշանակումը փոքր-ինչ կձգձգվի: Կենդանաբան Իման Մեմարիանը եկել էր Իրանի Իսլամական Հանրապետությունից: Նա պատրաստվում էր Հայաստանի քաղաքացիություն ստանալ, որպեսզի կարողանա զբաղեցնել առաջարկված պաշտոնը, սակայն հեռացել է:

Մեր աղբյուրի փոխանցմամբ՝ Վլադիմիր Սիմոնյանը տնօրենի ԺՊ-ի աշխատանքին անցնելուց հետո հայտարարել է, որ Իրանից հրավիրված փոխտնօրենը «Խաչատրյանի մարդն է» եւ չի ցանկանում նրա հետ աշխատել: Վլադիմիր Սիմոնյանը ՀԺ-ի հետ զրույցում ասաց, որ Իրանից հրավիրված փոխտնօրենն իր պաշտոնավարման ժամանակ երբեւէ այգի չի գնացել: «Իմ տեղեկություններով՝ գնացել էր Իրան, վերադարձել է, թե ոչ, չգիտեմ»,- ասաց նա:

Սիմոնյանից հետաքրքրվեցինք, թե ինչ պատճառաբանությամբ է ազատվում նախկին կադրերից: Նա նկատեց, որ առաջին հերթին այնքան աշխատող չի հեռացվել, որքան նշվում է: «Ես ազատել եմ աշխատանքից երկու հոգու, որոնց համար պատճառներ կան, իսկ մնացածն իրենց կամքով են լքել աշխատանքները»,- ասաց տնօրենի ԺՊ-ն՝ չցանկանալով մանրամասնել իր ազատելու պատճառները:

Տպել
529 դիտում

Covid-19-ը մենակ չէ. 2020-ին հրդեհներ, ջրհեղեղներ, բերքի անբավարարություն ու մորեխների ներխուժում է կանխատեսվում

Ուկրաինան և Թուրքիան բանակցում են օդային հաղորդակցությունը վերսկսելու շուրջ

ՀՀ ԱԳՆ-ն հայտարարություն է տարածել «Մակուչյան և Մինասյանն ընդդեմ Ադրբեջանի և Հունգարիայի» ՄԻԵԴ-ի վճռի առնչությամբ

Իրանի գերագույն հոգևոր առաջնորդը 3․721 բանտարկյալի ներում կամ պատժի մեղմացում է շնորհել

Տանկային ստորաբաժանումները զորավարժություն են անցկացրել

ԵՏՀ կոլեգիայի նիստ է կայացել. որոշումներ՝ միության տարածքում սննդամթերքի անվտանգության եւ պարենային ապրանքների մասին

Ռուբեն Հայրապետյանի նկատմամբ հետախուզում է հայտարարվել. նրան կալանավորելու միջնորդություն է ներկայացվել

Ոստիկանության Կումայրիի բաժնի ծառայողներն ապօրինի ծառահատման դեպք են բացահայտել

Պտղունք համայնքի նորակառույց թաղամասի բնակիչները կապահովվեն կապույտ վառելիքով

ԱԻՆ-ը կատարել է 1245 վարակազերծում. 872-ը՝ մարզերում, 373-ը՝ Երևանում

Կվերանորոգվի Օշական համայնքի «Անահիտ» մանկապարտեզը

ՀՀ ՔԿ Երևան քաղաքի քննչական վարչությունն ամփոփել է հունվարից մինչև մայիս կատարած աշխատանքը

Երրորդ զորամիավորումում անցկացվել են անվտանգության կանոնների պահպանման պարապմունքներ

Վաղը փակ կլինի Նեղոցի ենթակայանից մինչև Հաղպատի խաչմերուկ տանող ճանապարհահատվածը

«Ես տասներկու տարի սպասել եմ այդ արդարացմանը». Մարտի 1-ի գործով դատավճիռների դեմ՝ 16 բողոք

Եթե մեկն ասի, որ առասպելական վիշապի կաշին հնդկահավի փետուրի հետ կօգնի կորոնավիրուսին, շատերը կհավատան․ Արմեն Փամբուխչյան

Դավիթաշենում դիտարկված 27 տնտեսվարողից 17-ի մոտ ԱԱՏՄ-ն խախտումներ է արձանագրել

Սյունիքի մաֆիոզական խմբակին պետք է տրվի համարժեք պատասխան. Ենգիբարյանն անդրադարձավ Սյունիքում տեղի ունեցած միջադեպին

Հայկավանում հակակարկտային կայաններ են տեղադրվել

Սերբիան պատրաստակամ է կորոնավիրուսի դեմ պայքարում աջակցել Հայաստանին. Արմեն Սարգսյանը զրուցել է Սերբիայի նախագահի հետ