Սադրանքներն իզուր են, «թավիշը» «շուշաթուղթ» չի դառնալու

Մի քանի օր առաջ ՀՔԾ-ն ՍԴ նախագահ Հրայր Թովմասյանի բնակարանում խուզարկություն էր իրականացնում: Բուն խուզարկությունն առանձնապես երկար չտեւեց, ու արդյունքում որեւէ բան չառգրավվեց, թեեւ «գործընթացն» առավոտվանից էր սկսվել: Պարզապես փաստաբանները երկար ժամանակ թույլ չէին տալիս սկսել խուզարկությունը՝ պատճառաբանելով, թե խուզարկության վերաբերյալ դատարանի որոշմանը Հրայր Թովմասյանը ծանոթացվել է ոչ պատշաճ ձեւով: Փոխարենը՝ այս խուզարկության փաստը մի քանի ժամ շարունակ գտնվում էր հասարակության ուշադրության կենտրոնում, եւ դրա շուրջ քարոզչական մեծ աղմուկ բարձրացավ: Ըստ երեւույթին քննչական գործողությունը հնարավորինս ձգձգելու նպատակներից մեկն էլ հենց դա էր, հակառակ դեպքում անհասկանալի է, թե ի՞նչ կարիք կար ձգձգել մի խուզարկություն, որի արդյունքում ոչինչ չէր հայտնաբերվելու եւ առգրավվելու (եւ Հրայր Թովմասյանն ու իր փաստաբանական թիմը, վստահաբար, գիտեին դա):

Մոտավորապես նույն բանն էլ, ի դեպ, տեղի է ունենում աղմկահարույց դատավարությունների ժամանակ: Այդ գործերով անցնող նախկին բարձրաստիճան պաշտոնյաների փաստաբանական թիմերը ցանկացած առիթ օգտագործում են գործընթացները ձգձգելու համար՝ միաժամանակ հայտարարելով, թե «բուն դատավարությունը ցույց կտա, որ այս ամենը փուչիկ է, իսկ մեղադրանքները՝ շինծու»: Հարց է ծագում՝ բա որ ցույց կտա, ինչո՞ւ են հետաձգում: Տրամաբանորեն՝ հակառակը պիտի անեին, որ օր առաջ բացահայտվեր այդ գործերի «փուչիկ լինելը»:

Իրականում այս ամենը ձգձգելն ու քարոզչական աղմուկ ստեղծելը շատ կոնկրետ նպատակ է հետապնդում: Ամեն ինչ արվում է օրենքի տառին համապատասխան (համենայն դեպս՝ իրավապահներն այդպես են պնդում, թեեւ այդ պնդումները նույնպես վիճարկվում են), բայց արդյունքում՝ հասարակության որոշակի հատվածի մոտ իշխանությունների նկատմամբ դժգոհություն է հասունանում: Դժգոհություն՝ ոչ թե այն պատճառով, որ «իշխանությունները ռեպրեսիաներ են իրականացնում իրենց քաղաքական հակառակորդների նկատմամբ», այլ հակառակը՝ որ «իշխանություններն ավելորդ ձեւականությունների ետեւից են ընկել», «փոխանակ չորով դրանց հարցերը լուծեն՝ հետները տունտունիկ են խաղում», եւ այլն: Հասկանալի է, որ իրավական երկրում ոչ քաղաքական իշխանությունները պիտի միջամտեն այդ գործերին, ոչ էլ դատաիրավական համակարգն իրավունք ունի «չորով» հարցեր լուծել: Բայց մյուս կողմից էլ՝ հանրության քվեներով իշխանության եկած ուժը պարտավոր է հաշվի նստել հանրային կարծիքի հետ, ու այս ձգձգումների հեղինակների հաշվարկը հենց դրա վրա է հիմնված: Ըստ այդ հաշվարկի՝ հանրային կարծիքը կարեւորող իշխանությունները վաղ թե ուշ հաշվի կառնեն այդ կարծիքը, կտրվեն գայթակղությանը, կոպիտ սխալ կգործեն եւ կփորձեն հարցերը լուծել «չորով»: Իրենք էլ կօգտվեն իրենց սադրանքի արդյունքում արված այդ կոպիտ սխալից, ամբողջ աշխարհում Փաշինյանին կներկայացնեն որպես չտեսնված-չլսված բռնապետ եւ արտաքին ուժերի քաջալերող հայացքի ներքո «ազատագրական պայքար» կսկսեն:

Սա, նկատենք, բավականին հաջողված մարտավարություն է, որովհետեւ ցանկացած ելքի դեպքում իրենք շահած են դուրս գալիս: Իշխանությունները կտրվեն գայթակղությանը եւ ոչ իրավական մեթոդներ կկիրառեն՝ իրենց դիմադրությունը կդառնա «պայքար բռնապետության դեմ», իշխանություններն ամեն ինչ կանեն բացառապես օրենքի շրջանակներում՝ կարժանանան հասարակության առնվազն մի մասի դժգոհությանը, իշխանությունների վարկանիշը կնվազի, եւ «քաղաքական ընդդիմությունը» կփորձի օգտվել դրանից: Իշխանությունները (ի դեպ՝ միանգամայն կանխատեսելիորեն) ընտրել են երկրորդ տարբերակը, ու «քաղաքական ընդդիմությունը» դրանից դիվիդենտներ է քաղում:

Բայց հասարակությունը պետք է մեկառմիշտ ընդունի, որ այլ ճանապարհ պարզապես չկա, ու որքան էլ գայթակղիչ թվա, բայց «թավիշը» «շուշաթղթով» փոխարինելը կարող է շատ ծանր հետեւանքներ ունենալ: Հետեւաբար՝ պարզապես չի կարելի նման բան պահանջել իշխանություններից:

Տպել
3020 դիտում

Նորք-Մարաշ եւ Նուբարաշեն վարչական շրջաններում դիտարկված 36 տնտեսվարողից 21-ի մոտ ԱԱՏՄ-ն խախտումներ է արձանագրել

Երկրորդ զորամիավորումում հայտարարվել է ուսումնական տագնապ

Արտաքին տուրիզմի մասին խոսելը վաղ է, բայց ներքին տուրիզմի հնարավորությունների հետ պետք է հաշվի նստենք. Տիգրան Պետրոսյան

ՄԻԵԴ-ի վճիռը կարևոր նշանակություն կունենա էթնիկական ատելության հիմքով հանցագործությունների կանխման համար․ Արման Թաթոյան

Ճանապարհաշինություն, մշակույթի տան հիմնանորոգում ու ոչ միայն. Լոռիում եւս 10 սուբվենցիոն ծրագիր է հաստատվել

«Կացնով մարդասպանը», հունգարական անմեղությունն ու արդարությունը՝ 16 տարի անց. միջազգային անդրադարձը՝ ՄԻԵԴ վճռին

Ոստիկանները գրպանահատության հերթական դեպքն են բացահայտել. բերման է ենթարկվել 42-ամյա տղամարդ

Աշխարհը դարձավ անհոտ ու անհամ, աննկարագրելի թույլ էի․ պատմում է COVID-19-ը հաղթահարած լրագրողը

Հրազդանի ոստիկաններն ապօրինի թմրաշրջանառության դեպք են բացահայտել. բերման է ենթարկվել 58-ամյա տղամարդ (տեսանյութ)

Մեկնարկել է «Պատերազմի պայթյունավտանգ մնացորդների և Ականների ռիսկի կրթական ծրագիրը»

Գո՞հ չեք, մենք գոհ ենք․ վարչապետը՝ տրանսպորտի ոլորտում իրանացվելիք նոր ծրագրի մասին

Վախեցնում ես մեզ, որ ի՞նչ անես. մենք վաղուց ավարտել ենք. Սերգեյ Բագրատյանը՝ Նազելի Բաղդասարյանին

Գյումրու պոլիկլինիկաները ստացել են համապատասխան պարագաներ և ցուցումներ. կորոնավիրուսի դրական դեպքերը հսկվում են տանը

2 անչափահաս երեխա, ամուսինն էլ՝ սահմանին. բուժքույրը հերթափոխով աշխատել չի կարող, տնօրենն էլ ասում է՝ պայմանը միայն դա է

Սիրուշոն տեսակապով խոսել է «Թղթե տունը» սերիալի երգչուհու հետ. վերջինս խոստովանել է, որ նոր եթերաշրջան է լինելու

Խախտման մասին արձանագրությունը կներկայացվի պարետատուն. ՍԱՏՄ

«Սրանից հետո դուք եք հերքելու ամեն ինչ. դե, գնացեք հերքեք, տեսնեմ՝ ոնց եք հերքում». Նիկոլ Փաշինյանը՝ ԼՀԿ պատգամավորին

Ունենք կորոնավիրուսի 2 օջախ․ մեկը տուն-ինտերնատն է, մյուսը՝ մանկատունը․ Արսեն Թորոսյան

ԱՆ-ն ձեռք է բերել 500 մատնային պուլսօքսիմետր. դրանք արդեն իսկ բաշխվել են մարզերի եւ Երեւանի հիվանդանոցներին

Իսպանիայում ֆուտբոլասերները գուցե կարողանան մարզադաշտ գնալ հաջորդ մրցաշրջանում