Տուփի գույն, մակնշում փոխելը հազարավոր դոլարներ արժե. կաթնամթերք արտադրողները՝ վարչապետի հանձնարարականի մասին

Հայաստանում կաթնամթերք արտադրող խոշոր ընկերությունների համոզմամբ՝ արագ տեմպերով հնարավոր չի լինի կաթնամթերքի՝ մասնավորապես թթվասերի որակն արտաքինից տարբերակելու հնարավորություն տվող տարաներ ապահովել: Միևեւնույն ժամանակ, ըստ նրանց, թթվասերի տուփի եւ մակնշման փոփոխությունը հազարավոր դոլարների ծախս է պահանջում:

ՀՀ վարչապետ Նիկոլ Փաշինյանը հունվարի 22-ին հայտարարել էր, որ հանձնարարություն է տվել ստեղծվել ստանդարտ, որ կաթնամթերքը տարանջատվի՝ ըստ գույների: Այսինքն՝ օրինակ այն թթվասերը, որը բնական կաթից է, պետք է լինի սպիտակ գույնի տուփով, եթե պարունակում է 30 տոկոս բուսական յուղ, պետք է լինի մեկ այլ գույնի: Վարչապետը վստահ է, որ սա կբերի բնական կաթի պահանջարկի աճին:

Փաշինյանի դիտարկմամբ՝ այսօր խանութների ոչ բոլոր թթվասերներն են կաթնամթերք: «Մի մասը սոյայի յուղով է, մի մասը չգիտեմ՝ ինչի յուղով է: Մենք չենք կարող այդ տնտեսվարողներին արգելել այդպիսի թթվասեր ունենալ խանութներում, որովհետեւ դա համապատասխանում է մեր ստանդարտներին: Ինձ ասում են, որ այնտեղ գրված է պարունակությունը: Բայց ես ասում եմ, որ երբ մարդը աշխատանքից գնում է տուն, եւ կինը կամ ամուսինը զանգում ասում են՝ թթվասեր բեր, մարդը հետը խոշորացույց չպիտի ունենա, որ նայի, թե թթվասերն ինչ բաղադրություն ունի»,- ասել էր նա:

«Մարիաննա կաթնամթերքի արտադրական ձեռնարկություն» ՍՊԸ-ից «Հայկական ժամանակին» հայտնեցին, որ երբ լինի հստակ որոշում, կմտածեն, թե ինչ են անելու: «Մարիաննա»-ի որակի գծով փոխտնօրեն Քրիստինա Կարապետյանը նկատեց՝ «Գովազդի մասին» ՀՀ օրենքը թույլ է տալիս այլ դիզայն անել, բայց եթե ՀՀ կառավարությունը նման պահանջ սահմանի, ստիպված են տնտեսվարողները հարմարվել:

«Փոփոխությունը եւ՛ ժամանակատար է, եւ՛ ծախսատար: Միայն տառը չի փոխվում, փոխվում է տարան ամբողջովին: Այդ տուփերը մենք ինքներս չենք պատրաստում, օրինակ մերը պատվիրում ենք: Կարծում եմ՝ դա նաեւ ժամանակատար է տարաներ արտադրող ընկերությունների համար: Ամեն մի գույն փոխելը, մակնշում փոխելը (շաբլոնը) բավականին թանկարժեք է: Մեր ընկերությունը բավականին լայն տեսականի ունի, պատկերացրեք այդքանը փոխելն ինչ մեծ ռեսուրսներ ու ժամանակ կպահանջի»,-ասաց նա:

Վերջինս նկատեց, որ տուփի մակնշում փոփոխելը հազարավոր դոլարների ծախս է պահանջում: Միաժամանակ շեշտեց, որ իրենց մոտ տարայի փոփոխությունով որակի տարանջատում չի լինելու, քանի որ կոնկրետ մեկ տեսակի թթվասեր են արտադրում՝ առանց բուսական յուղի օգտագործման: «Այնպես, որ, եթե պահանջ դրվի, կփոխվի միայն տարան, իսկ որակը մեզ մոտ կմնա նույնը»,- եզրափակեց փոխտնօրենը:

Քրիստինա Կարապետյանից հետաքրքրվեցինք, թե հնարավո՞ր է տուփերի փոփոխությունը ինչ-որ կերպ անդրադառնա կաթնամթերքի վաճառքի ծավալների վրա: Վերջինս դա բացառեց ասելով. «Սպառողը դրան էլ կսովորի, կարեւորը որակն է»:

«Աշտարակ կաթ» ընկերությունից «Հայկական ժամանակին» պատասխանեցին, որ դա մեկ օրում արվող գործընթաց չէ: Ասացին՝ առայժմ միայն լսել են վարչապետի հայտարարությունը, իսկ այդ մասին կարծիք հայտնել չցանկացան:

«Անի» կաթնամթերքի արտադրության պետ Տիգրան Շալջյանն էլ համոզմունք հայտնեց, որ այդ փոփոխությամբ սպառողն ավելի հեշտ կտարանջատի կանթամթերքի առաջարկվող տեսականին: «Մեկ-մեկ մտնում ենք սուպերմարկետ, կաթնամթերքի բաժինը կարծես գրադարան լինի, իսկ այդ փոփոխությամբ մարդիկ ավելի հեշտ կտարանջատեն»,- ասաց նա: Արտադրության պետը նաեւ նկատեց, որ եթե լինի Կառավարության որոշում, իրենց ընկերությունը խնդիր չի ունենա, քանի որ պատահականության սկզբունքով «Անի»-ի տարաները հենց սպիտակ են:

«Մեր մթերքն այսօրվա դրությամբ լրիվ համապատասխանում է վարչապետի ասածին: Մեր մաքուր թթվասերների տուփերը սպիտակ են, անվանումը՝ սեւով գրած: Ունենք նաեւ կաթնային յուղի փոխարեն այլ յուղով թթվասեր, որի տարան բաց կապույտ է»,- ասաց նա: Տիգրան Շալջյանը նկատեց, որ պատահականության սկզբունքով է համընկել իրենց տարաները ՀՀ վարչապետի արած հայտարարության հետ: «Արդեն 10 տարի է՝ շուկայում ենք, վերջին փոփոխությամբ է այդպես դարձել»,- ասաց նա:

Այնուամենայնիվ, «Անի» կաթնամթերքի արտադրության պետն էլ այն կարծիքը հայտնեց, որ տնտեսվարողներին պետք է բավականաչափ ժամանակ տրվի, որպեսզի հասցնեն մակնշումները փոխել: Պետք է, ըստ նրա, անցումային ինչ-որ շրջան լինի, որպեսզի ոչ տնտեսվարողները տուժեն, ոչ տարաներ արտադրող ընկերությունները:

Տպել
28139 դիտում

Քովիդի «օմիկրոն» նոր շտամն ու աշխարհի նոր սահմանափակումները. արդյոք այն արդեն տարածված է նաև Հայաստանում

Անցկացվել է գումարտակային մարտավարական զորավարժություն (լուսանկարներ)

Եթե մարդիկ պատվաստվեն ու դիմակ կրեն, ապա նոր սահմանափակումների կարիք չի լինի․ ԱՄՆ նախագահ

Ստամբուլում տեղի ունեցած փոթորիկի հետևանքով վիրավորների թիվը հասել է 38-ի, զոհերինը՝ 4-ի

«Հայաստանի լավագույն դպրոցական մինի այգի» մրցույթում առաջին 3 մրցանակային տեղերը նվաճել է Լոռու մարզը

Փակ է Արագածոտնի մարզում «Ամբերդ» բարձր լեռնային օդերևութաբանական կայանից դեպի Քարի լիճ տանող ավտոճանապարհը

«Դեմեր» դամբարանաշտից հայտնաբերված խեցեղենը, զենքը, պերճանքի առարկաները և այլ նյութեր հանձնվել են համապատասխան ՊՈԱԿ-ին

Պնդումները սուտ էին, թե իբր պատերազմի ժամանակ հիմնադրամի նվիրատվություններով պարգևավճարներ են տրվել. Հայկակ Արշամյան

Տեղի է ունեցել ՀՀ ժողովրդական արտիստ Ալեքսանդր Գրիգորյանի ծննդյան 85-ամյակին նվիրված հուշ-երեկո

Միջպետական և հանրապետական նշանակության բոլոր ավտոճանապարհները բաց են․ Տիգրանաշենի ոլորաններում մառախուղ է

Արագածոտնի մարզպետը այցելել է Մաստարայի միջնակարգ դպրոց․ ծանոթացել է շենքային պայմաններին, գույքային հագեցվածությանը

Վահրամ Դումանյանն ընդունել է ՄԱԿ-ի զարգացման ծրագրի հայաստանյան գրասենյակի մշտական ներկայացուցիչ Նատիա Նացվլիշվիլիին

Ազգային ժողովում հյուրընկալվել է Հունաստանի խորհրդարանի պատվիրակությունը

Պատերազմի մասնակից 30 զինծառայողներ կվերապատրաստվեն․ լավագույն 5-ը դասընթացները կշարունակեն Ֆրանսիայում

Ամերիկյան առցանց բառարանը 2021 թվականի բառ Է ընտրել «պատվաստանյութը»

Զորացրվել են եռամսյա վարժական հավաքների մասնակիցները

Ֆրանսիայի դեսպանը առավելագույն ջանքեր կգործադրի հայ-ֆրանսիական հարաբերությունների առավել խորացման և ընդլայնման համար

48-ամյա տղամարդը որոնվում է որպես անհետ կորած

Գնել Սանոսյանն այսօր այցելել է «Երևան ՋԷԿ», ծանոթացել խնդիրներին

Մասնակի փլուզվել է Շիրակի մարզի Պեմզաշեն գյուղը Լեռնակերտ գյուղին միացնող կամուրջը

Նարեկ Զեյնալյանն ընտրվել է ԱՊՀ ՄԽՎ հանձնաժողովի նախագահի տեղակալ

ՔՊ-ի թեկնածու Նարեկ Գրիգորյանը հանդիպել է Հացառատի բնակիչների հետ․ ներկա է եղել նաև Արսեն Թորոսյանը (լուսանկարներ)

Ոսկե և արծաթե մեդալներ՝ աստղագիտության և աստղաֆիզիկայի միջազգային օլիմպիադայում

Ես վստահ եմ մեր հաղթանակի վրա. Փարաքարում համայնքապետի թեկնածու Դավիթ Մինասյան

«Ուրարտուն» շարունակում է անպարտելի մնալ․ բասկետբոլի Ա լիգայի կանոնավոր առաջնությունը շարունակվում է

Անցած 3 օրում հանցագործության 124 դեպք է բացահայտվել

Գնել Սանոսյանը մարզպետարանի աշխատակազմին, համայնքապետներին է ներկայացրել նորանշանակ մարզպետ Էդվարդ Հովհաննիսյանին

Ադրբեջանի կողմից հայերի հիմնարար իրավունքների խախտումները կրում են համակարգային բնույթ․ Արցախի ՄԻՊ

Քրեակատարողական ծառայության պետն այցելել է ՔԿ հիմնարկներ, տվել հասցեական հանձնարարականներ (լուսանկարներ)

Նվեր Պետրոսյանը նշանակվել է փոխվարչապետ Համբարձում Մաթևոսյանի խորհրդական

Կայացել է Իջևան խոշորացված համայնքի ավագանու անդրանիկ նիստը (լուսանկարներ)

Հայկ Մարությանի գլխավորած պատվիրակությունը մեկնել է Սանկտ Պետերբուրգ. կստորագրվի համագործակցության «ճանապարհային քարտեզ»

Վերադարձել են ըմբշամարտի աշխարհի 35-րդ առաջնությանը մասնակցած ՊՆ պատվիրակ մարզիկ-զինծառայողները (լուսանկարներ)

UCOM-ի տեխնիկական աջակցությամբ կայացավ «CAPTURE THE FLAG» հաքերային միջոցառումը

«Արթիկ» ՔԿՀ-ում հայտնաբերվել է ներնետված փաթեթ

Պայմանական վթար ՀԱԷԿ-ում. անցկացվել է ուսումնաշտաբային վարժանք (տեսանյութ)

Անցկացվել է գումարտակային մարտավարական զորավարժություն (լուսանկարներ)

«Ծառ՝ աղբի փոխարեն». ծառատունկ Սյունիքի մարզի Ներքին Խնձորեսկում (լուսանկարներ)

Սյունիքը Հայաստան է, իսկ Էրդողանը՝ պատերազմասեր. «Լը Ֆիգարոյի» փոխտնօրենը գրառում է կատարել

ԱԻՆ մարզային փրկարարական վարչությունները պատրաստ են ձմեռային սեզոնին