Հեղափոխություն՝ համակարգին բրդելով. մարզերում 2020-ին սպասվող կարեւոր ու բացառիկ ծրագրերը

Որոնք են մարզերի զարգացման առաջնահերթությունները 2020 թվականին, ինչ հեղափոխական խնդիրներ են իրենց առջեւ դրել մարզպետները, կան արդյոք հեղափոխության դիմադրող աշխատակիցներ մարզպետարաններում. ՀԺ-ն այս հարցերի շուրջ զրուցել է մարզպետների հետ: 

Սյունիքի մարզի սահմանամերձ համայնքներում կյանքի որակի աստիճանական բարելավում. սա այն խնդիրն է, որ 2020 թ. մեկնարկին իր առջեւ դրել է մարզպետ Հունան Պողոսյանը: Մեզ հետ զրույցում նա երեկ նշեց, որ թեեւ խնդիրները շատ են ու բազմաշերտ, բայց 2020-ի համար առաջնային են համարում Մեղրիի տարածաշրջանում գազիֆիկացման լիարժեք ավարտումը, ենթակառուցվածքների՝ հատկապես միջպետական մայրուղու վերակառուցման շարունակական ընթացքը:

Հարցին՝ իր ղեկավարած կառույցներում կա՞ն մարդիկ, որոնք խոչընդոտում են փոփոխությունների իրականացմանը՝ Պողոսյանը պատասխանեց. «Չենք հանդուրժի նմաններին, բայց կտրուկ ասել, որ չկան, սխալ կլինի, որովհետեւ ունենք այնպիսի աշխատակիցներ, որոնք սպասվող օպտիմալացման հետ կապված՝ կոպիտ ասած, պաուզա են վերցրել, բայց դա լուծվող հարց է, օպտիմալացման արդյունքում նմաններից կազատվենք եւ վերջ»:

Արմավիրի մարզպետ Համբարձում Մաթեւոսյանը մարզում 2020-ին սպասվող ծրագրերից ամենահեղափոխականը համարում է ոռոգման ցանցի վերանորոգումը: 2019 թ. դեկտեմբերին սկսվել է եւ 2020-ին նախատեսվում է իրականացնել շուրջ 100 կմ վերանորոգում: «Սա բացառիկ երեւույթ է, որովհետեւ 100 կմ-ն իր մեջ ներառելու է 45 համայնք. որպեսզի հասկանալի լինի ծավալը՝ ասեմ, որ Արմավիրի մարզն ունի 97 համայնք, այսինքն առնվազն կեսում ոռոգման համակարգերի վերանորոգման ծրագիր ենք ունենալու»,- ասաց մարզպետը:

Հարցին՝ մինչ այս չի՞ գործել այդ ցանցը, Մաթեւոսյանը պատասխանեց. «Տվյալ համայնքներում էս ցանցի մի մասը առհասարակ չի շահագործվել, որովհետեւ շահագործման ենթակա չի եղել, այսինքն լրիվ նորն է կառուցվելու, մի շարք համայնքներում էլ հիմնադրման օրվանից էդ խնդիրն ունեցել են, այսինքն նման աշխատանք համայնքներում չի եղել: Իսկ ծավալների առումով՝ առհասարակ երբեւէ Արմավիրի մարզում գոյություն չի ունեցել ոռոգմանն ուղղված նման ծրագիր»,- վստահեցրեց մարզպետը: Նա կարեւոր համարեց նշել նաեւ 16 խորքային հորերի հորատումը, դպրոցների կառուցումը: «Մենք այս տարի սկսելու ենք 5 դպրոցի կառուցման աշխատանքները. հուսամ կհասցնենք: Սա այնքանով է բացառիկ ծրագիր, որ Արմավիրի մարզում վերջին 10 տարվա ընթացքում 3 դպրոց է կառուցվել, իսկ մենք մեկ տարվա ընթացքում փորձելու ենք կառուցել 5-ը: Այդ բոլոր դպրոցները 4-րդ կարգի վթարային շենքեր էին, հիմա դրանք քանդվելու են, տեղը նոր դպրոց պիտի կառուցվի»,- նկատեց Մաթեւոսյանը՝ չմոռանալով ընդգծել նաեւ սպասվող ճանապարհաշինական աշխատանքների կարեւորությունը եւ տեղեկացնելով, որ 2019 թվականին Արմավիրում ավելի շատ ճանապարհ է վերակառուցվել ու կառուցվել, քան վերջին 5 տարում:

Ոռոգման նոր համակարգի կառուցումը կամ վերակառուցումը առաջնային է համարվում նաեւ Տավուշի մարզում: Մարզպետ Հայկ Չոբանյանի գնահատմամբ դա այն ոլորտն է, որ ամենամեծ ազդեցությունը կարող է ունենալ մարդկանց կյանքի վրա:

Հետաքրքիր աշխատանքներ են սպասվում Շիրակի մարզում. մարզպետ Տիգրան Պետրոսյանի փոխանցմամբ՝ սպասվող ամենակարեւոր ծրագիրը թերեւս Անի պատմական մայրաքաղաքի հայկական կողմի սահմանային գոտու փոփոխությունն է եւ այդ տարածքում զբոսաշրջությանը խթանող ներդրումային նոր ծրագրերի իրականացումը: Հիշեցնենք, որ Շիրակի մարզի սահմանամերձ Նորշեն (Խարկով) գյուղն Անի բերդաքաղաքից բաժանվում է Ախուրյան գետով: Ներկայում սահմանային գյուղ ազատ մուտք գործել հնարավոր չէ։ Այնտեղ լինելու համար անհրաժեշտ է սահմանապահների թույլտվությունը։ Տարեվերջյան ասուլիսում մարզպետը հայտարարել էր, որ Կառավարության աջակցությամբ հնարավոր է եղել պայմանավորվածության հասնել Անի մայրաքաղաքի հարեւանությամբ գտնվող գյուղի մուտքի ռեժիմի փոփոխության հարցում։ Երկրորդ կարեւոր խնդիրը, որ 2020-ին նախատեսվում է իրականացվել, Պետրոսյանը համարում է Շիրակի անօթեւանություն ունեցող անձանց խնդրի լուծումը եւ ժամանակավոր կացարանների հեռացման նոր պետական ծրագրի մեկնարկը:

Գեղարքունիքի մարզում շարունակվելու է ճանապարհաշինությունը՝ նպատակ դնելով ունենալ Սեւանը եզրավորող բարձրորակ ճանապարհ: Այդ մասին մեր զրույցում հայտնեց Գեղարքունիքի մարզպետ Գնել Սանոսյանը: «Նախորդ տարի իրականացվեց ռազմավարական շատ կարեւոր ճանապարհի շինարարություն. խոսքը Սեւան-Ճամբարակ-Վարդենիս ճանապարհի մասին է: Նախարարությունը պլանավորում է, որ այս տարի եւս 20 կմ կվերանորոգվի»,- ասաց նա:

Հեղափոխականն այս ծրագրերից՝ մարզպետի գնահատմամբ, Ծովակ-Աղբրաձոր ճանապարհի շինարարությունն է. այդ ճանապարհը ձգվում է 14 կմ, շատ վատ վիճակում է, իրար է կապում 4 համայնք եւ կարեւոր նշանակություն ունի զբոսաշրջության առումով, քանի որ հասնում է մինչեւ Մաքենյաց վանական համալիր:

2019-ին շատ ցուցանիշներով մյուս մարզերին գերազանցած Գեղարքունիքի մարզում խնդիրները բազմազան են, իսկ թե ինչու է ճանապարհաշինությունը առաջնային համարվում՝ մարզպետն այսպես է պատճառաբանում. «Ուղղակի Հայաստանում ճանապարհներն այնքան անմխիթար են, որ մարդկանց կողմից շատ ավելի ակնառու է այդ խնդիրը: Շատերը Սեւանի ճանապարհով անցնում են, բայց դպրոցներ բոլորը չէ, որ մտնում են, որ տեսնեն այդ դպրոցներում էլ մեծ ծավալի աշխատանքներ են արված կամ ջրագիծ է քաշվել եւ այլն: Դա զգում է միայն այն բնակիչը, որը առաջ դույլերով էր ջուր բերում»:

Գեղարքունիքի մարզպետից եւս հետաքրքրվեցինք՝ իր ղեկավարած կառույցում կա՞ն արդյոք հեղափոխությանը ընդդիմացող աշխատակիցներ, որոնց մասին վարչապետը խոսում էր Կառավարության նիստերից մեկի ժամանակ. «Իմ հարցազրույցներից մեկում էլ ասել եմ, որ այնպիսի տպավորություն է, որ պետական կառավարման համակարգին մենք հաճախ բրթում ենք առաջ: Էն տեմպը, որով մենք ենք աշխատում, էն ձգտումը, որ մենք ունենք, համակարգում շատերը չունեն, ուստի հաճախ ստիպված ենք հրելով աշխատեցնել: Բայց շնորհիվ լավ աշխատողների, որոնք եւս կան, մենք կարողանում ենք գործերը բավական լավ կազմակերպել»:

Կոտայքի մարզպետ Ռոմանոս Պետրոսյանը ֆեյսբուքի իր էջում ներկայացրել է 2020-ին սպասվող որոշ կարեւոր ծրագրեր՝ առանձնացնելով հատկապես հանրապետական նշանակության մի շարք ճանապարհների նորոգումը. խոսքն օրինակ, Նոր Գեղի-Արգել-Արզական- Հրազդան ավտոճանապարհի մի հատվածի մասին է:

Արագածոտնի, Վայոց ձորի եւ Արարատի մարզպետների հետ զրուցել չհաջողվեց:

Տպել
7835 դիտում

Սյունիքի մարզում վարչապետը ծանոթացել է կապիտալ և սուբվենցիոն ծրագրերով իրականացվող աշխատանքների ընթացքին

Պետք է մեկընդմիշտ պատմության աղբամանը նետենք փրկիչներ փնտրելու՝ մեր արատավոր ավանդույթը. Արմինե Մարգարյան

ՀՀ-ում 16-69 տարեկան բնակչությունը նորմայից շատ է օգտագործում․ ինչ եղավ աղի կարգավորմանն ուղղված հայտնի նախագիծը

Քննչական կոմիտեն պատասխանել է «GG» ընկերությանը

Ավտովթար Գյումրի-Վանաձոր ավտոճանապարհին․ կան տուժածներ

Վրաստանում 7 րոպե տարբերությամբ 2 երկրաշարժ է գրանցվել

Արմեն Գրիգորյանը և Դմիտրո Կուլեբան քննարկել են Հայաստան-Ուկրաինա հարաբերությունների հեռանկարները

«Սուրբ Աստվածամայր» ԲԿ-ի թիմը՝ տնօրեն Հովհաննես Զոհրաբյանի գլխավորությամբ, Բոստոնի մանկական հիվանդանոցում է եղել

Խմելու ջրագծի կառուցումն ընթացքի մեջ է, տանիքների խնդիրը կլուծվի առաջիկայում. վարչապետն այցելել է Ներքին Հանդ. տեսանյութ

Գետափնյա գյուղի և Խաշթառակ-Լուսահովիտ համայնքները կապող կամուրջներով երթևեկությունը դեռևս փակ է

Թրամփը խոստացել է դադարեցնել Կիևին բազմամիլիարդանոց վճարումները, եթե հաղթի ընտրություններում

Արմեն Գրիգորյանը հանդիպել է Ջեյք Սալիվանի հետ. քննարկվել է հայ-ամերիկյան համագործակցությունն անվտանգության ոլորտում

Տավուշի սահմանազատված հատվածներում փշալարե պատնեշներ են կառուցվում

Սա դրախտ է ախր, բայց պետք է կարողանանք առաջինը ձեզ համար դրախտ սարքել, խաղաղություն է պետք․ Փաշինյանը՝ շիկահողցիներին

Ընդունվել է Ուկրաինային նվիրված համաժողովի ամփոփիչ հռչակագիրը. Հայաստանն ու ևս մի քանի երկիր չեն ստորագրել այն

Լեհաստան-Հոլանդիա ֆուտբոլային խաղից առաջ հարձակվել են ոստիկանների վրա, հնչել են կրակոցներ (լուսանկարներ)

Ոսկեպարում սահմանի երկայնքով փշալարերի ցանկապատ ենք սարքում, բացառված է՝ մարդ կամ կով անցնի. Փաշինյանը՝ Ճակատենում

Մխիթարյանը, Սպերցյանը և Զախարյանը ներկա են եղել Նոբել Առուստամյանի հարսանիքին (լուսանկարներ, տեսանյութ)

Հողաշերտի փլվածք Գետափ-Մարտունի ավտոճանապարհին (լուսանկար)

Մարզերի զգալի մասում և Երևանում կրկին սպասվում է անձրև, ամպրոպ ու կարկուտ

Վարդենյաց լեռնանցքում քարաթափումից հետո երթևեկությունը վերականգնվել է

Նիկոլ Փաշինյանն այցելել է Կապան-Ճակատեն հիմնանորոգված ճանապարհահատված (տեսանյութ)

Ռոստովում բանտարկյալները պատանդ են վերցրել ՔԿՀ-ի աշխատակիցներին, պահանջներ ներկայացրել. նրանք սպանվել են (լուսանկարներ)

Երևանի էլիտար շենքերից մեկի բակում կայանված մեքենայի վրա հայտնաբերվել է ՌԴ քաղաքացի. նա ընկել կամ նետվել է 13-րդ հարկից

Գերասիմ Վարդանյանը կալանավորվել է

Ընդամենը 20 օր պահանջվեց երկաթուղու աշխատանքը վերականգնելու համար. Արեն Մկրտչյանը տեսանյութ է հրապարակել

ՄԻՊ ներկայացուցիչները չհայտարարված այցերով եղել են ազատությունից զրկված անձանց պահման վայրերում. ինչ է արձանագրվել

Մի՞շտ եք կիրակի աշխատում, թե՞ իմ այցի հետ է կապված. վարչապետը՝ դեպի Իրան տանող ճանապարհի շինարարներին (տեսանյութ)

Աբսուրդայի՞ն, թե՞ իրատեսական. Պուտինն առաջ է քաշել Ուկրաինայում պատերազմի ավարտի իր պայմանները

Հորդառատ անձրևների հետևանքով փակվել ու վնասվել է Շուռնուխ տանող ճանապարհը. ընթանում են մաքրման աշխատանքներ

Վարչապետը ծանոոթացել է Կապանի թիվ 9 մանկապարտեզի վերակառուցման և տարածքի բարեկարգման աշխատանքներին (տեսանյութ)

Արմավիրի մարզում բախվել է 3 մեքենա. 4 հոգի տեղափոխվել է բուժհաստատություն

Ադրբեջանական կողմը հերթական ապատեղեկատվությունն է տարածել. ՊՆ

Գիտեիք, որ գրոհելու եք ԱԺ-ի վրա, ի՞նչ բարոյականությամբ էիք մարդկանց կանչել մանկասայլակներով, երեխաներով. Սաֆարյան

Կապանում իրականացվում են Վաչագան գետի հունի մաքրման, հենապատերի նորոգման աշխատանքներ. վարչապետը տեսանյութ է հրապարակել

Վանաձոր-Ալավերդի-Այրում-Բագրատաշեն ավտոճանապարհը երթևեկելի է միայն մարդատարների համար

ՌԴ-ն ռեկորդային ժամանակում վերականգնեց Վրաստանի հետ Հայաստանի երկաթուղային հաղորդակցությունը. Օվերչուկ

Հատիս-Կապուտան բնակավայրերի դժվարանցանելի հատվածում հայտնաբերվել է տղամարդու դի, կողքին՝ հրացան

Քարաթափում Վարդենյաց լեռնանցքի՝ Սալլի բնակավայրի հատվածում. երթևեկությունը երկկողմանի փակ է

Նիկոլ Փաշինյանը կադրեր է հրապարակել Երևան-Կապան թռիչքից