Տաք եղանակը սպառնում է դեռ միայն աշնանացան ցորենին

«Տաք և չոր օրերը խիստ մտահոգիչ են»,- վերջերս հայտարարել էր օդերևութաբան Գագիկ Սուրենյանը: «Ձյան ծածկի բարձրությունը հանրապետության լեռնային գոտիներում անցած տարվա նույն օրերի հետ համեմատ եռակի և քառակի պակաս է, իսկ առանձին լեռնային գոտիներում ձյան ծածկն ընդհանրապես բացակայում է։ Օդի ջերմաստիճանը շարունակում է բարձր մնալ կլիմայական նորմայից 3-5 աստիճանով»,- նշել էր նա:

Ի՞նչ վտանգներ կարող է սպառնալ տաք եղանակը գյուղատնտեսությանը. «Հայկական ժամանակ»-ի հարցմանն ի պատասխան՝ Էկոնոմիկայի նախարարության մամուլի խոսնակ Աննա Օհանյանը հաղորդել է, որ այս պահի դրությամբ հնարավոր չէ հստակ կանխատեսումներ անել: Նա նշել է, որ թեպետ այս ձմռան ջերմաստիճանն անցյալ տարվա համեմատ 3-4 աստիճանով բարձր է, սակայն այն այս պահի դրությամբ չի կարող վտանգ ներկայացնել պտղատու ծառատեսակների համար:

«Գիշերը հանրապետության գրեթե բոլոր մարզերում բացասական ջերմաստիճան է դիտվում, իսկ ցերեկվա ժամերին էլ ջերմաստիճանն այնքան բարձր չէ, որը կհանգեցնի դրանց ակտիվ կենսագործունեությանը: Որոշ մարզերում ձնածածկույթի բացակայության պատճառով հնարավոր է՝ վտանգ սպառնա աշնանացան ցորենի ցանքատարածություններին, սակայն դեռ վաղ է կանխատեսել: Աշնանացան ցորենի ցանքատարածությունների վնասվելու դեպքում դրանց հետևանքները մեղմելու նպատակով ՀՀ էկոնոմիկայի նախարարությունում քննարկվում են տարբերակներ՝ իրավիճակից ելնելով լուծումներ տալու ուղղությամբ»,- իր պատասխանում նշել է Աննա  Օհանյանը:

«Ագրարագյուղացիական միավորում» ՀԿ նախագահ Հրաչ Բերբերյանը ևս վստահ է, որ այս տարվա բերքը, ընդհանուր առմամբ, վտանգված չէ. «Ամբողջ գիշեր բույսը մինուս 6-8 աստիճան ցրտին է լինում, առավոտյան ջերմաստիճանը բարձրանում է մինչև 1-2 աստիճան, սակայն դա բավարար ջերմաստիճան չէ, որ բույսն սկսի աշխատել»:

Նրա կարծիքով՝ տաք եղանակը կարող է սպառնալ միայն աշնանացան ցորենի ցանքատարածություններին՝ մոտ երեսուն տոկոսով իջեցնելով արտադրության ցուցանիշը: Բերբերյանի խոսքով. «Այս երևույթը կոչում ենք արմատի արտամղում. առավոտյան բարձր ջերմաստիճանով պայմանավորված ցեխ է դառնում, գիշերը՝ սառցակալում, բույսը քաշում-բարձրացնում վեր, արմատից պոկում»:

Բերբերյանը վստահ է, որ ոչ ձնառատ ձմեռվա հիմնական վտանգը ջրամբարներում քիչ ջուր կուտակելն է. «Ունենք ոռոգման համակարգի ծանր վիճակ, քանի որ ջրամբարների համար կուտակված ձյունը բավարար չէ: Բայց հիշում ենք, որ անցյալ տարի էլ ձյունը քիչ էր, սակայն մարտ ամսին այնքան անձրևներ եկան, որ ջրամբարները լցվեցին»:

Կարմեն Մարտիրոսյան

Տպել
2289 դիտում

Հայաստանում կորոնավիրուսով հաստատված հիվանդների թիվը հասավ 822-ի. 52 նոր դեպք է ավելացել

Երեւանի Բագրատունյաց պողոտայի շենքերից մեկի քարերը պոկվել, ընկել են

Այսօր Ծաղկազարդ է՝ մանուկների օրհնության օրն ու Ավագ շաբաթի մեկնարկը

Ջրաշեն գյուղի թռչնաբուծարանի մոտ ավտոմեքենան թեքվել է դեպի ձորը

Բակո Սահակյանի գլխավորությամբ Արցախում կորոնավիրուսի կանխարգելման աշխատանքների հանձնաժողովի նիստ է գումարվել

Մեր նպատակը կապիտալ ծախսերի խթանման միջոցով նոր աշխատատեղերի ստեղծումն է. վարչապետ (տեսանյութ)

ՀՀ քաղաքացիական ավիացիայի կոմիտեն լիցենզիայից չի զրկվել. կոմիտեն հայտարարություն է տարածել

Վերակենդանացման բաժանմունքներում 25 հիվանդ կա. նրանցից 1-ի վիճակը ծայրահեղ ծանր է

Կորոնավիրուսը, Արմեն Մուրադյանը եւ նախարարի պորտֆելը

ՀՀ մարզերում ձյուն է տեղում, Լարսը բաց է միայն բեռնատարների համար

Արցախում առայսօր կորոնավիրուսային վարակի դեպք չի գրանցվել, մեկուսացվածներ ևս չկան

Աբովյանի բնակարաններից մեկում 62-ամյա տղամարդու դի է հայտնաբերվել

Ապրիլի 6-ին Մոսկվայից կազմակերպվող չարտերային թռիչքի ուղևորներն ընտրվել են ըստ առաջնահերթության

Ապրիլի 4-ին Արցախում աճել է ադամաթզի, սոխ գինը, անկել՝ վարունգի, բենզինի, կիտրոնի, լոլիկի և այլ ապրանքների գները

ՀՀ ՊՆ պարզաբանումը լրատվամիջոցներում հրապարակված բաց նամակի կապակցությամբ

Երևանում բետոնե պատշգամբ է փլուզվել

Մեր «մշտական կորոնավիրուսը»

«Աղավնո», «Խարխափուտ», «Խնձորեսկ» բժշկասանիտարական հսկիչ կետերում ջերմաչափվում են Արցախ մեկնող բոլոր քաղաքացիները

Մոսկվա-Երևան չարտերային թռիչքի ապրիլի 6-ի տոմսերը սպառված են. երկրորդ թռիչքի անհրաժեշտություն կա

Ապրիլի 6-ին, ժամը 18.30-ից Նիկոլ Փաշինյանը ֆեյսբուքի իր էջի ուղիղ եթերում կպատասխանի քաղաքացիների հարցերին