Վանաձորի հանրակացարանի բնակիչներն ապրում են հրդեհված ու մրոտ սենյակներում. քաղաքապետն ասում է՝ որոշակիորեն կաջակցեն

Հունվարի 10-ին Վանաձորի Ուսանողական 14 հասցեի հանրակացարանում բռնկված հրդեհի հետեւանքով տուժած քաղաքացիները դժգոհ են պատկան մարմինների անուշադրությունից: 

Հիշեցնենք՝ հանրակացարանի վերին հարկում բռնկված հրդեհի հետեւանքով շուրջ 10 քաղաքացու հրշեջ-փրկարարնեել էին հրշերը այրվող շենքից տարհանջ-ավտոսանդուղքով: Նրանք շտապօգնության բժիշկների կողմից տեղում առաջին բուժօգնություն էին ստացել: Դեպքի օրը հանրակացարանի ողջ շենքը հոսանքազրկվել էր: Բնակիչներն այդ օրը գիշերել էին ծանոթ-բարեկամների տներում: Մի մասին էլ քաղաքապետարանը տեղավորել էր այլ հանրակացարաններում:

ՀԺ-ն այսօր այցելել է հանրակացարան՝ պարզելու, թե ինչ է այրվել հրդեհից եւ ի վերջո՝ ինչ իրավիճակ է տիրում այրված 4-րդ հարկում: Բնակիչների հետ դեռ երեկ հանդիպել էր Վանաձորի քաղաքապետ Մամիկոն Ասլանյանն ու խոստացել քայլեր ձեռնարկել: Քաղաքապետը բնակիչներին խոստացել էր կապ հաստատել էլեկտրացանցի աշխատակիցների հետ ու վերականգնել հոսանքի մատակարարումը:

Մեր այցի պահին էլեկտրամատակարարումը, սակայն, վերականգնված էր հանրակացարանի միայն 3 հարկերում ամբողջությամբ եւ 4-րդ հարկի մյուս հատվածում, որը հրդեհից չէր վնասվել: Մինչդեռ հրդեհից տուժած շուրջ 5 ընտանիքների հոսանքն այդպես էլ միացված չէր: Բնակիչները սեփական ուժերով էին մաքրում հանրակացարանի 4-րդ հարկում բռնկված հրդեհի հետեւանքները:

Գոհար Միրզոյանը հանրակացարանի սենյակում ապրում է ամուսնու հետ: Տղան ժամկետային զինծառայող է: Սենյակում տեղ չլինելու պատճառով աղջիկը բնակվում է տատիկի տանը: «Դռներն ա ամբողջությամբ վառված, անկողինը ջրի մեջ կորած ա, հեռախոս, հեռուստացույց, սաղ փչացել ա…»,-ասաց տիկին Գոհարը, որին եւս դեպքի օրը սենյակից տարհանել են փրկարարները՝ ավտոսանդուղքով: «Քաղաքապետը երեկ եկավ, խոստացավ որ լույսը կմիացնեն, բայց մինչեւ հիմա մեր կողմի լույսը չեն միացրել, մոմի լույսի տակ ենք քնում, էսօր մենակ փայտ տվեցին, որ վառարան վառեմ, անկողինը կողքը չորացնեմ: Ինձ 2-րդ հարկում այլ սենյակ էին հատկացրել, բայց չեմ գնա այնտեղ»,- շարունակեց նա:

4-րդ հարկի բնակիչները պնդում են՝ իրենց ուժերով են փորձում վերացնել մուրն ու կեղտը. «Քաղաքապետն եկավ, ասեց նիստի կդնենք, տեսնենք ինչ ծախսեր ա, գումար դուրս կգրեն, մի բան կանեն, բայց էս պահի դրությամբ մենակ հարեւանին մի քանի պարկ փայտ են տվել ու վերջ, մեկ էլ մյուսներին ազատ սենյակներում են տեղավորել»,- պատմեց Սիլվա Ամիրյանը:

Մեկ այլ բնակչի խոսքով՝ քաղաքապետարանից իրենց առաջարկել են 1 ամիս ժամկետով բնակարան վարձակալել քաղաքապետարանի հաշվին, բայց հետո. «Հետո էլ ասին՝ դե որ էդքանին վարձը պետք ա տանք, էդ փողը կտանք էլեկտրաէներգիայի հարցը կլուծենք: Մենք համաձայնվեցինք, ասինք 2 օր կտեւի՝ կդիմանանք, բայց փաստորեն մինչեւ հիմա չի միացվել, երբ զանգում ենք՝ ասում են էդ հարցով ենք զբաղված, բայց արդյունք չկա դեռ»: Հանրակացարանի բնակիչները շնորհակալություն էին հայտնում փրկարարներին, ոստիկաններին ու շտապօգնության խմբերին՝ օպերատիվ արձագանքման ու իրենց կյանքը փրկելու համար:

Վանաձորի քաղաքապետ Մամիկոն Ասլանյանը, սակայն, ասում է, որ իրենց կողմից արդեն իսկ քայլեր են ձեռնարկվում՝ տուժած բնակիչներին որոշակի աջակցություն ցուցաբերելու ուղղությամբ: «Դեպքի հաջորդ օրն առավոտյան դիմել ենք էլեկտրացանցին՝ էլեկտրականությունը շենքի ներսում վերականգնելու նպատակով: Շենքում էլեկտրականությունը ներկա դրությամբ ամբողջությամբ վերականգնված է: Ներկայումս ուսումնասիրություններ են տարվում՝ վնասի չափի ճշգրտման, նաեւ տուժած բնակիչներին աջակցելու ուղղությամբ»,- ասաց քաղաքապետը՝ մեկ անգամ եւս նշելով, որ բացի մեկ սենյակից, հիմնականում մյուս սենյակների դռներն են այրվել:

«Այժմ աշխատանքներ ենք տանում դրանց փոփոխման կամ վերանորոգման ուղղությամբ, հրդեհի հետեւանքով ծխապատված ընդհանուր օգտագործման տարածքները կնորոգվեն մեր կողմից, նաեւ ներսի հարդարման աշխատանքներ կանենք, (համապատասխան նախագիծը) կդնենք ավագանու հաստատմանը, բայց լուրջ հիմնանորոգում չենք կարող անել, քանի որ այդ ընթացքում պետք է նաեւ բնակիչներին այլ տեղ տեղավորենք, նորմալ վիճակի կբերենք, որպեսզի մեր քաղաքացիները կարողանան նորմալ պայմաններում բնակվել»,- հավելեց համայնքի ղեկավարը:

Տպել
430 դիտում

Սկսվել է Երևան-Մոսկվա երկրորդ հատուկ չվերթի հաշվառումը (տեսանյութ)

Դատախազության միջնորդությամբ 9 անձի խափանման միջոց փոխվել է. կորոնավիրուսով պայմանավորված՝ նրանք ազատ են արձակվել

Այս տարի վերջին զանգը կունենա բոլորովին այլ նշանակություն, քննությունը կարող է լինել էլեկտրոնային. Ժաննա Անդրեասյան

Սամվել Բաբայանը նախագահական ընտրությունների երկրորդ փուլում ոչ մեկին չի սատարի

Տարեց և անժառանգ արվեստագետների համար աջակցության ծրագրեր են նախատեսվում

Հանրային հետաքրքրությունը մշակույթի հանդեպ շեշտակի աճել է. Արա Խզմալյան

Այսօրվանից ջերմաստիճանը կնվազի 6-8, որոշ տեղերրում՝ 12-15 աստիճանով, տեղումներ են սպասվում

Սիրելի մայրեր ու դուստրեր, այս դժվարին և բարդ պայմաններում առավել ուշադրություն ցուցաբերեք ձեր ընտանյաց անդամներին

«Վանաձոր» ՔԿՀ-ում-ում փորձել են քրեական հեղինակություններով խնդիրներ պարզել, այլ ՔԿՀ-ում արգելված իրեր են տարվել

Ռոբերտ Քոչարյանը դատի է տվել Նիկոլ Փաշինյանին․ նա 2 միլիոն դրամ փոխհատուցում է պահանջում

Բացահայտվում են հեռավար կրթության նոր հեռանկարներ, որ կգործարկվեն նաև արտակարգ դրության ավարտից հետո

Սերժ Սարգսյանի եղբորորդին՝ Նարեկ Սարգսյանը, կմնա կալանավորված. դատարանը մերժել է պաշտպանի բողոքը

ՊՎԾ-ն խնդիրներ է արձանագրել հանրային հատվածի կազմակերպություններում աուդիտի գնման գործընթացներում

«Արմենիա» ավիաընկերությունը չեղարկում է մինչև ապրիլի 30-ը ներառյալ բոլոր չվերթները

Արքան մերկ է. գերմանացի բժշկագետը ուռճացված է համարում կորոնավիրուսի վտանգավորությունը

Yandex.Taxi-ն կորոնավիրուսից տուժած վարորդներին աջակցություն ցուցաբերելու համար հիմնադրամ է գործարկում

Գործարկվել է սոցիալական աջակցության www.online.ssa.am կայքը. աջակցությունը պետք է ստանալ բանկից

Ջերմորեն շնորհավորում եմ բոլոր մայրերին եւ մայրության բերկրանքին սպասող մեր քույրերին. Մարության

Այսուհետ կգործեն ՌԴ-ում ՀՀ դեսպանությանը կից մաքսային կցորդի հետ հետադարձ կապի միջոցներ

Երևանի Թումանյանի այգու մոտակա ձորակն ընկած քաղաքացուն հոսպիտալացրել են