Պատիվ ունե՞մ, թե՞ պատիվ չունեմ. Միշիկը, Արթուրը, Արիկը

«Հայկական ժամանակ»-ի ձեռքի տակ են հայտնվել փաստեր, որ վարչապետ Նիկոլ Փաշինյանի ընտանիքի անդամների, մասնավորապես կնոջ` Աննա Հակոբյանի եւ դստեր` Մարիամ Փաշինյանի դեմ քարոզչական արշավը, որ իրականացնում են մի քանի կոնկրետ լրատվամիջոցներ, համակարգվում եւ ներշնչվում է ԱԱԾ նախկին տնօրեն Արթուր Վանեցյանի կողմից:

Ընդ որում, հիմքեր կան մտածելու, որ այդ հակաքարոզչությունը նաեւ վճարվում է Վանեցյանի կողմից: Միակ հարցը, որ ամբողջական պատասխան դեռ պիտի ստանա հետեւյալն է. արդյո՞ք Ա. Վանեցյանն այդ գործունեությունը սկսել է դեռ ԱԱԾ տնօրեն եղած ժամանակներից: Ըստ ամենայնի, այո:

Խնդիրն այն է, որ Աննա Հակոբյանի եւ Մարիամ Փաշինյանի դեմ ստահոդ լուրեր տարածելու հարցում ամենահայտնի կայքերից մեկը, որին պայմանականորեն կարող ենք անվանել քաղաքագետ.օռգ, Վանեցյանի հետ սկսել է համագործակցել դեռ 2018 թվականի վերջին: Կայքի խմբագրի եւ Վանեցյանի համագործակցության հարցը լուծել է Արամ Վարդանյան անունով հայտնի «Վստրեչի ապերը», կայքի խմբագրին հավաքագրելով Վանեցյանի համար:

Իհարկե, վաղուց լուրեր կան, թե դեռեւս ԱԱԾ Էրեբունու բաժնի պետ աշխատելու տարիներին գնդապետ Վանեցյանը եղել է Էրեբունու վարչական շրջանի քրեական հեղինակություն Վստրեչի Ապերի հովանավորության ներքո, բայց այս անգամ Արամ Վարդանյանը թերեւս Վանեցյանին ծառայություն մատուցելու շատ կոնկրետ առիթ է ունեցել: Խնդիրն այն է, որ Վարդանյանը Հայաստանից փախուստի էր դիմել այն բանից հետո, երբ մի քաղաքացի փողոցում մոտեցել էր նորընտիր վարչապետ Նիկոլ Փաշինյանին եւ հայտնել, որ Վստրեչի Ապերն ամիսներ առաջ իրեն առեւանգել եւ ազատությունից ապօրինի զրկել է: Այս խոսակցությունից շատ չանցած Վարդանյանը հեռացել էր Հայաստանից: Առեղծվածն այն է, թե որտեղից էր նա իմացել ԱԱԾ տնօրեն Ա. Վանեցյանին վարչապետի տված խիստ հանձնարարականի մասին` լրջորեն զբաղվել այս գործով:

Բայց սա ամբողջ պատմությունը չէ. ոստիկանության ջանքերի շնորհիվ հետախուզման մեջ գտնվող Արամ Վարդանյանն արտերկրում ձերբակալվեց եւ արտահանձնվեց Հայաստանին: Ու տեղի ունեցավ անսպասելին` դատարանը մերժեց Վարդանյանին կալանավորելու դատախազության միջնորդությունը ու փախուստի մեջ գտնված, միջազգային հետախուզումով հայտնաբերված Վստրեչի Ապերը դատարանի կողմից ազատ արձակվեց: Ինչեւէ, քաղաքագետ.օռգ-ի խմբագրի հետ գործարքի կնքումից հետո կայքն անցել է Վանեցյանի PR խմբի տրամադրության տակ եւ դարձել ակտիվ հարթակ ԱԱԾ տնօրենին թաքնված գովազդ անելու եւ իշխանության մյուս ներկայացուցիչների դեմ սեւ քարոզչություն իրականացնելու համար: Հիմնական թիրախը, սակայն, եղել են վարչապետը եւ նրա ընտանիքի անդամները: Իհարկե, չեն մոռացել մեկ-մեկ էլ «վատ բան» գրել Ա. Վանեցյանի մասին` գործարքից ուշադրություն շեղելու համար: Այս ողջ գործընթացը համակարգել եւ շարունակում է համակարգել Վահագն Բոյաջյանը, ով Վանեցյանի մամուլի խոսնակն էր ԱԱԾ-ում եւ հիմա էլ` նրա PR մենեջերը, որ ԱԱԾ էր եկել ԱԻՆ-ից:

ԱԱԾ-ից հեռանալուց առաջ Վանեցյանը Բոյաջյանին անվանական զենք է նվիրել: Այս որոշումը չափազանց անհասկանալի է, որովհետեւ ԱԱԾ երկարամյա եւ վաստակաշատ բազմաթիվ աշխատողներ անգամ անվանական զենք չունեն, իսկ մի քանի ամսվա աշխատողը…

Արդեն հասկացաք, ինչ ծառայությունների համար: Նա համակարգում էր վարչապետի ընտանիքի անդամների, իշխանության բարձրաստիճան ներկայացուցիչների դեմ լրատվական արշավը, երբեմն իրենց լրատվամիջոցներին փոխանցելով այնպիսի տեղեկություններ, որոնք իրեն հասանելի են միայն ԱԱԾ աշխատող լինելու բերումով. օրինակ` ավտոմեքենայի պետհամարանիշեր: Այս ամենը, սակայն, լոկալ գործընթաց չէ եւ կապված է շատ ավելի մեծ պրոցեսի հետ: Տվյալ քարոզչական սխեմայի գաղափարախոսը Արա Սաղաթելյանն է, ով Սերժ Սարգսյանի իշխանության թիվ 1 պրոպագանդիստն է եղել եւ այդ կարգավիճակում հաստատվել է Սարգսյանի փեսա Միքայել Մինասյանի կողմից որպես վստահելի մարդ: Սաղաթելյանը Վանեցյանի մանկության ընկերն է եւ որպես Միքայել Մինասյանի վստահելի` որոշակի դեր է ունեցել ԱԱԾ-ում Վանեցյանի կարիերայի համար: Վերջինս դեռ 2018 թվականից եղել է Միքայել Մինասյանի եւ Արթուր Վանեցյանի կապը`ընթացիկ հարցերով:

Արա Սաղաթելյանը Արթուր Վանեցյանին խնդրել է Սերժ Սարգսյանին եւ նրա ընտանիքին պաշտպանել Փաշինյանից: Ապա, երբ Սաղաթելյան-Մինասյան-Վանեցյան նախկինում ջերմ հարաբերությունները վերականգնվել են, Սաղաթելյանը Վանեցյանին համոզել է, թե վերջինս կարող է շատ արագ վերցնել իշխանությունը: Բայց ինչպե՞ս: Մշակվել է ռազմավարություն` Միքայել Մինասյանի եւ Արա Սաղաթելյանի մասնակցությամբ: Հնարավորինս վարկաբեկել Փաշինյանի ընտանիքը, որը վարչապետի պոզիտիվ իմիջի շատ կարեւոր բաղադրիչն է, լրատվամիջոցներում եւ սոցիալական ցանցերում Փաշինյանին եւ ընտանիքին վարկաբեկող հրապարակումներ անել:

Հաջորդ կարեւոր ուղղությունը հետեւյալն է. ֆեյքերի միջոցով ասեկոսեներ տարածել, թե Փաշինյանը հոգեկան շեղումներ ունի, մեծ հավանականությամբ հոգեկան հիվանդություն, որ նրա քաղաքականության արդյունքում 2019 թվականի հոկտեմբերին պատերազմ է սկսելուեւ 30 հազար մարդ է զոհվելու երկու օրվա ընթացքում: Այս լուրերի տարածմամբ սկսել են ակտիվ զբաղվել Սաղաթելյանը եւ Բոյաջյանը: Պլանը եղել է հետեւյալը. Այս լուրերին այնքան մեծ տարածում տալ, որ «հոգեկան հիվանդ» Փաշինյանին իշխանությունից հեռացնելը դառնա Ազգային անվտանգության հարց:

Բայց, թե ինչ եղավ հետո, բոլորդ գիտեք: Սեպտեմբերը հոկտեմբերից շուտ եկավ եւ հիմա Արթուր Վանեցյանը, Վստրեչի Ապերը, Արա Սաղաթելյանը, Միշիկն ու Վահագն Բոյաջյանը շարունակում են իրենց «միսիայի» իրականացումը: Ի վերջո, հոկտեմբեր եղել է ոչ միայն 2019-ին, այլեւ կլինի նաեւ 2020-ին, 2021-ին, 2022-ին, 2023-ին, 2024-ին, 2025-ին, 2026-ին: Գուցե նաեւ արեւմուտքը օգնի նրանց, ինչպես օգնեց մեծ կոմբինատոր Օստապ Բենդերին:

 Հ.Գ. Վանեցյանի պաշտոնանկության օրը նրա անունից հրապարակված հեռացման տեքստը, ըստ ամենայնի, գրել է Արա Սաղաթելյանը: Միշիկ ունեմ:

 

 

Տպել
65705 դիտում

Գորիսում մառախուղ է, Աշոցքում ձյուն է տեղում

ԱՄՆ վարչակազմը հույս ունի, որ Ուկրաինան կհաղթի պատերազմում. Կիմ

Երևանը և Նյու Դելին նախատեսում են կարգավորել Հնդկաստանի քաղաքացիների աշխատանքային միգրացիան Հայաստան

ՀՀ տարածքում կան փակ ավտոճանապարհներ

Սամվել Շահրամանյանի «ախրանիկ» աշխատող Աշոտ Դանիելյանն ազատ է արձակվել

ՌԴ-ի բարեկամները նրանք են, ովքեր իրենց անգլոսաքսոնական քաղաքականության կրող ու մաս չեն համարում․ Մեդվեդև

Քննարկվել են Հայաստան-Ֆրանսիա բազմոլորտ համագործակցության ամրապնդումը․ Սուրեն Պապիկյան

Հանդիպել են Ռուսաստանի և Թուրքիայի արտգործնախարարները

Երևանի ավագանու «Քաղաքացիական պայմանագիր» խմբակցությունը հայտարարություն է տարածել

Երևանի Թավրիզյան փողոցի տներից մեկից պայթյունի ձայն է լսվել, կա վիրավոր

Գազայում մենք ունենք մեկ պարզ նպատակ՝ լիակատար հաղթանակ․ Նեթանյահու

ՀՀ նախագահն ու Ճապոնիայի դեսպանը մտքեր են փոխանակել տարածաշրջանային խաղաղության, ժողովրդավարական արժեքների վերաբերյալ

Հովհաննես Հարությունյանը կվերադառնա «Փյունիկ», որտեղից ռուսական ակումբ էր տեղափոխվել մեկ ամիս առաջ

Մոսկվային թվում է՝ «թքում է ՀՀ-ի» երեսին, իրականում «թքեց» իր վրա. ինչու ձերբակալվեց և ազատ արձակվեց ադրբեջանցի մարզիչը

Փոխվարչապետ Մհեր Գրիգորյանը մասնակցել է ԵՄ-Հայաստան քաղաքացիական հասարակության պլատֆորմի միջոցառմանը

Չափազանց կարևոր է խնամքի հաստատություններում անձանց իմաստալից զբաղվածության ապահովումը. ՄԻՊ

Այս պահին կողմերի միջեւ սկզբունքային հարցերում համաձայնություն գրանցված չէ. Վահան Կոստանյան

Իմ հանդեպ ձեր հավատը ոչ միայն ուժ է տալիս, այլև պարտավորեցնում բարձր պահել մեր երկրի պատիվը․ Գոռ Սահակյան

Օրինապաշտ միգրանտները կարող են գալ ու աշխատել, օրինազանցները՝ կպատժվեն․ Մեդվեդև

Հայաստանին են փոխանցվել խաղաղության համաձայնագրի՝ Ադրբեջանի վերջին մեկնաբանությունները. Բայրամով

Լիտվա-Հայաստան հարաբերություններն ինտենսիվորեն զարգանում են՝ ներառելով համագործակցության նոր ոլորտներ․ Գրիգորյան

Բայրամովը Տոյվո Կլաարի հետ քննարկել է հայ-ադրբեջանական հարաբերությունների կարգավորման հարցը

Հաջորդ տարի Հայաստանն ատոմակայանի հարցում կունենա որոշում․ ՏԿԵ փոխնախարար

Պուտինը սկսել է թռիչքը ամենամեծ գերձայնային ինքնաթիռով․ երթուղին չի բացահայտվել

Տարադրամի փոխարժեքը՝ այսօր

Ժոզեպ Բորելի այցը Հայաստան օրակարգում է, Երևանը ողջունում է այն. ՀՀ ԱԳՆ

Թալանել են «Հին Ջրվեժ» ռեստորանը․ գողացել են մի քանի միլիոն դրամ

Նոր նշանակում Քննչական կոմիտեում

Մահացածների մասին կա՛մ լավը, կա՛մ ոչինչ. ինչպես է Մեդվեդևը մեկնաբանել Նավալնիի մահը

Էդմոն Մարուքյանն արձագանքել է Բաքվից հնչող հայտարարություններին

Ֆրանսիան Հայաստան կառաքի պաշտպանական սպառազինության խմբաքանակ. Le Figaro

Նիկոլ Փաշինյանը Ֆրանսիայի վարչապետին հրավիրել է Հայաստան, նա սիրով ընդունել է

Նիկոլ Փաշինյանը բարձր է գնահատել Անն Իդալգոյի ջանքերը՝ Հայաստանի և հայ ժողովրդի հետ կապված օրակարգերի ուղղությամբ

ՀՀ դատախազությունը Քամիլ Զեյնալլիի հետ կապված հանձնման միջնորդության փաթեթ է ուղարկել ՌԴ

Ալիևը հայտարարեց, որ խաղաղությունը կարևոր է, իսկ այսօր ի ցույց է դնում ուժի կիրառման անհրաժեշտությունը. Հովհաննիսյան

Գառնիում ապամոնտաժվել է երկու բենզալցակայան

Հայաստանի ու Ադրբեջանի փոխվարչապետների հաջորդ հանդիպման ամսաթիվը դեռ որոշված չէ․ Գրիգորյան

Մինսկում կարծում են, որ Արևմուտքը պատրաստվում է Բելառուսի դեմ ռազմական գործողությունների

ՀՀ-ն քայլերի կդիմի Մոսկվայում ձերբակալված, ապա ազատ արձակված Քամիլ Զեյնալիի գործով․ Մհեր Գրիգորյան

Հույս ունենք, որ Ֆրանսիայից նոր ընկերություններ կգան Հայաստան, գործունեություն կծավալեն. Նիկոլ Փաշինյան