«Իմ քայլ»-ի պատգամավորը ԿԳՄՍ նախարարին խնդրեց դադարեցնել Հայպետհրատի շենքի շինաշխատանքները ու հարցը կրկին քննարկել

Խորհրդարանական «Իմ քայլը» խմբակցության պատգամավոր Միքայել Զոլյանն այսօր ԱԺ ամբիոնից դիմեց ԿԳՄՍ նախարար Արայիկ Հարությունյանին՝ կոչ անելով եւս մեկ անգամ քննարկել Երեւանի Գեւորգ Քոչարի 21 հասցեում Երեւանի մնջախաղի պետական թատրոնին տրամադրված տարածքի շինարարական աշխատանքների հարցը։

Զոլյանը նշեց, որ բազմաթիվ քաղաքացիներ ու մասնագիտական շրջանակներ մտահոգություններ ունեն կատարվող աշխատանքների վերաբերյալ։ Նա ասաց, որ եթե հնարավոր է, ապա պետք է շինաշխատանքները դադարեցնել, շփվել Երեւանի բնակիչների, մասնագիտական համայնքի ներկայացուցիչների հետ, եւ եթե նրանց մտահոգությունները անհիմն են, ապա քննարկման արդյունքում կվերանան, իսկ եթե հիմնավոր են, ապա առավել եւս պետք է դրանց քննարկմանն ընթացք տրվի։

«Ինչո՞ւ կան մտահոգություններ․ այսօր Երեւանի բնակիչները հիշում են, թե ինչ կատարվեց նախորդ իշխանության օրոք։ Նրանց հանցանքներից մեկն այն էր, որ այլանդակվեց Երեւան քաղաքը, հատկապես կենտրոնը, բազմաթիվ պատմական շենքեր կամ ոչնչացվեցին, կամ տեղափոխվեցին կոնտեքստից դուրս, կառուցվեցին շենքեր, որոնք կապ չունեն Երեւանի ճարտարապետության հետ։ Բնականաբար, մարդիկ շատ էմոցիոնալ ռեակցիա են ցույց տալիս»,- ասաց Զոլյանը՝ հավելելով, որ իր այս ելույթից թող չոգեւորվեն այն մարդիկ, որոնք անհիմն մեղադրանքներ են հնչեցնում Արայիկ Հարությունյանի հասցեին եւ նույնիսկ չեն կարողանում նախարարության անունն ամբողջությամբ ճիշտ արտաբերել։ Պատգամավորը հայտարարեց, որ ինքը աջակցում է նախարարին, սակայն հարցի քննարկումն անհրաժեշտություն է։

Նշենք, որ Հայպետհրատի շենքում շինարարական աշխատանքները դադարեցնելու հարցով նախաձեռնող խումբ է ստեղծվել, որը դիմել է ԿԳՄՍ նախարարությանը:

Մի խումբ քաղաքացիներ, սոցիալական ցանցերից տեղեկանալով Գ. Քոչարի 4 հասցեում գտնվող հանրապետական նշանակության պատմության եւ մշակույթի անշարժ հուշարձանի տարածքում պետական բյուջեի միջոցներով Մնջախաղի պետական թատրոնի շենքի կառուցման մասին, նախարարությունից պահանջում են դադարեցնել շինաշխատանքները։

«Հայպետհրատի» շենքը նախագծվել է 1935 թվականին՝ ճարտարապետներ Մ. Մազմանյանի եւ Հ. Մարգարյանի կողմից, որի շինարարական աշխատանքները շարունակվել են մինչեւ 1960-ականներ: Նախաձեռնող խմբի հայտարարության մեջ ասված է, որ այն տարբեր տարիներին կրելով փոփոխություններ, հանդիսանում է խորհրդային ճարտարապետության լավագույն նմուշներից մեկն իր բազմաշերտ ժամանակագրությամբ․

«Այն անմասն չի մնացել նաեւ հետխորհրդային ժամանակաշրջանի եվրոռեմոնտային միջամտություններից, որոնք մինչեւ 2018 թվականի դեպքերն համարվում էին կոռուպցիոն քաղաքական համակարգի արդյունք։

Այս շենքը հանրապետական նշանակության հուշարձան է, եւ ըստ օրենսդրության այն կարող է փոփոխվել միայն կառավարության որոշմամբ, որը տվյալ դեպքում բացակայում է։

Ելնելով վերոգրյալից պահանջում ենք․

  1. անհապաղ դադարեցնել Հայպետհրատի շենքում (Գ․Քոչարի 4) հանրային միջոցներով իրականացվող շինարարական աշխատանքները՝ ապահովելով շենքի ճակատագրին նվիրված լայն մասնագիտական ու հանրային քննարկումներ՝ լավագույն ճարտարապետական եւ վերականգնողական լուծումներ բացահայտելու նպատակով,
  2. լավագույն ստեղծագործական եւ հուշարձանի շահից բխող լուծումներ գտնելու նպատակով, նախաձեռնել լավագույն ճարտարապետական լուծման բաց մրցույթ,
  3. վերանայել Հայպետհրատի շենքի կազմում շինությունների պահպանման ռեժիմն ու ընդգրկումը՝ քանի որ այն հանդիսանում է Խորհրդային վաղ շրջանի նշանային կառույցներից մեկը եւ ունի հանրապետական նշանակության հուշարձանի կարգավիճակ,
  4. բացառել ապագայում պահպանության ենթակա շենքերում ու միջավայրերում վիճահարույց միջամտությունները,
  5. վերանայել Երեւանում եւ այլ պատմական միջավայրերում կառուցապատման իրավական ու մասնագիտական կանոնակարգերը։

Հայտարարությունը բաց է միանալու համար

Նախաձեռնող խումբ»,- նշված է հայտարարության մեջ:

Տպել
659 դիտում

Մեր նպատակը կապիտալ ծախսերի խթանման միջոցով նոր աշխատատեղերի ստեղծումն է. վարչապետ (տեսանյութ)

ՀՀ քաղաքացիական ավիացիայի կոմիտեն լիցենզիայից չի զրկվել. կոմիտեն հայտարարություն է տարածել

Վերակենդանացման բաժանմունքներում 25 հիվանդ կա. նրանցից 1-ի վիճակը ծայրահեղ ծանր է

Կորոնավիրուսը, Արմեն Մուրադյանը եւ նախարարի պորտֆելը

ՀՀ մարզերում ձյուն է տեղում, Լարսը բաց է միայն բեռնատարների համար

Արցախում առայսօր կորոնավիրուսային վարակի դեպք չի գրանցվել, մեկուսացվածներ ևս չկան

Աբովյանի բնակարաններից մեկում 62-ամյա տղամարդու դի է հայտնաբերվել

Ապրիլի 6-ին Մոսկվայից կազմակերպվող չարտերային թռիչքի ուղևորներն ընտրվել են ըստ առաջնահերթության

Ապրիլի 4-ին Արցախում աճել է ադամաթզի, սոխ գինը, անկել՝ վարունգի, բենզինի, կիտրոնի, լոլիկի և այլ ապրանքների գները

ՀՀ ՊՆ պարզաբանումը լրատվամիջոցներում հրապարակված բաց նամակի կապակցությամբ

Երևանում բետոնե պատշգամբ է փլուզվել

Մեր «մշտական կորոնավիրուսը»

«Աղավնո», «Խարխափուտ», «Խնձորեսկ» բժշկասանիտարական հսկիչ կետերում ջերմաչափվում են Արցախ մեկնող բոլոր քաղաքացիները

Մոսկվա-Երևան չարտերային թռիչքի ապրիլի 6-ի տոմսերը սպառված են. երկրորդ թռիչքի անհրաժեշտություն կա

Ապրիլի 6-ին, ժամը 18.30-ից Նիկոլ Փաշինյանը ֆեյսբուքի իր էջի ուղիղ եթերում կպատասխանի քաղաքացիների հարցերին

Վթարի ենթարկված շտապօգնության մեքենայում կորոնավիրուսով հիվանդ 3 պացիենտ է գտնվել. Ալինա Նիկողոսյան

2017թ-ից հետախուզման մեջ գտնվող տղամարդը ներկայացել է ոստիկանության Արաբկիրի բաժին

ԱԻՆ-ը Երևանում 49 սուպերմարկետ և 128 հանրային տարածք է վարակազերծել

Կենտրոն համայնքում քամին ծառեր է տապալել

Հայաստանում կորոնավիրուսով վարակվածներից 500-ը բուժման կարիք չունի, նրանք նաև ջերմություն չունեն. Նիկոլ Փաշինյան