Պետք է Հրանուշ Հակոբյա՞նը դիմեր «Արի տուն» ծրագրով․ եթե նախաքննական մարմինը ասում է՝ պիտի գաք, ուրեմն պիտի գան․ Քոչարյան

Մարտիմեկյան իրադարձություններից հետո խնդիր էր դրված կեղծիքների միջոցով այդ դեպքերին բանակի մասնակցության վերաբերյալ Փաստահավաք խմբի կասկածները հնարավորինս հեռացնել: Պարզվում է՝ կեղծիքների ճարտարապետը եղել է նախագահականում նստած Գեւորգ Կոստանյանը։ Այս մասին այսօր ԱԺ-ում «Հայկական ժամանակ»-ի հարցին ի պատասխան՝ ասաց Պաշտպանության եւ անվտանգության հարցերի հանձնաժողովի նախագահ Անդրանիկ Քոչարյանը՝ անդրադառնալով Կոստանյանին առաջադրված մեղադրանքին։

Երկու օր առաջ Կոստանյանը Մարտի 1-ի գործով ներգրավվել էր որպես մեղադրյալ: Հատուկ քննչական ծառայությունը նրան 48 ժամ էր առաջարկել՝ վարույթն իրականացնող մարմին ներկայանալու եւ մեղադրանք առաջադրելու համար: Ծառայության մամուլի խոսնակ Մարինա Օհանջանյանն այսօր ՀԺ-ի հարցին ի պատասխան՝ տեղեկացրեց, որ Կոստանյանի նկատմամբ հետախուզում է հայտարարվել։ ՀՔԾ-ն, սակայն, առ այսօր չի տեղեկացրել, թե վերջինս ՀՀ Քրեական օրենսգրքի որ հոդվածներով է ներգրավվել որպես մեղադրյալ:

Անդրանիկ Քոչարյանը մեր զրույցում ասաց, որ Կոստանյանն ի վերջո պետք է գիտակցի, որ զբաղեցրել է Գլխավոր դատախազի պաշտոնը, եւ եթե նախաքննական մարմինն ասում է՝ պետք է գա, ապա իր խնդիրն է՝ կարող է 8 ժամում գալ, ոտքով գալ, սակայն պարտադիր ներկայանալ։

«Եթե չգա, ի՞նչ է նշանակում, ինչ-որ մարդիկ, որոնք կատարել են քաղաքական պատվեր, բոլորը դատապարտված են փախչել ՀՀ-ից՝ դրանով արժեզրկելով թե՛ իրենց պաշտոնավարման տարիները, թե՛ իրենց, թե՛ իրենց անվան հետ կապված մարդկանց ճակատագիրը»,- ասաց պատգամավորը՝ նշելով, որ Գեւորգ Կոստանյանը, Մարտի 1-ի գործով քննչական խմբի նախկին ղեկավար Վահագն Հարությունյանը, ՊՆ նախկին նախարար Միքայել Հարությունյանը պետք է գիտակցեն, որ անընդհատ փախուստով խնդիր չի լուծվում, այլ լուծվում է Հայաստան վերադարձով․

«Ի՞նչ է, պիտի Հրանուշ Հակոբյա՞նը դիմեր «Արի տուն» ծրագրով։ Եթե նախաքննական մարմինը ասում է՝ պետք է գաք, ուրեմն դա օրենքի պահանջն է, բոլորը պետք է գան։ Խուսափելը նշանակում է լինել հանցագործ։ Հույսը դնում են երկնքից ընկնող խնձորների վրա, որոնք էդպես էլ չեն ընկնում»։

Անդրադառնալով նախկին ոստիկանապետ Ալիկ Սարգսյանին առաջադրված մեղադրանքում տեղ գտած այն դրվագին, որ Գեւորգ Կոստանյանը մարտիմեկյան իրադարձություններից հետո ոստիկանությունում տեղի ունեցած խորհրդակցության մասնակիցներին է ներկայացրել 25 կետից բաղկացած մի հարցաշար, որի հիմքով պետք է հետին ամսաթվերով կազմվեին մարտի 1-2-ին ոստիկանության կողմից կատարված գործողությունների իրավաչափությունը հիմնավորող փաստաթղթեր՝ Անդրանիկ Քոչարյանը հիշատակեց նաեւ ՀՀ ոստիկանության զորքերի օպերատիվ բաժնի պետ գնդապետ Արթուր Դաստակովի անունը (հարցաքննվել է Փաստահավաք խմբում,- հեղ․)․

«Խեղճ Դաստակովին այդ վիճակին հասցրել էր Գեւորգ Կոստանյանը, պարզվում է՝ ավտոմատներ են բաժանել եւ այլն»,- ասաց Քոչարյանը։

Հիշեցնենք, որ Արթուր Դաստակովը, տարիներ առաջ պատասխանելով Մարտի 1-ի իրադարձություններն ուսումնասիրող Փաստահավաք խմբի անդամների հարցերին, նշել է, որ 2008-ի փետրվարի 25-ին իր ղեկավարությամբ խումբ է ստեղծվել, որի կազմում ընդգրկված են եղել ոստիկանության զորքերի յոթ զինծառայող եւ 11 հոգի՝ ոստիկանության տարբեր ստորաբաժանումներից։

Խումբը, Դաստակովի խոսքով, «գործուղվել» է ոստիկանության զորքերի թիվ 1033 զորամաս եւ գործել մինչեւ 2008-ի մարտի 2-ը։ Իր ղեկավարած խմբի ստեղծման պատճառն ինքը Դաստակովը ձեւակերպել է հետեւյալ կերպ. «Մեր զինվորները փետրվարի 22-ից կաշկանդված էին ծառայություն տանում, եւ մենք պետք է հետեւեինք, թե նրանք ինչպես են ծառայություն իրականացնում»։

Ըստ Դաստակովի՝ 2008 թ. փետրվարի 29-ի լույս մարտի 1-ի գիշերը՝ ժամը 4-ի սահմաններում, ՈԶ 1033 զորամասի հրամանատար Արսեն Գալստյանը իրեն հրահանգել է՝ իր խմբի հետ միասին լինել զորամասում. «Գնդապետ Արսեն Գալստյանը զանգահարեց եւ ասաց՝ տղեքիդ հավաքի արի, գործ կա»,- պատմել է Դաստակովը։ Զորամասում խմբի անդամներին, որոնք ոստիկանի համազգեստով են եղել, հրահանգվել է փոխել իրենց հանդերձանքը եւ հագնել զինվորական՝ առանց տարբերանշանների կամուֆլյաժներ։ Դաստակովը չի հստակեցրել, թե որն է եղել ոստիկաններին առանց տարբերանշանի կամուֆլյաժներով հանդերձավորելու նպատակը։

Զորամասից դուրս գալուց հետո Դաստակովի խումբը նախ տեղակայվել է Տերյան-Սայաթ Նովա փողոցների խաչմերուկում։ Այնուհետեւ խումբը տեղափոխվել է Շահումյանի հրապարակ եւ տեղակայվել ՀՀ գլխավոր դատախազության շենքի դիմացի մասում։ Այնուհետեւ, ըստ Արթուր Դաստակովի, իրեն հրահանգել են իր խմբի անդամներին զենք բաժանել եւ տեղափոխել ՀՀ կառավարության շենքի մոտ։

Նրա խոսքերով՝ մարտի 1-ին՝ ժամը 13:00-ից 13:30-ի սահմաններում, իր տասնութ հոգանոց խմբի անդամները ոտքով բարձրացել են դեպի կառավարության շենք։ «Տղաները ոտքով բարձրացան դեպի կառավարության շենք, իսկ ես իմ ծառայողական ավտոմեքենայով գնացել եմ 1033 զորամաս՝ զենքերը բերելու»,- պատմել է ՈԶ գնդապետ Դաստակովը։

Փաստահավաք խմբի անդամները նրանից հետաքրքրվել են, թե արդյոք իրենք ճիշտ են հասկացել նրա ասածը, որ նա խմբի մնացած անդամների փոխարեն զենքեր է ստացել։ «Ավտոմատները ես եմ ստացել եւ իմ ծառայողական ավտոմեքենայով տարել եմ կառավարության շենքի մոտ եւ բաժանել»,- պարզաբանել է Արթուր Դաստակովը։

Նա նաեւ հաստատել է, որ օրենքով նախատեսված կարգով որեւէ կերպ չի գրանցվել, թե ում որ ինքնաձիգն է տրվել։ Հետեւաբար, այդ զենքերով կատարված սպանությունները ոչ ոք չի կարող նույնականացնել, քանի որ նույնականացնելու համար անհրաժեշտ է նախ իմանալ, թե տվյալ համարի զենքը կոնկրետ ում է ամրակցված, եւ ով է այն օգտագործել։ Իսկ Դաստակովի ներկայացրած տարբերակով՝ նրա խմբի անդամներին գործնականում իրավունք է տրված եղել անարգել սպանել, քանի որ նրանց զինվելու փաստը որեւէ կերպ չի արձանագրվել։

Նա նաեւ հստակեցրել է, որ ինքնաձիգներից յուրաքանչյուրի հետ տրվել է չորս պահունակ փամփուշտ (յուրաքանչյուրը՝ առնվազն 30 փամփուշտով)։ Իսկ հարցին, թե պահունակներում ի՞նչ փամփուշտներ են եղել, Դաստակովը, մի տեսակ զարմացած, պատասխանել է, թե՝ իհարկե՝ մարտական։ Ինքնաձիգները հանձնվել են հաջորդ օրը՝ մարտի 2-ի լուսաբացին, երբ, ըստ Դաստակովի, իր խմբին հրահանգվել է գնալ զորամաս, հանձնել զենքերը եւ համազգեստները ու գնալ տուն՝ հանգստանալու։ Զենքերի հանձնումը եւս որեւէ կերպ չի փաստաթղթավորվել։

Տպել
1502 դիտում

Մեղադրանք է առաջադրվել ոստիկանության ծառայողներին կաշառք տված քաղաքացիներին. քրգործերի նախաքննությունն ավարտվել է

Ազգային ժողովի Բաղրամյան պողոտայի մուտքն արդեն բաց է

Կյանքից հեռացել է անվանի վիրաբույժ Բաբկեն Նասիբյանը

50-ամյա տղամարդն ու որդին ծեծել են Հարկադիր ծառայության բաժանմունքի պետին ու դիմել փախուստի

«Քաղաքացիական պայամանագիր» խմբակցության պատգամավորները մեկնաբանում են երեկ ԱԺ-ում տեղի ունեցած միջադեպը

Արդյոք ԵՊՀ ռեկտորի պաշտոնում Հովհաննես Հովհաննիսյանից բացի այլ մարդ կառաջադրվի՞, թե՞ ոչ

Արաբկիրի փողոցներից մեկով կոյուղաջուր է հոսում. «Վեոլիա Ջրից» պնդում են՝ պատճառը բնակիչների անբարեխիղճ պահվածքն է

Տղամարդը 34-ամյա ընկերուհուն սպանել է՝ իմանալով այլ մարդու հետ կապի մասին. գործը դատական փուլ է հասել

Ներքաղաքական գզվռտոցի պատճառով երբևէ չենք բոյկոտել աշխատանքը դրսում, ամոթ ձեզ. Սամսոնյանը՝ ընդդիմադիր խմբակցություններին

Վերականգնվել են Ծովագյուղ-Շողակաթ-Վարդենիս ավտոճանապարհի երկու փլվածքները

Կալանք է դրվել Սեյրան Օհանյանի, նրա կնոջ, Սերժ Սարգսյանի թիկնազորի նախկին պետի և նրանց մերձավորների գույքի վրա

Մահացել է «Միություն ընդդեմ ցեղասպանության» կազմակերպության նախագահ Ալի Էրթեմը

Հաստատվել է ուսումնական հաստատություններին դասագրքերով ապահովելու կարգը

«Բուրգըրի»-ն կվերսկսի գործունեությունը. հանրային սննդի օբյեկտի ամբողջ տարածքը ենթարկվել է մանրակրկիտ ախտահանման

«Նաիրիտի» աշխատակիցները բողոքի ակցիա են իրականացնում Կառավարության դիմաց

Մեզ համար անսպասելի էր Բաքվի հայտարարությունը. Մհեր Գրիգորյանը ներկայացրել է եռակողմ խմբի աշխատանքների ընթացքը

ԱԺ-ն կողմ քվեարկեց ՀՀ ոստիկանության և ՌԴ ներքին գործերի նախարարության միջև տեղեկատվության փոխանակման մասին համաձայնագրին

ՀՀ տարածքում կան փակ ավտոճանապարհներ

Կորոնավիրուսի դեմ չպատվաստված կամ չթեստավորված աշխատողներն աշխատանքից կազատվեն. նախագիծը առաջին ընթերցմամբ ընդունվեց

Հայաստանում վերջին 1 օրում կորոնավիրուսի 410 նոր դեպք է հաստատվել, գրանցվել՝ 10 մահ

Հոնկոնգի համալսարանի հետազոտողները հրապարակել են կորոնավիրուսի «Օմիկրոն» շտամի մանրապատկերները (լուսանկար)

Արարատ Միրզոյանը կմեկնի Ֆրանսիա

36 ժամ ջուր չի լինելու Քանաքեռ-Զեյթուն և Արաբկիր վարչական շրջաններում

Այլ տարբերակ մենք չունենք, դա լինելու է ՌԴ խաղաղապահ առաքելության շրջանակներում. ԱՀ նախագահը՝ անվտանգության մասին

Վերսկսել աշխատանքները, խուսափել սադրանքներից. ԵԱՀԿ ՄԽ համանախագահները հանդես են եկել Ղարաբաղի վերաբերյալ հայտարարությամբ

Հայաստանում մինչև տարեվերջ նախատեսվում է հիմնել ԱԹՍ կրթական լաբորատորիաներ. Սեդրակ Վարդանյան

Հաագայի դատարանը բավարարել է Հայաստանի գրեթե բոլոր պահանջները և մերժել Ադրբեջանի պահանջների մեծ մասը․ Եղիշե Կիրակոսյան

Նիկոլ Փաշինյանի որոշմամբ՝ պատվիրակություն է գործուղվում Փարիզ

Խոսել են անհանգստացնող բոլոր հարցերի մասին. Պուտինի ու Բայդենի հանդիպումը տևել է 2 ժամ

Էրդողանի այցի ընթացքում Թուրքիայի և Կատարի միջև 15 փաստաթուղթ է ստորագրվել

Հայաստանի 7 մարզերի և Երևանի մի մասում մի քանի ժամով հոսանքազրկում է սպասվում

Հրդեհ Լոռու մարզի Դսեղ գյուղում. այրվել են անասնագոմն ու ներսում կուտակված անասնակերը

Ես ալ շվի կածեի, շվին մնաց ավերակների տակ. լիբանանահայ երաժիշտը փնտրում է գյումրեցուն, ում տարիներ առաջ սրինգ է նվիրել

Գնել Սանոսյանը մասնակցել է ԱՄՆ տնտեսական քարտուղարության կազմակերպած «Կանաչ էներգիայի Հարավային Կովկասի ֆորում»-ին

Լիանա Սիմոնյանն ազատվել է Ազգային ժողովի նախագահի օգնականի պաշտոնից եւ նշանակվել խորհրդական

Մխիթար Զաքարյանի գործը քննող դատավորը նրա մտերիմ ընկերն է. վերջիններիս կապը բացահայտվելուց հետո նա ինքնաբացարկ է հայտնել

Իսպանական հեղինակավոր թերթը լավագույն զբոսաշրջային ուղղություններում ներառել է Հայաստանը

Զորամասերից մեկում անցկացվել են անվտանգության կանոնների պահպանման պարապմունքներ

ԱԺ-ն հյուրընկալել է Հայաստանի մարզերի, սահմանամերձ գյուղերի երեխաներին

ՊՎԾ-ն Երեւանի քաղաքապետարանում շինթույլտվությունների վերաբերյալ տարաբնույթ խախտումներ է հայտնաբերել