Ես պատրաստ կլինեմ հանդիպել ֆակուլտետի հետ մի պայմանով, եթե լինի խոսքի ընդհատում, թողնենք դուրս գանք. Գեղամ Գեւորգյան  

Երեւանի պետական համալսարանի ռեկտորի պաշտոնակատար Գեղամ Գեւորգյանն այսօր հանդիպել է իր աշխատասենյակի մոտ բողոքի ակցիա իրականացնող ուսանողների հետ: Նա, տեսնելով հավաքված երիտասարդներին, նախ հարցրել է, թե ինչու են այստեղ. չէ՞ որ արդեն ստացել են իրենց դիմում-նամակի պատասխանը, սակայն ուսանողները նշել են, որ այդ նամակն իրենց չի բավարարել:

«Դուք ցանկանում եք այնքան հանդիպել, մինչեւ ստանաք ձեզ հուզող պատասխանները, այդպես չի լինում»,- նշել է Գեւորգյանը՝ հավելելով, որ ԵՊՀ կանոնադրությունում գրված է, կարող են բացել եւ կարդալ, այնտեղ հստակ ձեւաչափ կա, թե երբ կարելի է Գիտական խորհրդի նիստ հրավիրել:

Այն հարցին, թե ինչ դիրքորոշում ունի առաջարկվող «Բարձրագույն կրթության եւ գիտության» մասին օրենքի նախագծի այն դրույթի վերաբերյալ, որ «հայոց լեզու», «հայոց պատմություն», «հայ գրականություն» առարկաները կարող են պարտադիր չլինել, ռեկտորի պաշտոնակատարը պատասխանել է.

«Բուհում չի կարելի որեւէ առարկա օրենքի ուժով պարտադրել որեւէ մեկին»,- ընդգծել է Գեւորգյանը՝ հավելելով, որ, իր կարծիքով, պարտադրանքը հանելու դեպքում համալսարանի ֆակուլտետների մեծամասնությունն անպայման կանցնի նշված առարկաները:

Ուսանողներն ու դասախոսները թեեւ իրենց կարծիքն արտահայտելու իրավունք ունեն, սակայն, Գեւորգյանի կարծիքով, դասախոսները ոչ թե պետք է ասեն, որ միանում են բողոքի ակցիա իրականացնողներին, այլ հստակ ընդգծեն իրենց հակափաստարկները. միգուցե դրանք այնքան ընդունելի լինեն, որ հաշվի առնվեն, իսկ այսօր այստեղ հավաքված երիտասարդները եկել, պարտադրում են իրեն, որ Գիտական խորհրդի նիստ հրավիրվի:

Ուսանողների այն պնդմանը, թե իրենք ընդամենը խնդրում են, Գեւորգյանն ընդգծել է, որ մերժելու դեպքում շարունակ կրկնելը պարտադրանք է դառնում:

«Ես գործում եմ օրենքի շրջանակներում, կարող եմ  գիտական խորհրդի նիստ չհրավիրել, եթե նպատակահարմար չեմ գտնում»,- իր խոսքում նշել է Գեւորգյանը:  

Ուսանողների այն հարցին, թե ինչու նա այդպես էլ չասաց իր կարծիքը՝ Կրթության, գիտության, մշակույթի եւ սպորտի նախարար Արայիկ Հարությունյանի պահվածքի հետ կապված, որը, ըստ նրանց, դրսեւորվել էր ԵՊՀ հայ բանասիրության եւ պատմության ֆակուլտետների դասախոսական կազմի հետ հանդիպման ժամանակ, քանի որ այնտեղ հավաքված պրոֆեսորներն ավելի մեծ փորձ ունեն, քան նախարարը, ռեկտորը հակադարձել է՝ այս պահին ուսանողներն իր հետ ժամերով քննարկում են մի բան, ինչից նա ավելի տեղյակ է, քան բողոքի ակցիայի մասնակիցները:

Երիտասարդները մի քանի անգամ շեշտել են՝ ցանկանում են հանդիպել ռեկտորի պաշտոնակատարի հետ, որպեսզի ավելի մանրամասն քննարկեն հարցը, ոչ թե այսպես՝ ոտքի վրա:

«Ես պատրաստ կլինեմ հանդիպել ֆակուլտետի հետ մի պայմանով, եթե լինի խոսքի ընդհատում, թողնենք դուրս գանք»,- նշել է Գեւորգյանը՝ հավելելով, որ այժմ ավելին չի կարող ասել, շտապում է:

Թե երբ կլինի ռեկտորի պաշտոնակատարի եւ բողոքի ակցիա իրականացնող մասնակիցների հետ հանդիպումը, կպայմանավորվեն վաղը:

Հիշեցնենք, որ ԵՊՀ ուսանողները երեկվանից վերսկսել են դասադուլները, նրանք իրենց բողոքի ակցիան տեղափոխել են բուհի ռեկտորի պաշտոնակատարի աշխատասենյակի առաջ, պահանջում են, որ Գեւորգյանն ընդունի իրենց եւ պատասխանի հուզող հարցերին:

Ուսանողները դեռ օրեր առաջ Գեղամ Գեւորգյանին եւ ԵՊՀ գիտական խորհրդի անդամներին փոխանցել էին իրենց դիմում-նամակները, նրանք ակնկալում էին ռեկտորի եւ գիտխորհրդի արձագանքը, դիրքորոշումը՝ պրոֆեսորադասախոսական կազմի հետ կայացած հանդիպման ընթացքում ԿԳՄՍ նախարար Արայիկ Հարությունյանի պահվածքի հետ կապված եւ կոչ անում գիտական խորհրդի նիստ հրավիրել «հայոց լեզու», «հայոց պատմություն» առարկաները պարտադիրից հանելու վերաբերյալ:

Անի Ավագյան

Տպել
877 դիտում

Իքս մարդը բարեգործություն է արել, որի գովազդային գինը կպանահջեր ավելի մեծ գումար․ Նիկոլ Փաշինյան

3 օր առաջ իմ աչքերով տեսել եմ ռազմաարդյունաբերական համալիրի մի նմուշ, որին մի քիչ հեշտ չէր հավատալ․ Նիկոլ Փաշինյան

Հայաստանյան գրանցումով ինքնաթիռներն Աֆրիկայում ներգրավված են եղել ապօրինի գործունեության, զենքի վաճառքի մեջ. վարչապետ

Օժանդակություն ստանալու համար կինը մարտի 30-ի դրությամբ պետք է լինի առնվազն 12, առավելագույնը 34 շաբաթական հղի

Բոլորը սկսել են հավատալ, որ իմբիրը կորոնավիրուսի պատվաստանյութ է, դրա համար էլ անվերահսկելիորեն թանկացել է․ վարչապետ

Դա ինձ համար կլինի բարոյական ավարտ. Փաշինյանը՝ նախկին իշխանություններին նմանվելու, նրանց թալանածը հետ բերելու մասին

Տիգրան Համասյանի «ոչՊաշտոնական» համերգը Լոս Անջելեսից. Կառավարության ուղիղ եթերում

Ճամբարակում այս տարի կրկնակի կավելանա գարնանացանը

Տնտեսական փլուզումները բացելու են հնարավորություններ․ Նիկոլ Փաշինյան

Ապրիլյանի հանձնաժողով են հրավիրվել Յուրի Խաչատուրովն ու Սերժ Սարգսյանը. դա կլինի աշխատանքների կուլմինացիան

Ես չեմ ասում՝ Արցախի ընտրությունները կատարյալ են եղել. Փաշինյանը պատասխանեց հարցին՝ ինչո՞ւ է աչք փակում կեղծիքների վրա

Աննախադեպ իրավիճակը թելադրեց շտապ լուծումներ գտնել. դատավորը՝ էլեկտրոնային դատավարության մասին

Գործատուի կողմից տրամադրվող տեղեկանքը ենթարկվել է որոշակի փոփոխությունների. պարետի որոշումը

Արցախում ՀՀ-ից ժամանած երկու քաղաքացիներ են մեկուսացվել. նրանց թեստերի պատասխանները կստացվեն վաղը

Մոտ 550 հազար դոլարի ներդրում ենք արել՝ Հայաստանում թեստերի տեղական արտադրություն ունենալու համար․ ՀՀ վարչապետ

Մասնագիտական պատրաստության պարապմունք է անցկացվել 3-րդ զորամիավորումում. ՊՆ

Կրակոցներ Երևանում. մոտ 40 տարեկան տղամարդը հրազենային վնասվածքներով հիվանդանոցում է

Եթե պարգեւավճարներն ուղղվեին թոշակների բարձրացմանը՝ դրանք կբարձրանային 165 դրամով. վարչապետը հաշվարկ ներկայացրեց

Եթե բոլորին տանք օգնություն, կնշանակի, որ ռեսուրսը օգտագործում ենք նաեւ նրանց համար, որոնք դրա կարիքը չունեն․ վարչապետ

Արմավիրում գյուղատնտեսական աշխատանքներն ակտիվորեն շարունակվում են